سعاد الفاتح وأخواتها يدفعن غندور الى ” البكاء ” بمطار الخرطوم

مشاعر إنسان صادق ومقرب بشكل شخصي من المطلوب. لا تثريب عليك.
بس تاني ما تتباروا.

دا من شنو دا ياربي

حالاااااااااااااااااتو يا اخواتى بكيتنوا غندوروا ما تبكى قروشك فى البنكى غندوروا ما تبكى بشيرك جاك يجرى وااااااااا شريرتى يا اخواتى . هوى يا سعاد الفاتح وحروم المؤتمر الوطنى رئيسكن قعدنوا فى الواطا وبصرنوا بواجباته كرئيس عليه ان ينضبط ويلزم حدودوا وما يعرضكن لجنس الهزات دى ايه فائدة الهتافات والبكاء وانتن ما قادرات تناقشنه وتورنوا صفات القيادة والرئاسة الرشيدة ان كان هو نسى ما تعلمه فى الكلية الحربية بالله عليكن نادن اصغر شبل فى فرقة كشافه اسالنه عن مواصفات القائد الناجح سيقول لكن من اهم البنود ان لا يعرض طليعته للخطر وان يكن واعيا حذرا عاقلا غير متهور وان تهور مرة يعاقب وان كررها يفصل , بلا مناحة بلا بيت بكاء معاكم انتن وغندوركن احرصوا ان لا تتكرر اعرفن ما كل مرة تسلم الجرة وليترك الشيبوبيات ( نسبة الى شيبوب اخ عنتر ) المسببة للجريات

و سيكافأ على تلك الدموع و يقبض الثمن …
و اولئك الذين يهللون للمشير … هل هو مسئول – و حزبه – عن الجرائم التي ارتكبت في دارفور و في كجبار و في بورتسودان و في الخرطوم و في جنوب كردفان ام لا ..

هسع مناسبة البكاء دي شنو كان ما ساي – ملمع كده – مصيبتنا اكبر مننا و الله بالله ديل حكام علينا مخير الله علينا – يا رب ببركة اطلالة رمضان و ببركة ما انزل فيه من قرآن تتزروا اكثر من كده و تبكوا ما تسكتوا و الشعب المغلوب علي امره ده عنده رب يحميه –

ههههههههه آآآى صاح ! الحريم ببكن ! ومالو ما قااالدِن ؟

تالتن فى الدخان مخالتن

يعنى موضوع امريكا المشيت لية طلع ملوص صدقنى البشير دة ثانى مكة ما بروح لية الكورة واطة فقط مدة اربعة سنة

هو اصلاً بكاي قبل كده في انفصال الجنوب بكى شديد و بحرقة

انا ماشي كوبر ل حاجة هدية واحمد ليها سلامة عمر البشير وابكي معاها شدييييد , احتمال يشغلوني معاهم ويدوني منصب

عندما توفى الرئيس الكورى كيم ال سونك انخرط الشعب فى بكاء اجبارى ..وصنف من لا يبكى بالخيانة ..يجب استراد هذه الفكرة عشان نعرف المعارض من الوالى ..

وأجهش غندور بالبكاء … واضح الموقف في جنوب أفريقيا كان صعب وصعب للغاية

للاسف الشديد من الذي دفع البشير بالسفر الي جنوب افريقيا هم أنفسهم الذين يبكون لفشل هذه المهمة ولو لا الله ثم دعاء الشعب السوداني لخروج السودان من هذه الفضيحه والذله والاهانه للشعب والوطن فالذين يبكون علي فشل مخططهم من اجل الطمع في السلطة وخاسة غندور ومنذ ان وصل للقصر مساعدا للرئيس كان ينظر الي نفسه بأنه الرئيس القادم وباي صورة وباي طريقة ولو على حساب الوطن والمواطن فيجب علي السيد الئيس ان يتعظ ويعود الي رشده ويعلن توبته الي الله وأن يلم شمل القوات المسلحة السودانية وأن يعيد للجيش هيبته ومكانته باعادة كل المفصولين منه من ضباط وضباط صف وجنود وايضا المفصولين من الخدمة المدنيه والافراج عن كل المعتقليين السياسين دون استثناء وابعاد كل الاخوان الذين يسيطرون علي المناصب الحساسة والرمي والذج بهم الي مذبلة التاريخ من أجل مصلحة الوطن فعد ايها الرئيس الي جيشك لانه هو الامن والامان وصمام وقلب الوطن النابض فاجعل اخوتك في الجيش هم ذراعك الايمن وتوكل علي الله

انتو في البكية و لا في مصطفى عثمان اسماعيل الجا وقف المؤتمر الصحفي لوزير الخارجية … و كمية الناس الواقفين ورا الوزير

غندور من حقه يبكي “العين تبكي النفاع”
الزنقة كانت قويه.. لكنه ما بسمع الكلام.. كان زمان عنده فكره يحضر اجتماع الجمعية العمومية للامم المتحدة في نيويورك لكنه سمع النصيحة فقال كده اجرب المره دي جنوب افريقيا.. لكن ثانية التوبه يا حبوبه.

