( بنقو مثلاً .؟)

وأنت مستعجل تعرف لشنو؟ مشروع زراعي برعاية منظمة الفاو الدولية يعني فيهو خبراء وعلماء دوليين وبرغم ده تشكك فيهو وتقول احتمال يكون بنقو ومخدرات. دي مشكلتكم يا ناس الجرائد ما بيعجبكم العجب ولا الصيام في رجب. عشان كده الحكومة بقت تشتغل بالسرية وبس. بالله كم مشروع زراعي تم الاعلان عنه وجيتو همشتوهو وقتلتوه بالنقد قبل إكتماله. يعلنو ليكم عن مشاريع وتجو أنتو بجرة قلم تقولوا انها فاشلة وحتفشل والموظفين في المشاريع دي بيقروا كلام الجرائد ويجيهم إحباط من السلبية بتاعتكم دي وما بيقدروا يشتغلوا بالطاقة القصوي. عشان كده الحكومة بقت تشتغل وهي ساكتة وبس. ومنو القال ليك ان التجارب السرية هي بتاعة البنقو والمفاعلات النووية بس؟ حتي الزراعة فيها تجارب سرية وإختراعات وإكتشافات والحكومة الذكية هي اللي بتشتغل تجاربها العلمية بعيداً عن الاضواء عشان تتجنب التصريحات السلبية ونقنقة الصحفيين. الواحد فيكم يصحي الصباح ما عارف يكتب مقال شنو ويسمع ليهو خبر تجارب علمية جديدة طوالي يقول كدي نكتب في الموضوع ده ونعملوا مقال.

كيف تكون سرية؟ وهل المحصول بدون بذور؟ ومن بذر البذرة؟ و من أجرى التجارب؟ و من فلح الارض التي خصصت لزراعة المحصول ؟؟ أم أن الزراعة تمت في كوكب غير كوكبنا؟ و من أجرى التجارب التي أثبتت أنه البديل للقمح؟؟ و من وافق على الاستهلاك نيابة عن المستهلك المحلي و العالمي؟؟

بمناسبة السرية في موضوع زراعة محصول بديل للقمح ؛ وين النهضة الزراعية ؟ و ماذا أنجزت مقابل المليارات التي خصصت لها ؛ أين الأمين العام للنهضة الزراعية لا أسكت الله له صوتا ، أين يوجد و إيه أخباره !!؟

تخيل كنت محتاج انى اضحك وبشدة. قديما قالوا-شر البلية ما يضحك. بنقوا محترم. تحياتى

ايه حكاية السرية الماشة في البلد اليوميين ديل… حزب الامة عايز يشتغل سري … ناس الزراعة عندهم زراعة سرية.
بعدين د عبد الرحيم حمدي دي كبيرة … الراجل جربندي ساي ما عندو دكتوره ولا حاجه …

يا جماعة الخير.. هل صدّقتو ما قاله “كاشحكم” احمد ابراهيم احمد ان التجارب اللى وصفها بالسريه هى تتم تحت اشراف منظمة الفاو؟ يعنى تفتكروهو زولا ما “ناقش”؟ ولآ ما عارف معنى كلمة “سريه”؟
*الموضوع وما فيه ان اضافة اسم منظمة “الفاو” للتجارب الموصوفة بالسريه ما هو الآ لحجب الحقيقه عن اعينكم وذر الرماد فيها ولجهجهة تفكير الناس يحكاية انها تجارب سريه وفى نفس الوقت تحت اشراف ” منظمة الفاو”ّ .. هوّ دا كلام يدخل عقل بنى آدم؟
* يبدو ان الراجل دلوقت ” يفرك ايدينو” (Rubbing his hands in glee)فرحا مبتهجا مسرورا بنجاحه فى صرف انظاركم عن الحقيقه و خلاكم “تنفزو برّ الطار” وانتو فى حيرة من امر”السريه” المدعاة.. يكون الراجل قاصد ان “السريه” دى “Concubine” اى “أمة” (بفتح الهمزة والميم) او مما ملكت ايمانه يحق له البناء بها انّى شاء فتنجب له ابنا ذكرا فيعتقها وتصبح حرّة وتسمى”ام ولد”!
* ارجو الا تكونوا انتو اللى طلعتو فى نظرو ناس “فاو” يعنى ما “ناقشين” و كمان “صلع”( بضم الصاد واللام) بمعنى انكم”خالين ذهن ” .. او كما قال!
* ليس كل ما يقال فى هذا الزمان فيه اى قدر من العقلانية او من منطق الاشي !

