إحتيال بـ «زجاجة بارد»
تعددت سبل الإحتيال في الشارع العام .. وظلت الصحف يومياً تنشر على صفحاتها جريمة إحتيال حدثت في مكان ما.. وبالأمس القريب إستباح أحد المجرمين حق المواطن البسيط عوض ابراهيم مصطفى الذي يعمل سائقاً بإحدى المؤسسات عندما أخذ منه مبلغ «008» جنيه كان في طريقه الى تبديلها إلى عملة ريال سعودي استعداداً للعمرة وقال عوض لـ «الرأي العام» إنه خرج من بيته الى السوق العربي لتبديل عملة الجنيه الى الريال السعودي وقابله احد الشباب وكان مهندماً أنيق المظهر وقال له الريال بـ «860» قرشاً واضاف ثم أشترى لي زجاجة «بارد» وقال لي انتظر هنا دقائق أذهب وأتي إليك ودخل بباب العمارة الشمالي وخرج بالجنوبي وظللت في انتظاره ولم يحضر وتيقنت انه أخذ المبلغ وهرب.. لافتاً إلى إكتشافه أنه وقع ضحية لمحتال كبير.
الرأي العام
لاحول ولاقوة الا بالله
تستاهل ,, بارد شنو البتشربه ؟ مالك وعرضك لاتفرط فيهما
غايتو الجاتك فى مالك سامحتك واهو درس تستفيد منه فى مشوارك ومافى دروس مجانية فى الزمن الصعب ده
;) ;) ;) :crazy: ;) ;) ;)
انشاءالله دفع حق البارد؟
عربي اول مره يسافر الخرطوم ,رجع البلد سالوه شنو العجبك في الخرطوم ؟؟
قالهم: سفن اب قالوله : شنو يعني ؟؟
قالهم من ما تمسك علبته وتديها ضربه فوق قدومه وتفتحا …
الخراابه يا تلحق تشرب منها يا ما تلحق
ان شاءالله ما تنفعو القروش السرقها وتدخل عليهو بالساااحق والماااحق
ويدفعها فى علاج وما يتعااالج اّمين ياارب العاالمين
اكيد ده واحد من الشيوعيين او من الاجزاب الطائفية لانه غيرهم ما بيعمل كده لكن ما عرفنا البارد كان نوعه شنو يعنى لو سفن اب ما فى مشكلة
حاالتو دى الحكومة قااعدة وكيف لمن تحصل الفوضى الخلاقة ياترى البنسرق منوو وشنوو. الله يكون في العون.
لحدي متين نحن حنكون في العباطه والدروشه دي اي واحد يقوليك ببدل ليك عملة تديهوا القروش طوالى خلوا الطيبه والدروشه دي وعيشوا ذي باقي العالم :lool: :lool:
دا بارد بالرتينزة ولا شنو :rolleyes: