قال إن وزراء تسببوا في إقالته أمين الأوقاف المقال: لا أستبعد تصفيتي

يا خي بطل الجرسة هسع نقتك دي نستفيد منها شنو كقراء كل العرفنا وظفوك وطردوك وانت ما اول زول يتعاملو معاه بالطريقة دي اذا عايز القراء يتفاعلو معاك خليك شجاع وكب المعلومات الشايفها بتكشف اي فاسد وبالاسماء اذا ما بتقدر سجل العنك كلو في فيديو ووزعو على من تثق فيهم وسلم صورة لاي جهة معارضة تثق فيها

ها يا آدم حمد انت عملت معاهم فريق في شنو طبعاً بكون في الأمن مع انك ما كنت في الجامعة كوز غايتو شيل شيلتك معاهم، عِلا ورينا من وين جاتك فكرة التصفية دي؟ ولا شي عادي كنتم تمارسونه في الأمن؟

موظفاببنك أمدرمان الوطني ثم معتمدا لعدد من المحليات ثم وكيلا لوزارة العمل ومنها مديرا للأوقاف وأخيرا مطاردا وربما تتم تصفيته…كيف هذا أيها الفريق المعجزة؟

إذا سكسوتك دى ماحلتك من الجماعه ديل نحن الشعب نبقى ليك فله …يا راجل إنت فريق بطل الجرسه والموت واحد بس رجع القروش الهبرتها عشان تقابل ربنا نضيف

حتى الأوفاق الإسلامية بجوار بيت الله وقبر النبي صلى الله عليه وسلم والتي هي ملك السودان من زمن علي دينار ، حتى هذه لم تسلم من دنسكم ايها الأوغادالجبناء اكلت السحت ، تنهبون بجوار بيت الله وقبر النبي صلى الله عليه وسلم، تبا لكم، تشهد عليكم الكعبة. اللهم انتقم منهم

you will be reward for contribution you have did, have drink by same cup .Good luck

(( حرّك جهاز امن البشير بلاغاً، في مواجهة الناشطة السياسية الدكتورة ساندرا فاروق كدودة، بنيابة أمن الدولة، تحت طائلة إشانة السمعة. )) .

يا سعادة الفريق ، لو ما فى تطفف فى الكيل والميزان ! ، المطلوب من جهاز الأمن ، فتح بلاغ فى مواجهتك ، والقبض عليك !! … ما انت برضو أسئت لسمعة وزراء وجهات نافذة فى دولة جمهورية السودان ؟ . انت ما عارف القوانين ، عليك السكوت حتى يتم إغتيالك ، وبعد الإغتيال خلى ورثتك تتابع ………. ! .

(ولم يستبعد أن تتم تصفيته جسدياً، ) تستاهل! وعقبال البشير وبقية الزمرة المجرمة كلها

اكتب كل ما تعرفه من اسرار ومعلومات خليها جاهزه من اليوم …وضعها وصيه تنشر بعد استشهادك …كده تكون عاقبتهم واخدت بتارك