أخبار السودان

(165) مليون.. حافز وكيل وزارة

احمد عمر خوجلي

فيما أكّدت مصادر موثوقة لـ (التيار) أنّ حافز وكيل وزارة التعليم العام الدكتور معتصم عبد الرحيم الخاص بتجهيز امتحانات مرحلة الأساس والمرحلة الثانوية يصل إلى مائة وخمسة وستين ألف جنيه أكّد د. المعتصم عدم علمه بقيمة الحافز، وأقسم أنّه يوزعه لأصحاب الحاجات الخاصة وقال مصدر (التيّار) إن سبعة من أعلى عشرة حوافز تدفعها حكومة السودان لمسئولين في الخدمة المدنية تدفع لمنتسبين لوزارة التعليم العام. بينما أوضح د. المعتصم لـ (التيار) أنّ الحوافز الخاصة بالامتحانات تخضع للائحة قديمة عُدلت في العام 1997م و2003 وآخر تعديل كان في العام الماضي وقال "الحوافز يصادق عليها بعد التشاور مع الوكيل والمصححين واتحاد المعلمين وتمر بكل الخطوات المحاسبية والمراجعة السنوية" وأشار إلى أنّ حوافز الامتحانات لم يحدث أن أبُديت حولها أي ملاحظات. وعن حافزه الشخصي قال. المعتصم "أقول لك بصدق وأقسم بالله العظيم أنني شخصيا لا أعرف قيمة هذا الحافز لأنني لا استلمه مباشرة وما أعلمه فقط سبعمائة وستين جنيهاً تصرف على مرتين شهرياً والباقي لا أعرف عنه شيئاً وقد تعودت أن أضعه تحت تصرف مدير مكتبي ليدفع منه مساعدات لبعض معارفي وأهلي وأصحاب الحاجات من فقراء وطلاب بورقة صادرة منّي ويخبرني بنفاذ ما عنده من مال" وأضاف " الآن نحن جاهزون لتعديلات لائحة الحوافز التي تحدث عنها السيّد رئيس الجمهورية في إطار ما أعلنه من سياسة خفض نفقات الدولة".

التيار

تعليق واحد

  1. مش انتو قلتو هى لله هى لله….الله يقلعكم يا شيخ

    حوافز؟؟؟؟فييييييى شنو؟؟؟؟؟

    فى تدمير التعليم ؟؟؟؟ ممكن!!!!!!!!؟؟؟؟؟لانو طالب صحف ثامن فى المدارس الحكوميه بكتب (كلمة مختلطه -بالتاء بدلا عن الطاء) والله بس نسأل الله ان يعفو عن العباد لانو الظاهر دا ذنبا كبيييييييير ( السلط عينا الكيزان ديل).

    ربنا لا تسلط علينا بذنوبنا من لا يرحمنا لا يخافك فينا .

    يارب.

  2. بحاول اصدقك
    ياريت اقدر

    ما تقللوا رسوم الطلاب للامتحانات مع سياسه الرئيس الجديده

  3. تعديل اللوائح بعد خراب مالطا الاختشوا ماتوا ( عشان انت بيصرف لك حافز بقدر هذا المبلغ لابد ان يكون في البلد فقراء جداً جداً 000انتم سبب الفقر في البلد

  4. وعن حافزه الشخصي قال. المعتصم "أقول لك بصدق وأقسم بالله العظيم أنني شخصيا لا أعرف قيمة هذا الحافز لأنني لا استلمه مباشرة وما أعلمه فقط سبعمائة وستين جنيهاً تصرف على مرتين شهرياً والباقي لا أعرف عنه شيئاً وقد تعودت أن أضعه تحت تصرف مدير مكتبي ليدفع منه مساعدات لبعض معارفي وأهلي وأصحاب الحاجات

    تعليقى:

    هههههههههههههههههههههههههههههههه

    لا بالله كدى تانى بالله

    دى حكومة شنو؟؟؟؟؟؟؟ تدير بلد بحلف بالطلاق ومحاسبه ربانية وحليفة بالله دى دوله ولا زريبه بهائم

