عوض ابراهيم عوض : سيناتور أميركي قال لي ” يا عوض نحن اللوتري ده والله عملنا عشان السودانيين.
قال البروفيسور عوض ابراهيم عوض أنه تعرف على مستر جون ديفز السيناتور الامريكي الذي عمل مجمع تدريس لغات في عدة مناطق في العالم ووافقت أن أعمل معه في معهده بكوالالمبور رغم قلة المقابل المادي لان العمل مع سيناتور أمريكي له قيمته ولما تعمقت صداقتنا يوم قال لي ” يا عوض انا داير اديك سر وانا الكلام ده بقولو احقاقا للحق – فيوم من الايام قال لي يا عوض نحن اللوتري ده والله عملنا عشان السودانيين دليرين نجيب سودانيين لقيم كتيرة عندكم -قلت ليهو يا جون انت بتبالغ قال لي نو نو – أنا بحكي ليك وانا سيناتور في الكونغرس الاميركي – على مدى السنوات في اشكاليات حصلت بان الامريكان خايفين من حكاية الاسرة ذات العائل الواحد بدون خال ولاعم ولاحبوبة دي بتعمل مع مرور الزمن ضمور في الجزيئه بتاعت الذكاء في مخ الانسان وخايفين تجي مرحله يكونوا كل الناس اغبياء لانه السلوك الزي ده ضد فطرة الانسان. وقال لي طبعا الدستور مابساعدنا عشان نفرض على الناس انو يقعدوا في البيوت , الاسر الابناء والعمات والخالات, فلجأنا الى حكاية اللوتري, مابنقدر نشحد السودان نقول ليهو ادينا ناس يصلحوا الامريكان أبدا, فعملنا اللوتري مفتوح للعالم كلوا لكن همنا نجيب سودانيين لسبب واحد انو اللجان العملنها تدرس المجتمعات الفي الدنيا عشان نجيب شعوب عندها المستوى بتاع التعامل مع الاسر وكدة وعشان تطعم الشعب الامريكي قال لي لقيناها في السودان لوحدو , باقي الدول الدول حكاية دي ماموجودة فيها فالسودان قال لي ضالتنا في التربيه الدايرنها تلقى الحبوبه قاعدة لامن تموت يدفنوها من البيت والجد قاعد وجد الجد ممكن يكون قاعد في البيت وياكلوا كلهم في صينيه واحدة , وفي رمضان يمرقوا صوانيهم وينادوا الغاشي والماشي والجعان والعطشان ويمدوا الاكل قال لي بي فوق الحيطة. ده كلوا هو عارفو فقال لي قلنا السلوك ده بخلينا نجيب سودانيين عشان يبقوا امريكان وفتحنا اللوتري حتى قام قال لي ياعوض هسه كان قدمته حناخدك قلت لي ياجون انا ماشي اكلم اهلي انو يا اهل السودان لازم تفرحوا, انتو شعب فيكم ميزة دايره امريكا تصلح بيها ناسها, فقال لي ياعوض انا حأنكر اني كلمتك دي الحقيقه وقال لي نحن ماممكن نرضى نقول دايرين ناس يجو يصلحونا لكن دي الحقيقه اللي حقو انك تعرفها, على كل قمت انا سألت السؤال ده للمتحدث في الكونغرس الامريكي قلت ليهو مستر جون ديفز قال لي الكلام ده وانا اثلج صدري وانا رجل اعلام قبلما اكون استاذ جامعي فبالتالي ماصحة الكلام ده؟ قال لي صاح نحن نقدر جدا الشعب السوداني وبالتالي معانا سودانيين يهزوا ويرزوا وجزء كبير من القيم الامريكيه دي شايلنها على اكتافهم سودانيين, طيب يا أخي ماتودوا ناسنا ديل وتجوا السودان وتصلحوا علاقاتكم معانا وكدة فقام قال لي عبارة قال لي يا اخي انتو مابتدونا تأشيرة عشان نجيكم في السودان.
[COLOR=#FF001F] تابع الحديث في الفيديو -[/COLOR]وتعليقاً على ذلك قال أحد الأكاديميين السودانيين والذي يعمل بإحدى الجامعات الأمريكية :
كما توقعت فقصة الأخ عوض إبراهيم عوض مفبركة. لا يوجد أي عضو في الكونغرس الأمريكي باسم جون ديفز John Davis في هذا العصر. هناك عضوان حملا هذا الاسم أحدهما كان في القرن التاسع عشر و الآخر في القرن الثامن عشر. لا أظن أن عوضا كان معاصرا لهما! و يوجد شخصان أيضًا بهذا الاسم أحدهما يعيش في ولاية تكساس كان نائبا في مجلس الولاية التشريعي (و ليس الكونغرس) و لم “يطلق السياسة” إلا في يناير من هذا العام و مهنته مقاولات البناء و ليس له أي علاقة بتعليم اللغات أو بماليزيا. أما الثاني فهو محام في ولاية أوريغون صغير السن و يعمل حاليا نائبا في مجلس الولاية و ليست له علاقة بالكونغرس أو باللغات أو بماليزيا. و بالتالي قصة السناتور الأمريكي كان بيزورني في البيت و قال لي يا عوض، و أنا قلت ليه يا جون بتبالغ… إلخ، دي قصة مفبركة و احتقار لعقول الناس. و بعدين أمريكا عاوزه تستورد سودانيين عشان خايفين إنو العقل الأمريكي يحصل فيه ضمور في مركز الذكاء؟؟!! إذا كان ده مستوى أحد حملة الدكتوراه في وطننا العزيز كان الله في عون الطلاب. لذلك لست أستغرب الآن دعوته لأساتذة جامعته بمنح الرئيس البشير درجة الدكتوراه على رسالة الماجستير. و لله في خلقه شؤون.
