احداث مثيرة بالمباراة ومشجعو المريخ يحطمون لوحة وكراسي استاد الهلال ويتبادلون التراشق بالحجارة مع الجماهير الزرقاء.. الهلال يهدد بمنع المريخ من الللعب باستاده
شهدت مباراة المريخ والموردة باستاد الهلال تراشقا بالحجارة مابين جمهور الهلال داخل النادي وجمهور المريخ داخل الاستاد بالمدرجات الشرقية المقابلة لنادي الهلال وذلك عقب احراز المريخ لهدفه الاول حيث تفاجأ الجميع بحصب كمية من الحجارة تجاه المدرجات الشرقية وكان مصدر الحجارة من داخل نادي الهلال مما ادي الي اصابة عدد من جماهير المريخ التي تم اسعافها ونقل البعض للمستشفي الشئ الذي جعل بعض الجماهير تهرب من المدرجات وتنزل لارض الملعب مما ادي الي توقف المباراة لبعض الوقت وبتدخل الشرطة عادت الامور الي طبيعتها.
[COLOR=blue]الهلال يهدد بمنع المريخ من الللعب باستاده[/COLOR]احدثت جماهير المريخ التي عايشت مباراة فريقها امام الموردة امس تلفا كبيرا باستاد الهلال الذي استضاف المباراة الدورية في الاسبوع الرابع للممتاز وحطمت الجماهير مايقدر بمائة وخمسين كرسيا وسياج الملعب بالجانب الجنوبي الشرقي في حملة تخريب كبيرة وهي
المرة الثانية التي تتسبب فيها جماهير المريخ باحداث تلف بالكراسي في استاد الهلال حيث سبق وان حطمت اربعمائة وخمسين كرسيا واتلفت الجماهير اللافتة الكبيرة التي يكتب عليها الهلال استديوم.
وصرح لقوون مسئول هلالي رفيع المستوي وقال يجب ان لا تمر هذه الاحداث مرور الكرام وقال علي الاتحاد ان يتشدد في حسم هذه الفوضي التي تكررت للمرة الثانية وادت الي خراب كبير في الاستاد وامتدت الي حصب النادي بالحجارة وتسببت في الغاء الليلة الثقافية وقال المسئول الهلالي علي الاتحاد العام لكرة القدم بمعاقبة المريخ لما وصل والا سيتخذ الهلال قرارا بعدم اداء المريخ لاية مباراة باستاده عدا مباريات القمة اذا كانت هذه هي نوايا جماهير المريخ.
قوون
هذة الامور توضح مدي تخلف جماهير المريخ.
يجب ان يتحمل جمال الوالي (الدكتور) اي تلف الزي حصل في استاد الهلال (المقبرة)
ياجماعة ديل ماجماهير انا ماعارف جايين من وين.
بعدين فرحانين عشان غلبتو الموردة والله عيب عليكم بالحضري وباسكال(مشعلان) والبدري ومع الصرف التقيل .اختشو علي وجوهكم .
يعني ناس بحضروا في كورتهم وجابوا قوون حيكسروا لي شنو
كل الناس شافوا الحصل والحجارة جاية من النادي يعني حايعملوا شنو
مفروض يكسروا النادي كلو عشان نرتاح من حاجة اسمها هلال اصلو انتو
سبب دمار الكرة السودانية الاول برشاويكم للحكام وتحقيق انتصارات زائفة وغير
مستحقة
ياجماعه زريبه العيش دي كمان سموها استاد – مفروض المريخ لمن يتنازل ويلعب في هذه الزريبه مفروض الاتحاد العام يدفع ليهو بدل تواضع -لانه تواضع وقبل ان يلعب في هذه الزريبه – يااحوانا ده المريييييييخ
نفس الشئ حيصل في استاد المريخ والبادئ اظلم
والله هذا هو شأن جماهير الصفعة دائما …. لا ولن يمكن ومن المستحيل يكونوا في يوم من الأيام صفوة…
الحقيداب هم من أساء لهيثم وهم أعداء الرياضة في السودان ….
