الكاروري: الناس سيتركون ختان الإناث كما تركوا (الشلوخ)
الخرطوم ــ متوكل أبوسن
تمسّك الشيخ “عبد الجليل النذير الكاروري” بموقفه الرافض لختان الإناث، مشيراً إلى أنه لم يثبت عن الرسول صلى الله عليه وسلم أنه ختن بناته أو أمر بختان الإناث، لافتاً إلى أن حديث (الفطرة) لا يشمل المرأة في قص الشارب ولا عندها غلفة تقطع. ونبه إلى أن المتمسكين بختان الإناث متمسكون بتقليد لا دين، وأن هناك فرقاً بين التقليد والدين.
وقال “الكاروري”- إن الرسول (ص) لو أنه ترك هذه السنة لأقامها أهل المدينة، وختان الإناث غير موجود فى المدينة، ولا السعودية ولا الإمارات وغير موجود فى كل بلاد العرب، لافتاً الى أنه غير موجود بأي درجة كانت، موضحاً أن الختان فقط للأولاد. وأكد أن الناس كما تركوا الشلوخ سيتركون ختان الإناث. وأشار إلى أن المعامل أثبتت أن ختان الذكور مفيد ويمنع السرطان و(الإيدز)، وأن ختان الإناث مدعاة للأمراض والميكروبات ، وقال: (نخلي الناس يختاروا، والتقاليد لا تترك بالأوامر وإنما بالنصح) .
المجهر
ياجماعة الزول لسه معلق في ختان البنات ؟؟
يلف ويدور ويجي تاااااني ختان ختان ختان
يعني خلاص مافي مشاكل غير ختان الاناث ؟؟؟
اللهم لا إعتراض في حكمك
ووالله الهدف من هذه الرجه كلها دايرين تقلدو الخليجيين بس مثل ماغيرتم الزمن وجريتوه ساعه عشان يتفق مع زمن الخليج … وغيرتم أسم العمله من جنيه الى دينار عشان تبقو عرب وأخيرا دايرين تخلو المرأة غلفاء مثل نساءهم ……. جارين وراء العرب وهم مافيهم أمل خالص يعترفو بعروبة السودان .. تعبانين ساى
مافي شغله غير ختان الاناث خلاص يعني مشاكل البلد اتحلت ياخي بلد يحكمه ناس جاهله ما تفهم في اي شئ الناس جيعانه وعينه طالعه ويجي يقول ليك ختان وجنس الاهي لا يجعل فيكم بركة يا حكومة السجم والرماد
ياشيخنا كلامك ده على العين والراس لكن ناسك ديل (بنى جعل) يعنى كدى بصراحه اهلك الجعلين تحرى
لى الواحد برضى يقولوا ليها (ياود الغلفاء) يعنى ده مجرد سعال بس ماتزعلوا يااخوانا السعال مافيه شى علا استفسارا بس
يعنى خلاص حليتو مشكلة الرباوالقروض بقيتو فى فرج النسوان سبحان الله مالكم كيف تحكمون يا كيزان
اول مره فى حياتى احترم رأيك ياشيخ الكارورى جزاك الله خيرابالفعل كل البلاد التى ذكرتها دى ماموجود فيها ولا حتى يعرفوه-الا فى سودان الجن دا-خلوا البنات بلا تشويه يرحمكم الله.
الختان موجود من زمن الرسول
حدثنا وكيع عن عبد الله بن أبي زياد عن عطاء عن عائشة قالت إذا جاوز الختان الختان فقد وجب الغسل فقد كان ذلك يكون مني ومن النبي صلى الله عليه وسلم فنغتسل .
أجي أجي أجي ؟؟ هسي في ذمتك ده موضوع تكتب عنوا؟؟ في اولويات كتيييييييييرة مفروض تتكلم فيها
الناس البتتفاصح وبتقول ان الموضوع مامهم . شكلكم ماشفتو معاناة 70 % من نساء السودان كل شهر وعند الولاده وكل يوم عند اقامة العلاقه الجنسيه . بطلوا زناخة مخ وشوفوا راى الاطباء فى القصه دى .الاطباء المنصفين وليس اطباء المحايات والعلاج بعشب كوشير وماعارف شنو داك .ختان الاناث ترفضه الفطره السليمه والعقل السليم ولم يامر به دين .انما تم الصاقه بالدين باحاديث هزيله وضعيفه . كفاية تخلف ورجوع الى الوراء
يا ناس اسكتوا وانتبهوا الفشاخ يريد ان يتكلم –
اول من قام بهذا الفعل هم فراعنة السودان قبل اكثر من سبعة الاف سنة – قبل اكثر من سبعة الاف سنة سيطر فراعنة السودان ( الحالي ) على مصر ( الحالية ) ونقلوا معهم ثقافتهم الى الارض التي حكموها ومن بينها عادة ختان الاناث لذلك لا نجد هذه العادة الا في مصر او السودان – اما البلدان الاخرى التي نجد بها هذه العادة مثل موريتانيا او جزء من الصومال فهي بعامل التاثير والاعجاب بهذه الثقافة شانها شان الثوب السزداني في هذه البلدان – كنا امة تثير اعجاب الامم اما الان فاصبحنا امة تضحك من هبلها الامم – وظني انها عادة وليست سنة – واسمعوا الكلام – احسن ليكم تسمعوا الكلام واحذركم من اكل مال الحرام – وديني سمعتوا الكلام سمعتوا ما سمعتوا افشخكم كلكم – احذركم