إدارة البترول تقاضي (8) شباب
الخرطوم: مسرة
أوقعت محكمة النظام العام أمبدة برئاسة القاضي عماد أحمد التوم أمس عقوبة الغرامة (12) ألف جنيه في مواجهة (8) شباب أدينوا بمخالفة قانون تنظيم خدمات النقل والبترول ضبط بحوزتهم عدد (225) كريستالة جازولين بجانب (6) باقات كبيرة، (5) أسطوانات غاز مختلفة، كما أنهم قاموا بتعبئة الغاز دون تصديق من الجهات المختصة. وأمرت المحكمة بمصادرة المعروضات.
وتتلخص الوقائع في أن شرطة أمن المجتمع بالتنسيق مع الإدارة العام للبترول قامت بمداهمات واسعة لأسواق أمبدة وضبطت المعروضات بحوزة المتهمين وكانت الحيازة مخالفة لقانون نقل مواد البترول بالخرطوم وتم اقتيادهم إلى المحكمة ودون في مواجهتهم بلاغ أحيلوا بعد التحقيق معهم إلى المحكمة التي فرضت عليهم عقوبة الغرامة (1500) جنيه لكل مدان.
اخر لحظة
الغريب شنو في الموضوع؟ القانون ظهر متين؟ عادي الناس في الاطراف بيبيعوا الجازولين و الجاز و البنزين في الباغات و الكرستالات!! الناس ديل ما شافو طرق المرور السريع؟؟؟؟
اكيد نحن ضد الممارسات السالبة ومع امن المواطن خاصة فى الاطراف البعيدة مهما كانت دوافعها لكن اها طمنونا عملتو لينا مع ( عصابة على بابا والدشريون حرامى شنو؟؟ )ولا ديك سرقات ضخمة فخمة برعاية كل اعضاء العصابة المسؤولين واعضاء الحكومة ورفع الحصانات ان شاء الله يجيكم يوم يا حرامية لا تعصمكم حصانات من امر الله
عضو عصابة على بابا بتاع زيت بسمة حكمنا عليه بقانون حمورابى ان يطفحوه زيت بسمة بطريقة اجبار الاطفال على شرب الدواء قفل انفه وفتح خشموا وصب زجاجات الزيت 10 زجاجات ثلاث مرات فى اليوم يعنى 30 زجاجة فى اليوم مع صب الزيت على الشعر والشنب والدقن الى ان تنتهى كمية الزيت المخلوقات دى ما ينفع معاها المحاكم والمحاكمات والاسلوب المتبع مع الادميين