عنترة ينتخب (منع من النشر)
الفاتح جبرا
أخذ (عنترة) يتقلب في فراشه وهو يستمع إلى أصوات تنطلق من الشارع (صوتك في الإنتخابات أمانة أيها المواطن) .. (أيها المواطن سارع بالذهاب وأدل بصوتك)
– ما هذه الجلبة يا عبلة !
– ويحك أنسيت يا عنترة أن اليوم هو يوم الترشيح
– لقد نسيت يا عبلة .. (الما بنسينا شنووو)
– هل ستذهب يا عنترة للإدلاء بصوتك ؟
– بلي .. قومي وجهزي لي بعض الشاي
– لا يوجد بالبيت شاي
– إذن ففنجان من القهوة
– لا يوجد بالبيت بن وللا سكر ذاااتو
– إذن أبعثي الجارية لتأتينا ببعض البن والسكر والشاي
– أنتا نسيت يا عنتر أنو الليله يوم تلطاشر في الشهر ؟ و(الخيمة) عدمانة المليم ؟
بدأ عنترة في إرتداء ملابسه وقام بإمتشاق سيفه وتوجه نحو (فرسه) يجهزها فيما بادرته عبلة :
– إلي أين تذهب يا عنترة؟
– إني ذاهب للإدلاء بصوتي
– إنتظرني لأذهب معك
– هل جننتي يا إمراة .. لا يحق التصويت للنساء !
– والله إنتا الجنيت .. فاطمة إبنة عبدالمحمود مرشحة عديييل .. خليني أنا العاوزة أصوت
– أهذا صحيح يا عبلة ؟
– بلى يا عنتر (والعلماء ساكتين ساااااااي)
– إذن إركبي هودجك وأتبعيني
عنترة يسير وسط شوارع (متسخة) ومغطاة (بالحفر) حتي إذا ما وصل حيث تقع (لجنة إنتخابات بني عبس) أناخ راحلته ثم انزل عبلة من هودجها قائلاً لها :
– الشوارع دي فاضية كده مالا؟ أنكون قد أخطأنا المكان؟
– لا لا لم نخطئ المكان يا عنترة .. ياهو مركز الإقتراع ما شايف البوليس (النايم في الكنبة داااك)
– إذن فلندخل لندلي بصوتينا
يدخل عنترة إلى خيمة التصويت .. يتوسط الخيمة صندوقان كبيران من الخشب أمام كل منهما يوجد شخص ذو لحية كثيفة و(عمامة خضراء) وبين الصندوقين توجد منضدة كبيرة يقف خلفها شاب يرتدى فوق ملابسه (مريلة بنية) مكتوب عليها .. (لجنة إنتخابات بني عبس)، إقترب نحوه عنترة بخطوات ثابتة :
– مرحباً
– أهلاً يا أخ العرب
– أهذا مكان الإقتراع والتصويت يا هذا؟
– بلى
– مالي ارى المكان خالياً ؟ أين بنو قحطان ؟ أين بنو طئ بل أين بنو القعقاع؟؟
– ديل كووولهم مقاطعين !
– وأي القبائل لم تقاطع ؟
– بنو (كوز) بس !
– ولماذا لم ياتو ليصوتو؟
– ما ضامنين وكده
– إذن نريد أن ندلي بصوتينا
– ما إسمك ؟
– عنترة بن شداد العبسي
يقوم الموظف بالإمساك بقطعة من الجلد عليها أسماء المقترعين وهو يتابع بسبابته … عنترة … عنترة … عنترة ثم يرفع راسه مخاطباً عنترة :
– الظاهر إسمك ده (سقط) !
– (وقد تطاير الشرر من عينيه) : ويحكم ؟ كيف يسقط إسمي من الكشوفات – ثم يستل سيفه ..
– يا عنترة ياخ أهدأ في مرشحين رئاسة عدييييل .. أسمهم سقط خليك إنتا
– هذه فوضي .. هذا عبث .. أين رئيس هذه الديار !
