الداخلية السودانية: لدينا أدلة تثبت تورط “جوبا” في دعم المتمردين
د.ب.أ
كشف وزير الداخلية السوداني عصمت عبد الرحمن، أمس الإثنين، عن امتلاك السودان أدلة قوية تثبت استمرار تورط حكومة جنوب السودان فى دعم الحركات المسلحة المتمردة والجيش الشعبي، مؤكدا قدرة بلاده على حماية أراضيه من أي استهداف خارجي.
وطالب عصمت لدى مخاطبته قوات الشرطة بحاضرة جنوب كردفان كادقلي، حكومة جنوب السودان بعدم إيواء أو دعم الحركات المتمردة، بحسب شبكة”الشروق” الإخبارية السودانية.
وجدد دعوة الخرطوم لجوبا بتنفيذ اتفاقيات التعاون الموقعة بين الطرفين عام 2012 وأهمها ترسيم الحدود وتحديد الخط الصفري، معربًا عن استعداد السودان لتنفيذ الاتفاق حالة اتخاذ جوبا خطوة جادة بذات الخصوص.
وأكد وزير الداخلية تنسيق الأدوار بين مختلف أجهزة الدولة وتكاملها لإخراج ولاية جنوب كردفان من أزمة التمرد، واصفا الأوضاع بأنها أصبحت أكثر أمنًا بعد العمليات التى نفذتها القوات المسلحة والتى يجرى التخطيط لها.
كان الجيش الشعبي التابع للحركة الشعبية – قطاع الشمال قد بدأت فى شن عمليات عسكرية ضد القوات الحكومية السودانية فى يونيو عام 2011، في ولايتي جنوب كردفان والنيل الأزرق.
وتجرى الحكومة السودانية والحركة الشعبية مفاوضات برعاية الوسيط الأفريقي ثابو مبيكى فى العاصمة الأثيوبية أديس أبابا منذ أبريل عام 2013 بهدف إيقاف القتال بينهما فى الولايتين غير أن المفاوضات لم تحرز أى تقدم حتى الآن.
ياوزير داخلية الهناء .. رئيسك يكورك ما حنفرط فى شبر ( واحد ) من ارضنا ووزير دفاعك يكورك ﻻمن ﻻمواخذه يرش الناس بى ريالتو انو بس الراجل يقرب على حدودنا واسع انت كمان تسوى قادرين تب نحمى حدودنا والمصيبه انو البلد محتله من جميع حدودها راجل فيكم مشى عليها عشان يبعد الاجانب المحتلين ديل مافى … !! انتو دايرين تحكموا الناس باﻻستهبال ولﻻانتو مجانين ولﻻ انتو ( استغفرالله … استغفرالله ) والله العظيم غايتو
ما عارفين انتو اصلكم شنو وجايين من وين …!! وهل انتو بشر زي الناس ولﻻ عينه جديده ..!!
غايتو حيرتونا ..!! بس نقول الله ﻻبارك فيك يا الترابى وﻻمد فى ايامك .
الحلبى السكران ده وزير داخلية تركيا ولا شنو يا جماعة الراكوبة.
دولة السودان يحاول اخفاء دعمه لحركة رياك مشار المتمردة، جنوب هو المفترض ان تتكلم عن ايواء السودان قوات المتمرد رياك مشار الذي يتواجدون في الاراضي السودانية وخاصة في ولاية النيل الابيض و النيل الازرق وجنوب كردفان. جنوب السودان هو المحتاج دعم في هذا الفترة وليس له قدرة كي يدعم ، الان عناصر المتمرد رياك مشار يتواجدون في الخرطوم الان بعلم حكومة الخرطوم. اليس الخرطوم لتمرد رياك كي يزعزع امن جنوب السودان؟
مؤكدا قدرة بلاده على حماية أراضيه من أي استهداف خارجي
===================================================
هههههههههههههههه….طيب يا سعادة ايه رأيك في حلايب وشلاتتين والفشقة؟؟؟
والشئ الثاني ما عرفناك انت وزير دفاع ولا وزير خارجية ولا وزير داخلية؟؟!!!
حماية بالنظر ولا شنو يا حبيبنا والله كلام غريب في بلد اغرب من غريب
الله يرحمك يا الازهري ويانميري
ديل زبالة المؤتمر الوطنى هزيمة نكراء على مليشيات المؤتمر الوثنى على ما يسمى صيفهم الفاشل
نظام الخطوط المتداخلة ّ – المطالبة بتنفيذ الاتفاقيات المبرمة مع الدول وحماية الحدود دى مهام وزيرى الخارجية و الدفاع وليست من مهام وزير الداخلية الذى يكون مشكور لو حفظ شوارعنا من العنف الداخلى ومن تجار المخدرات ولكن الخطوط تداخلت واصبح كله عند العرب صابون كما يقول المثل
مسكين ياشعب ويابلد . لقد طال بالسائرين المشوار!
