بالصور: جانب من نبض السودانيين في مواقع التواصل الاجتماعي، وتطبيقات الجوال

يبدو أن انتخابات البشير تماثل تماماً عمر السلطة، التي دون شك دخلت مرحلة الشيخوخة والخمول .. فالأقبال الجماهيري ضعيف جداً.. وهو ما أكدته الصور التي تداولها النشطاء الإعلاميين في شبكات التواصل الاجتماعي وفي تطبيقات الهاتف كالواتس آب.

سجالات كثيرة، اطلعت عليها الراكوبة من خلال محرريها ومراسليها.. فإليكم جانب من هذه الحوارات:

[CENTER]

[/CENTER] – بورتسودان المراكز خالية

– كمال عمر لاسكاي نيوز يقر بضعف المشاركة في الانتخابات ويقول لا خيار الا الثورة الشعبية

– عاجل جهاز الامن يبعث برسائل للصحف بسبب ضعف المشاركة في الانتخابات
السيد رئيس تحرير صحيفة ……
السلام عليكم ورحمة الله
نرجو ان نلفت انتباهكم للأتي
اولا . عدم نشر اي مانشيت او صور سالبة عن الانتخابات او ضعف الاقبال عليها
ثانيا .

التركيز الايجابي وابرازه طوال ايام الاقتراع

– دا توجيه اليوم من الامن للصحف

– في قريه مبروكه في الجزيره افادتنا احدى موظفات المفوضية: “حتى الساعه واحده ما جا زول حايم”!! وحتى قالت فطور ما جابوه ليهم، مافي غير ينوموا

– حتى اللحظه لم تصل صناديق الاقتراع ومستندات اللجان الانتخابيه في كل المراكز بمحليه ام برو في شمال دارفور.

– انباء عن تعرض كادوقلي لإطلاق صاروخ كاتوشيا في منطقة الدلنج من يؤكد الخبر!

– المراكز خالية من المرشحين …الكلام ده في الدروشاب بحري شمال

– أكد لي منذ قليل أحد الكيزان (ويسكن أحد أحياء الخرطوم الراقية) بأن هنالك أقبال شديد على الانتخابات في مركز الأقتراع المجاور لمنزلهم، فطلبت منه أن يصور المركز للتأكيد، فوافق…
وجاء بعد قليل ليقول لي: – أنا ما مصوِّر ياخي..
بعدين بتشوف كل شيء في التلفزيون.

[CENTER]
– ده مركز فداسي الانتخابي[/CENTER] [CENTER]
– بعض المراكز تبدو شديدة الزحام بسبب كثافة الاقبال[/CENTER] [CENTER][/CENTER] – خلو بالكم

فايز السليك في صفحته بفيسبوك كتب:
قصة حقيقية، لما قريبي صوت باسمي.
أحد أقاربي جاني يضحك شديد، كـأنه طالع من مسرح كوميدي
، قال لي
– يا استاذ أنا صوت ليك.
صوت لي أنا؟
– أيوة.
– وين؟ ومتين؟
– في الحلة ياخي، أم مرحي، أنا صوت باسمك. دخلت مرتين، مرة باسمي ومرة باسمك.
لم أغضب من قريبي، بل ضحكت لأن الحكاية كلها مسرحية فوق مسرح العبث، وهذه قصة حقيقية حدثت لي، في انتخابات 1996، كنت وقتها في الخرطوم. ودي أول مرة يكون فيها صوتي دخل في صندوق اقتراع، وهسة ياربي صوتي ح يعمل شنو؟

[CENTER][/CENTER] صفحة حمد ابوادريس بالفيس
بحري الشعبية شمال و جنوب
وصف مراسل فضائية السودان ما يحدث خلفه في مركز الانتخابات بأنه (تدافع)، وهو ما أكدته صورة السيدة المندفعة نحو صناديق الانتخاب.

وكان الطيب المرضي مراسل قناة الجزيرة قد وصف الأقبال على صناديق الانتخاب بأنه ضعيف جداً، حيث ظل واقفاً دون أن يرى مقترعاً، لمدة ساعة أمام مركز مهم يفترض أن يصوّت فيه 4000 مواطن.