– إنتا قاصد الأصم ؟
– أصم؟ مكر؟ مفر؟ مقبل معاً .. هذا لا يعنيني دعوني أصوت وإلا أعملت سيفي هذا فيكم !
– (وهو يرتجف من الخوف) ) سمعاً وطاعة .. خذ قائمة المرشحين هذه واختر منها الشخص الذي تريد التصويت له وضع علامة صح داخل الدائرة التي أمام إسمه ! (يناوله قطعة جلد) مكتوب عليها أسماء ورموز المرشحين …
– (بعد أن يقرأهم) : قل لي من هؤلاء فإني لا أعرف أحداً منهم؟
– ديل المرشحين للرئاسة ؟
– وهل هم من عبس؟
– والله هم من (عبس) بس في واحدين عندهم (جنسيات) تانية !
– وإن قامت الحرب مع من سوف يحاربون ؟
– يا عنترة يااخ ما تصعب الحكاية .. المفوضية سمحت ليهم !
– لن أعطي صوتي وصوت عبلة لأي منهم لأننا لا نعرفهم !
– خلاس صوت للبتعرفو
– أتقصد (الشجرة) !
– يعني بقصد (الحماداب) ؟
– (هنا .. تتداخل عبلة) : شجرة شنووو يا راجل عنترة ده شاي الصباح ما شربووو !!
كسرة :
قيل أن عنترة قبل أن يغادر (مركز الإقتراع) أخرج من جيبه (علبة ضمنة) وناولها للموظفين قائلاً :
– إتسلو بدل قاعدين كده سااااكت !!
– كسرة ثابتة (قديمة) :
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+و+(و)+(و)+و+و
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(و)+(و)+و+و
[email][email protected][/email]
والله تهانينا يا عمو جبرا..
اول مرة الكيزان يمنعوا ليك مقال من النشر.. دي عملتها كيفن؟!!!
دا موضوع عن عنتر وعبلة ياجبرة منعوا ليك من النشر لييه؟؟
قوية …. قوية يا جبرا
فرقت مني الهم ووجع الضرس …… ولسة نغني وبكرة أكيد تخضر الأرض النشفت ….
موعدينا فجر كاسح كالكرب كما قال : شاعر الشعب محجوب الله يرحمو
Thanks so much Mr Fatih…..what you write is is becoming now ,,the only remedy and treatments for our daily misrable, and dark life,,,May Allah grante you healthy long life
هههها عبلة تناديني والانقاذ تقاويني وسوف لا أعطي صوتي للشواطين لأنهم منعوا نشر موضوعي أمام أعين المقاطعين
ههههههههههه والله لو،،،روحي مرقت وأنا بضحك
سبب موتي إنته ربنا يديك الصحه والعافيه بقدر إسعادك لنا .
هههههه متعك الله بالصحة والعافية فقد ازلت عنا جزء من هذا الاستقراش الدائم من خلال اجبارك لنا علي الضحك في زمن البكاء
والله ياجبره دى سيريالية ورمزية خالص والتشبيه ذاتو موفق..حكاية غريبة…تحياتى يامبدع
ههههههههههههههههههه..ساخر جد
ههههههه
أقطع دراعي ياود جبرا اذا انت ما ضربت ليك حاجةقبل ما تكتب هذا المقال الرائع الذي اضحكنا وفرق عنا الهم والغم الذي يحيط بنا من كل جانب إحاطة السوار بالمعصم. الله يجازي شيطانك كما يقولون. ونرجو المعذرة ونستغفر لاتهامك بما ليس فيك
بالفاتح جبرا … جهــز شنطتك وماتنسى حبوب الضغط والسكر والذي منه الله يعينك
لا لا لا أنت ما ساخر أنت مبدع عديييييييييييييييييييييييييييييييييييييييييييييييييييل كدة والله.
بصراحة دي قصة تاريخية
يجب ان تضاف الي منهج وزارة التربية
عبقري يا جبرا
ياخي انت من وادي عبقر زاتو
مبدع حد التشبع ياجبرا
تسلم يا أستاذ يا رائع .. يا مبدع ..