على حمد ابراهيم
الحكومة تحب الأزمات تجد مخرجا لها الضيق والحصار الداخلي والخارجي عبر منافذ أزمات تفتعلها… الآن كل أقطاب الحزب الحاكم يسعون وراء حرب ضد الجنوب تصريحات المسئولين تدل على ذلك..
أنا عندي سؤال الزول دا سوداني … والله يشبه الأتراك ..
أنشاء المرة دي جيت كداري المرة الفاتت طلعت منها الناس خلاص دمها فائر
(امتلاك السودان أدلة قوية تثبت استمرار تورط حكومة جنوب السودان)
من المسئول عن السياسة الخارجية وزير الداخلية ام رئيس جهاز الامن فى جمهورية البطيخ؟
اذا كانت لديكم ادلة فاذهبو بها مباشرة الى حكومة الجنوب وضعوا النقاط فوق الحروف فمكانها ليس فى اجهزة الاعلام وندى القلعة لم تجد صعوبة فى التواصل مع اخوتنا فى الجنوب الحبيب فما الذى يمنعكم؟
سئمنا من الحروب العبثية والتي لن نحصد منها الا الدمار والخراب مع حكومة تدار بعقلية العصابات والبلطجية
يا ناس الفتنه , سعيكم الحثيث من اجل اشعال فتيل الحرب مع الجنوب لم يجدى نفعا و لن يخرجكم من ازماتكم الداخليه و الخارجيه على الاطلاق بل ستزيد الطينه عليكم بلة .. اتركوا التفكير القوقائى و ادخلوا فى صلب الازمات و بشجاعه و حلوها حلا يرضى الجميع حتى و ان اقتضى الامر بذهابكم فأرواح الناس اولى بان تصان .. و كفى حربا و كفى فتنه .. يكفى ان اهل الراكوبه يتذكرون تماما بنود اجتماعاتكم السريه المسربه السابقه و يتذكرون تماما ما خططم من اجل اشعال الفتنه فى الجنوب ثم الحرب من اجل طمس الحقائق و تمرير مساربكم الضيقه .
ما رايك في حلائب لا هي ما هي ارض سودانية
دا كﻻم هضربة.. الناس ديل أكان مﻻحظين ملخبطين واي واحد يتكلم في اختصاص التاني ..يعني لو قامت حرب ح يحارب بالشرطة وﻻ شنو؟
رأيك شنو في حلايب وشلاتين وأبو رماد وهدربة وأبو عمامة يا مصقوع.
يا ناس الراكوبة انجدونا وفهمونا شايفة الحكومة كلها تدلى بالبيانات فى موضوع واحد من اختصاص جهة واحدة وزير الخارجية يصرح وزير العدل يصرح وزير الداخلية يصرح وزير الجنجويد يصرح وزير الجداد وزير الامن يصرح وزير الطيارات يصرح وزير القروش يصرح وزير الماعندو وزارة يصرح كلهم يصرحوا فى حاجة وااااحدة وهى بتخص الجيش وريس الجيش ودفاع السودان الما عندو وجيع حسب الفهم وزارة الداخلية دى مسؤولة عن امن السودان الداخلى ما بشتغلوا الا لما تكون فى مظاهرات الحرامية يسرحوا ويمرحوا المخدرات على قفا من يشيل تهريب البشر وغير البشر حتى القرود ما ريحوها لمصر هربوها الخطف مقابل الفدية والا الموت الزؤام خروج الساقطات على عينك يا وزارة الداخلية الى دبى وعدد من محطات ممارسة الرذيلة و يطرشنا ما سمعنا ويعمينا ما قرينا تصريح بجملة واحدة من وزارتنا الداخلية لكن نسمع بتهديد جوبا للسودان واستعدادهم للدفاع عنها اجى ؟ وين وزيركم صاحب الدفاع النظرى وين صوارمى الموضوع اصبح يبدو لى زى صينية الاكل فى الزمن السمح طبايخ ومفروكة ومحشى او كفتة وسلطات وما لذ وطاب يجى واحد خمجان يقلب كل محتويات الصحانة فى الصينية وهاك يا عجن بالكسرة جوطة ولخبطة زى حكومتنا دى بالله يا اهل الراكوبة بالراحة كدة فهمونى صلاحية وزارة الداخلية فى حماية الوطن من عدوان خارجى سلفاكيرى وان كان لا زال مرتبط بالجيش نسميها رضينا اصلوا الولف كتال
شكلهم ضموا سلاح الطيران لى وزارة الداخليه
ناس اردوغان لغوا وزارة الدفاع ولا شنو !!!
برضو احسن زيادة مصاريف ساكت وهى اصلا ما عامله اى شئ كلو بالنظر