محلية الخرطوم تفرض (30) جنيهاً على كل منزل لمكافحة الملاريا
الخرطوم:
كشف خطاب عن فرض محلية الخرطوم رسوماً لمكافحة الملاريا حددتها في (30) جنيهاً لكل منزل بالمحلية على أن تحصل مع العوائد السكنية.
واستند الخطاب الصادر من إدارة العوائد السكنية بالمحلية إلى مدير وحدة الخرطوم شمال المتعلق برسوم الملاريا، على توجيه المدير التنفيذي ولارتباط مكافحة الملاريا والباعوض ارتباطاً مباشراً بالخدمة التي تقدم للمواطن بالحي السكني المعين.
وقرر الخطاب تحصيل رسم قدره (30) جنيهاً عن العام لكل منزل بالحي، ضمن مطالبة العوائد السكنية، اعتباراً من العام الحالي، وطالب الخطاب مدراء الوحدات تنزيل ذلك التوجيه للمحاسبين ومتحصلي العوائد السكنية للعلم والعمل بموجبه.
الجريدة
أين ميزانية الدولة والإستراتيجيات والخطط الخاصة يوزراة الصحة وإدارة الوقاية والصحة العامة ما هو دخل المحلية بمكافحة الملاريا؟ هذا عمل دوائر صحية مرصودة الميزانيات ألا يكفى أن العائلات تدفع أضعاف هذا المبلغ خلال الشهر لعلاج أمراض أخرى هل المحلية تعمل برزق اليوم باليوم من جيوب المواطنيين؟ هل المحلية نسيت أن هذه العائلات تدفع يوميا وشهريا للمدارس وغير المدارس ورعاية أبنائها بتوفير الغذاء الجيد؟ هل نسيت المحلية أن هذه العائلات تدفع كهرباء وموية وعوائد ونفايات ؟؟ لماذا العبء على المواطن الذى لا يكاد دخله يفى بمتطلباته الحياتية كمان تريدون منه يدفع حق الترحيل والنثريات والحوافز والجغم واللغف للمحيلة؟ يا ناس كفاية إلى هذا الحد ؟؟
اه …. كمان المحافظ بتاع الخرطوم يدو رفت داير يضرب فى الزمن الضايع, ملاريا …قال…
اخوتى لو تذكروا قلت من قبل ليكم: انو اى مسؤل شاف انو الحكومة دى على “ضنبها رق” وخلاص تلفظ انفاسها الاخيرة, يجى هنا اى مسؤل يقول لنفسو, ياود اضرب ليك ضربة جامدة قبل سقوط الحكومة, مبلغ تأمن بيهو حياتك وحياة اولادك,
لهذا السبب كثرة جدا “ضرب” المسؤلون فى هذا النظام المنهار للمال العام واصبحت ظاهرة شبة يومية.
وده كلو افراز نظام متعفن من اساسة, اصبح الشريف المنضم اليهم حرامى من الدرجة الاولى.
والاتهى وامر: انو لما المسؤل يضرب مافى اى جهه تحاسبة, لانو زيدن نظام.
فمبروك عليك يالسيد/ محافظ الخرطوم الحصيلة والتى ستكون محترمة للغاية وترضى طموحك وطموح اولادك.
تخلوها لعمر وجماعتو براااااااااااهم.
وكل يوم ينبعج خرم جديد لاذية المواطن .. وما ادراك ما المواطن كدى ياسيد جبرة شوف لينا كسرة جديدة
للشغلة دى….
هو الزول القاعده تجيهو الملاريا هل الحكومة او المحليه قاعده تعالجو المسكين ما بيتعالح براهو وفوق ده دايرين يفرضوا عليهو رسوم خافوا الله ياناس المحلية قبل ان يبتليكم الله بالعن من الملاريا خافوا الله فى هذا الشعب المسكين الغلبان يعنى عشان ما هو ساكت اوصابر قلتو خلاص نضبحو ضبح والله الشعب ده لو قام ما يخلى فيكم واحد حايم الشعب صابر عشمان فى انكم تنصلحو وتخافوا الله فيه ولكن لو قنع منكم ما بخلى فيك واحد وانتم ما حاتكونوا اصعب عليه من النميرى وعسى ان تكون لكم فى النميرى وفى اقتلاعه عبره .
