بعد عودته من نيجيريا..كمال ترباس : العايز دغري يمشي مايدوغري..
كشف الفنان العائد من نيجريا كمال ترباس تفاصيل رحلته الي ولاية مايدوغري والتي أحيا فيها حفل زفاف خديجة ابنة علي الشريف حاكم الولاية برفقة المطربات ندي القلعة ، منار صديق، صباح عبدا لله ، رشا الخور وفاطمة الجعلي.
وأشاد ترباس في حديثة بحاكم الولاية علي الشريف والكرم الذي أحاط به الفنانين السودانيين ودافع ترباس عن رحلات نيجيريا قائل(نحنا ظلمنا تلك الرحلات بحديثنا عنها في السابق) وتابع ان الشريف له معرفه واسعة بكل الفنانين السودانيين والاختيار لهم لا يتم عشوائياً كما نظن في الماضي وأشار الي ان كل ما كتب عن تلك الرحلات ما هو إلا إشاعات وصفها بالمغرضة ، موكداً رغبته في الذهاب مرة أخري لنيجيريا بعد ان قال ان الشريف خصه بدعوة ثانية ، ونفي ترباس ان يكون الغناء للشريف داخل قصره الخاص كما قيل سابقاً موكداً ان مقابلته للشريف ليست بالمسالة السهلة ، وأردف (لو ما مشيت ما كنت حاقتنع) متمنياً ان تكف الأقلام عن الكتابة عن تلك الرحلات لأنه لا أساس من الصحة لما تورده عنها ، وأعرب عن فرحته العارمة بعد نزوله الي سوق نيجيريا وقال انه وجد ان الشعب النيجيري يعرفه وكان ينادي عليه باسمه ، ونفي ترباس ما يذكر عن المبالغ الخرافية التي يتحدث عنها الناس وختم حديثة مشيداً بالفنانات الأتي رافقهن لتلك الرحلة مشيداً بهن قائلا مثلن السودان خير تمثيل ، وأردف (العايز دغري يمشي مايدوغري).
صحيفة فنون
يعنى الشريف ميسوط منك وادوك الصرفه بتاعتك الصرفه الجايه اظن لى صاحب العمامه الضخمه التانيه اظن اسمه القلع مش كده يا مرسى
نحن عرفنا ليه كنت ما مبسوط من الفوج الاول من الفنانات لانهم لما مشوا ما ساقوك معاهم ..هحسع بعد ما اتوسطوا ليك ورضّوا الشر يف منك بقي شريف مايدوغري دغري ..
يا ابوي مافي فنان عندو عهد او اخلاق ..
ملعون ابو الفن ملعون ابو الغناء لو كان بمثله ترباس بلد فنانها ترباس حكامها الكيزان لا تنتظرون منها رجاء اى والله وانتهى سودان الازهرى والمحجوب وعثمان حسين ومحمد ميرغنى وكابلى ووردى بقى بقى فطيسه وهنت ياسودان لكن ان الفجر قادم
طبعا مقابله الشريف ماسهله الالمن باع نفسه بثمن بخس ورجع بايخس واسلوبك الرخيص يوحي الي اي وسط تنتمي اظن ذهبت مع هؤلاء الغانيات كمحرم
الترباس قال (العايز دغري يمشي مايدوغري)
عايز شنو؟ حيرتنا يا ابو الترابيس
اكيد شريف نيجيريا استمتع بالدغري السوداني
الشريف مبسوط منك و انت مبسوط منو
بس الببسط المساكين في السودان شنو
آل أيه آل الشريف آل
خلاص سوقو الشعب السوداني كلو عشان يسند شهادة ترباس المجروحـــــــــــــــــــــــــــة
لازم يكون مبسوط منك …الشريف ده مفتكر انو لمن يسوق ترباس ممكن يعمل شوية تمويه ويوهم الناس بانو لايركز على النساء فقط ولكن الشريف عملها ظاهرة باختياره ترباس فهو لم يبعد كثيرا عن ندى القلعة ومونيكا …كان على الشريف ان يختار ود الامين او النور الجيلاني ..عشان يعمل تمويه مش ترباس
ياجماعة ترباس دة كلامو واضح العاوز يمشي دغري انا اقترح لسد فرق الميزانية من البترول نركز علي الفنانات والفنانين والشريف
فعلاً انت سفير للنوايا السيئة (0) الله يستر دعوة الشيخ كشك عليك ما يكون شالت فيك
ابو النفاق والتملق وحب المال حتي لو ذهبت الاخلاق.
