وزير الدفاع : الموساد في الداخل موجود.. موجود..نحن عارفين الساحل طويل جداً ومن الصعوبة نقدر نسمكره.. لكن (بنخلي الحكاية بعد كده ليها ثمن وسيكون الثمن فيها غالياً).!!

قال وزير الدفاع، في سرادق عزاء الشهيدين ببورتسودان أمس، إنه وقف مع الأجهزة الأمنية على الإجراءات المطلوبة كافة حتى (نصعب عليهم تكرار مثل هذا الأمر) – على حد قوله -. ووافق الوزير هتافات داخل صيوانات العزاء بوجود (موساد) في الداخل، وقال: (موجود موجود). وأقر بصعوبة تأمين الساحل، وقال: (صحيح نحن عارفين إنه ساحل ممتد وطويل جداً جداً ومن الصعوبة نقدر نسمكره). وتابع: لكن (بنخلي الحكاية بعد كده ليها ثمن ولن تكون بدون ثمن، وسيكون الثمن فيها غالياً).

الرأي العام

محتوى إعلاني

تعليق واحد

  1. ثمن أيه يا عبيط بقر ولا شنو إنت تعرف معنى الموساد وماذا يعني ساحل طويل مع وجود التكنلوجيا الحديثة يا من صنعتم طائرة بدون طياروبلاش عبط

  2. هههههههههههههههههههههههههههههههههههههههههههههههه
    انتو متأكدين انو التيس دا مهندس وطيار كمان !!! ساحل شنو الطويل دا ياعوقة وسمكرة شنو الله يسمكر راسك
    وانتو ناوين تأمنو الساحل بالطوب ولا شنو قال طويل اخخخخخخخخخخخخخخخخخخخخخ من هبلك :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad:

  3. قال (نصعب عليهم تكرار مثل هذا الأمر) يعني ما حاتمنعوا تماماً وهم اليهود عندهم جاجة صعبة يا عبد الرحيم ( حاف كدة ) والله يدينا خيركم

  4. الوزير العبيط ده هو مثال لواقع السودان حالياً ،،كمان شوفوا والي الخرطوم ولا والي الجزيرة ، ولا وزير المالية اشكال من وين جات انا ما عارف كل من جامعة السجم (الخرطوم) كبت لينا الكرور ديل الله يسامح من فكر في التعليم المجاني ؟؟؟ مجرد عاهات يحكمون دولة كانت بحجم قارة ولكنها فاشلة في كل شئ الا في التنظير …قرف يقرفكم

    :mad: :mad: :mad: :mad: :mad:

  5. الفريق اول مهندس عبد الرحيم محمد حسين رجل المهام الصعبة صاحب المنجزات هل ينظر هؤلاء المعارضين الى القيادة العامة كيف اصبحت هل يسمعون عن مصنع الصافات كيف انشئت هل يتذكرون كيف التمرد قد هزم فى الجنوب قبل نيفاشا ولم يستطع دخول جوبا او ملكال او واو الا بعد السلام وكيف هزم تمرد دارفور وحركاتها المتعددة ناس كل خمسة يكونوا حركة تحرير ايها الفريق انت بدر انت قمر انت نجم
    اقترح ترفيع الفريق اول عبد الرحيم محمد حسين هذا الرجل الفلتة الى رتبة المشير
    وهو لها بجارة واستحقاق
    اولئك اهلى اهل الانقاذ فجئنى بمثلهم اذا جمعتنا يا (خليل) المجامع

  6. قال عبد الرحيم بنخلي الحكايه ليها ثمن يعني من زمان بتبيعوا ببلاش
    وسيكون الثمن فيها غاليا طبعا ما الاسواق اليومين دي مولعه نار
    انه ساحل طويل ومن الصعوبه نقدر نسمكره مانحن سميناهو الثغر عشان يكون ثغره

  7. ليتنا نرربأ بأنفسنا من هذا الإسفاف، فنحن أمام بلد يمزق ولا ينبغي أن نضيع وقتا في شتائم من قبيل:"الوزير العبيط ،يا ابوريالة يا كذاب ، يا اب لغوفة ،التيس،موت ياحمار" الخ…….
    هذا وإن مثل هذا الكلام قد يكون من أكل لحم البشر، فهو إما غيبة أو بهتان أو كما قال الرسول صلى الله عليه وسلم.

  8. ده حنكهم … ضربونا عشان الشريعة الاسلامية ؟ يعني انتو براكم المسلمين في العالم

    "ساحل ممتد وطويل جداً جداً ومن الصعوبة نقدر نسمكره"… هههه

    ياغبي ماسمعتوا بالاقمار الاصناعية … بدل تبني عمارات وابراج احسن اشتري بالقروش دي رادارات … وكونوا تدخل طائرة للاجواء وقرب المطار دي مشكلة واستهتار بالحكومة السودانية وكان ممكن تصطدم بي طائرة مدنية …. لو عندك دم كان قدمت استقالتك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..