لكن جون بالغ جنس بيليغة
ارسل لى صديق هذا الفديو الفضيحه فى الواتساب والله العظيم ما قدرت اكملو هذا الدعى المتخلف المتحذلق انا لا اعرفه جيدا وكنت قايلو زول لكن سبحان الله لقيتو حاصل على دكتوراه فى التخلف . لماذا لا تعاقب قوانين هذا البلد الهمله امثال هؤلاء من الذين يستخفون اهلهم ويستقلون كل الفرص التى تتاح لهم لتخدير اهلهم ونشر الجهل وتكريس الامراض التى اصلا مستفحله فى شعبهم المولع بالاوهام وتضخيم الذات ومقاطعة الواقع . بدلا من العوده الى اوطانهم ورد الدين عبر الانخراط فى ملحمة ايقاظ هذا الشعب النائم وتنويره بما يحدث حوله فى العالم يعملون على حقنهم بمزيد من مخدرات الوهم الا لعنة الله عليك ايها البروفسير الامى
طلعت اي كلام يا عوض
طيب يادكتور عوض كان تكلموا اجيب لوتري للريس البشير وجماعته ديل شان ينزلو من صدورنا شوية
بروف عوض،،، اللوتري من اجل السودانيين ،،،هذا الكلام غير منطقي ،،، وات رجل مثقف متعلم ،،، اربط الاشياء بالواقع ،،، ابسط شي كانوا سهلوا القيود المفروضة على السودانيين للهجرة….
اطن هنالك من اجدر مني في الرد
وشكرا
ده بتاع إعلام عايزة الشهرة لرقبته كان كذب كان صاح،
اللوتري نظام هدف منه ثلاثة اشياء وهي لا تتوفر في سودانيون الانقاذ اصلا. وهي الحداثه و الكياسة واللباقة .ويندرج تحت كل مفردة اكثر من ثلاثون مفردة لا يعلمها إلا الذين صمموا رغبة استجلاب الوافدين الى ديار العم سام . لذا كان الفئة العمرية محددا سلفا قبل اي شئ . هاؤلاي يعلمون لماذا أتوا بك و انت لا تعلم . و بعدين الرئيس رجل عسكري ما سمعنا بدراسته باي جامعة طنية ولا داعيشية ، الدخل عوضية ابراهيم عوض في الاشراف عليه شنو ، وبعدين كلية القادة والاركان دا ما عندها محاضرين .
يا عوض لو كنت قائل هذا الكلام الغريب نقول ربنا يشفيك ويرد لك عقلك. لا يمكن لإنسان عاقل أن يكون بهذه السذاجة ويصدق أي كلام يقولو ليك أي إنسان وتقوم بنشره بهذه الصورة. أين التحقيق الإعلامي وأين ماتعلمته من طرق البحث والتحقيق العلمي. اثنين لا ثالث لهما اما ان نقول لك شفاك الله وأما أن نسميك ابا جهل. الأختيار متروك لك
عوض إبراهيم دا شخص نرجسي معجب بنفسه بصورة مفرطة لدرجة أن كل الذين يسمعونه أصبحوا يعرفون هيامه بنفسه وولعه بالحديث عنها وأنه جليس الملوك والرؤساء ومنهم من أطعمه في فمه . وهو مؤلف للكتب و شاعر وملحن وبس ناقصه يبقى مطرب .
لا حول ولا قوة الا بالله
لكن ما عبقري يا عوض
ابن شعب عبقري تمت دعوته لتلقيح الشعب الامريكي
والله فخر لنا ان نهجن الشعب الامريكي من الضمور الذي اصابه
كذاب اشر يا عوض تربية الاتحاد الاشتراكي المايوي
ومستهبل كبير
قال جون قال لي يا عوض
قلت ليه بتبالغ يا جون
ودا في تلفزيون سوداني
شعب مسكين يقوده رعاة اجلاف وان تعلموا
خليك في كريماتك دي احسن
وابتعد عن الاشياء الكبرى يا عوض
هذا الكلام لايليق بك يا دكتور عوض فهذا كلام ساذج وعبيط لأن أمريكا بمكنها أن تفتح الفرص للسوداتييت بطرق عديدة كما أن هذا الكلام لم يبارح نظرة البسطاءمنا لأنفسنا عن أننا الأصدق والأشجع وغبرها من القيم التي لا ننكرأنها موجودة لدى الكثير من شعوب العالم. معذرة يا عوض ابلراهبم عوض اما أنك كاذب او أنهذا السناتور استخف بك
……..
