من أجل طرد الجقور..مسؤولون يؤدون صلاة المغرب بكبري الجقور “شاهد صور “

عادت الى وسائل التواصل الاجتماعي موجة السخرية من الحكومة، بعدما تعمّد مسؤولون أداء صلاة المغرب من على كبري المنشية المشهور بكبري الجقور. بعدما قدموا الدعوة لبعض المواطنين والاعلاميين للحضور الى الكبري واداء صلاة المغرب من على ظهر الجسر.

وسرت عاصفة من التهكم، على اعتبار ان الدعوة انتشرت في وسائل التواصل الاجتماعي من اجل اداء صلاة المغرب من على كبري الجقور، وهو ما اعتبره البعض امراً غير مألوف، اذ كان من الممكن ان تكون الدعوة مخصصة للافتتاح، بدلا من ان تكون الدعوة لاداء الصلاة من على الكبري الذي شهد تصدعا بعد اقل من عشر اعوام، على انشائه، الامر الذي تطلب اغلاقه وصيناته من جديد، للحيولة دون تهشمه بالكامل.

ولم يجد المدونون في وسائل التواصل الاجتماعي تبريرا للدعوة للصلاة، التي قالت حكومة ولاية الخرطوم انها تأتي متزامنة مع الافتتاح، وهو ما لم يحدث، اذ ان الكبري لم يتم افتتاحه في عصر الاربعاء حسبما اعلنت حكومة ولاية الخرطوم.

وسخر ناشطون في وسائل التواصل الاجتماعي من بدعة الحكومة واصرار بعض المسؤولين على اداء صلاة المغرب من على كبري المنشية، خاصة ان الكبري لم يتم افتتاحه امام المارة، في وقت قال مسؤولون بالولاية ان الاقتتاح سيتم يوم الخميس بدلا عن الاربعاء كما هو معلن.

وتهكّم مدونون من طريقة تفكير الحكومة وقالوا انها تبدو كم يسعى لطرد الجقور بالصلاة، وقالوا انه لا يوجد مبرر لدعوة الناس لصلاة المغرب على الكبري، وان الصواب ان يدعو الناس للافتتاح الكبري.

[CENTER]


[/CENTER]

تعليق واحد

  1. يا منافقين يا ظلمة لقد صرفتم اموالاً طائلة في
    صيانة كبري “البسكويت” وكان الأجدر محاسبة فاقدي
    الضمير الذين اشرفوا على إنشاء هذا الكبري المهزلة
    بدل أن تظهروا في هذه الصورة المأساوية كاملة
    النفاق فهي غير مقبولة بإذن الله . الله يدمركم كما
    دمرتم هذا البلد الآمن.

  2. ديل بالكاد تموا النصاب بكلاب الأمن – أول مرة أشوف نصاب يتموه كلاب!
    هل يجوز ذلك يا علماء السلطان؟

  3. افك واستهبال واستغلا الدين في ابشع الصور
    لابسين بدل وشرابات وهناك اشكال من التنظيم العالمي زي الحلبي اللابس تي شيرت وخاتي يده في صلعته
    وين ناس ابكر؟؟

  4. يا اخوانا الأمام البصلي لابس جزمته، ده حكمو شنو؟ ما حكم صلاته؟ وما حكم الناس الصلوا وراهو ديل؟ وما يتخيل في سبب بخليه يصلي وهو لابس حذاء، وشئ تاني ما اظن انه يستطيع ان يجزم انه ليس بحذائه نجاسة الا اذا كان مكشوف عنه الحجاب

    تحياتي

  5. والله بلدنا دا بقت فيهو حاجات غريبة لدرجة تتجاوز “سوء الظن العريض”. هس الزول يعمل شنو مع شيء كهذا… الحقيقة من شوقي ليك يا بلد: ما عرفت أضحك ولا أبكيييييييييي!

