مرشح رئاسي يغادر البلاد غاضباً “بلا رجعة” : ما عاد السودان يحتمل أن نعيش فيه مع هذه الأوضاع.
الخرطوم:
قرر المرشح الرئاسي عبدالمحمود عبدالجبار، مغادرة البلاد بصورة نهائية للاستقرار في أوروبا بعد فشله في سباق الانتخابات. وتصدر قائمة المرشحين عمر البشير، مرشح حزب المؤتمر الوطني للرئاسة، بينما حل ثانيا فضل السيد شعيب رئيس حزب الحقيقة الفيدرالي، فاطمة عبدالمحمود ثالثا الاتحاد الاشتراكي، محمد الحسن محمد الحسن حزب الإصلاح الوطني رابعا وعبدالمحمود عبدالجبار خامسا رئيس حزب اتحاد قوى الأمة والذي نال 41 ألف صوت بنسبة “0.74”من جملة أصوات المقترعين.
وقال عبدالجبار في منبر “التيار” أمس الإثنين بلغة اليائس: “ما عاد السودان يحتمل أن نعيش فيه مع هذه الأوضاع السياسية الراهنة. بينما عاب رئيس منبر السلام العادل، المهندس الطيب مصطفى، موقفه بالمحبط وتابع: “أنت لا تزال شابا تستطيع أن تفعل الكثير وعليك بالصبر والمصابرة”.
ووصف المرشح الرئاسي قوة المعارضة بـ”الضعيفة وليس بمقدورها إرغام النظام الحاكم على تغيير سلوكه.
التيار
ي رايق ي سائق وقف وقف سوفنا معاك
خلاص البنج فكه يا عبدالمحمود عبدالجبار.
هههههههه وتانى هههههه
يا وزل الشعب السودانى متحمل 25 سنة كبيسة
وقال رايو في ادبخانات عمر البشبر دى بكل وضوح
قول اديت دورك كـ كمبارس ودفع لك المعلوم وداير تقنعنا
انت كنت خاتى في بالك انت ح تفوز يعنى !!؟
لم يعد لدينا مزيدا من القنابير , لتصديق مثل كهذا ترهات .
عبد الجبار (من دقنو وافتلو)
الكمبـــــــــــــــــــــــــــــــــــارس قبض و عايز بتخارج, يعني كنت فاكرك نفسك ح تفوز و تبقس رئيس ؟؟؟؟؟؟؟؟؟؟؟؟
bye bye
سافري تصحبك السلامه
هههههه يعني خلاص قبض تمن مشاركته الديكورية من الكيزان و ماشي يرطب بيها في أوروبا ؟؟! يا ربي يكون البشكير أداهو قدر حق البشتري ليهو شقة في لندن ولا صاحبنا طلع بي حق الإيجار بس ؟!!!! قال السودان ما عاد شنو ؟؟؟؟ والله دي محن دي!! هههههه
سافر مع السلامة انشاء الله قبضت أجر المشاركة والشغلانة كلها لعب وتسلية وبعزقت أموال الشعب في واحد صارف من جيبه حاجه
من هو المرشح الرئاسي عبدالمحمود عبدالجبار، ؟؟؟؟؟؟؟؟؟؟؟؟؟؟ ومن اين اتى ؟؟؟؟؟؟؟؟
لقد حقق الرجل ما يريد لان اوربا ستمنحه حق اللجؤ باعتباره مرشح ((ساقط))
قرر المرشح الرئاسي عبدالمحمود عبدالجبار، مغادرة البلاد بصورة نهائية للاستقرار في أوروبا
اها يا يسافروا معاك ولا حيمشوا المطار للوداععبد الجبار ال 41 الف ديل حيسافروا معاك ولا يمشوا المطار للوداع
بعدين ما تنسي تدي كل واحد حقو من القروش القبطها
ما بدرى يا … هليفة.