جوز كوتشينة وحريق بدل القعدة الساكت والشخير فضحتونا مع اجهزة التواصل
(قيل أن عنترة قبل أن يغادر (مركز الإقتراع) أخرج من جيبه (علبة ضمنة) وناولها للموظفين قائلاً :
– إتسلو بدل قاعدين كده سااااكت !!)
ههههههههههههههههههههههههههههههههههههههههههههههههااااااااااااااا
جميلة يافاتح
الحماداب ؟؟؟؟ وفردة الجزمة الناصعة البيياض من غير سوء !!!!!!! دي المنعت المقال من النشر زائد علبة الضمنة !!!!!!!!!!!!!!!!!
قولولو ما شاء الله ولا قوة الا بالله للمبدع جبره
يعني ماتطقوهو عين
ربنا يحفظك ويبعد عنك اولاد الحرام
ويخليك للبلد يا اخر المبدعين
Man you have the best WEED in the city can I have some
وهناك وفي مكانٍ آخرٍ من أطراف السودان، مرَّ عنترة واخاه شيبوب بمضارب احدى القبائل. وما إن إقتربا من خيمة الإقتراع المهجورة (لا صناديق لا يحزنون) حتى لفت إنتباههما عسكري على رأسه (الكدمول) ويمتشق الجيم3..
عنترة: من هذا (المتبلم) زي قطاعين الطرق؟ اهو من بني كوز؟
شيبوب: لا، بل من بني (جنجا)..
عنترة: اهو الدواس إذن! فقد سمعنا أن زعيمهم أرغى وأزبد وحلف طلاق ألّا تُقام إنتخاباتٌ في هذه النواحي..
شيبوب: انت الظاهر هيامك (بإبنة مالِكٍ) ماخد وقتك كلو وما جايب خبر.
…………………………..
شعر عنترة بالجوع فقال لشيبوب ممكن نغشى الفرن وناخد شوية رغيف.. وعندما إقتربا شاهدا غباراً كثيفاً لتدافع الناس وظن عنترة انها حرب (داحس والغبراء) فكرب صلبه واخذ ينشد: هلّا سألتِ الخيل يا…
فقاطعه شيبوب: تعال عافر معانا هنا..
وبجانب بتاع الفول وجد عنترة (الجككة والبستلات) مرصوصة لمنتصف الفسحة.. وفى الركن الآخر للفسحة انابيب الغاز.. وتذكر أن خيمتهم لم توقد فيها نار منذ إستلام المرتب.. أحس بغبنٍ شديدٍ وهو يرى البؤس والشقاء في ربوع موطنه.. ومحبوبته عبلة صابرة وقانعة ولكن إلى متى؟..
امتطى عنترة صهوة جواده (كُمَيْت) وإستلّ سيفه (المهند) وأقسم ألّا يعود الى ديار عبلة إلّا بعد أن يقتلع تلك (الشجرة) الخبيثة!!..
متعك الله بالصحة والعافية يا جبرة روائعك دائما طالعو من بيت الكلاوى وتسبب انفجار كلاوى ناس تانين
كسرة من كسراتك ياجبرة : شفت حلااااااااااااتو الايام دى قابض الجو كيف ؟؟؟؟
روعة!
زمان كانوا بقولوا لمحمد توفيق صاحب “جمرات رحمه الله انه لا بد ان يكون ” بارما قوية” بل اتهموه ببلع الافيون قبل الكتاية ! بالله هسة حياتنا دي دايرة الحاجات دي ؟ والله دي نسطل من شمر للصلاة ثيابه
البشير دفع شبابنا إلى الهجرة إلى إسرائيل وندفع ثلث رواتبنا لنشتري الخبز فقط وبأموالنا نشتري التعليم والعلاج وكل ما تقدمه الحكومات الرشيدة لرعاياها برسوم ضئيلة وبعد ده كلو تجوا تقولوا لينا انتخبوا البشير؟ في المشمش
الفاتح جبرا دا يمثل كل مابداخل الشعب السوداني من ثورة وغبن من اكل المال العام بوابسطة حكومة العساكر
البجنني الجماعة ديل عامليهم شنو ولافاكرنك ……………لاسمح الله
بالغت عديل كدا يا أستاذ جبرا .