لعلم الأخ المحافظ هناك دولة مجاورة للسودان ليس بها دواء الملاريا.
ونحن في السودان نفرض رسوم على المواطن لمكافحة وعلاج الملاريا . حاجة تفقع المرارة !!!!!
عصابة حاكمة لاتستطيع توفير الدواء والعلاج والتعليم حتى القمامة لاتستطيع التخلص منها همهم الأكبر أنفسهم ثم أنفسهم ةالشعب الكسلان يذهب للجحيم يكنزون القناطير المقنطرة من الذهب والفضة ويتزوجون خدم السودان الحسناوات منهن وينكحون ويغتصبون ويسرقون وينافقون بإسم الدين ، نرجو من الشاويش المجرم فرض رسوم إستنشاق الهواء النتن في غابة السودان … يستاهل الشعب الجبان أكثر من كده.
الضمان شنو تكافح بها الملاريا ما قاعدين ندفع عوائد ونفايات واخري ومافي اي خدمه تقدم بعد هذه الدفعيات الظاهر الامتيازات قلت وعاوزين مصدرجديدللجبايات اذكركان عندنا زميلنا في الوسطي كنافي داخليه طبعا ايام الزمن الجميل لما تضربه فلسه يقول لي ابوه عاوزين مثلا 25 قرش للدكتاشن وبعدها للكومبوزشن وهلم جرا وطبعا الوالد المسكين ما عا رف الولد بيقول في شنوويدفع
واذا ما كان هناك ملاريا اصلا هل سيعاد المبلغ للمواطن ؟
بالله شوفوا دولة الكيزان والمشروع الحضاري بدل القيام بواجباتها نحو الرعية تتعمد حجب الخدمات الواجبة عليها حتى تفاقم الكارثة ومن ثم تتاجر فيها بفرض الجبايات التي تبقى مستمرة وتنسى هي موضوعها وكل يوم جباية جديدة – لعنة الله عليهاوالناس أجمعين.
اللهم يارب احفظ الذين
يشربون مثل هذا الصبى من عمر البشير وعبدالرحيم نظر ومامون حميده وامثالهم
قبل البعوض
واحفظهم من كل مرض ومكن لهم اللهم يشربون ماء صافيا وتصلهم كهرباء وتعليم وصحه
رغم انف اللصوص والفاسدين وادعياء الدين اهل النفاق
لو الكوز زعل واختلف مع كوز حرامي
تاني ولم يرضى بالقسمة في الغنيمة
يقولوا له ما تعمل لينا صداع ومشاكل
امشي افتح ليك اي بند والعائد حولو
لحسابك وطوالي ده فتح البند بتاعو
ب 30 الف لعلاج الملاريا تاني المحلية
عليها التحصيل والتحويل لم لصاحب الغكرة
اي زيادة في الرسوم والعوائد مملوكة
وماركة مسجلة للكيزان الزعلانين هم خسرانين
حاجة وجلد ما جلدك جر فيهو الشوك والشعب
يدفع والبقول اخ بلخ
* هى جبايات..بالضبط مثل الجبايات التى تفرضها “داعش” على المواطنين و التجار و المزارعين فى “العراق”..
* شاهدوا إعترافات “وزير مالية” داعش, المقبوض عليه فى العراق, على اليوتيوب!
يا حكومة السودان المواطنين عينهم طلعت والضرائب كترت عليهم ، المليارات اللي انتو بنتفقوها عبثا في انتخابات مزيفة على الاقل كافحوا بيها الملاريا بدلا من تحميل المواطن رسوم وبدون فائدة . فمثلا شعيب ده يدوه 2 مليار من اموال الشعب حا يعمل بيها شنو ؟ هو عارف نفسه ما حا يفوز ؟ وهل هناك الية لضبط صرف تلك الاموال ؟ يعني لو أكلها حلال عليه ، والشعب السوداني يموت من الملاريا ويشرب من الطين والما عاجبو يلحس كوعو !!!
