اهالي “الحلفاية” : ميدان “الأخوة” مكان لإعتصامنا القادم
هدد أهالي “حلفاية الملوك” بمقاطعة الانتخابات المقبلة، حال لم تستجب الحكومة لمطالبهم المتمثلة في “الإسراع بتنفيذ الخطة الإسكانية، وتخفيض الرسوم الباهظة للأراضي والبالغة “37” ألف جنية لمستحقي أعوام السبعينات والثمانينات والتسعينات، وايضا تخفيض رسوم مستحقي عام 2012م من “70” ألف إلي “2” ألف.
وأعلن ممثل لجنة اهالي “حلفاية الملوك” ياسر عبد الرحمن في مؤتمر صحفي رصدته (الراكوبة)، عن وقفة احتجاجية بميدان الأخوة بالحلفاية الجمعة المقبلة، مؤكدا استمرار الوقفات الاحتجاجية والاعتصامات الى حين إستجابة السلطات لمطالبهم، ومضى يقول “إذا لم تستجيب الحكومة لمطالبنا فسنقاطع الانتخابات”.
وفي الاثناء سلمت لجنة أهالي “حلفاية الملوك” مذكرة احتجاجية للمقرر الخاص بحق السكن في الأمم المتحدة وحقوق الإنسان، احتجاجا علي منح المستحقين بالخطة الإسكانية قطع في مناطق “الحفر” بمنطقة السامراب، فضلاً عن تقليص الأراضي في الخطة الإسكانية من “9” ألف، قطعة إلي “4” ألف و “5” قطع.
وﻃﺎﻟﺒﺖ ﻠﺠﻨﺔ أهالي “ﺣﻠﻔﺎﻳﺔ ﺍﻟملوك” في مؤتمر صحفي ﺣﻜﻮﻣﺔ ولاية الخرطوم بالإسراع في تنفيذ الخطة الإسكانية ﻗﺒﻞ ﻣﻮﻋﺪ ﺍلاﻧﺘﺨﺎﺑﺎﺕ وهددوا بمقاطعتها حال عدم الاستجابة لمطالبها في الموعد المحدد.
في وقت طالبت اللجنة الأهلية بتخفيض الرسوم الباهظة للأراضي والبالغة “37” ألف جنية لمستحقي أعوام السبعينات والثمانيات والتسعينات وتخفض رسوم مستحقي عام 2012م من “70” ألف إلي “2” ألف.
وكشف ممثل اللجنة الأهلية لأهالي حلفاية الملوك محمد المكي الهاشمي في مؤتمر صحفي عن تقديمهم لمذكرة احتجاجية للمقرر الخاص بحق السكن في الأمم المتحدة وحقوق الإنسان احتجاجاً علي منح المستحقين بالخطة الإسكانية قطع بمناطق الحفر.
وطالب الهاشمي رئاسة الجمهورية بإعفاء رسوم الأراضي من “37” ألف لمستحقي أعوام السبعينات والثمانيات والتسعينات علي أن تكون مجانا و تخيفض رسوم مستحقي عام 2012م من “70” ألف إلي “2” وأن يعامل مواطني حلفاية الملوك مثل مواطني الخوجلاب والفكي هاشم بنفس الرسوم البالغة حوالي “5” ألف جنية تم تخفيضها إلي ألفي جنية.
شنو يعني, ما يعتصموا يقعدوا في الميدان مدي الحياة من غير أي واحد يقول ليهم عينمك في رأسكم. أنحنا كلنا دفعنا الرسوم. دي زاته الأمور الحتجيب لينا الهوي و أولادنا وبناتنا يموتوا بسبب قروش, الحكومة دي بتقتل وما بهمها البموت منو. بعدين نقعد نتحسر علي موت أولادنا وبناتنا. والله قروش الدنيا دي كلها ما تساوي روح طفل واحد. الواحد لو طفلو ساكت مسكتو حمه اليوم كلو يدعو الله لشفائه. إنعل أبو الرسوم والقروش البتعرض أولادنا للخطر, أدوهم القروش وأحفظو أولادنا من المجارمة الما بهمهم روح أي حد.
أراضي السودان كلها تنهب ، وفقد السودان ثلث أراضيه والباقي في طريقه إلى الزوال ، ويهددون بمقاطعة الانتخابات إذا لم يستجب النظام لمطالبكم ، بمعنى أن النظام إذا استجاب فإنها صافية يا لبن تصوتون وترقصون مع أزلامه فرحاً ، المؤسف أن أهل الحلفاية ينظرون إلى الأمور بنفس طريقة النظام الأنانية والانتهازية ، وهمهم فذلك نفسي ثم نفسي ثم أنا ، وهكذا يفعل أهل الشجرة ، لقد وصل الشعب حداً مؤسفا من التقوقع خلف القبلية والمناطقية حتى في معارضته للنظام ، واختفى الإحساس بعموم الوطن ، هذه واحدة من تجليات المشروع الحضاري الذي دمر كل شيء في السودان ، فمعرفة دارفور لا ترى أكثر من تحت قدميها وهكذا بقية المعارضة ، أسفا ثم أسفا على كل السودان
اذا لم تستجب مطالبنا سوف نقاطع الانتخابات!!!!!!…قاطعوا الانتخابات….النتيجة معروفة وما محتاجين لجهودكم…وهكذا اصبح النضال: الارض مقابل العرض
احسن تقاطعو من الان وشكرا لنضالاتكم!
