الشرطة لم تمنع أحداً من الخروج للشوارع في المظاهرات.. وزير الداخلية : البلاد ليس بها تعاطي مخدرات حقيقي ،(البنقو) ليس مصنفاً عالمياً ضمن المخدرات، حقو ما نظلم شبابنا في الجامعات..
الخرطوم: يحيى كشه
كشفت وزارة الداخلية، عن وجود (4.160) ضابطاً وجندياً من أبناء الجنوب ضمن أجهزة الشرطة في الشمال، وقالت إنه سيتم إعفاؤهم قبل التاسع من يوليو المقبل بوداع كبير مع تسليمهم إستحقاقاتهم بالترتيب مع حكومة الجنوب، فيمَا نَفت أن تكون الشرطة منعت أحداً من الخروج للشوارع في المظاهرات، وحَمّلت مسؤولية تسيير المواكب أو منعها إلى والي الولاية والمعتمد، وزادت: (الشرطة إذا قالوا ليها أحرسي بتحرس، وإذا قالوا ليها أمنعي بتمنع)، وتوقّعت زيادة الجبايات حال تم تشغيل نظام (الرادارات) في الطرق المرورية، وقالت إنها من أفضل الوزارات في مدخلات وزارة المالية وفقاً للمراجع العام، بينما نفت وجود تعاطي مخدرات حقيقية في البلاد، وأوضحت أن (البنقو) ليس مصنفاً عالمياً ضمن المخدرات.
وإنتقد المهندس إبراهيم محمود حامد وزير الداخلية، حديث وزارة المالية عن عدم قانونية دمغة الشرطة، وقال إن وزارته من أفضل الوزارات في مدخلات وزارة المالية وفقاً للمراجع العام، وأضاف: مدير الحسابات لم يكن موفقاً في إنتقاد دمغة الشرطة، وكان يجب أن (يرجع لوزارته). وتوقع محمود زيادة الجبايات حال تم تشغيل نظام (الرادارات) في الطرق المرورية.
وفي سياق آخر، حمّل الوزير في برنامج (مؤتمر إذاعي) أمس، الحركة الشعبية المسؤولية كَاملةً عن حادث جنوب كردفان في الأيام الماضية التي راح ضحيته عدد من المواطنين. وقال: نحمِّل الحركة المسؤولية كاملةً في الحادث، وزاد: الحركة هي السبب، وإنتقد محمود وجود قوات مسلحة للحركة بمنطقتي النيل الأزرق وجنوب كردفان، وأشار إلى أن وجود القوات مُخالفٌ لنصوص إتفاقية السلام الشامل، وكشف عن حوار يجرى الآن بين الشريكين لبحث وجود قوات الحركة بالمنطقتين. وقال: (المطلوب ان أي شخص حامل للسلاح إما أن يضعه أو أن يكون خارج حدود 56). وكشف محمود عن وجود (4.160) ضابطاً وجندياً من أبناء الجنوب ضمن أجهزة الشرطة في الشمال، وأكد أن ذهاب الجنوبيين منها لا يؤثر عليها لأن أجهزة الشرطة تقدر بحوالي (120) ألفاً في البلاد. وقال إنه سيتم إعفاء منسوبي الشرطة من الجنوبيين قبل التاسع من يوليو المقبل بوداع كبير مع تسليمهم إستحقاقاتهم بالترتيب مع حكومة الجنوب، وأشار لخطاب من وزير الداخلية بالجنوب يطالب بالكشف عن عدد منسوبي الشرطة من أبناء الجنوب. وقال إن الترتيبات تجرى للإيفاء بإستحقاقاتهم قبل التاسع من يوليو، وسينطبق عليهم بعد نهاية الفترة الإنتقالية ما ينطبق على وجود أبناء الجنوب في الشمال، وأوضح محمود أن وضعية الجنوبيين (الجنسية) بعد الإنفصال الرسمي حَقٌ سيادي لحكومتي الشمال والجنوب، وقال إنها سلطة متروكة للدولة، وأضاف: (القانون ما بدي الجنسية بالثقافة)، ودعا لقراءة موضوع الجنسية في إطار الدولتين.
إلى ذلك، نفى محمود أن تكون الشرطة منعت أحداً من الخروج للشوارع في المظاهرات، وحمّل مسؤولية تسيير المواكب أو منعها لوالي الولاية والمعتمد. وزاد: (الشرطة إذا قالوا ليها أحرسي بتحرس، وإذا قالوا ليها أمنعي بتمنع)، ونفى أن تكون العاصمة الخرطوم (مفخخة)، وقال إن البعض يسهم في زعزعة المواطنين.
ونفى محمود وجود تعاطي مخدرات حقيقي في البلاد، وقال إن (البنقو) ليس مصنفاً عالمياً ضمن المخدرات، وزاد: (لحد الآن ما عندنا المخدرات المصنفة عالمياً، والبنقو دا مصنف من المواد المهلوسة). وتابع: حقو ما نظلم شبابنا في الجامعات.
