الدائنون يشترطون إكمال نيفاشا وحل أزمة دارفور لإعفاء الديون ومصر تعترض : انفاذ دارفور كشرط «صعب»..!! لوكا بيونق : توصلنا مع حزب البشير على اتفاق بديل في حال فشل عملية اعفاء الديون
علوية مختار:
وضع الاتحاد الاوروبي واميركا وكندا شروطا لاعفاء السودان من الديون بالانفاذ الكامل لاتفاقية السلام الشامل وحل قضية دارفور، بينما اعترضت مصر على ادراج قضية دارفور ضمن شروط الاعفاء ووصفت الامر بالصعب.
وتوصل شريكا نيفاشا المؤتمر الوطني والحركة الشعبية في اجتماعات البنك الدولي وصندوق النقد الدولي بخصوص ديون السودان لاتفاق مبدئي باختيار بريطانيا كدولة رائدة لتبني اعفاء السودان من الديون.
وكشف القيادي بالحركة الشعبية لوكا بيونق عن تفاصيل الاتفاق الذي توصل الية الشريكان في الاجتماعات الاخيرة باديس ابابا والتي تحمل اتفاقا بديلا في حال فشل عملية اعفاء الديون وقال لوكا لـ»الصحافة» ان الطرفين اتفقا على ان يتحمل الشمال كل الديون منذ الاستقلال وحتى الثامن من يوليو المقبل بجانب الاصول الخارجية والعمل الدبلوماسي المشترك لاعفاء الديون. واوضح ان من ضمن ما اتفق عليه ان تلتزم الدول الدائنة بأن يتم الاعفاء خلال عامين من تاريخ التاسع من يوليو . واكد لوكا انه في اطار العمل الدبلوماسي المشترك اتفق الطرفان على خطاب مشترك يوقع عليه كل من الرئيس عمر البشير ورئيس حكومة الجنوب سلفاكير ميارديت، واضاف ان الخطاب يوضح اتفاق الطرفين على رهن التحركات بشأن اعفاء الديون بالاتفاق على القضايا العالقة وترتيبات ما بعد الاستفتاء كحزمة واحدة.
وذكر لوكا ان الطرفين اتفقا على معايير بديلة للاتفاق في حال فشلهم في اعفاء الديون متمثلة في تقسيم الديون بمبدأ المستفيد الاخير من الديون واوضح «بمعنى تحديد المستفيد من الديون ما يستدعي تحديد كل البرامج والمشروعات التي نفذت في الجنوب ليتحملها الاخير واضاف «ولكن هناك استثناءات ، واردف «فإذا كانت موجودة في منطقة محددة هي تتحملها « وقال ان هناك اشياء اخرجت من المبادئ على رأسها الآثار والنواحي الثقافية التى اكد الوصول حولهما لاتفاق مبدئي يقضي بحصر كل ما يخص الجنوب وثقافته في المتاحف ودار الوثائق ليرحل جنوبا.
واضاف ان هناك قضايا لا بد ان يكون حولها فهم ونقاش للوصول لاتفاق حولها كقضايا الاحتياطي من العملات الصعبة في البنك المركزي والعملة والانابيب ومصافي النفط، واشار لاستمرار الحوار حولها في اطار اللجان المشتركة.
وقال لوكا بشأن اجتماعات واشنطن الخاصة بديون السودان والتي عقدت على هامش اجتماعات الربيع للبنك الدولي وصندوق النقد الدولي الجمعة والسبت الماضيين ان الدول الدائنة جاءت خلال الاجتماعين بشروط محددة لعملية اعفاء الديون تمثلت في انفاذ اتفاقية السلام الشامل وحل قضية دارفور.
واشار الى ان ممثلي الاتحاد الاوربي وكندا وبريطانيا وامريكا، ونادي باريس عموما اكدوا ان هناك معضلات في كيفية مساعدة السودان بشأن اعفاء الديون واجملوها في انفاذ نيفاشا واحلال السلام بدارفور وذكر لوكا ان الممثل الامريكي طرح شروط امريكا بصراحة وقال ان لدى امركا معضلات سياسية وقانونية في ذلك الشأن، واكد ان العمل الدبلوماسي المشترك مهم ويساعد على التعامل مع كل المعضلات الموجودة.
واكد ان ممثل مصر ابدى تحفظات وقال ان الدول الدائنة ممكن ان تركز على انفاذ نيفاشا كشرط ولكن دارفور «صعب».
وقال لوكا ان امبيكي اكد خلال مخطابته الاجتماع ان هناك التزاما من الشريكين للتوصل لاتفاق بشأن ترتيبات ما بعد الاستفتاء والقضايا العالقة حتى مايو القادم. واوضح لوكا ان امبيكي ركز على ضرورة ان يساعد الدائنون السودان في هذه المرحلة واكد ان اعفاء الديون مهم لاستدامة السلام والامن بالسودان والقارة الافريقية .