هاهاهاهاها ااااااااااى ،، يعنى ياتدرى يا أكثر قريناتك ..
يعني لو استجاابوا لطلبكم و استمروا في قتل الابرياء مافي مشلة بتصوتوا احتمالكمان تمنحوهماصواتكم
يلا يا شباب لابده من توحيد الصفوف فليخرج شباب الحاداب ولليخرج شباب الرميله ولليخرج شباب الجريفات وشباب بترى وشباب المسعوديه وشباب الفتيحاب وشباب بيت المال وابوروف وشباب شمبات وشباب الحلفايه وشباب شرق النيل كافه نعم هذه قاعده عريضه يمكنها مع تصعيد القضيه دوليا ومحاكمه والى الخرطوم ووزارة الشيئون الهندسيه مع غياب المجلس التشريعى الذى هو عباره هياكل ودميات واصنام تتحرك بالاشاره فقط ليست لديه مثقال ذره من الاحساس والايمان حتى بالقسم الذى اقسموه
الاراضى تنهب وتنزع بالقوة من اهلها من اجل كروشهم وجيوبهم وجيوب ابنائهم واهاليهم
ولابده من قوى الاجماع الوطنى ان تساند كل اهل هذه المناطق وتخرج بالقرارات الاتيه
1مقاطعه الانتخابات
2رفع شكوى الى الامم المتحده والجامعه العربيه والى منظمه الايقاد
3يكون يوم تضامنى لدى كل ابناء السودان فى الريف والحضر ويكون اليوم هو يوم الارض والعزه والكرامه
4لابده من عمل عريضه كبيره واخذ توقيعات من جميع احياء الخرطوم بعزل واسقاط حكومه ولايه الخرطوم ومحاكمتها بكل قوة دوليا ومحليا بواسطه اتحاد المحامين العرب والافارقه
5على جميع الاحزاب عن بكره ابيها ان تساند هذه المواقف وتمد اليها يد العون والمال
6على جميع صفحات الاعلام من الصحف اليوميه والالكترونيه والقنوات الفضائيه من التعبيئه الشامله وتوصيل رساله واضحه الى دول العالم ودول مجلس الامن الدولى بان هذه الحكومه تغتصب وتنزع اراضى واملاك المواطنين وتشريدهم وقتلهم بعد تجريدهم من املاكه وتصفيتهم من وظائفهم بحيث انهم لايجدون وسيله عيش الا على الكفاف والتسول من بعد ما كانوا اصحاب ملك ومال ووظائف حكوميه مشهودا لهم بالنزاهه والانضباط واتقان العمل
واكير دليل ما حدث فى مشروع الجزيره وبيع مشروع السليت وبيع مشروع الجموعيه وبيع مشروع سوبا وتحويل اراضيه الى مخططات ومضاربات عقاريه برفع الاسعار دون مبرر وان جميع الاراض واسعارها تتحكم فيها فيئات وشركات المؤتمر الوطنى واعوانهم من الباطن لانهم متحكمين فى قبضتها بعدما اخذوها بالباطل ونزعها من اهلها دون وجح حق بالقوة وبدون اى ثمن ضد القانون والنظم واللوائح والاعراف الدوليه والمحليه لذالك هم ليست خسرانين لانهم وجدوها بالسرقه والخلسه بالمجان حكم القوى على الضعيف ومن يجد مثل هذه الاراضى بالمجان او برسوم صفيحه الطماطم سعرها اكبر منها
هاهم الان صاروا يمتلكون المليارات والفلل والعمارات والابراج والشركات فى دبى وماليزيا وغيرها من دول العالم وابنائهم يتعلمون فى لندن واوربا وامريكا
بينما ابناء الشعب والشرفاء لا يجدون الدواء ولا الغذاء
يا دائرة الانتقام اسرعى على حكومه صارت بشعبها لا تكترث تقتل وتنهب وتغتصب وتشرد شعبها دون
حسا ولا كرما فهى تهين وتقتل دون كل ولا ملل
اللهم لا ناصر الا انت ولا قويا الا انت ولا منقذا ومنجيا الى انت اللهم نجنا من هولائى المسلطين من هولائى الشرزمه اخوان الشياطين اللهم عجل بهم ارسل اليهم سخطك وغطبك اللهم احرقهم جميعا اللهم ادخلهم فى باطن الارض واجل سافلها عليها عليهم اللهم اجعلهم مثل عاد وثمود واصحاب الاخدود وقوم للوط وارسل اليهم الزلازل والرعد والبرق والطوفان
يا من انقذ يونس من بطن الحوت وانقذ موسى من النار يا من كشف الضر عن ايوب يامن ارسل معجزاته الى رسولهوعبده محمد صلى الله عليه سلم ان تعجل برحيلهم ان تغرغهم جميعا وان تجعلهم يقتلون انفسهم بايدهم
