كلامات
كلامات
د.كمال عبد القادر
رجل كان يعاني من وجع في الضهر، طلب من ابن اخيه الذي يعمل مزارعا ان يعصر ليهو ضهرو. استلقى الرجل على بطنه وقام ابن الاخ باستعمال اقدامه المشققة والخشنة في عصر الضهر. الرجل صاح بألم شديد “يا ولد اقلع الجزمة وعصر لي”… فقال الولد “دي كراعي حفيانة” فقال الرجل “كان دي كراعك البس الجزمة وعصر لي”!!!.
كل ما اشتكى المواطن الغلاء تقول المالية انها تدعم السلع الاساسية بي ملايين الدولارات. إذا كان هذا حال الأسعار وهي مدعومة، فأن المواطن يقول “يا ناس المالية ارفعوا الدعم ودوسونا بالجزمة”.
عاملين كرعينكم المشققات ديل!!!.
السوداني
يا كمال اوكسجين ههههههههها على حلاوة النكات من عراب توطين العلاج بالداخل الذي سخر مليار دولار لشركة اولاد الشين (شينكو) ولهف بيها اموال البلد لييحكي لينا نكات روح انت وشينكو للجحيم يا كمال اوكسجين
صحى والله بلد عواليق يجيبوك من الليق يبقوك وكيل وزاره
دحين دى نكات بتاعت وكيل وزاره
ايه يا دنيا
انت ماكنت في الصحة مالك مادعمت العلاج فلاحة بعد مامصالحك انتهت علي حساب المواطن الغلبان عرفت انو قاعدين يعصروا ليهو في ضهرو بدون جزمة بلا يخمك والمعاك الكانوا سبب في تعب المواطن
الناس تكتب عن مآثر وفقد وردى و حميد و نقد، رحمهم الله ، وإنت فى سجمك و رمادك ده.
كمان عندك نفس تقول نكتهشكيناك لله وحده
ده فــي الـمـشـمـش … يـادكـتـور .. !!!!!!!
علي الحرام وشو دا وش حراميّة
البلد كلها بقت سجم ورماد وكمال عامل فيها ظريف الراكوبة
شاحد الله الراكوبة عود عود في راسك دا
انت ما كنت مع العفن دا عملت شنو غير النهب والسرقة كمان جبت أخونك معاك بلاء يخمك
الكوز وكت يحاول يضحّك الناس بيطمم بطونم زيادة !!