أخبار السودان
عودة مذيع للحياة بعد إعلان وفاته بلحظات بالمستشفى
الخرطوم:
عاد مذيع يعمل بإذاعة القوات المسلحة، أمس، إلى الحياة، بعد إعلان وفاته، وأثناء تأهب أسرته لاستخراج شهادة طبية موثّقة، تثبت رحيله عن الدنيا. وكانت إذاعة القوات المسلَّحة، بثَّت خبر وفاة مذيعها مصحوباً بموسيقى حزينة.
وعلمت (السوداني)، أنّ المذيع مرتضى سعيد، مُحرِّر الأخبار بإذاعة القوات المسلحة، ومُقدِّم النشرة الإنجليزية فقدَ وعيَه منذ يومَيْن، بعد أن تمكّن منه (التايفويد)، وأرداه طريح الفراش الأبيض بأحد مستشفيات الخرطوم، في غيبوبة عميقة، بلغت ذروتها أمس، حتى ظنه المقربون منه أنه أسلم الروح، وشرعوا في ترتيب أمر جنازته؛ لكنَّ طبيباً اختصاصيَّاً، رفض الختم على شهادة الوفاة حتى يعاين الجثمان، وعند معاينته وجده ينبض، فسارع إلى طلب نقله إلى غرفة الإنعاش ومساعدته على التنفس بأجهزة اصطناعية، أعادته بفضل الله حيَّاً يتنفس.
السوداني
الحمد لله الماقالو استشهد
أهل الذوق إن شاء الله مايروحوا البدفنو الزول بيروحوا.
التقدير والتجلة والإحترام لهذا الطبيب الإختصاصي ولأمثاله والذين يحذون حذوه ولكل صاحب مهنة يراعي ربه وضميره في مهنته ولذوي المرضي أدعو لمريضكم أن يوقف لكم طبيب إنسان قبل أن تذهبوا به للمشفي ولكم في مرتضي سعيد عبرة والذي ربما كان سيدفن حيا لولا هذا الموقف من هذا الإختصاصي وبالطبع أيضا لأقرباء وذويي كل مريض لاتقرروا موته قبل أن يقرره الطبيب وأسال الله الصحة والعافية للجميع وطول العمر لمرتضي سعيد والله الموفق من قبل ومن بعد
اين الصوارمى لماذا لا ينفى الخبر
هسي كان الدكتور ختم علي الشهاده كان تلقي مية تعليق ينبش في الدكاتره ..
والله إن لعب صقرية ندفنه إنت داير الناس يقولوا علينا ما بنعرف الموت…هكذا قال الجعلي بعدأن أرسل إبنه ليبلغ أقاربه خبر وفاة أخيه ثم أكتشف بعد ذلك أنه لا زال على قيد الحياة welcome back to life Murtada الحمد لله أهلك ما طلعوا زي الجعلي..أهاالكرامة متين؟
طريحابالفراش وفي أحد المستشفيات يعنى مافي بيتم وماعارفنو ميت والا حى وكانو ماشين يدفنوهو
لولا ان صادف مرور اخصائي لقي نبضو شغال فامر بوضعه علي جهاز الانعاش .!!!!!!!!!!!!!!!!!!!!!!!
كلام لايحدث مطلقا حتى في الصومال !!!!!!!
لا حولة ولا قوة الا بالله
يارب كم شخص دفنوا وهم احياء
سبحان الله عليك بالتوبه وكثر الحسنات لان المره الجايه مافي ضمان العوده للحياة مره اخرى
لازم يشوفو الدكتور القال انو مات عشان يفصلوه او مع الرحمه يدقوه دقه حااااااره
أنا خائف نكون دفنا لينا ناس كتار أحياء!! أصلوا الناس بقوا مستعجلين وعايزين يخلصوا سريع سريع عشان متطلبات الحياة بقت صعبة وقاسية شديد..
انا عندى خالتى جبناها المستشفى الدكتور قال دخلوها غرفة ملحقه بغرفه الكشف جات الممرضه شايله حقنه جاهزه وكانت خالتنا قاعده جنب واحده الحقنه ليها الممرضه ادت خالتنا الحقنه قبل ان يكشف عليها الدكتور دورنا شكله لمن استدعوا امن المستشفى لكن خالتنا بعد الحقنه القبل الكشف بقت كويسه وقعدت على حبلها اخذناها وطلعنا والحمدليك يااللة بقول لصاحب الموضوع حمداللة على السلامه
ليومنا ندفن موتانا بدون شهادة وفاة!!!! لأنها مجانية!!!حكومتنا لا تفكر في شهادات لا تجني من ورائها قروش!!!!!!
والله انت يا بتاع الصومال ده في الصومال وتحديدا في هارقيزا النت عندهم مجانى موصلنو لى كل البيوت والكهرباء ما بتقطع والامن مستقر بيحكى واحد يمنى انو اللاب توب بتاعوا انسرق بعد ساعتين جابوهو ليهو والناس بتخلى محلاتها فاتحه وبتمشى تصلى وتجى والدهب بتباع في الشوارع في طبالى ذي بتاعات الحاجات بتاعات الكسرة والدكوة تقول صومال على الايمان انا اللاب توب بتاعى سرقوهو من العربية ماخليت قسم شرطة ولا بتاع مباحث مامشيت ليهو واديتو وعملته نشرة جنائية وزعتها على الأقسام الفى العاصمة المثلة كلها الخرطوم وبحرى وامدرمان وكل الأقسام ومشيت السوق العربى زقاق زقاق وكل الناس الشغاله بتستلم الحاجات السخنة والباردة وبعد ده مافى فايدة دة كلو لانى عندى فيهو بحوث بتاعت سنين ضاعت هباءا منثورا
كلها