اللهم امين يارب العالمين
اللهم اغثنا اللهم اغثنا اللهم اغثنا اللهم اغثنا
يا الله لا نضام وانت ربنا ولا نفتغر وانت ربنا وانت المستعان
بالنسبة للانتخابات الكيزان ديل فائزين فايزين دي ما فيها كلام
بالنسبة للرسوم كتيرة والله
الكيزان ديل لو بمرادهم الاراضي يعملوها مخطط سكني وتعال شوف سعر المتر المربع
يلا ياولاد الحلفاية انكربو يمين تصمدو وما تنغشو للقاسدين ديل تلقو عيال بحري وامدرمان معاكم
و ليه يسكتوا و , و عينهم في اراضيهم حكومة ابليس تنهب و تديها لناسها يستثمروا فيها في زول يا أخوانا بيرضي يقلعوا منه حقو و يقعد يعاين ناس حلفاية الملوك ديل ابسط من بسيطين اول حاجه شالوا اراضيهم البتعايشوا منها قال ايه لكبري الحلفاية الما شفنا منه اي مرد اقتصادي او تعمير للمنطقة- تقلع ارض زراعية مزروعة بكل خيرات الله في الارض و ما تدي صاحبها اي تعويض مع العلم انها ملك حر و ليست بحكر للحكومة و الله ووالله من سنة 2003 لحدي الآن الناس جارية عشان التعويضات فوق ده كله العايز تعويض لازم يدفع رسوم تحسين عشان تحول لسكني او غرض تجاري و طلعوا الخرط بتاعت الاستثمار و عرضوها لناسهم عشان يشتروها و بالفعل بدأ العمل و اهل الارضي المنزوعة وصلوا الي المحكمة الدستورية البقي يديرها الرئيس محنك يا سودان يعزوا فوقها – و جات الطامة الكبري اراضي مطري الحلفاية اللهي اصلآ نزعت لصالح الخطة الاسكانية – و لكن تبين انها نزعت لمنافع ناس السلطة و بعد شوية شفنا العمارات الشاهقة تبني و ما عارفين اسيادها منو بالله ياناس ده عدل – ارجو من اخوتي المتداخلين ان يلموا بالواقع اولا بعدين تحبيط الهمم ما ليهو داعي يعني ديل ناس مزارعين ابسط مما تتخيلوا يا اخوانا ح يكون سلاحهم شنو غير الاعتصامات و الوقفات الاحتجاجيةو بعدين العنده حل تاني يقولول ليهم عشان يمشوا بيه حتي لو أدي للمجاذفة بحياتهم لانه الارض و العرض في ديننا الحنيف في مرتبة و احدة و لو شنو رأي المنظراتية !!!
و ليه يسكتوا و , و عينهم في اراضيهم حكومة ابليس تنهب و تديها لناسها يستثمروا فيها في زول يا أخوانا بيرضي يقلعوا منه حقو و يقعد يعاين ناس حلفاية الملوك ديل ابسط من بسيطين اول حاجه شالوا اراضيهم البتعايشوا منها قال ايه لكبري الحلفاية الما شفنا منه اي مرد اقتصادي او تعمير للمنطقة- تقلع ارض زراعية مزروعة بكل خيرات الله في الارض و ما تدي صاحبها اي تعويض مع العلم انها ملك حر و ليست بحكر للحكومة و الله ووالله من سنة 2003 لحدي الآن الناس جارية عشان التعويضات فوق ده كله العايز تعويض لازم يدفع رسوم تحسين عشان تحول لسكني او غرض تجاري و طلعوا الخرط بتاعت الاستثمار و عرضوها لناسهم عشان يشتروها و بالفعل بدأ العمل و اهل الارضي المنزوعة وصلوا الي المحكمة الدستورية البقي يديرها الرئيس محنك يا سودان يعزوا فوقها – و جات الطامة الكبري اراضي مطري الحلفاية اللهي اصلآ نزعت لصالح الخطة الاسكانية – و لكن تبين انها نزعت لمنافع ناس السلطة و بعد شوية شفنا العمارات الشاهقة تبني و ما عارفين اسيادها منو بالله ياناس ده عدل – ارجو من اخوتي المتداخلين ان يلموا بالواقع اولا بعدين تحبيط الهمم ما ليهو داعي يعني ديل ناس مزارعين ابسط مما تتخيلوا يا اخوانا ح يكون سلاحهم شنو غير الاعتصامات و الوقفات الاحتجاجيةو بعدين العنده حل تاني يقولول ليهم عشان يمشوا بيه حتي لو أدي للمجاذفة بحياتهم لانه الارض و العرض في ديننا الحنيف في مرتبة و احدة و لو شنو رأي المنظراتية !!!