الصحافة
الناس ديل ليه نطوا في الحكم طالما ما عندهم رؤيه ولا تفكير بس عايزين يحكموا والسلام وياريت كمان لو كان عندهم نيه خالصه لله والوطن ودي ذاته ماموجوده وحتي لو غاروا في ستين داهيه الحيجي بعدهم حيتعب تعب شديد عشان يصلح الخراب الحاصل ده
البترول ما اضاف شى للمواطن يعنى شنو اعفاء الديون
اولا ترسم الحدود لانه لاتوجد بلد لا حدود لها حتى ولو تم ذلك على الورق وشهدت عليه الامم المتحدة
بعدين الديون دى إعفائها مفهوم لأن متابعتها كانت خطأ وحصرها والمستفيد منها هو النظام الحاكم —- لذلك الشعب السودانى غير مسؤول عن ديون نظام الإنقاذ
بعدين لا يمكن ان يرضى الدائنين إعفاء دين لحكومة همها تقتيل وسلب حريات شعبها —- يعنى زى تدين شخص وانت تعرف انه مسافر ولن يأتى نهائيا — وهذه الحكومة مقومات بقائها تساوى صفر كبير تساعدها جهات لها فوائد شخصية فى البقاء
بين الشعب الجنوبى والشعب الشمالى علاقة الجوار والبترول خدعة كبيرة وعلى الساسة النظر للسودان وللدول التى تستورد البترول وتسأل هل مقومات السودان الإقتصادية بما حباه الله سبحانه وتعالى اقل من الدول الأوربية
كل إقليم فى السودان يكون دولة ونكتفى 90% بتطوير هذه الأقاليم بترك الطمع والعصبية و الإستعلاء على الفارغ
عرفنا ممثلي الاتحاد الاروبي وكندا وبريطانيا وامريكا ونادي باريس …الناس ديل عندهم ديون لدى السودان ….نان الدخل مصر في السالفة شنو ؟هل لدى مصر ديون بطرف السودان افيدونا افادكم الله ؟ايه الجعل ممثل مصر يتحفظ مال امه وابوه في دارفور وما صعبت مشكلة دارفور الا مصر مبارك ومصر عمرو موسى …بلا يخمكم ياناس الانقاذ اللي خليتونا نتدين حتى من الفراعنة وقاعدين تدوا فيهم عرباتنا وابقارنا كرشاوي …..المغسة ياناس في الديون الركبتوها فينا بصدد مشروع القرن (الماسورة الكبيرة ) سد مروي اكبر كذبة في حاضر السودان ….قال ايه حنكفي السودان من الكهرباء ونصدر لجيرانا وبالرغم من اعلانكم بانتهاء المشروع وحتى هذه اللحظة نعاني من القطوعات الجائرة والذي يجعلنا نتحسر على كل القروض المستلفة من الصناديق العربية العديدة وفوائدها التي ذهبت في تمكين ناسكم وفساد ما بعده فساد اتحدى اي كوز يورينا اين ذهبت قروض السد؟ ولو قال كملو بيهو السد … ليه السد ما ينتج كهرباء دائمة ؟
نحن مطلبنا معروف وهو أزالة النظام وأحلال الديمقراطية ومبادئ العدالة والمساواة التي أمر بها الأسلام وكل الديانات السمأوية والأعراف الأنسانية.
ديون شنوالديون الشاله مسؤول منهايوم القيامه ياكيزان الشعب برئ منهابراءة الذئب من دم بن يعقوب…..
وبعدين فى زول شايل ليه امر قبض مطاردكم ولا دايرين اعفوها شأن تشيلوا غيرها…لا لا…دى على الخواجات مابتفوت العبوا غيرها…اعفاء مافى ….الديون الشاله مسؤول منهايوم القيامه ياكيزان
ممثل مصر ابدى تحفظات وقال ان الدول الدائنة ممكن ان تركز على انفاذ نيفاشا كشرط ولكن دارفور «صعب». الصعب فيه شنو؟
مندوب مصر اعترض !!! طيب وين راحت بقرنا وعراباتنا وارضنا المحتلة والارضة الممنوحة للزراعة و..و…. والله شكلوا المصرين عرفوا نقطة ضعفنا وعايزين إلقفوا اكثر وطبعا نحن رئيسنا كل حاجة تديهو أمل فى الخلاض من محكمة لاهاي بتعلق فيها مسكين غرقان .. يلا مبروك على العالم وجود رئيس جبان فى دولة ذات امكانيات طبيعية وجغرافية عديدة اي دولة محتاجة اي من هذه الموارد تضغط على زر الجنائية وبظهر ليها عفريت السودان الجبان وبقول شبيك لبيك انا نحن بين إيديك
المره الجايه الامريكان حيطلبوا من حكومة الفنقوسيه والانبطاح عجاج ارنب جاري ورجل نمله عرجاء وسحليه حوصاء 00ياكيزان خلوا عندكم شجاعه ادبيه واحملوا عصاكم وانسحبوا في هدوء لانو خلاص طفح الكيل وخياره قطمها جحش
وضع الاتحاد الاوروبي واميركا وكندا شروطا لاعفاء السودان من الديون , منها :
حل قضية دارفور طبعا قصدهم الإنفصال .. لأنهم لايضيرهم شيء حتي لو ذهب السودان دون رجعه.. وهذا حصاد كل من يوالي أهل الكفر ويوليهم أمره والله المستعان ..
