نائب والى الخرطوم : مشروع ترعة شرق النيل ضمن المشروعات الاستراتيجية للولاية

اقتباس:

“واوضح نائب الوالى ان الهدف من الاجتماع (وضع رؤية فنية و هندسية متكاملة) حول مشروع ترعة شرق النيل وفق مواقيت زمنية و اولويات فى التنفيذ مشيرا الى ان المشروع ضمن المشروعات الاستراتيجية للولاية و يدخل ضمن مشروعات التنمية التى ترعاها لجنة الموارد بالولاية” .

ياخي النايب اليقوم ليك في حلقك … إنت لسة ما عندك لا رؤية فنية ولا هندسية ولا اقتصادية ولا اجنماعية ولا بيئية ولا تنموية متكاملة حول المشروع وداعي ليك لاجتماع – طيب حتناقشوا شنو؟ احلام زلوط ؟ وللا تهويمات في حقيقة الحياة والممات؟ طيب لو لسة مافي رؤية، حددتوا طول الترعة ولا عرضها كيف؟ – بالنظر وللا بال…..؟؟

بعدين إنشالله عاملين حساب المضرب كويس بعد سد النهضة اللي حيمسك الموية منكم 10 سنين لحدي ما يملوا البحيرة … وبعدين تعال اعمل ترعتك – ياخي شوف: خزاناتك على النيل الازرق وترعك العليهو دي كلها تقنع منها – هي هسع بتشرب بالملقة – المشاريع كلها الرهد والندر والاتبراوي والنيل الازرق عايزين إعادة دراسات – وترعك في مشروع الجزيرة الكبرى والدالي والمزموم ووالجنيد وغرب البطانة والسليت وإمكن لحدي توتي والكدرو دي كلها لازم من هسع تكون دراسات آثار السد الاقتصادية الاجتماعية البيئة وكلفة احتواء النتائج السالبة المحتملة اتعملت واتقدمت وتكون هسع فلوس التعويضات في جيوب المتضررين – لانو الحكاية حتحصل لا مفر

ياخي بالاول الواحد بيعمل المشروع بعدين بيعمل ليهو ترعة مش بالعكس الله يعكس ……..