وأكد محمود أن الإستقرار الأمني في البلاد أفضل بكثيرٍ من السنوات الماضية بما فيها دارفور. وقال إن التقرير ربع السنوي للعام 2011م أكّد أنّ الوضع مستقر أكثر من السنوات الماضية، وأشار الوزير إلى وضع خطة أمنية متكاملة لإجراء الانتخابات في جنوب كردفان.
الرأي العام
[ALIGN=CENTER]
[/ALIGN]
طيب في سجارة 3سنة دا تصنيف قضائي ولا اية فتح بلاغ فقدان السعر 25الف جنية لمنو بمشي دا ياسيدي الوزير قدم استقالتك اكرم ليك
انا ما فاهم اي حاجه !!!!القنب الهندي ما مصنف عالميا فقط من المواد المهلوسه طيب الاكستاسي وحبوب الهلوسه مصنفه اخطر من الالهيروين النقي وبعدين البنقو بيدمر خلايا المخ وفي النهايه hallucination and addiction
الحكومه لن تمنع التظاهر !!ولكنها تحضر في زجاج الكراش فاميلي سايز
(البنقو) ليس مصنفاً عالمياً ضمن المخدرات. :lool: :lool:
اتق الله فيما تقول يا سياده الوزير …. قول ما منصنف عالميا اليس هو محرم شرعا ..:lool: :lool:
إقتباس:
(الشرطة إذا قالوا ليها أحرسي بتحرس، وإذا قالوا ليها أمنعي بتمنع)
علي حسب الكلام هذا الشرطة هي مسيسة ومن الذي يقول لها احرسي ولا تحرسي؟؟
إقتباس :
وقال إن (البنقو) ليس مصنفاً عالمياً ضمن المخدرات….
هذا تبرير واضح للشباب بتعاطي ( البنقو) كان الأحري بالوزير أن يسأل الأطباء عن تأثير ( البنقو ) علي العقل ثم بعد ذلك أن يطلق مثل هذ1 الإيضاح.
إن لم يكن من ضمن المخدرات فلماذا سنت له قوانين ولماذا يقبض علي بعضهم بسببه؟
تصريح الوزير هو دعوة لتخدير الشباب السوداني حتي ينسي نفسه ومخافة قيام الثورة والمظاهرات.
يفضلون البقاء في كرسي الحكم حتي علي جماجم وعقول الشباب.
هذا زمانك يا مهازل فامرحي ..
وزير داخليتنا …. قمة السفالة والسقوط لحكومة الملاقيط واللصوص ..
يلا يا حبيبي..اوع تكون فاكر نفسك وزير داخلية حقيقي …
روح …..أحسن ليك قبل ما تنقلب وبعدين تروح فيها …
الصورة ديه توضح ديه مجاودة الشرطة لعريس جعلى مامظاهره
امسك و الله وزير معلم عديل –عازمنك معانا دخنه لكن عندنا بتاع تلاته لفات عليك الله و انت جاى جيب معاك قندول و الورق عندنا ما فى داعى تجيب معاك
ونفى محمود وجود تعاطي مخدرات حقيقي في البلاد، وقال إن (البنقو) ليس مصنفاً عالمياً ضمن المخدرات، وزاد: (لحد الآن ما عندنا المخدرات المصنفة عالمياً، والبنقو دا مصنف من المواد المهلوسة). وتابع: حقو ما نظلم شبابنا في الجامعات
انها دعوة صريحة من وزير الداخلية للشباب لتعاطي البنقو
بعد طرد الجنوبيين من وطنهم الكبير .. متى سيتم طرد
الوظائف الدستوريه من حق ابناء السودان ..
Bakhtak!!! khaleehom ishrabo albango ya falhi!!! wa Allahi alkaizan dail saratan masik alsudan… Allah isrofhom wa isrof abo ahlahom zai awlad haram
وزير من غير اعباء اومصير وزارة جبايات وغرامات ونهب مسلح ومقنن ضد شعب مستسلم وكاتم
البنقو ما مصنف عالميا من المخدرات ده بالله كلام يصدر من وزير داخليه يعنى بالواضح سطلو ولايهمكم ماانتو اصلا عاوزين الناس فى حاله غيبوبه وتغيب للوعى فى كل الاحوال بعدين انتو متين قاعدين تحترموا القوانين والاعراف العالميه بس دى العجبتكم
ونفى محمود وجود تعاطي مخدرات حقيقي في البلاد، وقال إن (البنقو) ليس مصنفاً عالمياً ضمن المخدرات، وزاد: (لحد الآن ما عندنا المخدرات المصنفة عالمياً، والبنقو دا مصنف من المواد المهلوسة). وتابع: حقو ما نظلم شبابنا في الجامعات
.يا محمود انت تاجر بنقو ولا شنو عليك الله لفيت كم سجارة قبل ما تدلي بتصريحك ده كدي خمس:cool: :cool: :cool: :cool: :cool:
البنقو مامن المخدرات ؟؟!! سعادتو دا بتاع صنف ولا شنو ؟!!