داير كلام زي دا ينشروه ليك ، لو وافق البشكير ذاتو ناس الرقابة ما بينشروه ، الكلام دا بيجيب ليهم الهوى اليومين ديل ، الحمى عندهم مرتفعة .
إلا قولي إنت حقوا تصوت للمسكيتة ، يمكن في الدورة الرئاسية الجديدة صاحبك الدعول المسميه رئيس يمكن بقول يمكن يتناول ملف هيثرو البتسأل منو طوالي ويريحك .
متعك الله بالصحة والعافية استاذ جبرا.. والله انت فى قمة الجدية والسخرية والذكاء. .لقد اجملت و اوفيت حكاية الانتخابات السودانية ولو اعطيت مقالك هذا لمخرج ومنتج لصنعوا لنا فلم من اعظم الاعمال السودانيه…………….الله يجازيك صحة وعافية قلت لى ضمنة ههههههههههههههههه
ابداع ياجبرا
والله ابداع لاقصي درجه وربنا يمتعك بالعافيه ياستاذ جبرا
ابداع يا جبرة ود أمدرمان صحي صحي
ما هكذا تورد الابل ياجبرا فعنترة اشتهر بالفروسية وعفة النفس ونصرة المظلوم وحيي على النساء
اما سمعت قولة …. واعف عند المغنم
والله يا جبرا فشيتنا وضحكتنا وعكست واقعنا المرير بالسخريه ـــ أين بني كوز فاليخرجوا لي لأقاتلهم لعنكم الله
بإجبرا معقول انت من شواذ آفاق
والله ياجبرا دي قوييييييييية بقوة مليار حصان هههههههههههه
لله درك يا بن جبرا
الله يكتر من امثالك يا جبرة.
يلعبو الضمنه تحت الشجرة (شجرة الزقوم) يا حي با قيوم.
CREATIVITIY IN ITS EXCELLENCE..!!! Ah
والله ياجبرة دائما تتحفنا وتضحكنا وتزرع البهجة في قلوبنا برغم القرف والهم بتاع الكيزان دة لا اسكت الله لك حسا
(انتخابات الاشباح)
ان قامت الحرب سوف ….. يتقاتل ….. الارجاس لوحدهم …. ويفنوا بعضهم … اليس لكم في حروب الافغان عبرة ….. اليس لكم في الفصائل السورية …. تجربة …..
اللهم علييييييييييييك ….. بعصابات الرقاص ….. اقطعهم … تك ….
اللهم علييييييييييييك ….. بعصابات الرقاص ….. اقطعهم … تك ….
اللهم علييييييييييييك ….. بعصابات الرقاص ….. اقطعهم … تك ….
اللهم علييييييييييييك ….. بعصابات الرقاص ….. اقطعهم … تك ….
اللهم علييييييييييييك ….. بعصابات الرقاص ….. اقطعهم … تك ….
اللهم علييييييييييييك ….. بعصابات الرقاص ….. اقطعهم … تك ….
اللهم علييييييييييييك ….. بعصابات الرقاص ….. اقطعهم … تك ….
اللهم علييييييييييييك ….. بعصابات الرقاص ….. اقطعهم … تك ….
اللهم علييييييييييييك ….. بعصابات الرقاص ….. اقطعهم … تك ….
هذه هي حقيقة انتخابات الأبالسة ب ضبانته … ربنا يمتعك بالصحة والعافية أستاذ/ الفاتح.
قال انتخابات قال بغشوا في نفسهم ويصدقوها لا حول ولا قوة الا بالله
واستل الفاتح بن جبرا قلمه واعمله فى جذع الشجرة فخرت واصبحت خاويه على عروشها .. واصبح قومها
يندبون حظهم ويتلاومون بما فعل بهم بن جبرا من قبيلة السوادنه ..!!
لله درك ياجبره