حزب البشير : ملتزمون بتطبيق الشريعة ومستعدون للمحاسبة
الخرطوم: سعاد الخضر
جدد نائب رئيس المؤتمر الوطني لشؤون الحزب ومساعد رئيس الجمهورية بروفسير إبراهيم غندور التزام الحكومة بتطبيق الشريعة الإسلامية.
وقال غندور في إطلاق حملة المؤتمر الوطني بولاية الخرطوم أمس “إننا نقدم الرمز الشجرة لتكون الخيار الأول لنجني من ثمارها وخلفها قيادات ورجال”.
ووجه غندور رسائل لمن أسماهم بالحالمين والمقاطعين، وخاطب المعارضة قائلاً: (ارحل وغادر أحلام لن تتحق لأن القرار للشعب ولا لطائفة أو فرد أو زعيم سياسي)، واتهم المعارضة بالسعي لإفقاد الحكومة شرعيتها، وأن تصبح البلاد بلا حكومة وبلد للفوضى، وانتقد رفض المعارضة للانتخابات المقبلة والاستعاضة عنها بحكومة انتقالية وأضاف: “لم نسمع بحكومة تدعو للانتخابات والمعارضة ترفض، بل يحدث العكس”.
وأشار غندور إلى تمكن الحكومة من تمتين العلاقات الخارجية من منطلق العزة والكرامة وكسر طوق العزلة العربية والأفريقية بتأطير العلاقات العربية، وأكد التزام الحكومة باستكمال ما وصفها بالنهضة.
من جانبه أعلن رئيس المؤتمر الوطني ووالي ولاية الخرطوم د. عبد الرحمن الخضر استعدادهم للحساب لجهة أن الإنقاذ أنشأت 6 كباري، وأن عدد مستشفيات الحوادث ارتفع من 3 إلى 12 مستشفى والطرق المسفلتة وصلت إلى 660 ألف كيلو متر.
ودافع الخضر عن قيام الانتخابات باعتبارها استحقاقاً دستورياً، وقال: (نحن لن نتورط لأن المؤمن لا يلدغ من جحر مرتين)، وتابع: (من يطالبونا بتأجيل الانتخابات سيقولون لنا أنتم لستم دستوريين)، وشدد على عدم التفريط في استقرار البلاد وأمنها، وقال: (حنشيل البلد في رؤوسنا).
في السياق حدثت حالات إغماءات وسط المشاركين في إطلاق الحملة الانتخابية، وتم إسعاف المصابين داخل استاد المريخ، وأوقفت السلطات الصحفي بصحيفة (المجهر) يوسف بشير خلال تصويره لحالات الإغماء، وأطلق سراحه بعد احتجاجات من الصحفيين.
الجريدة
كفاية كذب وين الشريعة التي تتفوه بها ياغندور ؟؟
المعارضة ترفض الانتخابات لأنهم عارفين أنكم مزورين للانخابات!!
عبدالرحمن الخضر (حنشيل البلد في رؤوسنا) كذااااب وحرامي ومنافق!!
… دجالين منافقين…
ههههه السيد غندور يقول اننا نقدم الرمز الشجره لتكون الخيار الاول لنجني من ثمارها
وخلفها قيادات ورجال ؟؟؟؟ خلونا نسال هذا الغندور الم يكن رمز الشجرة باانتخابات
2010 هو نفس الرمز طيب ماذا جنينا منه ؟؟؟ ياجماعة كم اصبح فرق سعر العمله من
الانتخابات السابقة والقادمة ؟؟ كم كانت تكلف قفة الملاح وكم اصبحت تكلف اليوم ياقفه
لعنة اتلله عليكم ايها الكيزان وربنما ينتقم منكم ومن محمد عثمان المرغني ياقرف
شريعة شريعة ولا نموت … شريعة شريعة قبل القوت
اصلا الكيزان لو ما ذكروا الشريعة ما يرتاحوا
والطرق المسفلتة وصلت إلى 660 ألف كيلو متر !!! ياجماعة أفتونا هل هذا الرقم صحيح- كم يبلغ طول طرق الخرطوم بورتسودان، وكم يبلغ طول طريق الإنقاذ الغربي ,كم طول شريان الشمال وكم طول طريق مدني الخرطوم، كم يبلغ طول الطرق الداخلية في العاصمة المثلثة وغيرها من مدن الرئيسة مثل مدني، الأبيص ، نيالا ، الفاشر ، بورتسودان، نيالا يعني: 1700 + 3000+ 1000+ 170 + 500+200+100+ 50+ 50 + يعني 7 ألف كم ، يعني كم الباقي. كم طول الطرق المسفلتة في أمريكا وأوروبا وروسيا وكندا ؟؟؟
يا خي كم طول الطرق المسفتلة في الكرة الأرضية كلها ؟؟؟
صحيح كلامكم تبدوا الحملة من استاد المريخ … لانكم في الزمن الضايع والحكم وهو الشعب السوداني خلاص طلع الكرت الأحمر ليكم … وحيزيلكم من الحكم… لا في زمن إضافي ولا ضربات جزاء..