طيب ده واقعين فيهو ضرب بالعصي مالو – عمل شنو غير طلع مظاهرات – ثم انو مالقو غير الا… ده يعملو وزير داخلية كمان؟
من قذافيات الحكومة السودانية :D :D :D
وقال إن (البنقو) ليس مصنفاً عالمياً ضمن المخدرات، وزاد: (لحد الآن ما عندنا المخدرات المصنفة عالمياً، والبنقو دا مصنف من المواد المهلوسة). وتابع: حقو ما نظلم شبابنا في الجامعات.
دا معناهو إنو نشرب بنقو ولا شنو؟؟؟:eek: :eek: :eek: :eek:
وقال إن (البنقو) ليس مصنفاً عالمياً ضمن المخدرات،والبنقو دا مصنف من المواد المهلوسة). وتابع: حقو ما نظلم شبابنا في الجامعات… Does it mean not to ask university Students when they are caught smoking it… what a foolish statement:crazy:
عايز يا ناس وجه الشبه بين تصريح الزول ده وتصريح القذافي ….قوم لف بلا يخمك !!!!!!
ياخي إتقي الله كيف ما مصنف عالميا؟؟؟ إنته زول مجنون ولا شنو؟؟؟ و مسمي نفسك حركة إسلامية ، حراااااااااام إتقو الله في أبناء الناس يا سفهاء الأحلام
الخوف بعد شوية يقول العرقي ما مصنف كمادة مسكره عالميا ، بلا في شكلك يا رويبضة
تفوووووووووووو
(البنقو) ليس مصنفاً عالمياً ضمن المخدرات …..الزول د ا ضاربه ولا قاعد يضربها……………
لكن دى بينى وبينك قويه …هى كان ما قويه بقتك وزير داخليه……
قلت لى البنقو دا مصنف عندكم من الخضروات ولا الفواكه فى فقه الكيزان….
هههههههههههههههههههههههههههههههههههههههههههههه
عشنا وشفنا
بعد شويا الخمره بتكون عصير تفاح ولا شنو ؟؟؟؟؟؟
البنقو دا على فكره جزء من خطط الحكومه لي ؟؟
لالهاء الشبااب عن الحقووق والمطالبات الوطنيه و ايي طالب يكون
همو البنقو وبلقاهو بكل سهوووله واسي البنات قامو يدخنو
الله يجعل كيدكم في نحركم يا اصحاب الفكر الماسوني
قد اقترب يومكم واقترب حرقكم وقذفكم الى قاذورات التاريخ
يا سود الوجوه وسود الصنائع
حانبنيهو البنحلم بيهو يوماتي
يا ناس انتو عارفين نص الكيزان بتاعين بنغو عشان كده بقول كده الراجل المخرف ده
كلام لايستحق التعليق __ وكأنه صادر عن مسطول __ بالله ده كلام يخرج من وزير داخلية ؟؟
وحيمر مرور الكرام ___ ولو اتزنق شديد __ حيقول ماقاصد الفهمتوه ___ ويجبكم حاج ماجد
بتاع ( فقه السترة ) ماتكونوا نسيتوه ياجماعة ___ ويقول ليكم سعادة الوزير ماقصده كده
ولو قصده كده (أستروه) _____ شايفين الناس ديل نضاف كيف ؟؟؟
يقدوها ويسدوها ___ ياسلام __ فى نظام ياأخونا أحسن من كده ؟؟____
انتو ماينفع فيكم الزول دة كلامو منطقي ومقنع
ده زول يقولوا ليه قول زيت يقول "ديت" حيعرف الفرق بين البنقو و الجرجير؟
اللهم لا إعتراض فىحكمك.
ل مرة يتحفنا احد رموز الانقاذ بماساة جديدة لا ندري أ نضحط أم نبكي من هول ما نسمع احسن ناخد بنقو ولا رايك شنو يا سعادتو
دا وزير داخلية ولارئيس عصابة مخدرات . يعني نترك الاغتراب ونجي نشتغل تجارة بنقو اصلوا العائد المادي فيها مربح والكلام علي مسئولية وزير داخليتنا الهمام . طيب ياوزير الري العرقي رايك فيهو شنو وانا طبعا عارف ردك سلفا انو حتقول نوع من انواع العصائر . اي مواطن يسطل بعد كلام الوزير حتكون علي ذمة الوزير لانو قال ما مخدر يعني نا حرام . والله فعلا ديل اغبياء وحيوانات ونسال الله ان يعجل بزوالهم .
يبدو إنك زي الحسيني عبد الكريم والبشير نفسه كان بسطل وكان قتل إمراة في الغرب وهو بهز بالكلاش والتصنيف ياغبي بتم على أساس وجو المادة المخدرة وما خلا يوم تقرير المعامل الجنائية من وجود هذه المادة فالمعيار المادة المخدرة لا إسم الحشيش يا بنقو إنت يا …….
