الرئاسة لـ«جوبا»: لن نفرط في شبر من أرض السودان

ذكر نائب الرئيس حسبو محمد عبد الرحمن، أن الشعب وقواه السياسية أفشلت المخططات التي كانت تستهدف استقرار السودان، وذلك بمحاولتها تعطيل الانتخابات والانتقاص من الشرعية. وقال إن الشعب والقوى السياسية التي خاضت الانتخابات قدمت درساً عظيماً ووطنية وإحساساً بالمسؤولية واستطاعت حسم معركة الشرعية. وقال: «حان الوقت لتحقيق تطلعات الشعب السوداني والناخبين في الأمن والاستقرار والخدمات والنهضة».
وأكد حسبو لدى مخاطبته لقاءً جماهيرياً في منطقة سبدو التاريخية بولاية شرق دارفور بعد جولة قام بها لمناطق بحر العرب إلى المناطق الحدودية المتاخمة لدولة الجنوب، أن الحكومة لن تفرط في شبر من أرض السودان، في إشارة لوجود قوات دولة الجنوب في منطقة سماحة. وأكد أمام الناخبين بدائرته، أن القضايا التنموية والخدمات أولويته القصوى، ودعا إلى محاربة الجهل والمرض وكل أسباب التفكك، ووعد بتنفيذ مشروعات فورية في مجالات السدود والمراكز الصحية وتدريب الكوادر الطبية والمساعدين وقيادة نهضة شاملة بالمنطقة، وجدد بإعادة منطقة سبدو سيرتها الأولى، ودعا المواطنين إلى التعاون مع الأجهزة الأمنية لمكافحة التهريب وملاحقة المهربين.
من جانبه، قال والي شرق دارفور العقيد عبد الكريم، إن الولاية شاركت في الانتخابات وحققت نسبة عالية في التصويت لصالح البشير، وأن الولاية تشهد أمناً واستقراراً كبيراً.

الانتباهة

تعليق واحد

  1. ي هو زاتو حقرتو ف بقرتو القول الصريح الواضح ده م توجهوا للجار الشمالي بس عشان جنوبين وعارفين امكانتهم تشطروا علي البردعة الجنوبية وتتركوا الحمار المصري

  2. ههههههههاي قال لن نفرط شبر ، ياخي انتو فرطتو في الارض والدين والعرض والمواطن ههههههه ياخي العن د….كم

  3. يااخوانا حسبو ده مجنون ولا اصلو كدة, هذا الرجل عديم البصر والبصيرة مازال يتكلم باسم الشعب السودانى, انت ياحسبو(ماعارفين دة لقطوه من وين) انت ياحسبو ما عنك اى فكرة عن الانتخابات الاخيرة دى, ولا كنت نائم؟؟؟
    اى شعب انتم ياسلطة الملقطين والهوان تتحدثوا عنه, شرعا وقانونا ليس لكم شرعية فى الحديث باسم الشعب, لانو واضح لغير العاقل انكم مرفوضون وليس مفوضون بالتحدث انابة عنة.
    ياحسبو شوف انت منو, واتعدل واتكلم فى حدود نفسك فقط, ياحسبو شرعا ماعندكم اى ولاية على الشعب, ياحسبو انتم كسلطة متسلطة فكلكم بعد الانتخابات تغردون خارج السرب, ياحسبو انضج سياسيا.
    ارعوى ارعوى ارعوى ياحسبو الظهر فجأة, زى الشيطان. انت منو ومن وين واصلك شنو وفصلك شنو, كل من هب ودب يتحدث باسم الشعب السودان.
    والله هنتم ياسودانين, وماهنت ياسوداننا يوما علينا, لكن الهينين الينين وصحاب الزمم الخربة والفارضين انفسهم على الناس بقوة السلاح, انتو ماعارفين تاريخ السوجان, سلاحكم مابخوف السودانين الاصليين ياحسبو, اما علمت فى تاريخ السودان, كيف تحدى السودانين بالسيف المدفع؟؟؟؟؟؟
    نحن كسودانين الصليين ياحسبو انت بالذات ليس من ملتنا ولا من عرقنا, ولا حتى ماعارفين انت جيت من وين, ولا شايت وين, ياخى الزم حدودك, الى ان تهلك فى مزبلة التاريخ. قاتلك الله حى ميت ياانتهازى يامرتزقة يالعين. ومصيبت السودان مصيبة كبيرة, يجى اخر الزمان زى النكرة ده يتكلم باسم الشعب السودانى, كل اول ليهو اخر. صبرا…………

  4. لن نفرط فى شبر من ارض الوطن !!!
    زى ما قالوا المعلقين حلايب ما ارض وطن مختلف عليها مع مصر ولا كيف وتكافؤوا المحتلين بتكريم منتخبهم الفاز بكاس امم افريقيا وتعطوهم المواشى وتقفوا معهم ضد دول منابع النيل الخ الخ ولا يا حسبو الاحتلال انواع فى احتلال من دول ظريفة وفى احتلال من دول ما ظريفة زى جنوب السودان الكان جزء من الوطن وفرطتم فيه بجعل الوحدة غير جاذبة بحجة الاسلام والعروبة!!!
    معقول يا ناس الراكوبة انحنا محكومين بناس زى ديل ؟؟؟؟ لا حول ولا قوة الا بالله العلى العظيم!!!
    كسرة:اضعف الايمان يا حسبو طرد السفير المصرى واستدعاء السفير السودانى و تفعيل الشكوى القديمة فى الامم المتحدة والاتجاه جنوبا نحو دول منابع النيل حتى تستجيب مصر للتحكيم الدولى وبعد داك حلايب يا امتن مصرية او سودانية ونغلق هذا الملف تماما زى جزر حنيش بين اليمن وارتريا ولا القعاد فى السلطة والخوف من مصر اهم من اراضى السودان !!!!!

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..