دة طبع بعد ما خمشت المعلوم واديت دور الكومبارس في التمثيلية
تسافر ولا تقعد ماانت زول جيت اديت دورك و مسافر راجع بلدك الاوروبي تاني. اكيد عندو جواز غير السوداني الوهم دة
فالنفترض إنكه قد فزت فبئي جنسية كنت سوف تحكم السودانية ام الاروبية ………..!؟
ولكن برضو طلعتة كسبان يعني لقيت 41 الف صوت وملاااااين الدولارات
كلمتين فقط: ماعاد السودان يحتمل اى شخص ذكرا كان ام انثى, وما هجرة الكوادر الرفيعة وغير الرفيعة والعمالة بصفة عامة, ليست مسألة هجرتهم بالامر الاقتصادى, بقدر عدم احتمال مايجرى فى السودان من ضيق وعنت وتجبر وظلم واحتقار وبيئة غير صالحة للعيش فيها, واصبح السودان طاردا كنتاج اساسى لسلوك هذا النظام المتجبر الضال, وحتى عدم رضاء الاغلبية بمن هم قائمين بولاية امر السودانين, وعدم اعترافهم بالحكومة القائمة وعدم الاعتراف برئيسها الضال الضليل المضل الكذاب, والذى اصبح امرهم مكشوف للقاصى والدانى, وختى حكومات وشعوب العالم قاطبة. هذا هو سبب الهجر للكل من السودان, ومابقية بة لهو فعلا “مجبور” رغم انفة بالبقاء بعلات عدديدة, والامر مفوض لله من قبل ومن بعد. وكفى …………………………………..
ههههههههههههههههههههههههههه ههههههههههههههههههههههههههههههههههههههههههههههههههههههههه تمثيل الله اكبر
كضاب ساي
ده كان مشرد جابو ناس البشير وادو شوية قروش
ولمن مثل الدور رجع محل ما كان
المشهد الأول :
تمثيليه بايخه وسخيفه لاتقل عن تمثيلية ومسرحية الانتخابات التى نافس البشير
السفاح الارهابي نفسه فيها واكتسحها وصرح انو العالم كلو شهد بشفافيتها ونزاهتا
المشهد الثاني:
أن يغضب المرشح الرئاسي الفالصو عبد المحمود عبد الجبار لنتائج الانتخابات ويقرر
مغادرة السودان بشكل نهائي مصرحا أن السودان لايمكن العيش فيه بعد كده (آل يعني الود كان هايفوز )
المشهد الثالث :
يغادر المرشح الرئاسي الفالصو عبد المحمود عبد الجبار السودان بعد أن قبض باقي العربون
لكن مغادرته السودان الغرض منها هو الانضمام للمعارضين في الخارج للعمل كغواصه لعصابة البشير السفاح
والارهابي ينقل هنات وسكنات وخطط وبرامج المعارضين لمحمد عطا ولكلاب الأمن .
هذا كل مافي الامر وقد تم ترتيب هذه المسرحيه والتمثيليه السخيفه والهزيله من قبل الانتخابات .
المسرحيه من تاليف واخراج وانتاج محمد عطا رئيس جهاز كلاب الامن الواطي .
يا جماعة السياسة دى كدة ولا احنا المقفلين يا ناس اصحو اصحو اصحو اصحو الناس ديل لسة عاوزين
يجلسو 4 سنة ثا نى0000000000
اذن انت بلا رسالة ….. فلو كنت صادقا ….. في مشروع التغيير الحقيقي …. لما اخترت ….الانزواء …. اروبيا…. وانظر الى الزعماء ….. هل يتخاذلون ….. ويخذلون ….
يا رجل ….. من زمان قالوا …. ليك ….. لا تشارك…. وتعطي زخما….. لشمولية…. العسكر … والارجاس….. والعصابات ….. المؤتلفة ….. ال حين ….انقضاء المصالح…..
طيب انت في اوروبا ما تنسى …. ترشح ….. احقادك ….. لحكم السودان……
طيب حاول طلع معاك الواحد والاربعين الف اللي ادوك اصواتهم ديل!!
قطر عجيب يودى ما يجيب .. تان ماتجى تقول عاوز اترشح فى الانتخابات الجايه .. سامع الكلام ده ولا
نكرروا ليك ..!!
لا ما تسافر المسرحيه لسع ما خلصت ياخي … كمل دورك للنهاية …
…… كيف تسيبنا يا محمود ؟!
عايد عايد يا محمود
محمود مين قلت لى؟؟؟!!!!