ده ذكرني كلام احد تجار المخدرات المصريين بعد توبته-حيث ذكر في لقاء معه انه ترك تجارة الهيروين والكوكايين والان يتاجر في البنقو
يا وزير الداخلية لو البنقو ليس من ضمن المخدرات طيب ليه انتو بتحاكموا الناس على اي اساس تحاكم عجبا عجبا
حكاية الشرطي الذي حاول ان يحرق نفسه سوف تعرفها بعد ان تحسب هذه المسألة
– ما بقصد دمغة الشرطة، وعدم قانونيتها – استغفر الله — ولا تجارة البنقو ولا وحدة مكافحة تهريب المخدرات – التى تطارد تجار بنقو – ابرياء -اصلا لا يعملون في الممنوع – بشهادة وزير الداخلية – يعني بكرة اصغر محامي يمكن ان يرفع قضية يطالب ببراءة موكله – المسجون في قضية تافهة – في نظر الرجل الاول المسؤول عن الامن –
تعالوا نحسب = الشرطة عددها (120) الف سوف تسرح (4) الف فقط ليذهبوا مع الجنوب
(120) الف فيها (10) الف ما يعرف بالكتيبة الاستراتيجية المسؤلة عن حماية النظام ام لا
(4) الف هؤلاء تذهب للجنوب لحمايته – وهو يعادل ثلث السودان – وهل هذه الشرطة تتبع لحكومة الجنوب ام للوزارة القومية – وفي هذا حساب اخر – لايدري به وزير المالية
يعني ميزانية وزارة الداخلية تصرف لعدد من منتسبي الشرطة يزيد عن (100) الف تتلقى اوامرهامن والى الخرطوم – وليس الوزير الهمام المسؤل عن امن السودان – الذي يتلقى الاوامر ولا حولة له – ولا قوة –
اظنكم الآن فهم كيف فكر شرطي في الخرطوم ان يحرق نفسه من القهر – لان وزيره لايدري هل البنغو مسموح بحيازته – وهل المظأهرات مشروعة ام غير مشروعة والجماعة المهلوسين من غير بنقو قالوا سوف نسحقها سحقا بعد ان تحسر الكل على فقد الجنوب فهاهو- الشعب يريد اسقاط النظام – واجتثاث الشجرة الملعونة
البنقو ليس مصنف عالميا اتقي الله دمار الشعب السوداني نحن مع العالم وحقوقهم المفروضة ليس نحن مع العالم يموت الشعب باكمله ويبقي الحكام لحكم اسم الوطن كما في ليبيا
وزادت: (الشرطة إذا قالوا ليها أحرسي بتحرس، وإذا قالوا ليها أمنعي بتمنع)، وتوقّعت زيادة الجبايات حال تم تشغيل نظام (الرادارات) في الطرق المرورية، وقالت إنها من أفضل الوزارات في مدخلات وزارة المالية وفقاً للمراجع العام، بينما نفت وجود تعاطي مخدرات حقيقية في البلاد، وأوضحت أن (البنقو) ليس مصنفاً عالمياً ضمن المخدرات.
=============================================
دا كلام شنو ياجماعة وزير الداخلية دا يقولوا فيهو شنو ؟
اليوم يأتي وزير داخلية النظام ) ليسهم في هذا العمل الجبار بتقليله من شأن البنقو انه من المواد المهلوسة وليست المخدرة واتهام الناس لطلاب الجامعات هو الزور والبهتان بعينه …. احححححححييييييييييييييييييييييييييي والله يا اخوان جماعة المؤتمر الوثني ديل حيعملوا في الشعب اكتر من كدا والسبب معروف (السكوت السكوت السكوت السكوت السكوت السكوت ) هو سبب تماديهم في غيهم وظلمهم وتجبرهم واستخفافهم بعقولنا اللهم يا جبار يا عظيم نسألك بمنك وكرمك ان تزيل عن شعبنا هذا الصمت وهذا السكوت اللهم وفق الثوار لاقتلاع هذا النظام عاجلا غير آجل انك سميع قريب مجيب الدعاء …..
يعني الناس تضرب البنقو عادي ياسيادة الوزير بالله ده كلام !!!!
اهلا وسهلا بدولة الحشاشين الحديثه ، بعد ان انطلت هرطقة الخرف الترابى بتزويج المستشهدين من ضحايهم فى الجنوب للحور العين على البسطاء و فهمها الضحايا اللعبه ، اطل علينا وزير الداخليه بشرعية البنقو و علينا ان نتوقع قريبا فتوى بأن من لا يتعاطاه مارق و زنديق لمزيدا من تغييب العقول و مواكبة الدول المتحضره التى تنادى باستعماله كمسكن طبيعى لامراض الايدز و ملحقاته.
و ان شاء الله قريبا شرعنة زواج المتعه ( الدعاره الشرعيه فى فقه التشيع ) ارضا لسادة نافع و شلته من الايرانين حماة الحمى الان لعصابة الامغاص .
وشهد شاهد من اهلها ….. ده اعلان مجانا للتعاطي
والتاريهم !!!!!!!!!!…. انا اقول الشعب السوداني ده مخدر ومهلوس وعايش في عالم تاني ليه …فيبدو انو درجت وزارة الداخليه على اباحة المخدرات وحبوب الهلوسه للشباب … ويبدو انهم بتاجروا في المخدرات …. عفوا .