المدعو الدعي عوض قوم ب….
جاهل متحذلق
يا بروف كان ممكن اصدقك مع انه المسالة حتكلفني جزء كبير من عقلي ما مشكلة لكن الاشكالية انت قلت الزول ده قال لي ( والله نحن بنحب السودانيين) بس أنا في حليفة الزول انت با بروف متاكد إنّو حلف ليك قال ليك والله يعني ما قال ليك وحات الله ولا وحات الشيخ ابو عمه وللا يمكن قال ليك والمصحف زي ما بيقولوا اخواتنا المصريين
يا راجل كدي راجع كلامك ده والمسامح كريم
Dr Awad is a narcissistic compulsive liar who thinks with this stupid fabrication, he can manipulate the average Sudanese minds portraying himself as an important person with huge reach of connections.I have live in USA for over 25 years and my work is in the immigration field but never crossed my my mind such a glaring lies could be concocted by someone who .claims to be a PHD holder.
“عوض ابراهيم عوض : سيناتور أميركي قال لي ” يا عوض نحن اللوتري ده والله عملنا عشان السودانيين”
هذا العبيط قال دكتور وبروف
لعنةالله علي زمن الكيزان الذي جعل من امثال هذا المتخلف دكتور
بس يا هو مقاول المباني لما جا مليزيا عمل مقاول لغات ولما في الهطلة دا وقد يسوى ليهو شغلت المصريين معانا انتو وانتو وانتو قدعان بالانجليزي عشان الهطلة دا يستمر شغال معا ببطنو قال بروف هو اي زول يهبه الله صوت اذاعي معناه رجل ذكي؟
بألله ده مستوى بروفيسور حتى فى التلفيق والخيال الجامح, يعنى ما كان ممكن يألف قصص تكون معقولة شوية ويحترم عقول من هو أكيد يعتبرهم سذج ويمكن الضحك على عقولهم, اليوم أى عنقالى فى السوق الشعبى يعلم لماذا الامريكان لهم عداوة مع حكومة السودان ما عدا هذا البروفيسور الذى لا يزال يردد هذا السؤال البايخ للمسؤولين الامريكان كما يدعى وهم يكادوا أن يطمحلوا خجلا فى الرد لاعجابهم الرهيب بألسودان وشعب السودان دون غيره من شعوب الارض مجتمعة لتفرده بألنجاحات التى أحرزها منذ أن تكونت دولته ولذا ابتكروا اللوترى على أمل أن يصطادوا السودانيين فقط لاصلاح ما تبقى من المجتمع الامريكى المنهار والذى أصبح معتمدا فى خلاصه على هجرة السودانيين فهل يستجيب أهل السودان لتوسلات العم سام على هذا البروفيسور أن يجتهد لتحقيق رغبة أصدقائه الامريكان ويبدأ فى تفويج المهاجرين الى أرض الاحلام التى هى فى انتظارهم بفارغ الصبر.
نصيب السودان من فرعه اللوترى 3000 فرصه فى السنه وهناك دول كثر نصيبهم اكبر من نصيب السودان فكيف يستقيم ان الامريكان يريدون تحسين النسل فعلا بلادهم من السودان ونصيب السودان فى اللوترى هو الاقل من بين جميع الدول التى يقدم رعاياها للوترى الحلم الامريكى .
كل الذين زاملوا هذا الموهوم الدعي في الجامعة الإسلامية في ماليزيا يعلمون سبب طرده منها يوم طلب الترقي من رئيس قسمه فقال له رئيس هات شهاداتك الدراسية فرأى فيها عجباً ليسانس في القانون من الفرع وماجستير في اللغة العربية لغير الناطقين بها ودكتوراه في الإعلام فقال له أين تخصصك ؟ أنت غير متخصص في شيء وبالتالي لا يمكن أن تعمل هنا خذ هذه الأوراق واعطنا عرض أكتافك فخرج منها ذليلا حقيرا مطرودا فعاد إلي السودان فأرسلوا رسولا مبتعثاً!!!!!!!!!!
really!!!! Are you serious, Dr. Awad, are you sure When you recorded this video you were not under alcoholic influence, I hope so. As a reader Just I want to know what type of PHD you are holding and also, when you visited Washington D.C, what type of liquor you drink?, believe me what you are doing is not helping Sudanese people at all. it make them feel shameful .AlRakoba administration, please delete this video, I have already vomited. also, please arrange to inform this guy to see psychiatrist as early as possible
ههههههههههههه
السناتور قال ليك يا عوض حااااف كده ؟!! لالا انت مؤخده عليك خااالص يا ( دكنور) عوض ,,,
وحلف بي الله كمان ؟!! اسلم الكافر !!