  6. قالو تكلفة الصيانة 19 مليار
    وكل العمل كان عبارة عن تجديد ردمية مع اعادة طبقة الاسفلت
    حسبنا اللة ونعم الوكيل فيكم يا ظلمة

  7. غايتو بعد دا البقطع الكوبرى ده حقو يكتب وصيتو في الاول حتا يقطع وبعدين يتشهد
    ويتوكل علي الله …. وكل من عليها فان ويبقي وجه ربك ذو الجلال والاكرام. صدق الله العظيم

  8. بالله دى طريقة تفكير غريبة مفروض يخنشوا على البعملوا فبهو هل وصل بنا الغباءوالعبط لهذة الدرجة ام ان الشعب السودانى لم يدرى وبالتالى دا شغلهم وطلع فيهو مشاكل مفروض يعترفوا ويعتزوا للشعب ويقولوا ليهو ياخى قصرنا والخطأ وارد بعدين 19 مليار جنية صيانة فى زمن صعب

  9. المعرصين ديل مش قالوا عاوزين يصلوا في كاودا احييييييي انا ديل ما بقدرو يفارقو المنشية

  10. وداعاً كبري المنشية و مرحباً بكبري الجقور هذا الاسم الذي لن يفارق هذا الكبري ابداً

  11. في نفاق يا أخوانا أكثر من كدة
    في كلمة غير بنكرهكم أرددها
    خلاص أنا كرهي ليكم فات آخر مدى

    ما رأي علما السلطان في هذا التفاق الديني ؟؟؟

  12. يا كيزان السوء لم يبق لكم إلا ان تحللوا الزنا وشرب الخمر باسم الدين مثلما حللتم السرقة تحت مسمى التحلل باسم الدين وكما حللتم القتل والتعذيب تحت مسمى الجهاد باسم الدين
    ايها الافاكون الخراصون اتركوا الدين كفى تجارة به وتشويهاً له
    ان الله طيب لا يقبل الا طيباً
    الله يقلعكم ويمزقكم كل ممزق كما مزقتم السودان

  13. أنا قلت أطلع من تحت الكبرى وأشوف اللمة فى شنو….. أتارى صلاة لطرد الجقور… والله أنا ذاتى جاتنى رجفة لاكين قلت فى نفسى … الناس ديل ما حيقدرو يعملو حاجة فى الحملة دى ودا لسبب شايفو أنا موضوعى وأقول ليك :
    شايف الناس البصلو ديل كلهم أفندياتية وناس ببدل وكرافتات وشى تى شيرتات أدينى حقنة ةآآخر جنصصة ….. وين ناس الناس البلبسو الدقون والبشيلو السبح فى الصلاة دى …. كان ينادوهم … واللا مقاطعين لهذا التهجير القسرى للجقور؟؟

  14. المسئولين عن بكرة ابيهم زيهم زي اداريي الهلال والمريخ في السبعينات والتمانينات كلهم بتاعين اناطين وشيوخ وشعوذة ! تلاقي هسي دي شورة بله الغايب او واحد من المشعوذين البيسترزقوا من وراء المسئولين !
    الكبري ده يا إضاءته قوية شدييييد يا الجماعة ديل صلوا المغرب قبل دخول الشمس !!
    بتاعين المرور ديل كفار !؟ مااالم ما بصلوا ؟
    اموت واعرف صلاة المغرب دي كلفتنا كم تحت بند تكاليف صلاة المغرب في كبري المنشية ؟
    كما شبونة ( اعوذ بالله ..

  15. وينهم المواطنين – انتوا عارفين الناس ملاوزة من انو الشغل بتاع الكبري تمام كمان يقوموا مساكين يقع بيهم الكبري كفاية الوقعات العليهم – يعني زيتنا في بيتنا محن يا ناس هوي في شرق النيل قبل ما تتوكروا في نص الكبري اجدعوا ليكم حجر و لا جقر كان ما ظهر توالي صدوااااا

  16. مش فى صلاة للاستسقاء وفى صلاة لطرد الافات اها الصلاة دى لطرد الجقور من الكبرى كما ان هناك زمار خلص زروع اهل القرية من الجقور ولامن ابو يدفعو ليهو البياض ساق اولاد القرية ونحن هسة دايرين زمار شاطر يسوق لينا الكيزان ديل