تاني تمشوا ثاوث افريكا….؟!!

احكام الاعراب:
1- كان وأخواتها: أفعالٌ ترفع المبتدأ وتنصب الخبر.
2- سعاد الفاتح وأخواتها: كوزات يبكين غندور ويرفعن الضغط

يا دلوكة لسع انتا بمشاعر عيال الحركة الطلابية لقد برهنت الانقاذ مراراً وتكراراً انها ولدت ترابية بروح شيطانية منافقة اسلامية و تفتقد المهنية

لقيتوها باردة وشعب طيب

ياسبحان الله !! طيب دى (زره) واحده خلت الخرتيت ده يبكى امال اهل السودان ا(لمزرورين) 26 سنه الببكيهم منو ؟!! إشمعنى فى دى الشفقه والرحمه الواصله حد البكا والنحيب وفى بتاعتنا خلو اولاد الحرام ديل يضوقوا المره؟!! أين العداله يا هيئة كبار العلماء؟!!.

يا جماعة المابعرف البكاء في المواقف ما سوداني نحن ما بنبكي من الكرب ولا من الخوف لكن في المواقف النبيلة والبطولية و الشهامة بكايين

يا عمر بشير إنت وكت بتخاف من حيا …. ليش بتسوي ككا … ليش الجرسه والبكا دا كله؟ سبحان لله …. بس ككا بتاعك مختلف … دا فيهو قتل وحرق وتشريد وترميل نساء وإرهاق ارواح بمئات الالاف وسرقات وتمكينات وتغولات وإبادات جماعيه وجرائم ضد الانسانيه وغيرها ….

ماهي عواصم الهروب
(1) أبوجا
(2) جوهانسبيرج
(3) ضع اسم العاصمة المناسبة
الرئيس السوداني يتفوق على كل أبناء دفعته في سدة الرئاسة بابتداع طرق الهروب قالت البي بي سي من أحد المتداخلين من الخبر قال ومصدره موثوق بأن دولة خليجية مرموقة دفعت ملايين الدولارات للجنة المحكمة الموكلة باصدار القرار وتنفيذه لتعمل (نائمة) وفر البشير ….. لكنه حسب الاخبار انه لن يرى جوهانسبيرج مرة أخرى أو أبوجا
الشعب مسكين نقدر له ونجد له العذر في أنه خرج بلا ترتيب من وجهة نظر بأن الرئيس هو رمز سيادة البلد لا أكثر ،،، والبشير هذه الأيام متفرغ ليحكي لرفاق الاخفاق عن القصة من قولة تيت
إلى متى هذا الهروب المخزي
سابقة خطيرة في تاريخ البلدان وخاصة السودان

سعاد الفاتح اخشى الله سرقت قروش الصباح فى الكويت مجرم يا رمه

خليهو يجينا في عطبرة، كان ما سلمناهو للمناصير… منتظرينك يا بشة ،، تعالنا

هذه اولى سقطات المتورك غندور بعد استلامه وزارة الخارجية … هو الذي رتب للزيارة وجاب الضمانات وطمن الرئيس الهارب قبل الهروب الكبير …

نسميها عملية تهربووووووووووووووووون كما علق احد المعلقين

هي نان خلعه هينة
الرئيس البشير طلع منها بي يالطيف
من حق غندور ان يبكي وهو قد راى بام عينيه رئيسه في زنقه ما يعلم مداها الا الله
عموما بتاعت ابوجا مرت بسلام
وبتاعت حوهانسبرج مرت بسلام
وما كل مرة بتمر
المرة الجاية التالته
اعملوا حسابكم شديد
ولو اتجهتوا لله هو الافضل
والا ستلاحقكم لعنات الشعب المقهور الجائع الفقير المريض
وقد تصيب احدى الدعوات وتاخذ طريقها الى لاهاي
والدين النصيحة

بنحبك يابشير رغم الخرير

أهم حاجة في بكية غندور دي … إنه أصدر شهادة بي دموعو إنهم كانوا في زنقة لا يعرف طمها إلا من ذاقها

تاني تجي المولد؟؟؟؟؟

اللهم أشدد عليهم وطأتك يا عزيز يا جبار … اللهم ضًيق عليهم كل واسع وأرمهم بكل رادع يا جبار السموات والأرض .

طيب انت يا بروف لو (العبرة) حنقتك لما شفت نسوان المؤتمر (الوطني)
أبكي زي الرجال .. مش زي البُطان .

زنقة زنقة
زرّه زرهّ
.. المرة الجاية (إسهال) يا بروف .

غندور يبكي في المطار اعترافاً بان (الزنقة) كانت ما سهله
والاعلام الرسمي والبرلمان لازالوا يرددون بانها كانت (اشاعة) مغرضة !!!!!!

البكاء دا لزومه شنو ؟ قدام النسوان وأمام القنوات الفضائية . لو الراجل ما قادر يتمالك نفسه ودموعه لا يدخل نفسه في مثل تلك المتاهات . انتو عايزين العرب يقول عننا باكيين وخوافين وهراشين ولا شنو ؟