أراد أن أن يستمع لآراء الناس الحقيقية: رئيس النرويج يقود سيارة أجرة .. هل يجرؤ البشير على ذلك
سيد الطيب
عمل رئيس وزراء النرويج ينس شتولتنبرغ سائق سيارة أجرة في وسط عاصمة بلاده أوسلو لمدة يوم في يونيو/2013، مما جعل الركاب الذين نقلهم يتساءلون: هل زعيمهم المنتخب قد ترك منصبه؟
وارتدى شتولتنبرغ زي سائق سيارة أجرة ونظارة شمسية ونقل الركاب في شوارع العاصمة لعدة ساعات، ولم يؤكد شخصيته الحقيقية إلا بعد أن تعرف الركاب عليه.
واستخدمت كاميرات خلفية لتصوير هذه المغامرة التي أشرفت عليها وكالة إعلانية في إطار حملة شتولتنبرغ لإعادة انتخابه.
وقال شتولتنبرغ إنه كان يريد أن يستمع لآراء الناس الحقيقية في السياسة. وأضاف “إذا كان هناك مكان يقول فيه الناس ما يريدونه حقا حول معظم الأشياء فإن هذا المكان هو سيارة الأجرة. سيتحدثون من أعماقهم مباشرة”.
اذا اكتشفت ان : الركشة او الامجاد او التاكسي او الهايس او بص الوالي الذي تركبه يقوده البشير او نافع او عبد الرحمن او اي كوز من تجار الدين كيف تكون ردة فعلك ؟
ادعو البشير الى التنكر والخروج للشارع قبل انتخابات الخج ليعرف رأي الناس فيه ابتداء من امهات الشهداء مرورا بالباعة المتجولين وليس انتهاء بالطلاب والموظفين وانصحه لوجه الله بالابتعاد عن اماكن جلوس الشباب العاطلين عن العمل وصفوف الغاز.
علما بأن مثل هذا الامر هو واجب على الحاكم باسم الاسلام ويعتبر من سمات الصحابة رضوان الله عليهم لماذا تتركونها يا عصابة المؤتمر الوطني لحزب العمال النرويجي؟
[CENTER]
[/CENTER]
ياخ نحن ناس مجاملين وما بنحب الاحراج فضلا عن اننا كسارين تلج بالوراثة ولو صدف ان ركبت سيارة اجرة يقودها البشير في الغالب سأقول له سير سير يا بشير نحن جنودك للتغيير والله ستطلع مني رغم انفي..
طبعا ما حا اطلع لا البشير ، ولا علي ، ولا نافع ولا اي طرطور من طراطيرهم
لسبب واحد بس ، هم كانوا فقراء ، وحالياً ، امتلأت جيوبهم واتعبأت بكل
ما هو جميل وميزون ، من اكل وشرب وهندام ،،، والله راحة ما لقاها الشيطان
في ذات نفسه ، استغفر الله العظيم
ولكني اتوقع ، تمام التوقع ، اذا فعلا عملها البشير وطلع ساق بص الوالي
ولا حتى مشي ساي دارج كرعية في السوق سوف يصير فيه ما صار للقذافي
بس خلي اطلع وخليه اتنكر بكل المنكرات الفي الدنيا
شوف بعدين ح يصل ليه ايه ، واتمني من طبالته بأن يسوقوا هذه الفكرة
ليخلوا الجوء لغيره ، ولكني متأكد تماما حتى لو قالوا له اطلع للشارع
فانة لا يطلع ، حتى لا يركب فيه حازوق من الخوازيق التي عملها في البلد
كان لقيت واحد من الرمم ديل بغز ليه عود ولافي تفاهم
ياخي الواحد بقي يكرهم اكثرة من ابليس واكثر من حبه للحياة
الواحد كان سمع اسم كوز ساكت بلعنه .. وبمتلئ غضب داخلي كده لايعلم به الا الله
الدخلوها في نفسونا الكيزان مابتطلع .. وماببردها الاانتقام يشفي الغل
رئيس النرويج يقدر يعرض صقريه زى البشير
يا عمي انت بتحلم بي عوالم ذي رؤى الاطفال حوالم؟ دا ما ممكن يحصل من سكرتير ود خالة سكرتير مدير مدير مكتب نافع او على عثمان محمد طه او اي من اقرباء البرجوازية الاسلامية
how can he do it my borther
علي الطلاق بااتلاتة ألم فيهو كان ماضربتو ليك بي مفتاح العجل وعملت ليك ليهو وجع ضرس في نخرتو العاملة زي موية النقاع دي
شايل كرعينو المكعوجات ديل
