وزير خارجية دولة جنوب السودان برنابا بنجامين يلتقي والدة «البشير»

يا برنابا كان تقول للرقاص انا عايز وداد تجى تقعد جنبى كمان زى حاجة هدية انا ممكن اشوف ليها بزنس فى جوبا .

لقطة إنسانية رائعة تعبر عن مدي إحترام الرئيس البشير لقيادة وشعب دولة الجنوب الشقيقة، ولا أعرف رئيس جمهورية في العالم يسمح لوزير خارجية دولة أجنبية بمقابلة والدته والتحدث معها. أتمني من القيادة الجنوبية عدم خلط الأوراق والتفكير السلبي في أن الحكومة السودانية تريد التدخل في شؤونهم إذا سمحوا لحركة عرمان بعبور الحدود للجنوب، حيث أن كلام السيد مدير جهاز الأمن لا يحتمل التسيس والمتاجرة عندما قال أنهم سيطاردون قوات عرمان وعقار والحلو حتي لو هربوا إلي دولة الجنوب وإحتموا بقصر سلفاكير.

رسالة مدير الأمن رسالة أمنية تقول أن أمن السودان خط أحمر، بينما رسالة البشير توضح أننا إخوة وأشقاء طالما حافظ الطرف الأخر علي ركائز العلاقة الطيبة بين البلدين والمتمثلة في عدم تهديد أمن بلادنا بدعم وإيواء متمردي الشمال وما يسمي بالجبهة الثورية.

ومرحباً بالسيد برنابا بنجامين في وطنه السودان.

طيب يا حاجة(هدية) الأقربون أولى بالمعروف فأنصحى الخرية أبنك أن يوقف قتل الأطفال فى دارفور وجبال النوبة والنيل الأزرق وأن يرجع ماسرقه مع أخوانه وأخواته الجابتهم بطنك.يا حاجة(هدية) ذكرى ولدك بعقاب ربه فى الدارين أمكن يسمع منك لأنه رأسه ناشف.

يا حاجة الله يديك الصحة والعافية وطول العمر اما سلفا وولدك البشير ربنا يقيم قيامتهم اليوم قبل الغد

عايك اللة ياحاجة هدية قولي لولدك كان ما سبت الحكم نا عافية منك كفاك قاعد لمن احصلك الحصل للغزافي

الحاجة هدية بت الزين والله ما فى زول بحسدك على النعيم العايشه فيه و الحياة الما كنتى بتحلمى بيها فى يوم من الايام بالرغم من انو اولادك هاجروا خارج الوطن ما خلوا الخليج و لا بريطانيا و فى حياة ابوكم المرجوم حسن عليه الرحمه و حالكم يغنى عن سؤالكم ؟
من بيت العذبه لى بيت كوبر الشاهد على كلامى دا و اللهم لا شماته ؟
يا حاجة هديه نسيتى ناس التايه و ناس فاطنه جيرانك حبانك و جليساتك فى ضليل العصريه و القهوة بالتمر حق الشماليه وينم الليله ؟
صاحب الوديعه اخذ وديعته و الباقيات فى حالهم من الشقله و الحاج يوسف و عيالهم الله استر عليهم عايشين على الكفاف و حى باب ما عندهم يعنى تدخل تووش ولاباب و لا شباك و الحمد لله كله من فضل الله ؟
لكن العايشه فيه دا يا حاجه من فضل الشعب و ما تقولى دا من تعب و شقا اولادى ؟
أذا كان اصغر اولادك و المدلل فيهم اخر العنقود اتعلم سواقة السيارات فى هذا العهد يبقى دى اسموها شنو يا حاجه ؟
نسيتى ايام ابوكم اتجاه واحد صراصر الخرطوم ود بانقا الخرطوم قبل البصات السياحيه و ايام الهستن و السفنجه ركوبه و حذاء للتنزه ؟
اقعدى يا حاجه فى ابريش حق السعف و صلى ركعتين و أسال العابد المعبود ينور ليك بصيرتك و يزيل عنك الغشاوة و يعمر قلبك يالايمان و يكشف لك المستور و الذين اسكنهم ابنك القبور المعلومه و المجهوله و اهلهم واولادهم لى يومنا دا ما عارفين مقابرهم وين و ولدك عامل أضان الحامل طرشه و لسع مصر على تصفية من تبقى من اولادهم و تشريد اسرهم و ديل زملاء واصدقاء و دفعه ؟
الحاجه هدية حاج حسن دا كان رأس مالى و نحن ما عارفين ؟
سناء مول و مسجد النور و القصور و الفلل ديل ارث ولا ليلة القدر نزلت عليكم يا وجه الفقر و طافت فى كوبر من شرقها و غربها و شمالها و جنوبها و ما لقت ليها عبد ساجد عابد قائم الليل الا السفاح و اخانه و فتحت عليكم اوابواب النعيم من مجاميعها سلطه و ثروة و خدم حشم و نعم لا حصر لها و الله قادر ؟
قالوا بقيتى تمشى فندق المريديان علشان المساج و الحمام المغربى بايدى مهرة و متخصصه يا سبحان الله مغير الحال من حال الى حال جدول كافورى كان شراب و حمام ساخن بارد حكمتك يا رب ؟
المهم فى الموضوع اكان وليدك دا عيشكم فى نعيم زائل ارجعوا الى المولى عز و جل و الظلم العايش فيه الشعب السودانى بسبب عيالك و زبانيتهم و النهب و السلب و البذاءة و طولة اللسان و السخريه و السباب و سفك الدماء حرام عليكم و البلد دا ملك للجميع و دوام الحال من المحال و الجنيا دوارة و الله يهديك وتكونى سبب فى توعية وليداتك و يرفع يده من الوطن و المواطن لان مصيره بعدين بكون سىء واسوأ من العقيد و اصحاب الحقوق على قفا من يشيل و ما فى زول بخلى حقه ابدا و خصوصا اصحاب الدم و الروح ما بتروح وتظل تدور فى سماكم الى أن يتم القصاص ؟؟؟؟