الله اكبر عليهم…
:mad: :mad: :mad: :mad:
كل جماهير السودان مريخاب بالتاريخ والتاسيس الا من ابي — ومن أبي فنحن المريخاب تاريخيا من أسسنا الهلال ونحن من وضعنا اللبنة الاولي لاستاد الهلال ووضعناه بجوارنا حتي تكون المنافسة شريفة — كم من المرات انسحب الهلال وكم من المرات كان هو البادئ بكل اعمال العنف — العنف هو الهلال ياسادة 0 فالهلال هو كامل الاعلام0 وهذا لايمنع ان يكون هنالك عقلاء بالهلال فهم كثر ولكن اقل من مشجعي المريخ بالوراثة — فمن يرث تاريخا ليس كمن لايرث شئيا 0
علي حسب صحيفتكم الحجاره جات من نادي الهلال يعني عاوزين جمهور المريخ يرفع ليكم اعلام بيضه … ثم ثانيا ناس جابو القون الاول حايجدعو لي؟؟؟؟ ثالثا انتو القون زعلكم عشان كده بديتو تجدعو وناس المريخ تموها ودايما انتو بتبدو بالحاجات الشينه والبادي اظلم وكفايه الالفاظ السيئه لراجي وناس المريخ تموها وقبل كده كسرتو استاد المريخ هسه بقو ليكم حار يا 0000000 دولي واصلو ما حاينزاح من صدوركم
اولا المباراة مباراة موردة يعني الموردة هو المستضيف وهو الاختار يلعب في الزريبة
ثانيا بعد الهدف الاول جمهور الهليل هم البادرو بحصب الحجارة علي جماهير الزعيم
وارجو انو الناس تقول الحقائق مجردة بعيدا عن الانتماءات .
وسبب حصب جمهور الهليل للصفوة هو الحقد الطبقي :
فريق رئيسه امواله مشبوهة ويصرف كمن لا يخشى الفقر ….ماذا تتوقعوا من افعال جماهيره ؟انا هلالابي واحترم المريخ كند تقليدي للهلال زمان …..اما الان وطول المؤتمرنجي صاحب الثروة التي يتم غسلها في نادي المريخ هو رئيس للمريخ سوف لا احترم المريخ حتى يرحل هو والذين يدعموه
و الله ظلمتكم يا جمهور الصفوة . و جمهور الهلال ما جديدة عليه عملوها في سيكافا 1986 بالخرطوم
جماهير المريخ تظل دائما وابدا تسخر من استاد الهلال وتصفه بزريبة العيش الخ نقول لهم المشكله مافى الاستادات ولكن فى من يلعب فيها فريق برقم الصرف البزخى من جانب رئيسه يخرج من التمهيدى الله يصبركم يامريخاب اقول ليكم نظموا سيكافا
استاد الهلال لحق فى شكلو لاعبى المريخ
قف
جماهير الهلال هي من اطلقت الحجارة
يجب ان تعاقب هي لا جماهير المريخ
استادكم يطير عليكم هذه المقبرة التي قبرتكم وقبرت اخلاقكم
قف احترموا انفسكم ليحترمكم الاخرين
قف المريخ قلعة لا يستهان بها يا اصحاب الصفر الدولي
نحنا المريخاب حقو نطالب بحق تقرير المصير ماممكن نعيش في بلد فيها الكيزان والهلالاب 00بلاوي ما يعلم بيها الا ربنا
المريخاب الكلام ده ماجديد عليهم وارجعو لى مباراة زيسكو لمن فلقو الحكم والعجب قعد يحنس الجمهور فلقوه هو زاتو الغريبه يقولو صفوه احسن المريخ ده يسمو نادى ابوحجار:D :D
الازيرق خلي الفلسفة الليك (قال شنو ؟؟قال الحقيداب دي على وزن سكوجاب ولا شنو يافيلسوف زمانك خلى اقتباسات مزمل ابو القاسم وشوف الطبالين بتاعنك ديل)
حقيداب
سكوهاب
ازيرقاب
وارقاب
ايداهواب
طمبلاب
صفوجاب
هليلاب
وبرضو البادي اظلم البدا منو ؟؟
كان مأملين في احمد عادل يعمل ليكم حاجة ؟؟
هاهاهاهاهاهاها الرماد كال حماد واملكم كان في امل امل طلعت ……………..؟
سكوهني ياحضري سكوهني .
النهاية.:D :D :D :D :D :D :D :D :D :D :D :D :D