[CENTER][/CENTER] – بعد دقيقتين قال اﻻقبال متوسط و لما اعاد المذيع سؤاله عن حجم اﻻقبال قال له اﻻقبال كبير. ..
قبيل كنت مصدق المراسل محمد الزبير…و لكن لما اخفى الصف الذى كان وراءه عرفت اللعبة بتاعت الكيزان .

[CENTER][/CENTER] حمة شديدة خلاص .. ههههههههه
اوﻻد ال(لذينا) يا الكيزان تاني تجوا الحفلة

[CENTER][/CENTER] الكراسي ستقترع و تختار القوي اﻻمين المواطن البشير

[CENTER][/CENTER] الزولة فضيحة قالت الناس بصوتوا و بمشوا عشان كدي مافي ناس
مركز ودالياس محلية شيكان

[CENTER][/CENTER] الزول ده قال هو مندوب المفوضية متضايق ان محلية شيكان مشاركتها ضعيفة و معظم الناخبين من النسوان

الزول الكضاب ده قال النأس صوتوا و مشوا
مركز ودالياس باﻻبيض

صفحة سيد الطيب بفيسبوك

– بدل النومة دي يا عمك كان قمت اديت الصندوق دا خجة خجتين ما احسن .

– ارزقية الانتخابات: بعد شوية حا يكوركو علينا جاي علينا جاي

– النومة دي بتريحو شوية

دي محطة الوطن الكبير
ناس عطبرة ما حانقول ليكم مشيتو وين لكن بنسأل من ناس المركز دا مشو وين ؟
وين شرطة حماية المركز الانتخابي ؟
وين مناديب مفوضية الانتخابات ؟
وين الصناديق وين الناس ؟
اجازة سعيدة ياعطبرة
السيد مختار الاصم رئيس مفوضية انتخابات الخج والرقص والهز ناس المركز ديل اتخارجوا بدري وبقدرة قادر صناديق عطبرة حتوصلك مليانة ومخجوجة ابشر

[CENTER][/CENTER] الفتيحاب الشقلة مركز الانتخابات مسجد الشيخ ثابت
الكيزان بندهوا على ناس الحلة بي مكرفون الجامع ، زول عبرهم مافي
المتوقع : يتم تصوير القادمين لاداء صلاة الظهر ، العصر ، المغرب ، العشاء على انهم قادمين للمشاركة في الانتخابات .
ياريت يا ناس الشقلة اليوم دا بالذات تمشوا تصلوا في اي مسجد تاني ونخلي ليهم المسجد العملوه مركز اقتراع ده .
ـــــــــــــــ
الشقلة في سبتمبر 2013 قدمت الشهيد بابكر ابشر طالب الثانوي المحبوب المهذب واليوم قدمت درسا قاسيا لرخيصي الثمن.

[CENTER][/CENTER] أحمد سليمان – فيسبوك
ﻓﻲ ﺍﻧﺘﺨﺎﺑﺎﺕ ﺣﺰﺏ ﺍﻟﺒﺸﻴﺮ .. ﺍﻟﺼﻮﺭﺓ ﺃﻋﻼﻩ ﺍﻟﺘﻘﻄﺖ ﺍﻟﻴﻮﻡ ﻭﻫﻲ ﻟﻤﺮﻛﺰ ﻣﺪﺭﺳﺔ ﺍﻟﺨﻨﺴﺎﺀﺑﻤﺪﻳﻨﺔ ﺍﻟﻤﺘﻤﺔ ﻭﺍﻟﺴﻤﺎﺳﺮﺓ ﻓﻘﻂ ﻣﻦ ﻳﺤﻴﻄﻮﻥ ﺑﺎﻟﻤﺮﻛﺰ

موفق الصادق – فيسبوك
وتتواصل حملة النوم في انتخابات الخج ههههههههه
نهر النيل .. ابوحمد ..

