الترابي يطالب المجاهدين بتذكير الحاكمين بالآخرة – شاهد صور افطار ود ابراهيم

الخرطوم: لؤي عبدالرحمن :

طالب الأمين العام للمؤتمر الشعبى د. حسن الترابي المجاهدين بتذكير الحاكمين والسلطان بالآخرة، محذراً إياهم من أن يفتنهم المال كما فتن الكثيرين حسب تعبيره، وقال خلال مخاطبته الإفطار السنوي للعميد محمد ود إبراهيم بجبرة أمس

على السلطان أن يعلم أن الحكم لله، وأضاف «مضت فترات كانت رآيات الجهاد عالية ولكننا يجب أن نسترضي من جاهدوا معنا حتى لايحاصروننا ولايغضبوا عنا».

من جانبه قال العميد ود إبراهيم إن هذا الإفطار عمره (18) عاماً ويضم مجاهدين التقوا فى الأحراش من أجل وحدة البلاد، وأضاف» أنه يمثل رسالة لوحدة أهل السودان»، داعياً القوى السياسية للحفاظ على البلاد واحدة موحدة.

اخر لحظة

[CENTER]








المصدر فيس بوك[/CENTER]

تعليق واحد

  1. وما هي حصيلة البلاد من أفطاراتك الثمانية عشر غير التفكك والتمزق وأنت لا زلت تسستظل بهذا الثعلب الماكر الذي باع معكم الوهم لمن قبروا في محرقة جهادكم المزعوم ضد الأبرياء المساكين .. تباً لكم من أنجالس لن يهدأ لكم بال حتى يصبح السودان صومالا أو يمنا .. لعنة الله عليكم مجتمعين ومتفرقين ..

  2. العميد ود ابراهيم يقيم فطورا يدعو له الكثيرين من بينهم (الترابى)، وعمداء اقدم منه فى المعاش، لا يستطيعون أن يوفروا فطور لأنفسهم وأولادهم بسهولة، بل بعضهم يقود حافلات (مدخنه) ورايت واحدا منهم يعمل (جرسون) فى مطعم (فقير) .. والترابى يطلب من المجاهدين أن يذكروا الحكام بالله، بدلا من أن يطلب منهم ان يسألوا ود ابراهيم من اين لك هذا وهل من حلال أم حرام؟
    مشكلة الأسلاميين فكرهم مثل (بول) البهيمه تحت أقدامهم فقط!!

  3. من اجل وحدة البلاد؟؟؟؟؟ هل الوحدة تعني التقسيم في فهم هؤلاء المتأسلمون،. اي وحدة تعنون وقد انفصل الجنوب قال مجاهدين التقوا فى الأحراش!!!! هل التقوا فى الأحراش ام فى الادبخانات ؟؟؟

  4. سؤال من أين تنفقون على مثل هذه الإحتفالات والإفطارات الجماعية وثلاث أرباع الشعب السوداني يعاني الفقر؟
    ماذا كانت ثمرة جهادكم وقد إنفصل الجنوب وأين الدولة الإسلامية التي أقمتموها وتجد عدد كبير من الشعب السوداني يحلف بسيدي الشيخ وآبوي الشيخ ويوجد في أواسط السودان وليس أطرافه من لايحفظ سورة الإخلاص . من الذي إقتصب السلطة من الذي شرد الشرفاء من الذي إستباح دماء المسلمين في السودان . كلكم في نظرنا عملاء وقتلة ولن تضحكوا علينا بالمفاصلة.

  5. دا واهم نفسو دبابين بتاع شنو واحراش شنو لو الفطور دا وزعوهو علي المساكين والمحتاجين كان احسن يكسبو اجر

  6. عندما انظر إلى التراب تحصل لى غمه وأتذكر اخو فى رمضان قتل بدم بارد أتذكر عمر بشير وناس ولد إبراهيم وغيره وعبدالرحيم المجرم يأمر بقتلهم ويقول للبشر انتهينا الله ينهى اسرتك ومن معك جميعا يا كافر يا مجرم انظر كم تكلفته هذا الإفطار غاز ي صلاح الدين بوجهه المكرفس زى عجوز الخواجا ت حرام من اين للك هذا يا ولد إبراهيم تربية الكيزان نقول نحن احفاد جنود بنو هذا الصرح العظيم نحن من اشاوس رفعوا لواء هذا الصرح لكن براءة منكم يا فتاكين يا مجرمين فطور وكراسى واكل والناس فى دارفور يعيشون على ورق الشجر وتحت الظل يا بركة هذا الشهر المعظم ربنا يورين فيكم يوم

  7. ( من جانبه قال العميد ود إبراهيم إن هذا الإفطار عمره (18) عاماً ويضم مجاهدين التقوا فى الأحراش من أجل وحدة البلاد، وأضاف» )

    عميد بالمعاش يقيم افطارا ضخما كهذا .. ومجاهدين التقوا فى الاحراش ونجحوا فى الحفاظ على وحدة المليون ميل مربع .. ولو لا هؤلاء المجاهدين لكان السودان دولتين .. مرحى .. مرحى .

