جهاز أمن البشير يعتدي على طلاب جامعة كردفان

بعد شوية ناس الامن ديل حيحسبوا علينا عدد الشهيق والزفير وبناكل كم لقمة وبنشرب كم جرعة موية من الملوثة بمياه الصرف الكلام ده ذكرنى بفصيح من شفع الحى يتميز بتعليقات بالنسبة له كطفل ماشاء الله مميزة كانوا فى سنة من سنوات اجازتى متجمعين فى مسطبة بيتنا يلعبوا بلى والطقاش بتاعهم اوبلياتهم كل مرة تتدحرج تدخل بتحت الباب ويدقوا الباب واقوم وافتح ويدخلوا يرجعوها وتكررت الحكاية قلت ليهم تانى كان دخلت البلية دى بالله الشافع ما خلانى اتمها نط لى اها حتعملى لينا شنو حتسلمينا لناس الامن ؟؟؟ رديت عليه هم ناس الامن فاضين ليكم ؟ ماعندهم شغلة ؟ والله الشافع رد على هو البسووا فيه ده ما عدم شغلة ؟؟ نظرت له بدهشة قرب منى قريب قال فلانة بت ناس فلان شغالة مع ناس الامن وانا قصدتها مخصوص صديقى ده مشروع بطل فى احداث سبتمبر قالوا لى اهو داك صديقك شايل ليه عكاز اكبر منه وقاعد فى عتبة ناس فلانة بت ناس فلان وقال الليلة حياة حياة موت موت كان عمره اقل من سبع سنين اها هسع بتاعين الامن ديل ماعديمين شغلة اتركوا الطلاب يكونوا تنظيماتهم ويتكلموا زى ما عايزين ما فى كلام كتلوا رئيس ولا شنو ؟؟؟؟؟؟؟