IN THE time of AL KIZZAAN sudan is gon to bad way let us help sudan now
دى جزرة أمريكية للإنقاذين البند المهم فى العملية أخفيت لمرحلة أخرى حتى يلج الجمل فى سم الخياط تنفيذ نيفاشا وحل قضية دارفور والتالى المخفى مطالبت البشير تسليم نفسه لأكامبو وهلم جر ما لانهاية وووووووووو سقوف عالية وجديدة. وهل نحن الشعب السودانى مستعدين دفع مبلغ 40 مليار دولار للدول الدائنة والبشير رصيده لوحده دون أخوته والمنتفعين الاخرين المليارديرات الجدد أمثال المتعفنين وموالى الكورة وخال البشير وأبو البنزين الذى يملك قصور أستثمارية فى جزيرة النخيل الاماراتية الاغلى سعرا فى العالم ولماذا أنا الفرد السودانى لا لى جمل ولاناقة من تلك القروض فى مجال تعليم مجانى أو أو بناء مستشفيات لعلاجى مجانا من هذا الديون وأتحمل مايقارب 13 ألف دولار ما الخدمة الذى قدم لى ؟ خلال 22 سنة مضت غير حياة الضنك والجوع والعذاب والفقر والمرض والتفتت
والمصرين لايهمهم حل أى مشكل سودانية. هم المستفيدين من الوضع الحالى للسودان . بشتات خمسة مليون من دارفور وتسعة مليون بفصل الجنوب . ويصراحة مصر هى المهدد الاكبر للسودان فى المستقبل والطمع فى أراضى الشمال ودارفور بمقولة مصائب قوم عند قوم فوائده . عدم توحد أهل الوطن لحماية بلدهم من الاخطار برؤية الانقاذية وفرار كل الشعب السودانى من أرض الوطن وعدم الاستقرار بالضبط ما تتمناه مصر .
وضيف فى نقص الشعب السودانى المغتربين الذين أستوطنو فى بلاد الغربة عشرات السنين بعدم وجود أى بصيص أمل لعودتهم للوطن من زمن نميرى والبشير زاد فى الطينة بلة والتشريد قائم حتى الان ومافرار الاطباء الا أدلة لذلك من سوء المعاملة وتهديدهم بأستخلاف أطباء من مصر سلاح تهجير جديد للعقول السودانية . ياشعب السودانى أوعو وأتركو الخلافات جانبا وخلع البشير أصبحت فرض عين لكل له القدرة لخلعه ليحول دون تنفيذ سياسة مصر ما تبقى من وطن ونجد أنفسنا فى محب الريح ونقول يا أسفاى كنا فى دولة أسمها السودان يوم لا ينفع فيه الندم ……
امريكا روسيا قد دنا عذابها. قايتو ديل اغبى مدعين سياسة في الدنيا، وده التصرف الذى يثبت بانهم ما جاءوا الا للنهب والسلب والقهر والاغتصاب وتشريد البشر . كيف انتم الذين تحديتم امريكا وتاتون الان لتستجدونها ، ماذا كنتم تنتظرون منها ايها الاغبياء؟
بعد البترول، و التقدم الصناعى فى شكل طائرات بلا طيار و صناعة السيارات و العمالة البنقالية، الواحد إفتكر إنو بعد دا يشترى ليهو عقال و يبقى كفيل لكم بنقالى كدا و يرطب ساى!!
جعانين، و مشهتفين، و كمان علينا ديون و ما دين!! عليكم آلله يا حرامية، رجعونا محل ما أنقذتونا فيهو!!
:mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad:
ي اخوة دقيقية ممكن فرصة معاكم نحنا مادايرين اي حاجة بس دايرين نشتقل كان دي صعبة ورونا ي حلوين :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: ما عشان حاجة عشان نخلي ليكم الجمل بما حمل وبعدين كان شغلتونا بتلقوا من ورانا حاجة
الدائنون يطلبون لحس الكوووووووووووووووووووع لإعفاء الديون واوكامبو يطلب قلب البحر طحين لإلغاء مذكرته وامريكا طالبة ضرب سماء بوهية حتى ترفع السودان من قائمة الارهاب !!
shame on you, Egypt. Wht is difficult on finding a solution to the remaining part of the SUDAN? Or you want four million Darfurians to be homeless as PLestanians? It is not difficult ,but you may hope so.