القاعده اباحت زراعة وتصنيع المخدرات في افقانستان !!!!!!!!
والكيزان اباحو زراعة وتصنيع البنقو في السودان .!!!!!!!!!!!!
ما هو المثل الاعلى للكيزان ؟؟؟؟؟؟؟؟ ابن لادن وجماعته !!!!!!!!!!
ليس غريبا ياوزير الداخليه ياتاجر البنقو !!!!!!!!!!!!!!!!
وقال إن (البنقو) ليس مصنفاً عالمياً ضمن المخدرات،
غايتو يا ناس الراكوبة كل مرة تجيبوا لينا زول تحفة كدي أسألوا لينا العبقري ده قولوا ليهو الناس المجانين القاعدين في الصواني ديل جنوا من شراب البيبسي ولا شنو؟ بعدين ياخي نحن ذاتو ما عندنا شوارع يمكن أن تتجاوز فيها السرعة لأنو كل زول خايف على الهكرة بتاعتو ولو عاوزين تشتروا رادارات اشتروا بتاعت مراقبة الطائرات العسكرية الهجومية زي الضربت عربية بورتسودان.
إنتو الزول دا ضارب ليهو واحده قبل ما يصرح التصريح دا ولا شنو ………………
يا شباب هوووووووووووي
ما تضربو الموضوع كتير
لو نازلين الشارع ما تخافو
الناس ديل اثبتو انهم اضعف من المتصورنو عنهم
الشرطه الخاصه ديل اهلي واهلك ما بكتلوكم
اول كم شهيد وتاني شوفو الجماعه حا يتنصلو منهم كيف
ديل ناس دنيا موهن ناس كتال
ما باعو التراب بحجة الاستعراب
ما نكسو رويساتم للخواجات
ما بهدلو الاولاد واغتصبو البنات
يبدو ان السيد الوزير كان لافي ليهو سيجارة عند الادلاء بهذا التصريح العجيب
الكلام ده خليك قدرو يا سيادة الوزير الغير موقر ، و أحسن تتراجع عن كلامك ده يا جهلول
و الله يبقى ليك حار و تشوفو في أولادك و لا أقربائك ، بالله إنته وزير؟؟؟؟
يخس على هذه تصريحات ، تحلل البنقو ؟؟ دي اخرتها ، اختشي على دمك
ضيعتو الشعب و ضيعتو الشباب و سطلتوهم و غيبتوهم عن الواقع و ابعدتوهم من المساجد و حلقات الهدى و العلم يا تجار الدين
الله لا يبارك فيكم يا زبالة يا حثالة
تفوووووووووووووووووووووووو
التصنيف عالمي ام بالشريعه الاسلاميه يا ريسنا افيدونا يا شباب نسمع كلام منو الريس ام افورقي ام السيد ام مولانا ام الفريق صديق
الخمور و المسكرات معروفة منذ ما قبل التاريخ , كما كانت منتشرة في الجاهلية , فكان من بين تلك النباتات التي أستخدمها الإنسان نبات القنب الذي يستخرج منه الحشيش و الماريجوانا , و نبات الخشخاش الذي ينتج الأفيون و الذي يتم تصنيع المورفين و الهيروين و الكودائين منه حالياً , و بعض أنواع الصبار , ونبات الكوكا الذي يصنع منه الكوكائين في العصور الحديثة , و نباتات ست الحسن و الداتورة وجوزة الطيب و عش الغراب.
والمخدرات بحسب تأثيرها
المسكرات: مثل الكحول والبنزين.
مسببات النشوة: مثل الأفيون ومشتقاته.
المهلوسات.
المنومات: وتتمثل في الكلورال والباريبورات والسلفونال وبرموميد البوتاسيوم.
المهلوسات
وقد سميت بهذا الاسم لآثار الهلوسة التي تحدثها على شخص المتعاطي، وهي في الغالب تخيلات عن أصوات و صور وهمية، وأهم هذه المهلوسات عقار L.S.D و عقار P.C.P. وتكون المهلوسات على شكل حبوب تؤخذ عن طريق الفم.
و اغلب ما ذكر اعلاه … غير متوفر عندنا ولله الحمد …..
بعد ما قريت كلام الذول دا…قلت عشان أفهمو لازم امش انجز…وفعلا بعد لفيت لي واحدة
وجبت نفسين الكلام وقع لي…….الذول دا ما غلطان…البنقو ما مصنف عالميا…من المخدرات
الزول دا حسب قرايتو ما لاقاه اسم بنقو دا في اي ملف..انا زاتو ما لاقاني…bango
اعميني واطرشني
………
التحية للسيد الوزير……….
ودا اجمل مشروع حضاري
عصابة الجبهة كفاكم ..
وطنا مشاكله
كتيرة وفاضت .
وقيوده الماسكة نموه ازدادت ..
قلنا :
عصابة الجبهة كفاكم …
كفاية عليكم راحت .
مشروعكم جلى.
واهدافكم طاشت.