عبدالرحمن الجقر:
(حنشيل البلد في رؤوسنا)!!
يا جقر : الكلام الصاح المُفترض تقولو: (شايلين البلد في جيوبنا وكروشنا) .. عليك اللعنة يا متحلل .. يا مُكتشف غسان.
حسنا جدا
فعلا ما بصدده الشعب السوداني هو الحساب والعقاب
اما الحساب فعلى الرئيس البشيرالاستعداد للاجابه على هذه الاسئلة والتى هي جزء فقط من الحساب وهي :
س1: وانتم مطاردون من المحكمة الجنائية لماذا ذهبتم الى مفاوضات نيفاشا واستجبتم للضغوط والابتزاز ومزقتم وحدة البلاد التى اديتم القسم مرارا على صيانة وحدة البلاد؟ ثم حتى بعد ان وقعتم خانعين مستسلمين على نيفاشا لماذا لم تحسموا ملفات الحدود وابيي والديون والبترول والمياه ولماذا اجزتم قانون استفتاء تقرير المصير مع سحبكم للجيش والشرطة من الجنوب ؟
س2: لايخفى عليكم ان الفساد قد استشرى في البلاد نتيجة تطبيقكم لسياسة التمكين البغيضة وبالطبع انتم تعرفونها جميعا ولكننا نخص تستركم على بيع خط هيثرو وشركة الاقطان والحج والعمرة والاوقاف وسكر مشكور واختلاسات الاراضي من قبل بعض اقربائكم وفساد مكتب والى الخرطوم ؟ لماذا سمحتم باجازة القانون المعيبة التي تحمي الفساد مثل التحلل ؟ ولماذا لم يتم محاكمة الفاسدين واقالتهم وابعادهم من السلطة والنفوذ؟
س3: تم قتل المتظاهرين ابان ثورة سبتمبر 2013م المجيدة بدم بارد وهم كما تعلمون مواطنون اي انهم المالك الحقيقي للوطن وللدستور والقانون وانتم تعلمون بتفويض منهم كما تدعي فلماذا تقتل مخدميك ولم تطع ارادتهم ومن هو القاتل الذي اطلق عليهم الرصاص؟
نكتفي بهذا الجزء ولكن هنالك المزيد حول كبت الحريات ومصادرة الصحف وملاحقة الصحفيين واعتقال قادة الاحزاب وشهداء رمضان واليخت الرئاسي والتدخل في شئون دول الجوار وعائدات البترول والذهب وملفات فساد متعددة ومعقدة
نعدكم بمحاكمة عادلة وناجزة تكون المحكمة الجنائية الدولية عضوا فيها لجرائم ابادة جماعية وجرائم حرب واغتصاب
وقد دنت فعلا ساعة الحساب من غير ان لتوحوا بها فما ينتظركم هو ما ينتظركم لا محال
كنس الزبالة …..آن الأوان ..ثم الفار بداءرشه من إستاد المريخ .يلا بلاإنتخابات بلا بطيخ والحساب ولد ، كل من قتل وفقد مسئولية أي كوز..وسننفذ عقاب عبدالناصر ونزرع شجر يثمر بحق لكل مواطن ..والنصر والعزة لشعب السودان المظلوم .
جدد نائب رئيس المؤتمر الوطني لشؤون الحزب ومساعد رئيس الجمهورية بروفسير إبراهيم غندور التزام الحكومة بتطبيق الشريعة الإسلامية
****** متين !!!….. كلما تنزرّرّوا تعلقوا اوسخاكم على شماعة الشريعة الاسلامية…
انا ما قريت المقال لكن فقط العنوان يكفيني مرض. المحاسبه اولا للجماعه السرقوا اموال الشعب والعذبوه والقتله
الا لعنة الله علي المنافقين الظالمين الكاذبين الفاسدين المفسدين القتله الحراميه اةلاد الكلب
هههههههههههههههه هههههههههههههههه هههههههههههههههههههههههه ههههه اتقوا الله يا حكومة شايفين الشعب السوداني بريالة ولأ مابفهم ولا شعب غبي مع احترامي للشعب السوداني اللي انا واحد منهم.