الضبان وراك حبل
اخدت قروشك امشي لاسف رضيت بدور الكمبارس في المسرحية الهزلية ..والله اول مرة اسمع حتي باسمك … خااااف من الله مشاركتك اكبر دليل علي خيانتك وخيابتك كمان
قطر عجيب يودى ما يجيب ,, إن شاء الله ماتجى ,, هو الدايرك منو بالله ؟؟؟
بكل اسف انو الواحد عاش في اوروبا وراي بام عينيه كيف تتم الانتخابات وتداول السلطة واحترام الواحد لارادة الشعوب و وعي المواطن الاوروبي بحقوقه وراي كيف ينتخب المواطن هناك المرشح بناءا علي برنامجه وليس لانه ابن علان ولا من ولاية فلتكان اومن قبيلة معيط وبعد دا كل ما استفاد شئ واتي ليرشح نفسه في مثل ذلك الجو الآسن ! اظنه يستحق الرحيل بلاعودة لانه اضافة باشتراكه في الانتباخات خمسة سنين عجاف لمعاناة الشعب السوداني , والي ان يرتفع وعي المواطن السوداني وينتخب حسب ما يجنيه من فائدة أي ينتخب البرامج وليس الاشخاص والولاءات حينها يتقدم السودان الي الامام .
فايت مروح وين ..؟؟ ما لسه الزمن بدرى ..
نشوفك غن شاء الله عام 2020 فى دور تانى أحسن من دور الكمبارس دا ..
بس قبال ما تمشى تقول لينا – بكل امانة ..وما عاوزين منك حاجة – نصيبك كان كم فى التثيلية دى ..
وانت اعترفت بالانتخابات ليه وتشرد بعد فشل مضمون .
عادى جدا ما لمن كاميرون فاز على مليباند فى بريطانيا قام اد مليباند سافر خلى بريطانيا ومشى قعد فى تشاد!!!!!
قلتوا لى هو اسمه منو؟؟؟ عبد المحمود منو؟؟ يكون ده ابو فاطنة عبد المحمود؟؟
أنا ما كنت عارف إنو فاطمة خالد حرم رئيس الجمهورية السيدة الأولى (الأصلى) مريخابية،، كدى زغردتى لينا زى إشراقة جنجويد عندما يفوز المريخ على الترجى الأسبوع القادم.
المفروض يتعلم من “تابيتا بطرس”الجايانا من بريطانياالفيها أقدم برلمانات العالم.
أنت زعلت يا دكتور ؟؟
بالله ما تنسي وأنت طالع ( أقفل الباب وراك ) !!!!!! .
أعوذ بالله .
winners never quit and quitters never win
Vince Lombardi
هم الأثنين لا خير فيهم و لا يستحقون حكم السودان و لا حتى التفكير في الترشح لكن في زمن الكيزان كل حتالات البلد يفكروا في الحكم و البشير ليس افضل منهم و لا الحكام السابقين عسكرين و مدنيين كلهم أضاعوا البلد و رجعونا لورى !!!
مرشح رئاسة جمهورية السودان المكلوم عبدالمحمود عبدالجبار قبل الانتخابات كان يمتلك ركشة يعول بها اهله ويسكن في منزل اسرته الكريمة في منزل متواضع حاله كحال البيوت السودانية الفقيرة ، احرز نسبة 0.74 في انتخابات الخج وقبض الثمن ، مبروك السيارة النيسان باترول الجديدة
مبروك المتكب الجديد والاثاث الفاخر
نما الى علمنا انك تبحث عن منزل يليق بثروتك الجديدة وحقيقة بعد ده ليك حق ترحل من امبدة الى كافوري .
بعت ياشيخ وقبضت الثمن ولكن تذكر ان المال الحلال الذي كنت تجنيه من عملك في الركشة (تكتك) له طعم خاص لن تجده في ثروتك الجديدة التى دفعها لك النظام ليس من مال البشير الخاص ولا من مال ربيع عبدالعاطي وانما من اموال جمعوها من عرق الكادحين والفقراء واوجاع المرضى وتعليم الاطفال والشباب وضرائب المغتربين .
مبروك عليك المتعة الزائلة يا كومبارس
الزول دا كان بيرحلني للمدرسة سنة ٢٠٠٠ امتحانات شهادة الأساس من أم بدة لغاية مدرسة أنس بن مالك في الفتيحاب مربع ٢ عندو ركشة مكتوب عليها #كفاح_المستضعفين وكان كل مرة العادم بيقع ومرة ينقطع سلك الابنص وكم مرة قرب يفوتني جلسة الإمتحان وأمي بتركب معاي بتقول لي عشان كان الركشة باظت في الطريق أتصرف أركبك تكسي تحصل الإمتحان !
سبحااااااان الله ياعبد المحمود
كدي ي حبة أرجع البيت ممكن تلقا ناسي جلابية ولاتوب عشان ما تجي راجع
قبض الفكة وزاد الجكة