انت وين مشروع حفر ترعتي كنانة والرهد وقروشنا الدفعناها في السفارات والمغتربين مجرد سعال

الخوارج طائفة عندها غلو، مجتهدة في الدين عندهم اجتهاد في الصلاة والقراءة وغير ذلك، ولكن عندهم غلو، يكفرون أهل المعاصي لشدة غلوهم يرون من زنى كفر، من شرب الخمر كفر، من عق والديه كفر، يكفرون بالذنوب، قال فيهم النبي – صلى الله عليه وسلم-: (يمرق مارقة على حين … من المسلمين يحقر أحدكم صلاته مع صلاتهم، وقراءته مع قراءتهم، يمرقون من الإسلام ثم لا يعودون إليه)، هؤلاء هم الخوارج عندهم تنطع، إذا قرأ تعجبك قراءتهم إذا صلوا تعجبك صلاتهم ولكنهم عندهم غلو في تكفير الناس، يرون من زنى كفر من سرق كفر، من شرب الخمر كفر، فلهذا قال فيهم النبي صلى الله عليه وسلم: (يمرقون من الإسلام كما يمرق السهم من الرمية، لئن أدركتهم لأقتلنهم قتل عاد، فإنه أينما لقيتموهم فاقتلوهم، فإن في قتلهم أجراً لمن قتلهم) والجمهور على أنهم عصاة مبتدعة ضالون، ولكن لا يكفرونهم، والصواب أنهم كفار بهذا، قوله: (يمرقون من الإسلام ثم لا يعودون إليه) دليل على أنهم كفار، (ولئن أدركتهم لأقتلنهم قتل عاد) عاد كفار، والصحيح والظاهر من الأدلة أنهم بهذا التنطع وبتكفيرهم المسلمين، وتخليدهم في النار أنهم كفارٌ بهذا؛ لأنهم يرون العاصي كافر ومخلد في النار، فهذا ضلال بعيد والعياذ بالله، وخروجاً عن دائرة الإسلام نعوذ بالله. نسأل الله العفو والعافية شكر الله لكم…

هذا الخبر ذكرنى بنكته رواها لى احد الأصدقاء المصريين وهى انه فى محطة اسمها المطار السرى فى طريق الأسكندرية. فقبل ان يصل الباص المحطة يقوم صبى الكمسارى يصيح بصوت عالى للركاب يعلن لهم باسم المحطة القادمة لكى يستعدوا للنزول وكان اسم المحطة ” المطار السرى ” فيبدأ الصبى فى الصراخ المحطة الجاية ” المطار السرى ” اللى نازل يستعد .

إبن لي لا يهتم بالسياسة .. لا من قريب ولا بعيد….في حالو…قال لي ذات مرة .. عارف يا بابا الكيزان ديل باين عليهم إتبحرو في العلم والدين وإكتشفوا إنو لا في حساب ولا عقاب ولا جنة ولا نار ولكن من شدة حسادتهم ما عاوزين يكلمونا أو يورنا…..ساعتها زجرتهو..لكن
بيني وبينكم بديت إقتنع بي كلامو..

* “السريه” المطلقه فى كل شئ, هى ديدن التنظيمات الماسونيه العالميه..و هؤلاء “القوم” ماسونيون حتى النخاع, كما تعلم يا ود ساتى.
* و من اسف, “انهم” يقحمون الدين الاسلامى فيها, و “يخلطونه” بماسونيتهم.
* إنهم ابالسه و مجرمون, من تحت غطاء الدين..و هذه مأساتنا نحن.. أما هم, ففى طغيانهم يعمهون.

ولماذا يجرون تجارب زراعية فى مشروع سوبا الزراعى .. أين هيئة البحوث الزراعية.. عجبى !!

دي زي حكاية الفنكوش في أروع أفلام عادل إمام ‘ واحدة بواحدة ‘