كلام فارغ… سودانيين شنو البصلحو عقل امريكا… الامريكان طلعوا القمر والسودانيين لسه. في يا طالع الشجرة وجيب لي معاك بقرة .
لوقلت كلمة روتاري لاي امريكي ح يفهم لعب القمار يعني ضربة حظ ما بعرفو لوتري الا ضربة حظ – كلهم بعرفو immigrant – مهاجر في امريكا اسمك يا زائر او مهاجر وما بحلفو بالله ولا بالطلاق
يا جماعة حيلكم حيلكم ماذا كنتم تتوقعون من كوز مفصوم!!!!!!!!!!!!!!!!
برف / الزنكلوني… بالغت فيها كيف سبكت هذه الفبركة بعد ما كسرتوا الثلج مع الرئيس ومنحتوه الماجستير الفشنق تجي وتقول السناتور جون قال ليك ..وقال ليك … يا عوض اتقي الله في ما تقول …يا أخي بطل الفبركات وتكسير الثلج وعد فورا للنهود حيث كنت … اللهم خذ بيد المزيع/ عوض ابراهيم مما هو فيه…
بعد أن حطت طائرة سودانير في مطار نيويورك بعد رحلة ممتعة وسعيدة، استمرت لمدة (خمسة ساعات) من مطار الخرطوم، أخذت حقيبتي و كنت متلهفا لمقابلة خالي الذي ينتظرني خارج المطار. و أثناء سيري استوقفني شخص و عرفني باسمه وأنه مندوب وكالة الفضاء الأمريكية (ناسا) وطلب مني الموافقة على عرض وكالة ناسا للعمل معها ( كخبير أجنبي) و قد تعجبت من كلامه وقلت له المعذرة فأنا أريد أن أقابل خالي أولا، و تركته وعلى وجهه علامات الحزن و الأسى. ولم أتحرك سوى أمتار قليلة وإلا ويستوقفني شخص آخر و عرفني باسمه وأنه مندوب شركة مايكروسوف وطلب مني الموافقة على عرض شركة مايكروسوف للعمل معها كمستشار برمجيات و قد تعجبت من كلامه وقلت له المعذرة فأنا أريد أن أقابل خالي أولا، و تركته وعلى وجهه علامات الحزن و الأسى . . . ثم يستوقفني مندوب وكالة المخابرات المركزية . . . و قد تعجبت من كلامه. . و و و و. في ما سبق كنت فاكر أني كنت في حلم ولكن بعد قراءتي و سماعي لكلام الدكتور تأكدت أنها كانت حقيقة و ليس حلما ، وقد قطعت جميع أصابعي ندما على ضياع تلك الفرصة الثمينة.
بروفسور عوض ابراهيم عوض وحسين خوجلي من اكثر البشر الذين يفبركون القصص لينسبوها لنفسهم وهذا والله مرض شفاهم الله.انا لم اكمل قراءة ما كتب لكنني اجزم بانه تحدث عن نفسه كثيرا.
If I may correct this silly idiot liar? America administration initiated this lousy notorious ?Lottery? programme for the third world including us, the misfortunates Sudanese with the intentions of importing cheap labor, to tackle the minimal jobs with marginal pay. Without any commitments towards those immigrants. This fact is well known and the American themselves are not denying nor hiding it. Importuning us with this hogwash is indeed annoying and certainly comes from an obnoxious reprehensible sick personality. Unequivocally, a preposterous and not entering story?
كم عدد السودانيين الذين يمنحون كل عام فيزا القرين كارد لامريكا؟
حسب الرابط هذا من ويكبيديا
https://en.wikipedia.org/wiki/Diversity_Immigrant_Visa#/media/File:2006-2010_imm_rate.PNG
معدل السودانيين الذين منحوا خلال خمس سنوات 2006-2010 هو مابين 0.33-0.99 لكل الف من عدد السكان المقدر في عام 2000،
لو اخذنا ان عدد السكان شاملا الجنوب حينها 27 مليون، يكون العدد لخمس سنوات في المتوسط حوالي 15 الف اي بمعدل 3 الاف كل عام، والمعروف ان هنالك حد اعلى لكل دوله بعدها يوقف منح مقدمي الطلبات من هذه الدولة لعدد من السنين مثل ماهو الحال للصين والهند وغيرهم.
لوفرضنا ان هذا المعدل ثابت يكون العدد في ثلاثين عام من حكم الانقاذ هو 90 الف سوداني، لكنه في محيط 318 مليون نسمه هو 0.028% ،
هل مثل هذه النسبه قادره على احداث تغيير سسيولوجي ايجابا اوسلبا في اي مجتمع؟ هذا بغض النظر عن نمط الشخصيه الانطوائيه الزاهده للسوداني وهي اقل احتفاءا بقيمها الاسريه في مواجهة الاخر (مقارنة بالاثيوبيين او المصريين).
