ورشة تحويلات المغتربين توصى بتحسين الفرص الاقتصادية لاستقطاب التحويلات والمدخرات
(سونا) – انهت ورشة تحويلات السودانيين العاملين بالخارج واثرها فى التنمية الوطنية اعمالها واصدرت توصياتها التى اكدت على تكوين الية وطنية عليا لتحسين الفرص الاقتصادية لاستقطاب تحويلات السودانيين العاملين بالخارج وتعزيز استثماراتهم على ان تضم اللجنة الجهات ذات الصلة وذلك بتنسيق ودعم من لجنة الامم المتحدة الاقتصادية والاجتماعية التى التزمت برعاية هذه الالية ومساعدتها بالخبراء والتدريب وايجاد منظومة للحوافز وتوفير الخدمة المصرفية فى المناطق البعيدة .
وشددت التوصيات على ضرورة التزام البنوك بسياسات البنك المركزى حول تحويلات العاملين بالخارج وتذليل المصاعب التى تواجه البنوك فى هذا الصدد والنظر فى نظام الاستيراد بدون تمويل كمنفذ لتحويلات المغتربين .
وطالبت التوصيات بارسال الرسائل والمعلومات للخرائط الاستثمارية والاماكن والفرص المتاحة بواسطة وزارة الاستثمار والجهات المعنية الاخرى واعداد دراسة حول الجاليات السودانية فى اماكن وجودها عبر البعثات والقنصليات المنتشرة بالخارج وتصنيفهم وايجاد مدونة احصائية يتم الاعتماد عليها فى التسويق المصرفى الاستثمارى .
” وذلك بتنسيق ودعم من لجنة الامم المتحدة الاقتصادية والاجتماعية التى التزمت برعاية هذه الالية ومساعدتها بالخبراء والتدريب وايجاد منظومة للحوافز وتوفير الخدمة المصرفية فى المناطق البعيدة .” دعم شنو؟ دا إنتو اللي مشيتو جبتوهم. فإذا عندكم بصارة سووها في ما تحت ايديكم من المال العام ووصلوه لاصحابه ومستحقيه قبل ما تفكروا في المال الخاص وطرق توصيله لأصحابه.
دا زي واحد عندو جدول ماشة فيهو الموية تمام من ما حفرو البحر يحيك واحد يحفر ليهو ابو عشرين في الرملة ويجبر صاحبنا المسكين يحول الموية لاب عشرين عشان تاني ما يشوف موية بعد داك – والامم المتحد دخلها شنو. والحكومة ذاتها دخلها شنو يا حوض الرملة الما بيروى؟؟ وليه تحويلات المغتربين لازم تمر من خلال الحكومة وايدها الماكلاها وعبد الرحيم وعبد الرحيم وباقي الهمباتة – و”المناطق البعيدة” ولا القريبة دخلها شنو؟ في زول اشتكى ليكم من بعد الأماكن ياخي إذا التحويلات بتصل وريانه في أقاصي دارفور والناس ما اشتكت ليكم – مشكلتكم شنو؟؟
حسنوا وضعكم انتو —–اح اح اح
با جماعة ابقو 10 على قروشكم انا من ضحايا احتيل الاستثمار – فتحو التقديم للاراضى الزراعية بوادى سوبا قبل اكثر من 10 سنوات – اعطونا 15 فدان على الورق واخذو مننا رسوم 3مليون جنيه ( كانت كتيرة فى ذلك الزمن) بعد داك بدأ التعليق واللف والدوران هناك مشكلة بين الراضى ووزارة الزراعة واحياناً يقولة مشكلة بين الزراعة والاهالى – وطبعاً جميع الكيزان الموجودين بالسودان وخارجو استلمو مزارعهم عدا نحن المقطوعين من شجرة وعليه ارجو من اخوانى المغتربين الحفاظ على فلوسهم وعدم الانخداع للوعود والشعارات الكاذبة – يعنى لو قالو ليك حول الدولار ونسلمك ليهو 10 دولارات بعد شهر حاتكون خسران مع الناس ديل – اللهم قد بلغت فاشهد
المصفوفات كتيرة لكن التحويلات قليلة الحزم التشجيعية كتيرة لكن التحويلات شحيحة هها ها تبكوا بس..
حملة أرحل أرحل
لن تستقطب تحويلات المغتربين بدون تنفيذ حزم تشجيعية كالإعفاءات الجمركية ومنح اراضي سكنية واستثمارية مميزة بالعملة الصعبة لكن بأسعار تشجيعية
هيا ننجح حملة مقاطعة الانتخابات (أرحل) .. هيا نعمل مع نداء السودان وكل الأحزاب والمنظمات حملة أرحل عبر وسائل الاتصال فيس بوك واتس اب هيا انشروها منذ الآن تعقبها الثورة الشعبية الكاسحة التي تكون ساعتها جمعة أرحل يوم 10 ابريل وما يليها من أيام حتى يتم لنا النصر باذن الله.
و هو فضل فيها ( مدخرات )
بعد حاويات الــ ( مخدرات )
واعداد دراسة حول الجاليات السودانية فى اماكن وجودها عبر البعثات والقنصليات المنتشرة بالخارج وتصنيفهم وايجاد مدونة احصائية يتم الاعتماد عليها فى التسويق المصرفى الاستثمارى
مافهمنا حاجة ،المغتربين يستفيدوا شنو من الدراسة دي
فشلت كل مساعيهم والآعيبهم في اقناع أحد من المغتربين في تحويل امواله الي السودان حيث فخ
العصابه الذى مامنو فكاك !!!! تخط قروشك وشقاك وتعب السنين عندهم بالدولار ياكلوك عيني عينك
وماتقدر تعمل اى حاجه غير تجيب شوال وتاخد البيدوك ليهو مقابل دولاراتك شوية ورق تافه عديم القيمه
تنقص قيمته في كل ثانيه اسمه الجنيه السوداني يعني قبال تصل البيت تلقي قروشك نقصت 30 في الميه.
هسع الدولارات الباقيه في خزنتم دى عبارة عن الجبايات الدفعوها المغتربين في السفارات بره مقابل تجديد
الجوازات وهبرة استخراج الرقم القومي وتوثيق الشهادات وكلام فارغ كتير .
الحل ياحراميه ترجعوا قروش البترول النهبتوها وقروش الاراضي اللبعتوها وقروش المصانع البعتوها ولحستوا
قروشا والقروش العند وداد واخوان السفاح الحرامي والعند الجاز وكرتي وقطبي والحرامي المتعافي والحرامي
الوالي الخضر وود اختو الحرامي تحت التمرين اللبع مليارات ماليها حد وحالتو تحت التمرين
القائمه طويله يالصوص وممكن القروش دى لو رجعتوها تصلح الحال بس اتو رجعوها ونحن بنعرف ندبر حالنا
وياريت ترجعوها وتدونا عرض أكتافكم.
* ما هي سياسات البنك المركزي حول تحويلات المغتربين ، لم نسمع له بسياسة الا بالسياسة التي حدت بالمغتربين الى الاقلاع عن تحويل اموال الى السودان الا للانفاق على ذويهم بالسوق الموازي
** ما هي لجنة الامم المتحدة الاقتصادية و الاجتماعية و ما دخلها في شؤون المغتربين؟
*** لماذا تظنون ان المغترب سوف يثق بكم و بسياساتكم حتى يدخل في استثمارات اثبتت التجارب انها مجرد ضحك على الدقون و اساليب لسرقة امواله
**** كلامكم دا تقولو لي زول ما عندو حديدة