منطق هذا الترباس.يافيها يا نفسيها…قبل ما يمشي للشريف مبسوط
مني وبمساعدة الصحفيين الماجورين شنو حمله شعواء علي ندي
وندي كانت ذكيه وكلمت شريفها علشان اشوف ترباس وهو لا
يرفض لها طلب ودخل الترباس وانفتح الباب وتحول
عزة نفس الاستاذ عركي.
عندما ظهر الوجيه صلاح ادريس
ودفع مبلغ خرافي الي حمد الريح
باقي الفنانين يتسابقون للغناء له
الا…عركي عندما طلب منه صلاح احياء حفل
دفع لعركي مبلغ خرافي ..الا ان عركي رفض المبلغ
واكتفي بي حقه فقط فاين الترباس من اخلاق عركي الذي يحترم
نفسه وفنه.
( )
أنا سامع وعارف من بدري أن الشعب السوداني وعلى الرغم من كل فضائله ابتلاه الله بصفتي الحسادة والحقد (العياذ بالله) لكن ما كنت فاكره بالفضاحة دي. اتقوا الله يا اخوانا.
اذا تحدثت عن اخيك بما هو فيه فتلك نميمة
واذا تحدثت عنه بما ليس فيه فذلك بهتان
الله يشفينا ويشفيكم
جزاكم الله خير جبتو لينا الراجل ده بدون عمه وأنا كنت متوقع يكون عنده صلعة مش شيب بس وربنا يستر
قال اية ؟ ظلم الفنانات المشو للشريف — شفيق ياراجل , انت شفته شريط ندى القلعة الابسة فيهو بنطلون فنيلة ؟و برضو شفته البنات الكانو معاها ؟ عدييييل كده ………
الشريف داء والله رقعتو شكلها جااااااامده البتخلي ترباس يقول كده بكون اداهو لكزيس
انا مابعرف اغني بس لومشيت ومسكتا ليهم الطبله ما بدوني انشاءالله اكسنت
والله انا ما ذعلان الا على منار صديق لاني بريده شديد !!!!:mad:
انكتم ياترباس الله يخسك دائما مخزى واية العايز دوغرى يمشى مادوغرى هذة الفاظ حريم
كثيرا ما يتحدث المهتمون بالغناء بعدم انتشار الاغنية السودانية خارج السودان او الدول المجاورة بالقدر الذي نطمح له وهذه الزيارات الفنية واحدة من طرق انتشار الفن السوداني والتحية للاخوة الفنانيين الذين غنوا لاشقائهم في دولة نيجريا . بالنسبة للاخوة الذي ينتقدون زيارة الفنانين والفنانات لمدينة مادغري لا يدركون مدي حب الشعب النيجيري لاخوانهم السودانيين وبالتالي الفن السوداني . الرحلات الفنية لدول الخليج اكبر بكثير منها لنيجيريا ولكن ولا نسمع شىء رغم معرفتنا بأن اخوننا العرب لا يتذوقون الفن السودان حسب ما سمعنا منهم وخاصة اللبنانيون الذي الذين يستهزؤون بكل ما سوداني وعلنا فلماذا لا يغني فنانونا لمن يحب ان يستمع لهم ولااعتقد ان احد يستطيع ان يزايد علي الفنان الكبير ترباس وهو من ذوي الاختصاص في هذا.
يا اخوانا لابد ان نعرف ماهية الفن اصلا.ثم ولطالما يخاطب الفن السوداني وجدان الانسان النيجيري مافي مشكلة اذن…. .وكون ندى القلعة تلبس بنطلون ده شيئ يخصها هي .اقسم لكم بالله العظيم وجدت تاجرا في الكمرون اعطاني معلومات عن محمد وردي معظم السودانيين ما بعرفوها .يبقى نحن السودانيين شهرتنا في افريقيا عن طريق هؤلاء.فيجب تشجيعهم .بدلا من النقد العشوائي هذا..فلهم التحية ..كما اطلب من اخوتي المقيمين في فرنسا دعوة الفنانين السودانيين في كل المناسبات العامه والاجتماعيه حتى يتعرف الاخرون على الفن السوداني اكثر.. ”