وعلى فكره المجتمع الامريكي مجتمع قوي في قيمه الاجتماعيه .واقول لك لاتسمع لمن يقول لك ان الروابط الاسريه فيه مفككه هذه ليست الحقيقة وكل من احتك بهم يعرف ان الاسرة لا يعلى عليها والدستور الامريكي نفسه بنى للدفاع عن هذه القيم وهو حديث يطول.
هُوَ الَّذِي جَعَلَ لَكُمُ الْأَرْضَ ذَلُولاً فَامْشُوا فِي مَنَاكِبِهَا وَكُلُوا مِن رِّزْقِهِ وَإِلَيْهِ النُّشُورُ
يا اخواننا ختو الكوره فى الواطه. انا ما مقتنع انو الزول ده قال الكلام ده
ما اظنو بهذا الغباء
انا برضو عندى واحد صاحبى من مجلس الشيوخ الامريكى كنا شغالين فى السوق الشعبى فى واشنطون كان عندو طبلية سجاير قال لية عندكم فى السودان بروف اسمو عوض ابراهيم عوض ما ود الفنان الذرى نحن دايرنو عشان هو ممكن يكون عالم زراط خطير
من الذي منح عوض اببراهيم عوض لقب الاستاذية؟
ما الجامعة التي عمل بها لكي يمنح هذا اللقب؟
في الحقيقة ما هي المؤهلات العلمية التي يحملهاالسيدعوض؟
لمن لا يعرف هذه هي الحقيقة:
عوض ابراهيم عوض خريج جامعة القاهرة فرع الخرطوم سابقاً بمقبول
يحمل دبلوم لغة عربية من المركز الاسلامي الافريقي سابقا وتم ترفيع الدبلوم لماجستير بقدرة قادر ولا يدري احد كيف تم ترفيع دبلوم الي ماجستير.
يقول عوض انه حاصل على دكتوراه في الاعلام من جامعة في ماليزيا (غير موثق)
تم فصله او بالاحرى عدم تجديد عقد عمله بالجامعة الاسلامية بماليزيا لعدم الكفاءة- اي نعم لعدم الكفاءة .
حاول الدخول لكثير من الجامعات السوداتية ولكنه لم يوفق.
لقب الاستاذية عبارة عن لقب صنعه لنفسه ولم تمنحه له اي جامعة.
حكاية ماجستير الرئيس – كيف يجلس كعضو لجنة وهولا يحمل مؤهل في تخصص الطالب (عمر البشير) الذى سيمتحنه (الشريعة)؟
النرجسية وحالة القلق والتطلع للشهرة هي من دفعت عوض لمثل هذه الافعال.
المتتبع لتلفيقات هذا الرجل لا تخرج من كونها محاولة للفت الانتباه له بعدما وجد نفسه منبوذاً من جميع الاوساط التي يدعي الانتماء لها- الاعلامية والاكاديمية.
لدينا المزيد عنه عوض وسوف يخرج في الوقت المناسب.
والله أنا على إستعداد أراهن إنو السيناتور جون دا من ناس قرعتى راحت. دا عاوز يودى أمريكا فى ستين داهية
هههههه زمان وأنا صغير كنت لما أشوف الزول دا في التلفزيون ما بهضمو كلو كلو
اها من الزمن داك ما شفتو الحمد لله وأسي لما شفتو وسمعتو بعد سنين في الفديو دا أتكيفت من روحي زمان هعهعهعهع
دا من الكذب لمن متوتر
يهز ويرز دي قالها ليك كيف هعهعهعه
ياراااااااااجل
انا الكلام القالو عوض ده كلو ما هماني، لكن نفسي اعرف انو الخواجة ده قال الجملة دي كيف بالانجليزي:
“معانا سودانيين بهزو وبرزو”
حسب ترجمة قوقل الخواجة ده يكون قال:
Here with us Sudanese who shakes and eat rice
ارجو من الاخوة مساعدتي في ترجمة جملة: “معانا سودانيين بهزو وبرزو”
وكت ما بتقدرو علي لسانكم…
بتشربوهو ليه….
يا جماعة الله، إذا دا مستوى أستاذ جامعى، كيف يكون مستوى الناس الغير متعلمة،
أنا جئت السودان زيارة ودخلت السوق وتعاملت مع مكاتب حكومية ومشيت الدكتور بوعكة بسيطة، وتعاملت مع نخبة كبيرة من الشعب السودانى لمدة شهرين، كلهم حرامية وكاذبين ومنافقون ، وبعدين يجى دكتور جامعى ويقول للناس إنتو أحسن ناس. كيف تصلح من أنفسنا إذا ما قولنا الحقيقة
You are not real please sut up Awad
Your IQ is that of Goat
يا أخوانى تقلتو على الرجل، دكتور عوض رجل عالم والله، وأنا بعرفه باعتبارى زميل له وفى مقام تلميذه وإن لم أره منذ سنوات،ربما لم يكن موفقا فى حديثه هذا،ولكن لا يعنى هذا ان نقلل من قدره العلمى، وقد أضر به موضوع (دكتوارة الرئيس ) من قبل ،ولكل جواد كبوة، كما يؤخذ عليه كثرة كلامه عن نفسه ولكنه معتد بنفسه لأنه بدأمن الصفر.