قال يريدوا أن يفقدوا الحكومة شرعيتها، شرعية يابن الحر
الكارب
///////////
إذهبوا أنتم وشريعتهم الى الجحيم ، شريعتكم هي شريعة الشيطان فنحن مسلمون ونعرف شرع الله الحق يا شوية منافقين ولصوص وقتلة ومجرمون ،أنتم آخر من يتكلم عن شرع الله يا كذابين تفو وووووو على وجوهكم حرامية جزم 0
ودافع الخضر عن قيام الانتخابات باعتبارها استحقاقاً دستورياً، وقال: (نحن لن نتورط لأن المؤمن لا يلدغ من جحر مرتين)، طيب يالخضر انت عايز المعارضة تلدغ من جحر مرتين يعنى زى ما خجيتوها فى 2010 دايرين تخجوها تانى عشان تضمنوا ليكم 25 سنة من السفسفة واللهط لاموال الشعب السودانى (الفضل )زى ما بقول استاذنا جبرا. ثم ورينى انتو مؤمنين بى شنو؟ (الما بخاف الله خافو)
اما المعفن قندور انظروا ماذا يقول:
ارحل وغادر أحلام لن تتحق لأن القرار للشعب ولا لطائفة أو فرد أو زعيم سياسي)، واتهم المعارضة بالسعي لإفقاد الحكومة شرعيتها، وأن تصبح البلاد بلا حكومة وبلد للفوضى، وانتقد رفض المعارضة للانتخابات المقبلة والاستعاضة عنها بحكومة انتقالية وأضاف: “لم نسمع بحكومة تدعو للانتخابات والمعارضة ترفض، بل يحدث العكس”.
ياتو شرعية انت البتتكلم عنها انت يا الغندور نسيت نفسك جيت السلطة كبف الا تذكر (اذهب للقصر رئيسا وسأذهب الى السجن حبيسا)؟الم تكن حينها هناك حكومة شرعية جاءت عبر انتخابات حرة نزيهة شهد بها القاصى والدانى (صحيح الاختشو ماتو)ولعمرى انها اكبر فرية واكذوبة فى الدنيا جمعت هذه الحفنة من اللصوص والانتهازيين وشذذاذ الافاق واولاد الحرام حيث لا رابط بينهم سوى اللصوصية والنهب والخوف من الحساب القادم لا محالة.
على حساب الشعب الغلبان تم تفويج البصات من ولاية الجزيرة ونهر النيل ليملأ استاد المريخ تماما ولم تحضر الجماهير طوعا أو رغبة وانما بالمقابل وثانيا ردا على حديث الخضر نعم أنشأتم 6 كباري ألم تسمع بما حدث لكبري المنشية وجميع هذه الانشاءات ما هي الشركات التي قامت بتنفيذها زاد ومام وصافات وراكات وشنو والهدف منها تشغيل شركاتكم بأضعاف وأضعاف التكلفة الفعلية .. نعم ما انجز خلال هذه الفترة يعتبر انجاز للمصلحة الخاصة وليس للعامة واذا كنت نظيفا قم بابراء ذمتك وما تمتلكه الآن وأقرانك والحساب ولد …
عليكم الله ما بتخجلوا ؟؟ الشعب قالها لكم عديييل ما دايرنكم ارحلوا طيروا اطفشوا اغطسوا الله يغطس حجركم تعليقات اهل الراكوبة اكبر استفتاء لغاية مابدات اعلق قرات التعليقات عدة مرات عسى اجد معلق واحد يطبطب عليكم ويقول لكم معليش التعليقات دى امسحوها فى وشنا مالقيت الجميع راقضكم وكارهكم حتى جدادكم طار يطير ما يرك تكونوا حشدتوا الجداد لتدشين حملتكم الانتخابية
هسع البحلم منو ياغندور نحن ولا انت كدى راجع كلامك ده ؟ ده انت بنحلم لمن كبس عليك اب كباس اريتوا يكنكش فيك وما يفكك نحن سنحقق حلمنا وبنرحلكم قسرا ان شاء الله وحتشوفوا
الخضر ده ظريف خلاص ! كلاموا يضحك الغنماية امن ايه البتقول عليه امس القريبة دى الساعة 12 ظهرا بنية فى حارة من حارات الثورة راجعة من الجامعة خطفوا حقيبة يدها وبها اغلى الموبايلات وده بحصل كل يوم امن ايه وعساكرك بهشموا جماجم الحرائر بقعر البنادق وبالمناسبة انت هربت من الحمداب ليه ؟؟؟ ما كنت تقيف ! تقيف مناحتك ( حنشيل البلد فى رؤوسنا ) راسك بضربة بندقية من اقرب حرس لك تخليك لا مع الميتين ولا مع الحيين جلطة وشلل يارب للخضر ورئيسه ومن معهم وما يموتوا الموت راحة