  5. ( والباقي لا أعرف عنه شيئاً وقد تعودت أن أضعه تحت تصرف مدير مكتبي ليدفع منه مساعدات لبعض معارفي وأهلي وأصحاب الحاجات من فقراء وطلاب بورقة صادرة منّي ويخبرني بنفاذ ما عنده من مال" ) ..
    ان صدق فيما قال بو السيد د. معتصم عبد الرحيم ،، اليس في ذلك ايضا فساد و اساءة استغلال السلطة العامة و الموارد العامة لاغراض خاصة ؟؟؟ فهل من واجبات مدير مكتبك الوظيفية ان يقوم بتوزيع حافذك لاهلك و معارفك ؟؟ مهدرا الوقت في اعمال خاصة خارج اطار الوظيفة العامة التي يقبض في مقابلها راتبا نت خزينة المال العام ؟؟ فكيف يكون الفساد !!!

  6. مش معتصم لحالو كل وزراء الانقاذ والولاة لهم ااموال سائبة من اموال الشعب يوزعونها بهذة الطريقة ولاسيما والى الخرطوم عبدالرحمن الخضر يحمل اموال فى ضهرية السيارة لتوزع على الحلنقى والتاج حسن والعواطلية من ناس كسلا

  7. عليكم الله يا جماعة البشير وعلي عثمان حيمشوا وين من ربنا. هذا الرجل الذي يدعى معتصم عندما عين وكيلا للوزارة أخرج رجل شيخ عجوز خدم التعليم لأكثر من 40 عاما أخرهج من بيت مدرسة الخرطوم الجديدة. في ذلك الوقت كان ذلك الشيخ الجليل وكيلا للوزارة تدرج فيها لمدة 40 عاما وعندما تم تعيين هذا الفاسد أنذر ذلك الرجل 15 يوما وإلا فسوف يجدع له عفشه في الشارع. وهذه القصة معروفة كيف لفتى مغرور تخرج توه أن يخرج رجل قد يكون قد درس والده. ده وكيل وزارة التربية أمشوا شوفوا بقية الوزارات وعليكم من الوزارات أمشوا شوف المؤسسات الحكومية الكبيرة. حسن عمر عبد الرحمن عندما شالوه من شركة السودان لطباعة العملة كان رتبه عشرات الملاييين والحافز راتب 4 سنوات ده من غير السفريات والنثريات والعمولات. الشغلانية يا جماعة بايظة. والله أنا ما عارف ربنا يحيعمل شنو مع البشير وعلي عثمان وهي لله.ولكن نقول حسبنا الله ونعم الوكيل وإنا لله وإنا إليه راجعون.

  8. :lool: :lool: والباقي لا أعرف عنه شيئاً وقد تعودت أن أضعه تحت تصرف مدير مكتبي ليدفع منه مساعدات لبعض معارفي وأهلي وأصحاب الحاجات من فقراء وطلاب بورقة صادرة منّي ويخبرني بنفاذ ما عنده من مال" :lool: :lool:

    والله يا المعتصم بالله لا يسع الفقراء والمساكين من السواد الاعظم للشعب السوداني الذي انهكته سياسات الانقاذ وافقرته بفسادها وعفنها وجشعها
    الا ان ينادوا …. وا معتصماه … .وا معتصماه …… وا معتصماه .

    حسبنا الله على كل ظالم…… أكل مال الايتام والفقراء والعجزة والمساكين
    حسبنا الله على كل ظالم…… أكل مال الايتام والفقراء والعجزة والمساكين
    حسبنا الله على كل ظالم…… أكل مال الايتام والفقراء والعجزة والمساكين

  9. اللهم ارحمنا واغفر لنا ولا تسلط علينا بذنوبنا من لا يخافك ولا يرحمنا انا نعلم انك انت الله لكن ظلم عبادك كبير……..