لو مستر جون ديفز كان اليوم داك (مكّتر) في العيار شوية
البروف مالو ؟؟؟
دا زول مريض نفسي
عقدة الدونية التي تسيطر علي الوجدان السوداني والبحث عن الكمال الزائف في اعين الاخرين دائما ما تجعلنا محط سخرية وتندر ثم انها انستنا انفسنا واعتزازنا بها فنحن ان عدنا لجزورنا لا نقل عن هؤلاء الذين نسعي لارضائهم ونركض تجاههم حتي ضللنا السبيل وفقدنا قيما نبيلة كانت موجودة بنا ولا تحتاج لشهادة من احد
نحن كسودانيون نحناج وبصورة عاجلة لعلاج نفسي
كلامك حلو يا بروف. بس برضو امريكا انحنا ما دايرنها و في غنى عنها
زودت العيار بتاع السطلة امبارح عشان كدا قلت الكلام دا – ياخي خليها شوية لينة عشان نبلعها – دي قوية دي
اول مرة اعرف سبب تمكن الكيزان من حكم البلد وطبعا السبب هو سذاجة السودانيين –
اذا كان هذا مستوى الدكتور فما بال الغير متعلم؟
انت يا عوض لما بارع في التاليف بهذا الشكل كان اولى لك ان تمتهنة ونعرف انك مؤلف وستملأ شهرتك الافاق
طيب ياعم عوض خلينا نفترض جدلا انو قال ليك الكلام ده,,انت طوالي صدقت زجاي تتكلم في التلفزيون بكلام فارغ زي ده؟؟؟ انت الدكتوراة بتاعتك في الملوخية ولا شنو
غووور بلا سذاجة وقرف…امبارح وزير سياحة مخلقن والليلة واحد ساذج وعبيط,,,قرفتونا الله يقرفكم
Awad has got hi s P.HD from the Faculty of Languages and Linguistics , . the University Malaya . His thesis link is
http://pendeta.um.edu.my/client/default/search/detailnonmodal/ent:$002f$002fSD_ILS$002f412$002fSD_ILS:412573/one?qu=%22412573%22&te=ILS
For public information the Faculty of Languages and Linguistics does not offer any degree in Journalism or communication
شخص يجيد الحذلقة والعنجهية والملق .. يتحدث عن نفسه كتيراً بفخر يثير الاشمئزاز
عمنا عوض دي غايتو قلب فيها هوبة
نفسي اعرف جون ديفز دا كان ساطل بشنو
وحتى لو ما كان ساطل فبرضوا كلامو باطل يعني شنو هل هو سيدنا داوود عشان تاخد بكلامو وتتفاصح بيهو
حاجة غريبة
هذا الرجل موهوم ومتوهم ومتضخم الذات وهي صفة للاسف تلازم بعض الناس من الذين يشعرون بالدونية تجعلونهم يفبركون اشياء يعتقدون أنها ترفع من قدرهم. لا ادري من الذي منحه هذه الدرجة العلمية الرفيعة؟
عوض ابراهيم عوض عرفناه مذيعاً أيام التلفزيون أبيض وأسود .. سافر الى ماليزيا حيث نال درجة الدكتوراه ، لكنه وللأسف عاد وبه قدر كبير من العبط والهبل والنرجسية لاحظتها في المرات العديدة التي استمعت فيها اليه..
واليوم أضاف الرجل إلى نفسه صفة من اثنتين: إما الكذب أو السذاجة وهما أمران أحلاهما مر ..
..
كان الله في عون السودان ..
والسودانيين أيضاً ..
كلامك يا عوض ابراهيم عوض لا يعدو أنه ( فساء )
لايسمن ولا يغنى ويستهلك زمن السودانيين الفتحت امريكا اللونرى عشانهم ديل
ما قلته يصلح عنوانا لموضوع درجة الدكتوراة لبشبش الذى جاء بشعار امريكا دنا عذابها
لأنه عرف انها تريد تهجير شعب يريد ان بدوم له ولحاشيته حكمه
لله درك ايها النحرير صاحب الفكر الفطير
ماذا تتوقعون من واحد خريج الفرع وبدرجة مقبول؟ المشكلة ان الجيل الحالي لا يعرف مستوي الطلبة الذين كانوا يقبلون بالفرع؟ واختصارا اقل تحصيلا من المقبولين لدبلوم الكلية الحربية والشرطة! وكمان مقبول؟ هذا التأهيل لا يمنحك الحق ان تكون استاذا جامعيا في اي جامعة اذ من الشروط المعروفة لأي جامعة محترمة ان من يلتحق بهيئة التدريس بها الحصول علي جيد جدا كادني تقدير لبكلاريوس التخرج ! فهل في السودان جامعات محترمة؟ الجامعة الاسلامية بماليزا هي بنفس مستوي جامعة ام درمان الاسلامية انشأت لأهداف عقدية وخارج الترتيب العالمي للجامعات وتضع شروط متساهلة جدا للقبول حتي علي مستوي الدراسات العليا وهي لمنح الألقاب العلمية اكثر من تخريج علماء او خريجين مؤهلين
قـــــــال شــــنو…؟؟؟؟
نحن اللونري ده عملناه عشان السودانيين….!!!!!!!.