  17. ههههههههههه بصلو عشان الجقور يا جماعة ما تاكل ليكم الكبري
    ولكن نفاقهم دا هو المصيبة انا خايفة الكبري يقع بعد يومين من الكضبة الكبيرة

  18. وان الصواب ان يدعو الناس للافتتاح الكبري )

    من الصواب ان يفتحه الكبري وخلاص مافي داي للدعايه والاعلان المفترض يخجلو ويفتحو الكبري باليل بعد الفضيحه دي

  19. ونا اقول كبارى الكفار بتنهار ليه ؟… لانو ما بصلو فيها…. غايتو جنس دجل وشعوذه…
    عملت عمل واتقنته واخلص فية فسينجح خلاف ذلك سينهار وان صليتم فيه … بعدين صلاتكم ذاته ما ماشه.

  20. جمهورية بلة الغائب الغارقة في الدجل والشعوذة حيث اقنعهم بان هنالك عمل مدفون تحت الكبري ولابد ان يصلوا المغرب جماعة حتى يتم ابطال العمل وتختفي الجقور من الجسور وبخاصة كبري الجقور وياساتر من كبري الدباسين وسوبا

  21. الصلاة دي لزوم شنو يعني ؟؟

    صلاة شكر مثلا علي الافتتاح السريع بعد الصيانة ولا صلاة شكر علي الرزق اللي جاء من صيانة الكبري

    اللهم اجعلها في ميزان حسناتهم .

    انا بقترح تاني العايز يقطع الكبري ده يصلي صلاة استخارة

    امة زبا………………

  22. يااخوانا خلاص بلغ السيل الزبي الناس ديل اقيموا الليل في العشر الاوائل من شهر ابريل القادم وادعو بقلب واحد ان يزيل الله البشير والانقاذ في السجود ودايرين مليون شخص فقط من ابناء الشعب السوداني شوفو تاني في بشير بقعد ده سلاح رباني مجرب والبشير بخاف منه موت يلا اتحركوا

  23. (( الغرب الكافر )) لم يهين الاسلام !!!

    بقدر ما أهانه هؤلاء المنافقون المتأسلمون .

    أهكذا تهان الصلاة ويهان دين الله في دولتك يا عمر البشير ؟؟؟؟؟؟؟؟

    أين أنتم يا هيئة علماء السوء والضلال والسلطان ؟؟؟؟؟

    كبري من السيخ والأسمنت !!! هل وصلتم لهذه الدرجة من السفاهة والحقارة والكذب حتي علي الله ورسوله ؟

    أبصق علي وجوهكم ولعنة الله عليكم .

  24. الكلام ده عشان ما يجي ود لذينه منكم يقول الجماعة الصانو الكبري ديل حرامية!!! اها شايفين!!! ناس مؤمنين بحق وحقيقة وقايمين الدين كما هو!!!

  25. أقترح علي عبدالعزيز بركة ساكن عنوان لروايته الجديدة “إمام بجزمة وخمسة عشر مصلي .. والكبري”

  26. دي زي حمارة عمك القال ليها عرت تكضبك البلاء الي يكضبك لمن جاء من الخلاء وشاف ليه واحد كضاب بصلي بالناس المغرب وعندما قرب ليه عمك زاد صوتو في القراية فقال للحمارة قاصدا اياه عرت تكضبك البلا اليكضبك

  27. الجماعة ديل عارفين نفسهم منافقين والدليل على ذلك انهم لم يصلو صلاتهم دي في الجزء المرمم من الجسر وانما في الجزء اليسار في اتجاه المتحرك من المنشية للجريف شرق لانهم بيفكروا في الدنيا ونعيمها وملاوزين يقع بيهم

  28. حقو الجماعة دبل اصلو في القصر الجمهوري كمان عشان يطردوا لينا التماسيح الفيهو كمان واولهم تمساح اب كبلو

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..