راجعوا نفسكم اطرحوا واجمعوا..
حساب محسوب…
ورثتوا بلد طول وعرض
شمال وجنوب..
بلد تراهاقا وطن المهدي
وطن مهيرة و المجذوب ..
بلد دقنة وطن دينار
وطن قرنق وود حبوب..
وطن الازهري
و المحجوب..
شرق راضي وغرب محبوب
سمن وعليه العسل مكبوب
و ما كانت ابد
خراب وحروب ..
لا قبلية لا اثنية
لا عنصرية لا جهوية
لا تجار دين
لا شلة حرامية ..!!
لا اسواق مواسير
لا بنوك ربوية …!
سلع مدعومة
وعلاج ميسور .
وتعليم ناهض
والكل مسرور..
وفجأة ..
جات مركب الشيطان
واشعلت نيران
وركبنا المقلب وضاع وطنا
كان اسمه السودان ..
و جوة كرشة الشيطان
بعيد عن عالم صار متقدم
وجاته الطفرة …
بالجوع الكافر
والعيشة المرة ..
والفقر الساكن
والحاجة الفقرة…
والجهل العم
والمرض الشرة …
والشيطان احتار و اتبرأ ..!!
والناس الركبو المركب ديك
بطونهم كبرت وبيوتهم فاخرة
والناس الركبو المركب ديك
كسبوا الدنيا وخسرو الاخرة ..
والشيطان احتار و اتبرأ …..!!
وما هماهم ولا هاميهم ..
الساحات مليانة فساد
اولاد وبنات !!
بنات واولاد !!
حريم وكبار !!
ورجال وصغار !!
من بنت محتاجة
باعت شرفها
مقابل الحاجة..
لي ولدا عاق
ممكن عدمان!!
ممكن سراق!!
وشاري الادمان..
بحتوا الفوضى
من تحت الشجرة..
ونبشتوا الفتنة
الكانت نايمة ..
هدمتو السور
الكان حامينا ..
وبيعتو ترابنا
بارخص قيمة !!
حلايب ضاعت ..
والفشقة اتشالت ..
وبلدنا انهارت زي اوضه قديمة ..
وجنوبنا الكان
من مليون ميلنا ..
وساكن جووة
جووة قلوبنا ..
وصونا عليه كانو جدودنا .
صار اليوم برة حدودنا
يا اولاد ابليس
يا اولاد …..
يا اولاد الهرمة
تابعتو ابليس
ضيعتو الامة !!
وعفصتو ابليس تحت الجزمة ..
ليكم يوم يا اولاد ابليس
قبل ابليس ويوم ابليس ..
يوم الشعب يعود لي بيته
ويوم البيت يعود لاهله
يوم الناس تعود لبلادها
ويوم ما بلادنا تعود لي ناسها
ويوم ما وطنا غيبوبته تفكه
ويوم ما بلادنا تعود لي ناسها
ويوم ما وطنا غيبوبته تفكه..
ويوم ما بلادنا تعود لي ناسها
ويوم ما وطنا غيبوبته تفكه..
واللة حضك يا بكرى مفضل وزير الداخلية قال ليك البنقو حلال اضرب سلى وما تخاف من زول والبسالك دة شنو قول ليهو الوزير قال عادى
ها ها ها مبروك لشباب وشابات السودانخلاص 0( المنافيخ) بقت مجانى اشربوا تانى براحتكم او تصريح من سعادة الوزير ما فى تانى واحد بفتج خشمه معاكم التحية للمشروع الحضارى التقدير والاحترام للمؤتمر الوطنى وزلك لجهوده الجبارة لرفع المعانة عن كاهل الشاب ودمتم بتنفخوا فى أمن وأمان فى جميع انحاء السودان
وانا اقول الوزير ده مالو لمن قال العربه احترقت بالكامل وتعرفنا علي هوية القتيل من الرخصه الوجدناها في للسياره المحترقة ! ههههههه اتاريه وزير حشاش
يا اخوانا الزول دا ما يكتر كلامو اليختصر ويقول زا زيت واللبيب بالاشارة يفهم
لللإسمو حسن عبد اللطيف ، إنته زول مسكين ولا شنو؟؟
قلته لى أغلب المذكور غير موجود في السودان؟؟
السودان ده أى حاجه ليها علاقة بالفساد و العفاتة موجوده فيهو و الفضل يرجع لى ناس بيشو و شلة يخس
إنته شكلك ليك زمن من السودان يا عمنا
تعال و تشوف العجب العجاااااااااااااب
و زى ما بقولو
كلو في المافي شنو
يا جماعة وزير فى حكومة تتدعى انها إسلامية يقول (إن (البنقو) ليس مصنفاً عالمياً ضمن المخدرات، وزاد: (لحد الآن ما عندنا المخدرات المصنفة عالمياً، والبنقو دا مصنف من المواد المهلوسة). وتابع: حقو ما نظلم شبابنا في الجامعات.) ، ياسعادة الوزير كل مايذهب العقل محرم فى ديننا حتى (العرقى) حرام ،ومن المفترض تشكيل لجنة لدراسة ظاهرة تفشى تعاطى البنقو والخمر فى أوساط الشباب وخاصة فى الجامعات ومحاربة هذه الظاهرة التى يحرمها ديننا الحنيف
الزول ده عنده اكبر شحنه بتاعت قناديل بنقو عايز يوزعه(؟) (؟) :eek: :eek: :confused: :confused:
هههههههههههه بنقو بنقو لف لف لف ياوزير الزير
بعد قرار السيد الوزير الزراره ح تعمل 20ج حقو الناس تسرع وتوفر اكبر كمية عشان الطلب ح يذيد ذياده شديدة زي زيادة السوق والمحروقات ………………………..الخ
الله يكون في عون المستهلك……………………