  10. د معتصم عبدالرحيم قيادي اسلامي كبير وهو من الذين لا تستهويهم شهوة المال وصدق عندما قال انه لا يدري كمية الحافز الذي يستلمه مكتبه او مدير مكتبه حتي يبلغوه ان القروش انتهت بعد ان يصرف علي اقاربه ومعارفه
    وكيف لا وهو كان واليا وان الاموال كانت بيده

  11. والباقي لا أعرف عنه شيئاً وقد تعودت أن أضعه تحت تصرف مدير مكتبي ليدفع منه مساعدات لبعض معارفي وأهلي وأصحاب الحاجات من فقراء وطلاب بورقة صادرة منّي ويخبرني بنفاذ ما عنده من مال
    خلاص يا هارون الرشيد
    الله يقلعكم رجعتونا لعصر الناقة تاني

  12. يا ( دكتور ) معتصم عبدالرحيم أبقى راجل ومسلم صحيح وأبدأ بنفسك وأرفض ذى الحوافز دى ( خصوصا أنه لا علم لك بها كما أسلفت ) لأنها مامن حقك فى وطن يجلس طلابه على الأرض ان وجدوا للمدرسة سبيلا أن تأخذ 165 مليون ( بالقديم ) كحافز وأنتم تزيدون رسوم الامتحانات ( كمثال ) كل عام …….
    أها بالبلدى كده ختيناها ليك فى رقبتك بتسو شنو ؟؟؟!!!!

  13. شوفوا ياجماعة…صلوا على المصطفى…

    الكلام ده خطير جداً ..وكيل وزارة التربية والتعليم..فى حكومة الإنقاذ ..منتمى للمؤتمر الوطنى…يأخد حافز 165 مليون بالقديم ..ياناس فى طلبة بيمروا فى الإمتحانات من خلال الحافز ده…أخوات نسيبة والدبابين وبتاعين الكتايب الإستراتيجية…فى طلبة بيدخلو الجامعة بنسبة 56 لكليات الطب والهندسة

    الله…نحنا ما اتعوقنا ….الفساد مابس فى الوزارات والولايات والمحليات والشركات ده

    وصل اللحم الحى للشعب السودانى..يا ناس أصحو…ورررررروووك…

    طيب ماليهم حق نا س ود الخدر والمتعافن يكون عندهم المرحات بتاعت البقر بىلاف الرؤوس

  14. وقد تعودت أن أضعه تحت تصرف مدير مكتبي ليدفع منه مساعدات لبعض معارفي وأهلي وأصحاب الحاجات من فقراء وطلاب بورقة صادرة منّي ويخبرني بنفاذ ما عنده من مال"

    عليكم الله دا كلام مسئول وكمان وكيل وزارة

    هو انت ديوان الزكاة عشان توزع مال المسلمين لاهلك

    ومدير مكتبك دا حقو كم في الشغلانية دي دا ما شغل اضافي

    حرامية وعينكم قوية وناسين الله

  15. والله ربنا حينتقم مننا نحن في الاول قبل الكيزان المعفنيين ديل شايفين المنكر

    عيانابيانا قدامنا وئنلامس والفساد الذي يزداد ساعةبعد ساعة.. وهذا المغتصب غير

    الرحيم تسلق لهذه الوزارة الحساسة وهو لا يملك من المؤهلات غير انه كوز وسخان (

    قايل نفسو صحابي ) !!

    استغل منصبو وسلطاتو وتمكين عصابتو على مفاصل الدولة وشتم وسب واساء

    للمعلمين قدام زملائهم باسلوب متكبر ومتعالىومتعجرف اسألوا المعلمين يجيبونكم ..

    لم يراعي لفطالحة في التعليم افنوا عمرهم في خدمة التعليم كان يوجه لهم الاساءات

    والنهر والبشتنة وكأنو هو سيدهم وهم عبيدو اسألوا المعلمين يجيبونكم !!

    وقال شنو قال !!