هسع اكان انا دفعت حق مكافحة الملاريا وتانى يوم قرصتنى باعوضة اها انا اعمل شنو ؟لابد من بند واضح فى مرسوم المكافحة المذكور اعلاهـ يوضح التعامل مع قرصة ما بعد الدفع وكيفية جبر القرص / ويبدأ سربان المرسوم من تاريخ توقيعه وان لايتضمن المرسوم اى قرصة باثر رجعى !
الحل بالتمرد ليس بحمل السلاح ولكن بعدم الدفع . هل سيدخلوا الشعب جميعه في السجون وهناك ستة عشر الفا داخل السجون لا يستطيعون توفير طعامهم وبداوا يخرجونهم من السجون بالالاف . لادفع بدون مقابل خدمات . حينما بدأت الحكومات منذ الاف السنين كان العقد الاجتماعي يدفع الشعب الضرائب مقابل ان تقوم الحكومات بالدفاع عنه وتقديم الخدمات من نظافة وطرق وصحة وتعليم . ماذا تقدم لنا الحكومة الآن . كل الخدمات يقوم بها المواطن (يدفع رسوم النفايات ولا توجد نظافة ويدفع للمستشفيات ويدفع رسوم عبور للطرق ولا توجد طرق وشباب الاحياء يفتحون الجداول في الخريف والتعليم رفعت الدولة يدها عنه…الخ) فنرجو من الجميع الالتزام بعدم دفع الجبايات والعوائد .
ما هو دور الدولة و نا فائدتها اذا كانت تعجز حتى عن تقديم خدمات صحة البيئة الاساسية و مكافحة الاوبئة؟ و اين تذهب ملايين الدولارات التي تدفعها منظمة الصحة الدولية و اليونسيف و البرامج الاخرى لبرامج مكافحة الملاريا و الامراض المنقولة؟ ما هو المقابل للعوائد و الاتاوات التي يدفعها المواطن و اين تذهب و لماذا تفرض عليه؟
حتى انارة الشارع اصبح المواطن مسئول عن دفعها … كهرباء المساجد في دولة الشريعة المدغمسة يدفعها المواطن او تقطع الكهرباء عن المسجد و عن المدرسة! فماذا تفعل الدولة؟!
فتح باب ماكله جديد
مش فى واحد قال الستثمار السنه دى جاب ١٥٠ مليون دولار . واحد تانى قال الخبراء فى صندوق النقد والبنك الدولى انو اقتصادنا صاحب معجزات . انسوا مسالة كضبهم دى . بس حاولوا افهموا معجزاتهم دى بتتحقق كيف ؟ . اكيد المواطن اصل كل معجزه . محن والله يا الاسلامويين الدجالين . لعنة الله عليكم فى الدارين .
وبعدها تجيكم رسوم التايفويد وبعدها رسوم السحائي … وهلم جرا …
حسبنا الله ونعم الوكيل …
بعد شويه تطالبوا برسوم الهواء البنتنفسو ولو أنو طالع من قفاكم
يا الحكومة قلنا حقت النفايات دى ما مشكلة عشان دى نفاياتنا بنمرقها بره البيت وبيجو يشيلوها مرة مرة .. طيب الملاريا دى بتجينا جوه البيت واحنا نائمين من البرك والمستنقعات يعنى من اهمالكم يا الحكومة وكمان ما طالبين منكم حاجة بنتعالج بقروشنا واحنا ساكتين .. أها كدى براحة فهمونى يا عالم خدمات شنو البيقدمها لينا الحكومة عشان الملاريا دى وللا دا المثل القالوه زمان بيقتل القتيل ويمشى فى جنازتو
دحين مسعولين من الخير
انتو مش اتفوشرتوا وقلتوا الخرطوم خالية من الملاريا … طيب الكدب زمان لزومو شنووووووووووو !!!!