اعزائى المعلقين . ده شى طبيعى كونه يصرح بكده البنقو اصبح متداول عادى فى البلد وفى الجامعات وكل الدوائر الحكوميه يعنى الفراش ببيع بنقو والحارس فى الجامعه ببيع بنقو وست الشاى والكمسارى وسواق الركشه وبتاع الدكان وانتوا ولا هنا وده شى انا شفته بعينى فى الجامعه حتى البنات بشربوا بنقو . انا من تحليلى لكلام السيد الوزير انه عنده زبائن او هو مروج او بتاع قعدات ولا انتوا رايكم شنو ؟؟؟
كلام الوزير ذكرني قصة الفلاتي شيخ الخلوة بسكر يوماتي بالمريسة قال العييش دة زراتو بي ضراعي مرتي حلالي طحنا الحرام دخل فيهو بـ وين:cool:
المسطول الرسالي ده رشوه بي موية باردة يمكن يفوق
الله يكون في عونك ياوطني اصبح كل من هب ودب يفسر على هواه بالله دا كلام واحد مسؤول كبير بالله عليكم دا مستوى يحكم شعب الله يكون في عون الشعب السوداني وزي مابقولوا خربانا من كبارا
يا ناس الوزير مالوا شارب بنقو ولا شنو كلاموا دا كلام زول مدمن محترف
يا سلام عليك يا وزير الداخليه ما في زول سبقك في الموضوع ده وااكد ليك كل الشباب موفقينك في الراي لانو مافي طريقه لنسيان المواجع الا عن كريق الطعاكي بس نرجوك ترخسو لينا شويه يعني يكون في دعم للسلعه ويا ريتو لو كمان حللت لينا الزنا في الجامعات غشان ما نحتاج نعرس مع الظروف القاسيه دي
باللة عليــــــــــــــــــــك انت وزير داخلية او رئيس عصابة تقو((((البنقو))))ما مصنف من المخدرات لا وزيادة عن المخدرات ياسعادة الوزير الكلام دا مايقولو مسؤل زيك يادكتور الكلام زى كدا والناس عادية ما يقولو خليك تقولو انت وبعد شوية وزع للطلاب((((البنقو )))فى الجامعة عشان يحصلو على درجات كبيرة ويتخرجو ويضرو البلد مش ينفعو البلدكدا يدمرو يا سيد(( محمود))اتقو اللة فى الشعب
البنقو ياهو والسيجاره ياها بس الباميه ما ياها……….. ياوزيرنا
سبحان الله وزير داخلية السودان كان رئيس اتحاد الطلبة الاريتريين بالقاهرة ابان دراسته الجامعية والان بعد أن أصبح وزيرا فى دولة الانقاذ العجيبةأصدر قرارا بدخول الارتريين للسودان بالبطاقة الشخصية، والان يصرح بأن البانقو ليس من ضمن المخدرات وياما بكرة نشوف ونسمع عجبى…..وأبدا ماهنت ياسوداننا يوما علينا
الى من يدعي انه لا توجد مخدرات في السودان اقول هذا حال كثير من الامم التي تتدحرج نحو الهاوية والتي منطقها دائما لا توجد لدينا مشكلة وان تم كشف حالة وظهورها على الملأ يقوم المنظرون بان هذه ليست من شيمنا وهذه عادات دخيلة علينا وهذه حالات شاذة لا يمكن ان نعتبرها ظاهرة وكثير من التبريرات التي لا يفهم منها الا دس الرؤوس في الرمال
اخواني اقول لكم والله على ما اقول شهيد ان هناك احياء يكاد يكون نصف قاطنيها يعتمدون في رزقهم على البنقو والاعجب من ذلك ان زبائنهم اغلبهم من الامن والشرطة والطلاب
الفساد الاجتماعي طفحت رائحته
الفساد المالي يعرفه الصغير والكبير صار لا يستغرب له لانه صار هو الاصل والامانة صارت هي النشاذ في حكومة قلبت كل مفاهيم الاخلاق والدين والاعراف
خلاصة الامر البلد حاميها حراميها ومفتيها في تحليل البنقو وزير داخليتها
ماذا ترجون من حكومة هكذا؟
اليك ايها الشعب السوداني اقول انك محاسب اذا لم تحمي حقك وعرضك وحريتك وكرامتك ولا تحسب انك من حقك التنازل من كل هذه الاشياء وقبل كل هذا اعرف انك انسان كرمك الله فيجب ان تعرف حقوقك وحمايتها وان تسال نفسك كيف يستعبدك الكيزان وقد ولدتك امك حرا
في مؤتمر لرابطة العالم الاسلامي في داكار في التسعينات لا اذكر بالتحديد العام قامت هذه الرابطة باعفاءنا من الجهاد بفتوى من الرؤساء والملوك والان الوزراء بدأوا في تحليل المخدرات ونحن نقول عقبال يعفونا من الصلاة وكدى نكون ارتحنا من الدين زاتو وهي لله هي لله وبئس الشريعة شريعتكم
يا ليتك قفلت ادبخانتك دي وما اتكلمت بيها يا غبي
كيف يكون البنقو ما من المخدرات ؟والذين يتعاطونه يعرفون ذلك
انت عارف الهلوسة وين؟
الهلوسة في مخك ومخ اللي جابك لانكم ما عارفين تعملوا شنو
اسكتوا اسكت الله اصواتكم وجمد الدم في عروقكم ؟
يا جماعة الزول دا مش الكان رئيس الطلاب الارتريين بجامعة الخرطوم ؟؟؟؟ و الله السودان دي فيها حاجات الله يستر ساكت !!!!