    "أقول لك بصدق وأقسم بالله العظيم أنني شخصيا لا أعرف قيمة هذا الحافز لأنني لا استلمه مباشرة وما أعلمه فقط سبعمائة وستين جنيهاً تصرف على مرتين شهرياً والباقي لا أعرف عنه شيئاً وقد تعودت أن أضعه تحت تصرف مدير مكتبي ليدفع منه مساعدات لبعض معارفي وأهلي وأصحاب الحاجات من فقراء وطلاب بورقة صادرة منّي ويخبرني بنفاذ ما عنده من مال" وأضاف " الآن نحن جاهزون لتعديلات لائحة الحوافز التي تحدث عنها السيّد رئيس الجمهورية في إطار ما أعلنه من سياسة خفض نفقات الدولة".

    طيب لو افترضنا انك امين وصادق وواثق تماما في موظفك ده يعني لو تاني يوم قال

    ليك القروش خلصت حتصدقوا لانك ما عارف قيمة الحافز زي ما قلتا ..يعني تركت المال

    سايب لمدير مكتبك !!

    … يعني انت قاعد تساعد على السرقة والفساد !!

    وبعدين انت في منصبك ده اكتر من عشرين سنة يعني لو ضربنا المبلغ في السنين

    دي كلها ومدير مكتبك قاعد يوزع المال السايب ده هو في فساد اكتر من كده !!

    وبعدين نحن اتعودنا منكم كل ما تقسموا بالله ما بتقسموا الاوانتم كاذبين !!

    أخخخخخخخخخخخخخخخخخخخخخ

  16. لاحول ولاقوة الا بالله …….ان الله مع المظلومين
    الحافز دة طلعوه على اساس كل ورقة عليها قيمة ولا شنو
    كرهتونا ياكيزان …

  17. على عثمان يا ما عارف فاسد اكثر من نافع
    والعجب زوجته – هي امبراطورة في الفساد مثلها مثل وداد بابكر وفاطمة خالد واخيها عبد العزيز
    لكن مشكلتك اطرش في زفه
    يا رجل فوق من غفلتك

  18. والله دي قصة دي اي واحد يقبضو بالثابتة يقول ليك فاعل خير وبتصدق بيها هي قروش ابوك عشان تتصدق بيها ؟؟!!

  19. يااخوانا المبلغ دة بسيط جدا مقارنة بى المبالغ الضربتها وداد وضرتها من تحت غطاء العمل الخيرى والطوعى …. والله العظيم سوف ياسلن عن النعيم والفساد دة من وفاة ابراهيم شمس الدين والزبير محمد صالح كانو رجال عفيفين… اللهم ارزقنا واهلنا بالحلال.

  20. والله يا حكومه لو شغلتينا معاك
    بس ادينا الحوافز…مرتبات زاتو ما دايرين
    هههههههه( ) ( ) ( ) ( )

  21. بس ده بسيطه عادي ماهو هارون الرشيد بصرف علي اهلوا ومعارفه من حر ماله امشي الله يلعنك دي قروش الشعب والارامل والاطفال الا غضب الله عليك الي يوم القيامه اللهم الاتذرمنهم احد ياسميع الدعاء وانت القائل الامظلوم فانتقم له

  22. هذا قليل من كثير
    الشعب السودانى يكتوى بنار الفقر وانتم تنهبون حقوقه
    ياخي حرام عليكم الا تتزكرون يوم الوعيد ولو دقيقة واحدة
    كفاية كفاية كفاية كفاااااااااااااااااااااااااااية
    تعبنا و الله تعبنا
    لاحول ولا قوة الا بال

  23. فتنة شنو يا ود الناس
    البقول ديل حرامية تقول عليهم ناس فتنة
    كيف تفهم يا رجل هل يدعو الدين الاسلامي الى ذلك
    اي شريعة تلك التي تجعلك تفهم الامور بهذه الطريقة الغريبة