  8. والله في السودان الحاجة اللافتة للنظر؟ حاجة في السودانيين وهمة كدا غريبة واستعراض بتاع انا عندي جوال بتقنية عالية؟

    لما تكون في حاجة تلقى مليون نفر طلعوا جوالاتهم وقعدوا يصوروا.. والغريب انو بطريقة بايخة.

    والطريقة استغراضية،، مرة في سوق شعبي كدا في حمارة الله يكرم السامعين كان مربوطة وصاحبها داخل السوق وبتخرج في الروح يعني اصبحت شبه نافقة.. وكانت على الطريق كلما يجي واحد عندو جوال يقعد يصور في الحمارة دي وبدون ما يسأل سبب نفوقه شنو؟؟؟ يمشي ويجي البعدو يمشي ويجي البعدو والغريب أنو بتاعين الحلاقات اللي البجنبات دا.

    شغلة مقرفة مقرفة مقرفة وبعتيروا حضارة ورقي،، الشعب السوداني اغرب شعب واحد تلقاهو لابسو واحد وفنيلة داخلية واحدة وعندو جوال بـ2 أو 3 مليون جنية وأمو وابوه بأكلو فيه وبعيشوا فيه وعمره فوق العشرينات أو الثلاثنيات

    لو في عشرة كان في حدث أو حادثة بتلقى حداشر نفر بيصوروا،، شعب غريب

  9. ياود أبراهيم لو إنت كنت بتعرف اساسيات الإسلام الذي تتحدث عنه، بدل ما تعزم الدجال الترابي ولصوص الكيزان، كان الاولى بهذا الإفطار ، المساكين والجياع من أهل الأحياء الغقيرة، وهم على بعد كيلومترات منك ، لكن مشكلكتكم ياكيزان حب الدنيا اعمى قلوبكم وبصائركم، وتظنون أنكم تخدعون الله والناس، كل يوم جديد تحت حكمكم يزيد الناس كرها لكم وإقتناعا بضرورة إبادتكم وإقتلاع جزوركم من ارض السودان للابد ، وهذا اليوم سيأتي بإذن الله مهما طال الزمن.

  10. الناس تجاهد من أجل ماء للشرب و زيت للطعام وهؤلاء السفهاء يتحدون المشاعر بهذا الهراء الذى لم يدفعوا له ثمنا من جيوبهم.

  11. يبدو ان الشق المدني من جماعة الاخوان المسلمين انغمسوا في الفساد والملذات الدنيوية مما يستوجب معه ان يذكرهم المجاهدين بالاخرة او بمعنى اخر انشق الجماعة الى فريقين
    الفريق الاول الفاسدين الحاكمين الذين باعوا الاخرة بالدنيا وهم المستهدفين بالتذكير
    الفريقالثاني المجاهدين الذين مازالوا يتمسكون بالقيم والدين ويذكرون الاخرة

  12. ((طالب الأمين العام للمؤتمر الشعبى د. حسن الترابي المجاهدين بتذكير الحاكمين والسلطان بالآخرة،)) .

    و ماشى بعيد للحاكمين لييييييييييييه عشان تذّكرهم بالآخرة ؟؟
    ماتذّكر مجاهدك العازمك دة !!
    من أين لعميد فى المعاش كل هذا ؟؟
    كيف لزول عاطل فى المعاش ان يدعو كل هذا الكم الهائل من الناس لتناول إفطار رمضان الذى بالتأكيد سوف لن يكون مكوناً من تمرة و كوب ماء !!؟؟

    أنتم يا مِلّة المتأسلمين لا تعرفون الله و لا دينه و لا تعترفون بآخرة و بحساب و عقاب .. و الدليل على ذلك هى أفعالكم بهذا البلد و بشعبه فى 26 عاماً.
    إنكم مِلة بلا دين و بلا اخلاق , تستخفون بالدين الذى تنادون بضرورة بتطبيقه , بل تسيئون إليه و تحرفونه من اجل السيطره على المجتمع السودانى و التسلط عليه و نهب موارده لمصالحكم الذاتيه و لمصلحة تنظيمكم الكيزانى الماسونى الشرير ..

