بدء معاينات المعلمين المتقدمين لوظائف بقطر الأحد
قالت وزارة العمل السودانية، السبت، إن قطر أوفدت فريقاً متكاملاً قوامه 20 خبيراً من المجلس الأعلى للتعليم، لإجراء معاينات للمعلمين السودانيين المتقدمين للعمل هناك، على أن تبدأ المعاينات يوم الأحد بقاعة الصداقة بالخرطوم.
وفاق عدد المعلمين السودانيين المتقدمين لشغل وظائف بدولة قطر أكثر من 1000 معلم ومعلمة، بعد أن أنهت وزارة العمل استلام ملفاتهم تمهيداً لخوض المعاينات.
وعزت وكيل وزارة العمل والإصلاح الإداري هانم برهان الدين، زيادة طلبات الدول العربية لاستقطاب المعلمين السودانيين، للسمعة الطيبة التي يتمتع بها المعلم السوداني في بلاد المهجر، لما لهم من خبرات ثرة في هذا المجال التربوي.
وامتدحت هانم، لدى مخاطبتها دورة تدريبية نظمتها وزارة العمل والإصلاح الإداري بالتعاون مع وزارة التربية والتعليم للمعلمين السودانيين الذين نجحوا في الاختبارات للعمل بدولة قطر، امتدحت النجاح الباهر الذي سيكون دافعاً للمزيد من النجاحات.
وأشارت إلى أن وزارتها لا تألوا جهداً في السعي لإيجاد أفضل الفرص لهجرة الكوادر السودانية الماهرة في كافة المجالات، معلنة أن بدء المعاينات سيكون الأحد بقاعة الصداقة.
شبكة الشروق
عليكم الله ده ما فشل وفشل ذريع عندما تقوم هذه الجهة بالأحتفالية عوضا عن العزاء نحن نفقد المعلمين وهم يهللون ما هذاااااااا يا عالم متى نفيق ؟؟متى ؟؟؟؟؟
واحسرتنا نحن قدامى المعلمين والمعلمات فيكم يا معلمين هذا الزمان مهما كان اللى جبركم على المر هو الامرّ منّو..ان تضطروا للجدلوس لامتحان عشان يشغلوكم القطريين!
*لكن الحقيقه هى فضيحة من اضطركم لهذا التدافع واللى وافق كمان على جلوسوكم لأمتحان ولانترفيو عشان تسافرو وتتركوا تعليم ابناء السودان لمن هم فى بداية الشوط من العمليه التربويه او من هم اقل منكم خبرة على اعتبار انكم انتو اصحاب الخبره والتجربه ألأعلى اللى طبعا دولة قطر حتخنار”الناقشين” من بينكم.وانتم المفروض تكونو “التفتيحه” قادة العمل التربوى والمنتظر قيامكم بتأهيل وتدريب التابعين من اجيال المعلمين والمعلمات
* والله ان العين لتدمع وان النفس لتجزع على ما وصل اليه حالكم يا معلمين السودان وحال التعليم! منو بالله ألأحسن منكم يا معلمين اللى وضعوا ليكم الامتحانات اللى جلستو ليها.. وهل جلستو بارقام جلوس ولآ اسماؤكم مكشوفه للمصححين اللى هل هم اكثر منكم دراية وعلما وهل كان المصححون سودانيين ولآ قطريين! وامتحنوكم فى شنوو؟ هل فى المواداللى نلتم شهاداتكم الجامعيه بيها ولآ فى طرايق تدريسها؟المؤسف انكم “رضيتم بالدون والعلياء تقسم لا تدين يوما لراضى النفس بالدون! واضحيتم الناس فى السودان اشياء ملفقة فان تكشّف فعن ضعف وتوهين (ورحم الله معلم الاجيال شيخ البنّا فى اعلى عليين)
*يا وزارة ايه ما عارف اسميها بايه! قطر (دون تقليل من تقدمها وسبقها السودان حضاريا وانتعاشا اقتصاديا.قطراللى كانت فى سوابق القرون وسوالف الزمان تعتمد فى تعليم اولادها وبناتها على معلمى ومعلمات السودان (دون تهافت منهم وتسابق او كمان جلوس لأمتحان يشكك فى شهادات جامعاتهم وفى معلوماتهم أو خبراتهم وتجربتهم يا حسره) مثلما كان اعتمادها فى رعاية صحة اهلها على اطباء السودان وقامت وزارة خارجيتها ووطدت علاقاتها مع العالم على خبرة ديلوماسيى السودان! يا قوم من يهن يسهل الهوان عليه ما لجرح بميت ايلام!
*لا مانع من انتداب بعضكم للعمل بها لكن موش بالطريقه المهينه المزريه دى ! قال ايه قال نجحوا 425 فى العربى و144 فى الانجليزى وواحد طلع الاول بدون اشتراك فى التربيه الرياضيه( بس ما يكون ذاعوكم) زى ما تساءلت سهير عبدالرحيم! ورحم الله من تولوا ادارة الاعارة والانتداب لما كان على قمة الوزاره المهتمون بالتعليم وبالمعلمين وقضايهم ولم ياتوا باعاجيب الزمان .. من شاكلة”اعادة صياغة الانسان السودانى” ! او كما قال.
اعلان يقولو فيه في نقص في المعلمين في وزارة التربية والتعليم وحسي اكتر من 1000 معلم جاين يقدمو لي معاينات في دولة قطر ….. الله يكون في عون الشعب السوداني …..يا البشير انا ما عارف انت ماشايف وضع البلد دي ….. انت شكلك داير تشرد الناس و تقعد في البلد انت واخوانك التماسيح ومعاك السنيورات الاتنين (وداد و فاطمه)