[CENTER][/CENTER] محمد حسن المهدي
سلامات جميعا …
اين تسهر هذا المساء ..
* يمكنك ان تصحو متأخرا .. لا شئ مهم في الصباح الباكر ..
* ممكن تمشي شغلك عادي لو ما موظف حكومة .. لو قطاع خاص .. او من قطاع الخدمات .. !
* ممكن تقعد في البيت .. وتشوف كرتونة تكتب فيها ..مقاطعون ولاداعي للاحراج ..وتعلقها في باب البيت .. اظرف من الورقة المطبوعة ..!
* لو حبيت تفرّق شوية من قعدة البيت .. ممكن تمشي علي اقرب مركز تصويت .. بالله صورة واضحة كدا ..يكون ظاهر فيها اسم المركز …وممكن تتونس مع العساكر الحارسين بره ديل ..بكونو زهجانين .. وارفع لينا التسجيل ..صوت وصورة ..!
*ممكن تحوم في الشوارع .. و تصوّر … كل المدن السودانية هادئة اليوم .. وكسلي ومتثائبة … صورة صورتين من حتتك الانت فيها ما بطالة ..!
* ممكن تقعد قدام التلفزيون .. بس كلو حوثيين وقصف وبتاع ..اخير اللمّة ..
*تاني الزول ممكن يعمل شنو في اليوم دا ..?!

محمد أحمد – فيسبوك
طيب ..
أول أمس .. أعتمدوا (سونا للأنباء) المصدر الوحيد لمتابعة أخبار الأنتخابات ..
وتم تنوير كل وكالات الأنباء الأجنبية بالكلام ده في منبر سونا ..
وردني قبل قليل .. أنه في مشاورات تحت تحت .. أنهم يغتسو حجر الأنترنت .. بطريقه فنيه .. إن ما قطع تام .. على أقل تقدير يتقل أكتر مما هو تقيل .. للحد من أنتشار صور وأخبار المقاطعة ومراكز التصويت الخالية ..
عليه ..
السادة / رباطة الجهاز .. ناس المعلوماتية وغيرهم ..
السادة / الهيئة القومية للأتصالات ..
السادة / شركات الأتصالات ..
السادة / وزارة الأعلام ..
السادة / سونا للأنباء ..
السادة أي زول عندو علاقه بالمؤامرة دي ..
كدي ختو يدكم في الأنترنت ده ولو 10 دقائق ..
تقنعو طوااااالي من موقع (سونا للأنباء) ..
موش هو المصدر الوحيد للأخبار .. بلحقو ليكم أمات طه ..
والحشاش يملا شبكتو ..

عبدالغني كرم الله – فيسبوك

نكتة، شئ يحزن أعماق، أعماق القلب، أموال تهدر، أكاذيب ترددها الصحف والاذاعات، أغاني وطنية، شئ لا يصدق، هذه التزوير والكذب الصراح، ما يسمى انتخابات، وحرة، ونزيهة، يكاد القلب ينفطر من نسيم تلوث بالكذب وأثير يكاد يتسمم، رفقنا بنا، إن الله لا لن يترك هذا الكذب، هذا التلفيق الوطني، هل وصل بنا الحال، بعد 25 عاما، أن نصنع قبة مثل السماء، منسوجة من التضليل، والصلف، ونغطي بها وجه الوطن، ونحجب عنه شمس الفكر والحرية والخلق..

[CENTER][/CENTER] محمد خليفة – فيسبوك
اخخخخخخخخخخخخخخخخخ …لو مافي زول جاك يصوت

[CENTER][/CENTER] يوسف حسين
صورة تلخص انتخابات الخج النسخة الثانىة 2015 :حملة انتخابية كرست لها ميزانية مفتوحة و الصحف وائمة الجوامع والتلفزيون وكل المرتزقة من نظار وشيوخ ومثقفين ..قادها البشير بنفسه نثر الوعود بالمياه والكهرباء والمستشفيات والرخاء ووصل به الامر الامر ان وعد الناس بالجنة فى القضارف …هاهم اليوم يتسولون المارة للتصويت …رد المواطنين للمشير انت وحزبك والاصم بتاعكم ال 11 مليون بطاقة الطبعتوها موصوها وقرطعوا مويتها _

[CENTER][/CENTER] صفحة يوميات البشير – فيسبوك

[CENTER][/CENTER] صفحة سودانيون غاضبون على قناة الجزيرة الأخبارية
الجزيرة الإخبارية تعترف
إقبال ضعيف باقتراع السودان والمعارضة تصعد دعوتها للمقاطعة
مركز انتخابي في الخرطوم لا يوجد فيه إلا الموظفون والعاملون فيه (الجزيرة نت)