    طيب اخرج من لجنتك هذه وكون لجنة مع ضميرك وانت مسئول امام الله
    واذهب وتأكد بنفسك حتى تخرج من هؤلاء اللصوص الذين يسخرون طاقتك لحمايتهم والدفاع عنهم بالباطل ويوهمونك بأنهم ناس دين اذهب الى هنا وتأكد :

    صلاح قوش يملك عدد اثنين فيلا فى حى الرياض تواجه بابا حسين مؤجرة من قيل الشركة الصينية للبترول ويملك صلاح قوش فيلا بحى نمرة اثنين ويسكن بها الان ويملك صلاح قوش قصر تحت التشطيب بحى الراقى جنوب شركة دال للسيارات …
    كفاية ام تود الزيادة

    وان اردت تفاصيل عن كل املاك وداد بابكر وفاطمة خالد واخيها عبد العزيز وعلى عثمان طه وزوجته والجاز ونافع وبكري حسن صالح وكرتي وغيرهم ما عليك الا طلب ذلك .

  24. اقبض
    لبعض معارفي وأهلي وأصحاب الحاجات من فقراء وطلاب
    الكلام دة كيف نفهمو
    بامانة الناس ديل مشكلتهم فاسدين وحراميةوكمان عينهم قوية
    ودالبشير دة لو من البداية عمل حكومة ومعارضة كان خافو وماعملو كل هذا الفساد
    لكن المشكلة تركوهم واالبقية النزيهة للصالح العام
    قالو ديل شيوعية ودايرين اسلاميين , فاذا كان ديل الاساميين ودة الاسلام ان من اليوم شيوعى واحمر على السكين

  25. يا اخوان الزول تعبان ومساهر الليل كلواعشان الطلاب شنو يعني لمن يستلم 165 مليون دا مفترض ياخد 200مليون دا زول استاذ

  26. قبل كم يوم قبضنا واحد حرامي كسر دكان عمك آدم في سوق ام دفسو ، الحرامي حلف قال : "أقول لكم بصدق وأقسم بالله العظيم أنني شخصيا لا أعرف قيمة هذا المال الأنني لا اهتم بحسابه وما أعلمه فقط هو كيفية كسر الدكان أما المال فقد تعودت أن أضعه تحت تصرف عباس الهبار مساعدي ليدفع منه مساعدات لبعض معارفي وأهلي وأصحاب الحاجات من فقراء وطلاب ويخبرني بنفاذ ما عنده من مال " بكينا من شدة التأثر ، يا لله ، يا لورع هذا الرجل … هتفنا معه و نحن نبكي : هي لله هي لله لا للسلطة و لا للجاه … و رددنا خلفه : هي للكروش هي للكروش لا للفتة و لا للبوش … أبو الزفت !!!!!!!!!!

  27. اليوم عاد مدرسي الجزيرة من محافظة الكاملين بعد اسبوع علما بان حافز كل معلم 350جنية لاغيرايهما اولى ايها الوكيل بهذه الملايين اهلك واقاربك المساكين ام هؤلاء الغلابة اتقوا الله يا هؤلاء

  28. أذا كان رب البيت البدف ضارب فما شيمت أهل البيت ……………………..أذا كان وكيل وزارة يصرف 65 مليون طيب الوزير بيصرف كم . كل هذا كوم ووزارة التربية والتعليم كوم تاني . هم مربوا الأجيال ماذا يربون أجيالنا ؟؟؟ياحسرة على وطني ويا حرسة علي شعبي . تكدح وتشقى وروح طالعة ، مرض وفقر وجوع وأرهاب بالجملة وإرهاب قطاعي وما قادر على التغيير أكيد في شئ غلط (حتى يحاسبنا ربنا بهؤلاء الظلمة الفجرة فاقدي التربية وفاقدي الضمير )

  29. ها ها ها ها ها ها ها هاها ها ها ها ها ها ها ها نقول شنو no comment الذ ما عند الحكومة انهم بداوا يحاسبوا بتاع النفايات يعني العالم يسر ق براه

