مقابل تنازل الجنوب عن الأصول..صابر : الشمال لايمانع في تحمل كل ديون السودان
اعلن محافظ بنك السودان السابق، عضو وفد الحكومة لاجتماعات الربيع بواشنطن، صابر محد الحسن، عدم ممانعة تحمل الشمال لكل ديون السودان،مقابل اعتراف الدائنين بمبادرة الديون.
وبدأت امس بواشنطن اجتماعات اللجنة الفنية الخاصة ببحث ديون السودان بمشاركة البنك الدولي وصندوق النقد الدولي وممثلين لنادي باريس والمجموعة العربية الدائنة وعلى رأسها الكويت والسعودية،الى جانب ممثل الاتحاد الافريقي ثامبو امبيكي.
وقال عضو الوفد لوكا بيونق ان المجتمعين اشادوا بالمواقف المشتركة لوفد السودان»شمال وجنوب» مشيراً الى ان تلك الجهات ابدت تقديم مساعدات للطرفين.
من ناحيته، اكد صابر محمد الحسن ان حكومة الشمال لاتمانع في تحمل كافة الديون،مقابل تنازل الجنوب عن الاصول والاعتراف بمبادرة الديون من قبل الدائنين.
الصحافة
كلام الوزير ده بالعربى معناه شنو …… بالله عاوزين تفسير لهذا الكلام مبسط
والاعتراف بمبادرة الديون من قبل الدائنين؟؟؟!!!!!!!!!
أفتونا يا أهل الإقتصاد الكلام ده معناهو شنو؟
الابله هذا من اين له التفويض بتحمل الشمال كل ديون السودان مقابل الاصول، نحن املاك ابو اهله و لا واقعين ليهو في كرتلة؟
تفصلوا الجنوب و تحملوا الشمال نصيبه في الديون التي جلها اسلحة خربة و اشياء اخرى منتهية الصلاحية يعني ميتة و خراب ديار او ذلك المثل الموغل في السفاهة.
قاتلك الله ايها الغبي القبيح
قلنا الرووووووووووووووووووووووووووووب من الحاجات المبهمة دي يا بشر
وهل خرب اقتصاد البلاد وأهدر العملات الصعبة إلا المدعو/ صابر محمد الحسن. تعال أنت ومن معك اشرحوا لينا اين ذهبت هذه الديون ثم من الذي فوض هذا الرجل الفاشل في تحمل الديون. ثم نريد منه أن يشرح لنا عن أي أصول يتكلم هل يتحدث عن أصل الدين وفي زول برفض يتنازل عن أصل الدين. الله يجازيكم لقد أدخلتم البلاد في حيص بيص لم تنجضوا أي شغلة عملتوها كل اتفاقياتكم مضروبة – الآن فصلتم الجنوب ومشاكل الجنوب زي ما هي
دا عود عشر . الله يكف عنا شر البلية .
يعني الدين بتسردبوا و بتشيلوه . ماشيلوا الشعب المسكين انتو عايزين تعيشوا اللحة و الخمة الاخيرة .
للأخوة الذين طلبوا شرح (مبادرة الديون ) : يعني كل واحد يبادر يشوف ليه كوز يكون سيدو و يبدأ في سداد الديون للسيد الكوز … يعني ديون السودان أربعين مليار دولار ، أقسمها على 30 مليون (عدد سكان السودان الشمالي)يطلع نصيبك من الديون 1333 دولار ( ألف و تلتمية تلاتة و تلاتين دولار ) الدولار ينطح الدولار … شوف عدد أفراد الأسرة الذين تكفلهم ، قول في المتوسط خمسة بما فيهم انت ، يبقى نصيبك من الديون 5665 ( قول حوالي ستة آلاف دولار) بالجنيه القديم حوالي 22 مليون جنيه … أها تشوف أقرب كوز و تقول ليه : حأسدد ليك الديون دي لأنك ما قصرت اشتريت بيها أسلحة قتلت حوالي أربعة مليون و ريحتنا منهم ، (ربما يكون فيهم شقيقك أو قريبك ) … أها تقول ليه : يا سيدي الكوز أبو قدوم و الشبيه بالجردل (طبعا عشان تكبر ليهو راسو انو ارتقى لمرتبة جردل) أنا بمبادرة مني زي ما طلبتم سيادتكم سأكون عبدك حتى سداد الديون ، و تاخد ليك بكية و نخجة و تهتف : هي لله هي لله لا للدولارات و لا للشياه ( الشياه هنا مقصود بها الخرفان التي يذبحها الكيزان يوميا لزوم التقشف … انت ما شايف الكروش دي بقت كبيرة كيف ؟؟؟) و للذين لم يفهموا حكاية مبادرة الديون يسألوا الرجل الفحل في الصورة ، فحل لأنه متزوج من أربع صبايا و كل واحدة تسكن في عمارة و العمارات الأربع متجاورات في نواحي بري .
والله حكايه ……… الكيزان في المفاوضات
منذ زمن نميري وبداية قصه البترول تحدث الامريكان عن ان أحترام انظمة الحكم لاهل الجنوب والا لن يتهنوا بالبترول وفي ذلك الزمن كان الكيزان مستشاريين وتقلقلوا في مفاصل الدوله ، يعني عارفين الحاصل شنو !!!
أفتروا خلي بالك ايها القارئ ان الشغلانه عضلات وكبر ……… وجابوا الصين الشعبيه وافتكروا مافي واحد يمكن يهددهم باحترام اهل الجنوب وشيدت الصين :
مصافي البترول
الانابيب
ولما استنفذ النظام اقراضه اصبحت الصين متفرجه …..يعني خم وصر يانظام وشعب السودان المرتصي بحكم السودان ….سيك سيك معلق فيك
ياترى عن اي اصول تتحدث يا شفقان ؟ اصول البترول
وهل الجنوب استفاد من القرض الاصلي الثمانيه مليار ؟
طيب بلاش قروض ما قبل الانقاذ ؟
قروض الانقاذ كم ؟ من كباري ومطار وغيره ؟؟؟؟؟؟؟؟
الشعب يستاهل أكثر من ذلك ؟؟ مع المعذره
انت مالك ومال الشمال يتحمل ولا مايتحمل
هو الشمال دا بتاعك:mad:
حاجة غريبة
والله كان شفتو لكم تاجر شاطر من السوق العربى وجلس مع الدائنين وتفاهم معاهم يمكن يحل مشكلة الديون ده وبلاش من ناس التنظير ديل طالعين نازلين فى الفارق