ارشيف- أخبار السودان

مراسيم جمهورية بإعفاء نواب ومساعدي الرئيس والوزراء ووزراء الدولة

الخرطوم (سونا) –
اصدر المشير عمر البشير رئيس الجمهورية مساء اليوم مراسيم جمهورية بإعفاء كل من النائب الأول لرئيس الجمهورية ونائب رئيس الجمهورية ومساعدي رئيس الجمهورية والوزراء ووزراء الدولة .

تعليق واحد

  1. قالوا واحد من الوزراء كان عيان

    اتصل بيهوا الرئيس يكفر ليهو

    قام الرئيس بدا كلامو اها الصحة كيف

    رد الوزير للرئيس

    التربية والتعليم او الصحة اوالخارجية

    اي حاجة تشوفها يا ريس نحنا تحت الخدمة

  2. يعنى شنو !
    بتاع البنقو قاعد والتمثيلية عويرة وسايلة عوارتها كما ريالة وزير الدفاع
    ممكن تجيب موسى هلال وﻻ هارون وﻻ عمك تاجر الحكومات الميرغنى ذاته .. يعنى شنو !!
    ما اهو نفس الوجوه ونفس احمد ابراهيم الطاهر مدمّر التعليم العالى هو رئيس برلمانك ! .. يعنى شنو !
    تورّمت بطونكم بحق الحرام واطفالكم اوﻻد حرام ونساؤكم واصهاركم وبطانتكم .. لو حتى تقلب هوبة جواك ياكا البشير اللاحق عود القذافى – باذن الله

    تغييرات وديكورات وتلاعب بالمكشوف وكله لن يحلك من غضبتنا وﻻ .. ولن يحلك من دعاء اﻻرامل واليتامى والنازحين واللاجئين والمشردين فى اصقاع اﻻرض .. لن يحلك من مطاردة المجتمع الدولى .. وستجرى ايها الجرّاى كل مرة وتخيب ايها الخايب الخوّاف .
    سنظل نطاردك .. ونقاومك .. وندعو لك رب العالمين انت وحزبك ليل نهار وفى كل صلاة .

    اللهم اننا شعب السودان نشكو اليك ضعفنا يا قوى يا عزيز يا متين .. ربنا ان البشير وحزبه افسدوا فى ارضك .. وانتهكوا حرمات المسلمين وقتلونا ونهبونا واستفزونا واخرجونا من اﻻرض .. ربنا ندعوك ان تشتت شملهم انك القادر القهار الجبار المذل .. اللهم ارنا فيهم قدرتك وكيدك فانهم يكيدون لعبادك ويستهأزؤن بنا ويسخرون .. اللهم انهم فاقوا و تجبّروا ويشترون باياتك ثمنا قليلا .. اللهم ان العزة تأخذهم باﻻثم حين نقول لهم اتقوا الله فينا وﻻ تاخذهم بنا رأفة .. فانت العظيم القاهر فوق عبادك انك الحق وانك على كل شئ قدير
    ربنا اننا ظلمنا انفسنا وان لم تغفر لنا وترحمنا لنكوننّ من الخاسرين .. سبحان ربك رب العزة عمّ يصفون وسلام على المرسلين والحمد لله رب العالمين

  3. علي حسب فهمي اعفاء بكري حسن صالح بس
    السؤال من هو نائب الرئبس الاول هل هو موسى هلال
    ام شقيق الرئيس عبدالله البشير ؟

  4. بتاع المعادن لمن شالو اتجرس شدديد خلاص
    بكا شديد لمن بكانا نحنا معاهو
    قال انا قلبي ابييض ذي جلابتي دي
    غايتو دي ما حصلت كلو كلو في العالم الا في ااسسودان
    في عهد هي لله

  5. زمااااااااان الفيلم فى السينما كان دورين ولمن الفيلم اكون رهييييييب الجماعه بطلعوا بعد نهاية الفيلم واضربوا الفووووول والباسطه واعبوا كيس التمباك وادخلوا تااااانى !!!! وهذا حال حكومة الانقاذ تبديل الكراسى والاماكن فقط…. المتعه سمحه بلحيل … والغنمايه او الحمار لمن يحصل ليو محل عيش او ذره تلقاهوا مجدول المرور بتلك المنطقه عشمان فى قليل من حبات العيش او الذره وزى ما قالوا الولف كتااااال !!!

  6. ما عملتوا حاجة جديدة دي كلها أﻻعيب مكشوفة، وانت أصلا ما ناوي تعدل الحال تعزل في ده وتجيب ده، والله بس انتظروا بس حا تجيكم من حيث ﻻ تحتسبوا

  7. كلهم اوغاد لا غير فيهم وحراميه ومنافقين يجب محاكمتهم جميعا واعدامهم ولا تاخذكم بهم رافة .لا عفا الله عما سلف خمسه وعشرون سنه اذاقونا فيها المر والهوان واكلوا وشبعوا وتربوا وربوا اولادهم على الحرام وهذا ديدنهم لذا يجب بترهم وقطع دابرهم لانهم سرطان ولا بد من علاجه .