يا حاجة ليه ما تنصحي ابنك وتركزي عليه فهو الأولى بالنصح والإرشاد .

حاجة هدية لسه شباب معناتو البشير ممكن يعيش ٥٠ سنة تاني ! ! ! عيش يا حمار لمن تقوم النجيلة !!! والله غالب

امر ملكي
التحية للوالده هدية وبنا يعطيكي الصحة وطول العمر فقد رسمت خريطة الطريق
ولكن المشكلة ياوالدة الجميع معقدة اكثر مما تتصورين
وياليت لو تدخلي بصورة اكبر واعمق لتنزيل نصيحتك لارض الواقع

هي رسالة من وزير الخارجية السودان الكبير وليس الجنوب ف شخص ام عمر التقول (عمر بن عبدالعزيز) فقط اللبيب يفسر واتركوا دعاة العنصرية والتزمت جانبا حرقتهم اللفتة السودانية الاصيلة ب توقير امهات السودان ف شخص العنبلانج وبس بالله من فيهم فكر ف زيارة اجتماعية

بنفس الاسلوب غشواعلى عثمان طه بزوجة قرق وزوجة على عشان يوقعوا اتفاقية السلام الجنوبيين يضحكوا فوقنا نحن المفتكرنهم ما بيعرفوا شى

كتر الله خير الحاجة في مسعاها ولكن … بطالبها الشعب السوداني الفضل أن تنصح إبنها كي يترجل عن السلطة من أجل أن يعيش الشعب السوداني في صحة وعافية وبدون حروب وابادة جماعيةوأن يتنفس الحرية .. حينها ستكون اسدت للشعب السوداني جميل لن ينساه وسيدعوا لها بطولة العمر والعافية.

لا اعتقد ان هذه السابقة قد جثت في اي دولة محترمة كانت أو غير محترمة كالدولة السودانية مثلا منذ العصر الحجري والي يومنا هذا؟ وان كان أيا من يقرأ هذا التعليق أن يفيدنا بسابقة نكون له من الشاكرين!!
بأي صفة التقي بها هذا المسؤل بوالدة البشير؟؟ وما هي الصفة التي تحتلها والدة البشير في الدولة السودانية؟ وهل تستلم راتبا من ضرائب هذا الشعب الغلبااان؟
أذكر أن والدة الشهيد مجدي محجوب محمد احمد زارتها للتوسط لها حتى لا يفتك ولدها بضناها وعندما عادت لدارها كانت والدة البشير تبعث لها بجثة ولدها وفلزة كبده والي يومن هذا تتحسر والدة الشهيد ولدى للوقت التى قضته مع والدة البشير اكثر من حسرتها علي فقد ابنها! وللزمن الزي اجبرها لكي تزور هكذا طبقة

ودي لقبها شنو؟ حبوبة السودان الأولي

شكرا يا حاجة (هديّة) على (هديتك) الفلتة للشعب السوداني
وسوف يسجّل التاريخ أنّك قدمتي وأهديتي للسودان والإنسانيّة:
(ل…)هوأوسخ وأحط قاتل وسارق وخائن للأوطان ظهر في التأريخ

بصراحة كل المعلقين ما عندهم موضوع

المقابلة ليس لها علاقة بالحكم

شوفو مواضيع تانية

الجنوبيين لو فيهم فايدة كان سوها لي رفاعة المدينة الوحيدة التي اوتهم سنينا عددا

الملكة الام

أجيييييييييييييي يايمة
حاجة هدية ولدت عربي أصلي وقح وبرضو ولدت حشرة
دا كلام شنو دا يا برنابا
دا ماكلامي أنا عشان ما تهجموني دا كلام ود الحاجة ذات نفسو

يا معلقين لا تستهزوا بهذا الجيل من أمثال الحاجة هدية فهي من نفس جيل أمهاتنا ، وهذا الجيل هو جيل البساطة والسماحة والطهر والنقاءالذي تبقي من السودان القديم الصافي المتسامح ،الذي ضاع بعد أن تقلد إبنها مقاليد الحكم.

هدية قايل نفسها اليزابث ولا كوندليس رايس عمتك وزيرة خارجية ولا شنو افيدونا