يا الطيب الكلام ده حصل شهر 6/ 2013 وتم تناقل الخبر بواسطه معظم العالم
مش كان احسن تنقله في زمنه لانو الان خبر بايت
هو البشير ده يعني ما سامع وعارف راي الناس فيهو بس هو عامل مطنش (اضان الرئيس طرشا)
القائد الملهم جعفر محمد نميري يرحمه الله كان يقود سيارته بنفسه ويتجول في الشوارع وياخذ الناس في طريقه ويوصلهم الى مبتغاه وهنالك الكثيرين الذين يشهدون بذلك وكان ياكل الفول عند احمد سعد والجان ومات ولم يمتلك منزل وحينما كان رئيسا طلب منه احدهم ان يقدم للخطة الاسكانية الا انه اجابهم بانه غير مستحق لانه ماعنده عيال وكان نميري يطعم القطط باقي الطعام بيده وكان يضرب الوزراء بالبونية اذا حامت حوله تهمة فساد ويلزم الوزراء والمسئولين بتوصيل المواطنين في طريقه على سيارات الحكومة ومن يرفض الوقوف صرح للمواطنين رميه بالطوب
الرئيس عبود زوجنه في المستشفى وكانت الزيارة من الساعة 3 الى 5 مساء وبدون قروش ساكت وقد خرج الرئيس عبود من اجتماع الساعة 5 ونصف فسال سائقه هل اذا مشينا المستشفى الناس ديل بدخلونا
الان حتى اصغر معتمد فليقيص تمشي امامه 5 سيارات ووخلفه 5 وموترين وهو في طريقه لسماية بنت اخته وفي سيارات مكندشة وتسير بسرعة 200 في الساعة لا داير يشوف الناس والاوساخ وحفر الشوارع ومياه الصرف الصحي ولا الناس عايزة تشوف خلقتوا
اذا اكتشفت ان : الركشة او الامجاد او التاكسي او الهايس او بص الوالي الذي تركبه يقوده البشير او نافع او عبد الرحمن او اي كوز من تجار الدين كيف تكون ردة فعلك ؟
يوم الاقيهو ههههههههه واديوه صفقة يد و…الدرب يلمك مع كتال ابوك … ياااااما انت كريم يااااااااارب … دا يوم المنى بس متين اتلم فيهو …
النتلاقى بس والباقي تمو خيال .
يا اخوان دى قديمة خاااااالص فى سودانا عملها نميرى وعملها البشير
اذا اكتشفت ان : الركشة او الامجاد او التاكسي او الهايس او بص الوالي الذي تركبه يقوده البشير او نافع او عبد الرحمن او اي كوز من تجار الدين كيف تكون ردة فعلك ؟>>>>>>>>>اذا ده حصل بتناول اقرب بسطونة وبقع دق وخبت وشلاليت لمن ربك يغفر لي وبشفي غليلي وبعدين بجر لي نفس وتاني بقع خبت وبنج وشلاليت تاني الي ان يقضي الله امرا كان مفعولا
الرئيس رئيس والكديس كديس نحن تحكمنا الكديس الاسمو بشير دي علي القول جانا كديسة اسمو نفيسة شراب مريسة
فى بداىة التسعينات وقبل الكشف عن توجه الحكومة الاسلامى كان يتم تجنيد الطلبة فى المرحلة المتوسطة عن طريق جمعيات القران الكريم وقيام الليل يوم الخميس بمسجد جامعة الخرطوم اضافة الى معسكرات بالحاج يوسف وكان ان حضر الينا فى مسجد الجامعة الرئس عمر البشير واخبرنا انهم يريدون دولة اسلامية قوامها العدل بين الناس وصدقنا ماقال اقول للبشير ارجع اربع وعشرون عاما الى الوراء وانظر هل حققت مااخبرتنا به فاذا كانت الاجابة لا فنرجو عدم الترشح والابتعاد وهو اكرم سلم الحكم فانها لن تدوم الى الابد ونسال الله حسن الخاتمة
يتنكر كيف كل ناس الانقاذ ديل واضحين ولو لبسوا طايقه الاخفاء ظاهرين ( كروش وجضوم و كرعينهم مكعوجه) وريحتهم من على بعد 1000 ميل ظاهره
هم لايستطيعون فعل ذالك لانهم يعرفون كل
الشعب السوداني شايل عود
الكوز باين ما بقدر يخفي نفسو مهما كان لأنو قدام كرش وورا لساتك
انت يا الاسمك سيد اشمعنا تقول البشير مافي اكتر من كم رئيس دوله يعني بقيت على البشير ؟!!!!!!!