ياخــــي حرااااااام عليك يا عوض..
ده كلام إستصغار وأستجهال لعقول البشر في السودان والعالم كلو….
بركة هذا الشهر الكريم اللهم دمر كل متلمق يحب الدنيا ولا يؤمن بيوم الحساب…
حديث يدعو للرثاء ويثير الاشمئزاز…اذا اوكل الامر الى غير اهله فانتظروا الساعة ..ولا حول ولا قوة الا بالله العلى العظيم
للفائدة
اللوتري يمثل اقل من خمس في المية من برنامج الهجرة السنوي لامريكا .
نشأت اللوتري ، الهجرة عموما لاوروبا وأمريكا خلفها اللوبي اليهودي وذلك لخوف اليهود من المسيحيين المتشددين والعنصريين البيض لذا هدفهم الرئيسي هو خلق التعددية في هذه البلاد لئلا يتم الاستفراد بهم يوما ما في هذه البلاد ، بدأ برنامج اللوتري بطريقة مختلفة من عهد جون كنيدي باستقدام الكاثوليك الأيرلنديين سنويا ثم تم اضافة الأسكتلنديين واضيف لهم الكاثوليك ، استمر البرنامج علي هذا المنوال الي بداية التسعينيات ، ثم دخل السود الأمريكان علي الخط وطلبوا بحصة مماثلة لأفريقيا عندها تم استحداث البرنامج بطريقته الحالية. عوض ابراهيم عوض واحد من اتنين كضاب او غنماية يصدق اي كلام والاثنين يبينوا اننا امام توفيق عكاشة سوداني .
اخجلت تواضعنا يا حضرة الديك — و تور
كلام لا يقنع حتي طفل بالروضة .
و قد شهدت له حلقة في التلفزيون يقول فيها — عندما كنت في ماليزيا ابني محمد كان يصفف شعره افرو .
مما يعني النرجسية و ضحالة الفكر .
بروف عوض (( سيناتور أميركي قال لي ” يا عوض نحن اللوتري ده والله عملنا عشان السودانيين.)) .
مين فيكم شاف أو سمع سيناتور امريكى يحلف بالله عشان يصدقوا كلامو ؟ .
صحيح كلام أهلنا الطيبين ، القلم ما بيزيل بلم ، يا بروف عوض ، حرام عليكم تشيلوا لقب بروف ! .
المشكلة ليست في أن يقول ماقاله فالرجل نرجسي بإمتياز هذا الرجل مريض يحاول الايحاء بعمق علاقاته مع اصحاب القرار في امريكا زورا وبهتانا ويتماشى كلامه مع موضة اليومين ديل ..كل واحد ظهر في الاعلام إفتكر نفسه وصي على الشعب ومفكر وقائد منهم من يهترش ومنهم من يشتم ومنهم من يهدد ومنهم من صارت ريالته مضرب الامثال ومنهم من نسي انه مزرر البدلة بالغلط وانه هلفوت ومضحكة لهذا الشعب الذكي الصابر..
المشكلة ان ماقاله يختلف عن الواقع تماما فأمريكا لايقرر سياستها سناتور متقاعد لم يجد له عملا الا في ماليزيا والا كان مكانه دائرة البحوث في مراكز اتخاذ القرار ثانيا ان السناتور المذكور (ان كان وجوده صحيحا) لم يزر السودان مطلقا فكيف تسنى له معرفة هذه التفاصيل البايخة التي لاتسمن ولاتغني من جوع !! كما ان النسبة المخصصة للسودان في اللوتري لاتزيد عن 1200 فرد في السنة ..ومعظم الذين ذهبوا لوتري يعملون في مهن عادية لا تأثير لها كما ان اللوتري ليس محصور على اساس المهن أو الاسر فقط بل مفتوح للعزاب ولجميع المهن بل والطلاب وهذا امر معلوم وفوق كل ذلك فان السياسة الامريكية تجاه السودان لاتحتاج لشاهد…هذا الرجل بهذا الهراء يستعبط علينا ولكنه فضح نفسه على الملأ ولابد من اسكاته … او تعيينه سفيرا في امريكا لنستفيد من علاقاته المميزة مع مع المغتربين الامريكان في ماليزيا!!اليس هذا مايريده ..تباً لك
إن ما يثلج الصدر أن جميع المعلقين اتفقوا على رفض هذا السخف والعبط الذي تفوه به هذا الجاهل فقط ليثبت أنه يعرف سيناتور أمريكي وإن كان قد قال ذلك فهو ثور .. ومثل هذا الأمريكي تمتليء بهم مقاعد المجلس الوطني عندنا فهل يمكن اعتبار أي هراء ينطق به عضو مجلس بمثابة معلومة يعتد بها ويبنى عليها ؟؟ ملخص ما يريده الأمريكي وما فهمه عوض هو أن أمريكا في حاجة ماسة إلى ” حبوبات وخالات وعمات ” ونقول يا عوض عليهو العوض ومنو العوض فيك يا عوض وفي الدرجات العلمية التي لا يحترمها حاملوها وإن كانوا يتقاصرون عنها ويعلمون ذلك جيدا .
