باكستاني يدخل البلاد عبر مطار الخرطوم بأوراق مزورة
الخرطوم: عمار محجوب
تمكن مواطن باكستاني من دخول البلاد بأوراق ثبوتية مزورة فجر أمس الأول قادماً من باكستان عبر الخطوط الخليجية، ووجهت السلطات بمطار الخرطوم بالتحقيق في حادثة هروب الباكستاني من المطار. وأبلغ مصدر مطلع – أن مواطناً باكستانياً يحمل جوازي سفر أحدهما باسم «ناب أحمد» والآخر «خالد أحمد» وفيزا تحمل الرقم (327575) وإذن دخول بالرقم (4147) وصل مطار الخرطوم فجر أمس الأول. وأضاف المصدر أن الباكستاني تمكن من الهرب من المطار بعد اكتشاف السلطات أن أوراقه مزورة وقررت إرجاعه لبلاده، وأكد المصدر أن سلطات الجمارك وجهت بتشيكل مجلس للتحقيق في الحادثة.
من جهة أخرى كشف ذات المصدر عن استبعاد السلطات الإسرائيلية (3) سودانيين من أراضيها دخلوا بطرق غير شرعية، وقال المصدر إن المبعدين وصلوا مطار الخرطوم أمس قادمين من تل أبيب عبر القاهرة
اخر لحظة
هرب من المطار؟؟؟
هههههههههههههههههههههههههههههه
وتانى ههههههههههههههههههههههه
وتالت هههههههههههههههههههههههه
فلاحتكم يا ناس المطار فى السودانيين بس
بلا يخمكم يقطع طاريكم ببركة شهر الصيام
و ايه الغريب اذا المطار فيهو 10 سلطات و كل واحدة شغالة براها تجى صالة الوصول يلاقيك اتنين تمشى الدخول تخلص يلاقوك اتنين انت واقف فى السير بكون فى اكتر من عشرة بتلفتو فى الناس و لما تسال يقول ليك دا من المباحث و داك من جهاز الامن و داك من الطيران المدنى و داك من الهدف و قصة فى النهاية لا توجد تدارة واحدة ليهم
قبيل علقت على الموضوع و لما رجعت تانى قريتو اتصدمتا اكثر لما قريت انو الجمارك وجهت بتشكيل مجلس للتحقيق …ما هو دخل الجمارك فى هذا الحادث…و زى ما كتبت انو فى اكتر من جهة داخل المطار و مل واحدة عاملة المطار تحت سلطتا …بعدين ما اهو الصوماليين لتقبطوا فى ليبيا و يحملون جوازات الكترونية ….اكيد دا خبير اجنبى من طالبان و طلعوا زول نافذ لا يسأل
طيب الباكستانى فبضوه ولا ولا؟؟؟؟
باكستاني دخل البلاد بأوراق مزورة، و هرب من المطار؟ و عايزيننا نصدقكم؟ تلقوها عند الغافل، و ما عينوه وزير قبل ما يكتشفوا انه دا الباكستاني الجابوه بأوراق رسمية من بلاده؟ بعدين لو اوراقه مزورة، العاجبو شنو في السودان؟ قال مزورة قال.
ولماذا التعب والتزوير, مادام السودان بقى زير كبير داخل فيه كل كيزان العالم وكيزان عمر البشير, يعني الباكستاني دا ياهو الوحيد الخطير؟؟؟!!!
عدم موضوع ليس إلا …
يا سلام على النباهة والدقة, بعد ما مرروهو ودخل البلد اكتشفوا أنو أوراقه مزورة, ده يكون مبعوث من القاعدة لمهمة ما وتانى ما حتلموا فيهو.
جمارك ه8هههههههه8ههههههه بضاعة باكستانية
يهرب كيف ؟؟؟ زول ولا ضب !!! قال هرب قال!! الزول دا صاحب البشير عارف الدريبات
عشان بكرة…
تحصل طامة كبيرة في البلد….
يقولو ليك طوالي….ده الباكستاني الهرب من المطار….
تقوم تصدقم على طول…
طرنقاحة
عادي ماانتو اصلا فضايح وفشل لفشل ده معناتو الواحد ممكن يدخل فيل مافيل بس ديناصور زول دخل المطار وزاغ يلا يااخوانا اي واحد يزوغ عادي والله السودان ده بقي مراحة غنم عديل كده قصدي جمال لالا قصدي ارانب لالا قصدي جاموس غايتو انتو تحيرو ابليس ذاتو من تقصيركم هسع بكرة يجي واحد ويصرح انو الموضوع عادي جدا جدا والتحقيقات جارية لمعرفة الحقيقة وكلو تمام التمام يابقر الزول ده بكون زاغ
البلد مليانة باكستان كل واحد شايل شوال في كتفو مليانة عطور مغشوشة وحتى وصلوا القرى كمان مااصلها عايرة وادوها سوط
بس نفسي أعرف العباقرة الصمو الشوارع دي وليه عاملين أربعة مسارات بدل مايعملو مسارين في كل مسار 6 حارات ويكون في فاصل واحد بين الإتجاهين زي بقيت بلدان العالم بدل مايكون في ثلاتة فواصل بين الإتجاهين على الأقل كانو يجنبونا مخاطر التحويلات من جهة لي جهة أخرى في الطريق السريع .. لا حولة ولا قوة إلا ب الله العلي العظيم وإنا لله وإنا إليه راجعون … عشان كدة في وجهت نظري أي حاجة في البلد يعطوها لي شركات سودانية ممكن تنفدها ب إتقان إلا الطرق و مجاري صرف المياه وال صرف الصحي لابد إن لا تنفدهم إلا شركات عالمية .
وفيها أيه لما يهرب ؟ عمر البشير قائدنا وأسد أفريقيا هرب برضو حتي ومن دون إجراءات مطار؟
بكره يطلع جزار لحوم بشريه يطلع من البلد بى
قلوب واكباد وكلاوى وبالمطار ده لو ماتطلع بى
جواز امريكى,بلد ماليها وجيع.
اكيد ارهابي يبحث عن بلد هملة
لا تفتشوا عن الباكستاني ….. ولكن عمن فتح له الزريبة …حتى يخرج …. وكم تقاضى لذلك ….. ناس تشوف الفيل وتطعن ظله …
بلاد أصبحت مستباحة وملاذ وملجأ لكل منبوذ ومطرود من وطنه أو من لا وطن له
أصحوا وأفيقوا يا سودانيين قبل ما تصبحوا لاجئين في بلد كان أسمه السودان ..
دة كويس كلف نفسه وجاء بأوراق مزورة في تشادين .حبش .إريتريا. دخلوا البلد دي كداري لأن يحملون الجنسية والجوازات الدبلوماسية وواحد منهم أصبح من كوادر المؤتمر الوطني ووزير اتحادي .بلد هامله ما عندها وجيع