جاء فى احد المواقع ان الاستاد كان فاضى والله اعلم
بالمناسبة كذابي الانقاذ ديل مايوهموكم بانهم انجزو وعملو كل اعمالهم مهما كانت قليلة كتيرة مردوده عليهم لانو ابتداءا القاليهم اعملو منو المال والارض للشعب هو من يفوض من يعمل ، وهذا من غباء الانقاذ الذى يريدون ان يستغفلو به الناس لانو المشكلة مش انك تنجز مشاريع المشكلة كيف تنجز مشاريع ابتداءا من فوضك ومن اجاز خطتك ومن راقبك ثم من حاسبك كل هذا اذا لم يكن موجود يعنى انك حرامى كذاب غشاش لانك قد تعمل عملا بتكلفة تساوى اضعاف تكلفتة الحقيقية وبجودة لاتساوى شيئا كما حدث فى كبرى المنشية ،، لذلك كل مايقولو انهم انجزو شيئا فان ذلك خصما عليهم وليس اضافة لهم
هوي يا غندور البخسة : اي شريعة تتحدث عنها انت راجل منافق نسالكم يوم التلاقي انتم تقولون هذا الكلام في الصحافة فقط وليس هناك اي شرع لله مطبق في السودان رغم انكم تحكمون السودان منذ 26 عاما :
يا حكومات العالم اعلموا أن هؤلاء يتاجرون بالدين فقط ، للإعلام فقط وليس هناك شريعة مطبقة في السودان حتى الآن؟
يا غندور آلا تخافون الله يوم تقبرون اتكذبون على الله وعلى العالم بانكم اهل شرع ودين وهو بريء منكم الدين ليوم القيامة ، ولم نر منكم سوى الدجل والسرقة طوال حكم البشير وزمرته الفاشية.
الميرغني اصلاً ضابط دخل السودان مع كوتشنر يعنى ساعد في احتلال السودان وهواصلا افغاني من منطقة اسمها مرغن ماعارف بقى رجل دين كيف .
شجرة مكسرة في راسك يا غندور ؟
الانتخابات دائما ما تعمل في الدول المتقدمة ونتائجها تخرج في نفس اليوم 24 ساعة او يومين .
لكن عشان انتخبوا منو ، وليه انتخبوهم هم ماذا قدموا للوطن والمواطن حتى تقوم الناس بالانتخبات والله المنتفعين فقط هم الذي ح يصلوا لصناديق الاقتراع ،
وفي النهاية عشان تجيبوا البشير وزمرته الفاشلة كفاية انهم دمروا وطن باكمله وبمواطنيه للاسف الشديد والحسرة .
وتدعون انكم مسئولين حرام عليكم يا ناس المؤتمر الوطني هل انتم فاكرين عملتم بلد للاسف جعلتم من البلد خرابة وحرابة .
حتى وان اتيتم فلن تصلحوا البلد كفاية 26 عاما كل شيء تدمر والآن تدمروا الفضل الله انتقم منكم
لكن اعلموا ان نهاية كل ظالم ح تكون شديدة ويوم القذافي والصدام ليس عليكم ببعيد نراه قريبا باذن الله .
انتو بتعرفوا دين او سياسة؟؟؟
قال القيادى الاخوانى السابق الدكتور السيد عبد الستار المليجى ان الاخوان ما بيعرفوا دين او سياسة وان الدول الاسلامية شعوبها مسلمة بطبعها ولا تريد تنظيمات مثل الاخوان بل تريد دولا مدنية تحكم بالمؤسسات والقانون والقضاء والديمقراطية والشفافية وتهتم بالتعليم والطب والزراعة والتصنيع والتكنولوجيا الخ الخ وان معظم القوانين فى الدول الاسلامية لا تخالف الشريعة واذا وجدت قوانين تخالف الشريعة والعرف والاخلاق الحميدة تعدل اقسم بالله ان كلام هذا الرجل قلناه فى تعليقاتنا ومقالاتنا من قبل والانتخابات يا غندور ليست هى الديمقراطية ولكنها آلية من آليات الديمقراطية لاختيار الرئيس وممثلى الشعب وحكام ولاياته وبرلماناتها !!!!
كسرة: لازم نفتح ليكم فصل يا غندور عشان تتعلموا فيه مبادىء الدين والسياسة !!!
عليكم الله يا اهل السودان شوفوا جنس الناس المتولين امر السودان ولا حول ولا قوة الا بالله العلى العظيم انتو الانقاذ دى اصلا مافيها زول واحد بيفهم ABC سياسة او دين؟؟؟؟؟بس بيعرفوا حاجة واحدة انشاء تنظيم يقلب الحكم ويحافظ عليه ولو ادى ذلك الى مخالفة الدين والوطن!!!!