    غداً سوف يأتى القصاص و المحاسبة و المسائلة لكم جميعاً يا كيزان الشؤم .

  13. ود ابراهيم ده (وارث) منو للدرجة البتخليهو يعمل إحتفاليه بالشكل والمنظر ده وكمان لسبعتاشر سنه فاتت ؟!! ده الاسلام الجايين تدخلونا فيه وكمان (بالزنديه)؟!! شىء مستفز بجد!!وكما هو واضح الحضروا الاحتفاليه هم فرضوا آنفسهم على الخلائق بآنهم علية القوم!! وياريت الصوره دى تعرض لاولادنا المطاميس البيصدقوا كلام المحتالين الكذابين المنافقين ديل !! واقول للاستبشروا بتعيين وزير العدل الجديد وقالوا عنه إنه لا بيخشى فى الله لومة لائم يجيب الزول الاسمو ود إبراهيم ويحقق معاهو إستنادا لخطاب الرئيس بتاع(الفسسسسسسس..)او على الاقل بوازع من ضميره إذا كان مازال حيا!!او مجموعه من المحامين يرفعوا دعوه ضده عشان النائب العام يحقق فى الموضوع ونعرف مصدر الفلوس الببعزق فيها مصدرا من وين؟ولا سيما أن شبهة الفساد بنصف جسدها طالا علينا فى هذا المشهد وفى هذا الشهر الفضيل !!.

  14. يا جيفار ا
    أمشى اسال ناس نادى (عجمان) فى دولة الأمارات قول ليهم منو الكان شغال جرسون فى مطعم صغير مساحته غرفة واحده، يعنى ما لقيت فى الموضوع بتاع (ود ابراهيم) غير العميد الذى ضاقت به الأحوال فى السودان وأشتغل (جرسون) الكضب حق امثالك وأمثال ناسك!!

  15. اكتر عبارة ما قدرت افهمها هي انهم التقوا في الأحراش من اجل وحدة البلاد ….
    تخيلوا … من اجل وحدة البلاد ،،،،
    الكيزان التقوا من اجل وحدة البلاد
    يا سبحان الله.
    اللهم أني صابم

  16. تمنطاشر سنه يعني بتعمل الفطور وانت لسه ضابط برتبه صغيره وين مصدر التغطيه ياودابراهيم وهل كنت بتعمله في الاحراش مشكلتك نزلت عميد والعسكريه ماوقعت ليك يعني لسه مستجد [ط]زي اخوك الجلدو حميدتي هو دفعتك ياحثاله الجيش ده طبعاتكون عرفت انه كلام ضباط لما الجيش كان جيش تفوووووووعليك وعلي امثالك الرمو العسكريه

  17. وأضاف «مضت فترات كانت رآيات الجهاد عالية ولكننا يجب أن نسترضي من جاهدوا معنا حتى لايحاصروننا ولايغضبوا عنا». لو سمحتم واحد يشرح الكلام ده

  18. الناس ديل ملكوا السودان عديل إذا كان هذا مستوى عميد بالمعاش يكون الفريق صلاح قوش كيف ولا الفرقاء الآخرين واللواءات كان الله للسودان وهي لله لا للسلطة ولا للجاه أخيراً أبان الترابي للشعب السوداني صحة توجهه وها هي نتيجة الإنقلاب يوم 30 يونيو المشئوم .

  19. يا ناس الإدارة
    بالله أي مشاركة باللغة الإنجليزية ما مستوفية لأبسط القواعد الخاصة بها يجب ألا تنشر .. وبعدين السادة المشاركين لو اللغة الإنجليزية عندكم فيها مشكلة أفتكر العربي أسهل حتى ولو كان عربي جوبا .. رمضان كريم

  20. شلاقة… عييب .. عيب والله كل هذا البذخ،
    يا راجل دي في الخليج ممنوعة.. ما تستوي أبدا…
    وخاصة لو جات من عسكري..
    وعميد نكرة يدعى فقط (بود ابراهيم)
    وبالتالي فسوف تزيد هذه الوليمة الكبرى والفخفخة في الفاضي
    من أعبائه المالية.. وقد تقضي على كل راتبه التقاعدي…
    وقد تنتهي به التسول
    غايتو سيل شيلتك يا شلاقة.
    الله يعينك شلاقة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..