لا حول ولا قوة الابالله ……
ياجماعة دى مصيبة شنو دى وزير دفاع فاشل ووزير داخلية افشل منو ……
واقسم بالله العظيم السودان محروس من الله ساكت ……
الجماعة ديل كديس يحكم احسن منهم …….
حليلك يالصادق بى هلم جرا انت ارجل والبلد سيادتها مصونة ورأسها عالى ……
alwazeer :albango halal !!!!! shi ageeeeb
:lool: :lool: :lool: ;) ;) ;)
الزول دا كان فحصوه بلقوه ضارب ليه قندول بي عشرين كرت طاشم للاخر …
دا كلام يا ناس أي شريعة تتمشدقون بها ….
والله السودان فية كلأنواع المخدرات ( هروين . حبوب هلوسة. ملصقات طوابع تتسرب عبر مسامات الجسم ,والبنقو بكل أنواعه )
أتقوا الله في تتدمير الشباب والامة , دايرين تخلوا كل الشعب يسطل في الشارع ,
طيب ماتمشوا لي أنيس حجار يخلطوا ليكم مع البرنجي ..
اللهم عجل بهم وأخذهم أخذ عزيز مقتدر,,,
_ياراجل!!! ات مابتخاف بس الناس تحشش !!ويعملوا ذي القال عليهو القذافي!!!! قال ما مصنف قال!! دا نتيجة لشنو!!!!! لعدم وجود المخدرات!!!! ولا لعدم وجود الدراسات والاهتمام من الدولة وبالصحة النفسيةوالعقلية!!! هو انتو ناس الضغط والسكري البجوكم بي رجلينوم عارفنهم كم!!! عشان تعرفوا المدمن!!!!!! قول نسبتم كم!!! واله اسال وزارة الصحه اكان يفيدوك وهم المسئولون وليس وزارتك عن الادمان دون كذب واحصائيات مزوره!!! معاك حق نحنه كان مامغيبيين ماكان صبرنا علي الهترشة دي!! وبعدين انتو وزارة داخلية تنافس الضرائب علي المدخولات!! اها اسه العايز علاج نفسي منو!!! عندما يتحول كل الوزراء والوزارات لمسئولي جبايات من الشعب الغلبان!!!! ذي ماقال ود جبره كلو مستشار وعبقري جبايات !! لكي يضمن اعلي ربط ونسبة في جيوبهم!!! يعني عسكري المرور تلقاهو الساعة ستة صباحا رابض في شارع جانبي لكي يقبض ويقطع ايصالات!! بينما عسكري الدورية في الليل نائم ويمرح الحرامية بين البيوت ويلعلع الرصاص من المواطنين الساهرين علي حماية ممتلكاتهم!!!
اريد ان اصبح كوزا
لاتسال لم فقد تعب اللوزا
اريد ان ابني بيتا
اريد ان اكل زيتا
شعبي هلكا اصبح ميتا
ياليت ارى حيا فياليتا
لم ارى حيا الا الكوزا
اريد ان يدرس ابني
اريد لمستقبله ابني
فهل ارجوا ان لم اضحى كوزا
هذي امي تشكي المرضا
ولاهلي قد هتك العرضا
واضعت لمولاي الفرضا
ولضيق الحال لم اقضي غرضا
فلذاك اريد ان اضحى كوزا
اريد ان اركب فارهة
البنقو غير مصنف عالميا من المواد المخدره, من اين لك هذه المعلومة ايها الوزير
الهمام ،ياخى والله بالغت فيها،ياربى يكون مسموح به فى ارتريا،ممكن ،يا ناس
كفاية مهاذل اطلعوا اكنسوا البلد من القمامة المعفنة دى
الظاهر دا وزير مخدرات