  8. بكري ده قايتو مافي وظيفة تاني تنفع معاه بعد النائب الاول احسن حاجه انه يقرش ذي طه اشرف ليه

  9. يا اخوانا انتو ما تستعجلوا قرار جمهوري بإعفائهم و في نفس الوقت سيصدر قرار تاني بتعينهم الاسطوانة دي شغالة عليكم الله ليها كم سنة# يعني ح يجيب وجه جديد من اللحاسين مثلا اوبسسس اقصد الاتحاديين- شعب السودان تعيشي كثير تشوفي كثير محن الزمان !!!!!!

  10. نريد من حكومة البشير اصلاح الوضع وتغيير معظم الوزراء الذين تقلدوا اي وزارة هؤلاء جميعا كانوا فاشلين ضع الرجل المناسب في المكان المناسب حتى يخرج البلد من ضيق الحال والغلاء والفقر والجوع والمرض الذي سببتوه لهذا الشعب المغلوب على امره.

    الرجاء استقطاب وجوه جديدة ذات كفاءة عالية وذوي خبرات عالية اذهبوا للجامعات ستجدون من هم اجدر من وزراءكم الفاسدين ديل يا بشيرو .

    المطلوب منكم اخراج السودان من النفق المظلم الذي وضعتوه فيه بسبب جهل الوزراء والمدراء في عهدكم السابق والحالي هؤلاء وزراء صور فقط .

    ثم لماذا 2 نائب للرئيس واحد اليس كافيا ولا واحد مسلم والآخر غير ذلك . لمصلحة ترهل الدولة وما ممكن دولة بها ولاية بعشرين حكومة قلصوا الكم الهائل من الحاكمات الفارغة التي ارهقت الوطن بالضرائب والغلاء المستفحل من المسئول عنه؟ هناك اياد تعمل ضد مصلحة البلد وعليكم باجتثاثهم من الوجود .

    طبقوا القانون على الجميع وابسطو العدل بين الناس واتركوا العنصرية ومحاسبة اي شخص مهما كان لو كان اخوك يا بشير او قريبك طبق عليه القانون وربنا ح ينزل رحمته علينا.

    ابسط العدل وحاسبوا لكل من يتلاعب في حق الوطن .

  11. بكرى وعبد الرحيم البشير لايسطيع التخلى عنهم لانهم هم سبب وجوده حتى الان فى السلطه وامثالهم اخرون الهادى عبد الله نكاشه والفريق الدابى لعنة الله عليه ديل اعدموا 28 ظبط فى العشر الاواخر من شهر رمضان المعظم فكيف للبشير ان يوارى الانظار عنهم هؤلاء كبار المجرمين هؤلاء اقتنوا الميزانيه مفتوحه ليهم ول اسرهم مكافة لجرمهم هذا نسال الله العلى القدير ان ياخذ منهم الجزاء العادل فى اقرب وقت ممكن ………………….

  12. حقو يعيين تسعةقضاة محترمين جدا جدا جدا في المحكمة الدستورية العليا بس ويستقيل ذى جوزيف بلاتر ويخلي رئيس المحكمة الدستورية يمشي الفترةالانتقالية

  13. شوفو حو بلاتر الكافر قدم استقالتو عشان الفساد بعدما فاز فوز حقيقي مش مزور زي حق البشير والله كان ةاشرف للبشير يقدم استقالتو بدل ما يعمل حفل نصب مكلف المليارات والبلد يمر باسوأ ضائقه ماليه

  14. ما سامع خبر لبت بطرس (تابيتا) دى أحسن اتقطعت وسط النسوان عشان البشير يفوز
    أكيد تكون اشترت كم باروكة كده لزوم التزوير , آسف أقصد التوزير
    أخمن من عندي كدة ها تختار وزارة الصحة علشان صحتها دايما” يكون فل و الإبتسامة و الضحكة من الأضان الى الأضان بالرغم أنو رئيسها المفضل قاتل أهلها بالجوع في الكراكير ( ولا عزاء للمستطعفين )

  15. يا جماعه لا تستعجلوا التغير سيكون كالاتى
    الفريق بكرى من رئاسة الجمهوريه الى وزير للدفاع
    الفريق عبدالرحيم من وزارة الدفاع الى رئاسة الجمهورى
    البروف ابراعهيم غندور نائب اول
    موسى هلال مستشار
    بعدين اولاد سيدى وولد الصادق المهدى
    يهنى ياابوزيد لا غزيت ولا شفت الغزوه

  16. لا تستعجلوا ساكت
    اصلا مافي غير جماعة المؤتمر الوطني والاحزاب التابعة له والجماعة اللموهم من التمرد
    العملية لا تعدو كونها اعادة انتاج
    يعني فاصل ونواصل
    لن يختلف شئ وليس هنالك جديد
    انه سيناريو محفوظ ومكرر وممجوج
    حتى الفساد سيظل هو الفساد
    بل ان العقاب ينتظر الشعب السوداني لمقاطعته الانتخابات وينتظرهم الويل والثبور وعظائم الامور وسترون فرق الجباة العتاة يتجهون الى الاسواق والمنازل وباسلوب اكثر فظاظة وجلافة اكثر من ذي قبل
    ومن شب على شئ شاب عليه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..