  30. يا اخوانا قلنا و نقول ان عصابة الانقاذ حولت السودان لاقطاعية خاصة و حولت الشعب لعبيد…. لناس الانقاذ الامارة و الوزارة و الوجاهة و الحوافز المليارية و المرتبات غير محددة القيمة و فاره السيارات و القصور و الحريم مثني و ثلاث و رباع غير ما ملكت يمينهم… اما الشعب فعليه ان يخدمهم و يدفع الاتاوات و المكوس و الدقنية حتي يتمتع بها سلاطين الانقاذ …. شعب خاضع خانع يعمل كالعبيد و يقتلع منه قوت عياله محروم من الصحة و من التعليم و من الخدمات و من الكرامة و من حتي السؤال عن حقه، و اذا تجرأ نالته الهراوات و الرصاص و السجن و السياط و " الاغتصاب" لان العبيد ليس من حقهم ان يسالوا سادتهم.
    كم ياخذ الوزير من حوافز و بقية الوكلاء و المدراء العامين و الولاة و زراءهم و مدراءهم و من تبعهم من الكلاب الماجورة التي تحميهم؟
    كم ينال المستشارين و" الخبراء الوطنيين"؟
    يا شعب السودان قد اصبحتم عبيدا… دمكم مستباح و مالكم مستباح و كرامتكم مستباحة و عرضكم مستباح و مالكم منهوب و السياط نلهب ظهوركم و ظهور نسائكم و كلاب السلطان مطلقة اليد تنهش لحمكم و اعراضكم و تغتصب نساءكم ….
    بلدكم مستباح و حقوقكم مسلوبة و افواهكم مكممة و مقدرات بلادكم تباع علنا بلا ثمن و يقتسمها اعضاء عصابة الانقاذ نهارا جهارا…. فماذا انتم فاعلون؟
    واصلوا استسلامكم و قريبا ان شاء الله ستجبرون علي تقبيل احذيتهم و ……… قريبا سيلوطون رجالكم و يفترعون فتياتكم علي الملا فما تبقي سوي ذلك ..
    يا اهل السودان كفاية خنوع و استسلام و استعباد فوالله ما بلغتموه من الذل و الانكسار لا يشبه اهل السودان…. الانجليز و الاتراك ما كانوا يتجرؤون علي ذلك مع اجدادكم و ابائكم .. فماذا حل بكم؟!
    الي متي تصبرون علي المهانة و الاذلال و الاسترقاق …. الي متي و جلاديكم يزدادون فجورا و جرأة عليكم و علي الحق….. ماذا تبقي لكم بعد ان تحولتم لمتسولين و خانعين …. ماذا بعد ان صاروا يغتصبون فتياتكم فلا يثور احد ؟ ماذا تبقي لكم من كرامة و من رجولة…. اي حياة هذه التي ترضون بها و قد صارت حياة الكلاب اشرف و افضل من حياتكم؟؟
    اانتم من غني شلعرهم : نحن و نحن الشرف الباذخ دابي الكر شباب النيل؟؟؟؟ هل انتو الساس و انتو الراس؟
    اانتم احفاد عبد الفضيل الماظ؟ هل كان علي عبد اللطيف منكم بالله؟ هل انتم اهل امة اخرجت الامام المهدي؟ هل تنتمون بنسب وطني الي ود حبوبة؟
    تفو

  31. يا اخوانا دى الحوافز بتاعت الامتحانات فقط….ما تنسوا انه رئيس نقابة المعلمين السودانيين….وكمان رثيس نقابة المعلمين العرب ….اها عرفنا خوافز الامتحانات 165 مليون…من النقابات الجوه وبره حوافزه كم !!!!!الشى التانى كيف وكيل وزارة يكون رثيس نقابة؟؟؟. حيرتونا وحيرتوا الفساد ذاته

  32. Al-mtassimm da wAllah motzkr zy umbar7 1998 kan immam msgd AL-gaama……y7lf ygol dyr (yobahil) alsada al-mraghna…..gal ageeb awladi wygebo awladhm l…..:D 😀 😀 😀 😀 😀

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..