ما جاء في تعليق Abu اعلاه باللغة الانجليزية هو التحليل الصحيح لبرنامج اللوتري الامريكي لاستقدام العمالة الرخيصة من العالم الثالث بمرتبات متدنية وبدون اي التزامات اخلاقية تجاهم ليعملوا كالآت لفترات تمتد لحوالي 15 ساعة في اليوم في أحسن الحالات.. أما حديث المعتوه عوض ابراهيم عوض فقد علق عليه شخص آخر قبل اكثر من ثلاثة اشهر في مقال تم نشره في الراكوبة تحت عنوان “عوض ابراهيم عوض .. وجنون العظمة الكاذبة”.
عوض ابراهيم عوض المزيع من مدرسة الطلحة الزراعية الي قرأة الأخبار والله الراجل أصابتة فوبيا الوهم بتاع اختلاق القصص مع الخواجات وبرضو مره في التلفزيون بقول مشي للأقزام في القطب الجنوبي وحكي قصة قريبة من الخرافة أو نسج من خياله
السودان دولة ارهابية ولم ترفع من قئمة الدول المصدرة للارهاب والكيزان منظمه ارهابية والخواجة ماعارف ده كله
هل تعلم ياطرطور عوض ان عدد المهاجرين السودانيين لأمريكا عن طريق اللوتري من سنة 2005 الى سنة 2014 هو(4,951) فقط نعم اربعة آلاف وتسعمائة وواحد وخمسون فرداً.. طبعا من حقك ان تسأل عن المصدر وانا ما حاأقول ليك واحد سناتور قالي انا بديك موقع وزارة الخارجية الامريكية الذي اورد الاحصائية .. طبعا الاعداد المذكورة للذين حصلوا فعليا على الفيزا ودخلوا امريكا عن طريق برنامج اللوتري DV (الفبزا العشوائية المتنوعة) اي المتاحة لعدة شعوب يتم اختيار مواطنيها عن طريق القرعة علما بأن كل دولة لها عدد محدد لاتتجاوزه واللآن الى الموقع :
http://travel.state.gov/content/dam/visas/Statistics/AnnualReports/FY2014AnnualReport/FY14AnnualReport-TableVII.pdf
http://travel.state.gov/content/visas/english/immigrate/diversity-visa/diversity-visa-program-statistics.html
السناتور قال لي ((هسة انتا لوقدمت للوتري حناخدك ..)) بلاء ياخدك.. بالله دا كلام دا انتا قايلا مايو ولا انتخابات المؤتمر الوطني ..امريكا بلد ديموقراطي راسخ لايدير سياستها الافراد ويحكم اسرارها قوانين صارمة وليس قوالاات وشمارات مثل مايحدث في حكوماتنا تسمع الشكيل الوزاري في بيت البكا ولا صيوان العقد.. اللوتري وغير اللوتري لايحتاج لةاسطة بل هو نظام … هذا الرجل كذاااااااااب أشر.
لا علم لي بالرواية وصاحبها لكن السودانين فيهم النواحي التي تحتاجها الولايات المتحدة للمهاجرين وهذه حقيقة لا تقبل الجدل .
انتو ما عارفين. الكلام دا ما ليكم. المسطح دا عارف انه ما حاتفوتوها ليه وان الشعب السوداني أذكي من كدا كتير. لكن المقصود حكومة الانقاذ لانها تائه وغرقانه في شبر مويه. خاصة الايام دي في غزل شديد بينها وبين بعض الجهات الامريكية. وكما قال معرفة سيناتور أمريكي زي الجنيه الدهب حق زمان. وعلي كل ما اول افاك يزج باسم سيناتور أمريكي عشان يحلي البضاعة.
نحن غايتو عملنا العلينا ونضفنا ليكم عقول الشعب الامريكي المغلوب علي امره والدور والباقي عليكم. ساعدونا بي دفرة
عوض ياااااااااااااااااا
دي قوووووووووووويه
كانت مفروض تكسب
لولا وعي وادراك الناس
ياخي نصيب السودان من هذه القرعه ضئييييل
حتي الناس بقت ما بتقدم ليها
الاستخفاف بالعقول دا ما جميل ياعوض
منو العوض وعليهو العوض منك ياعوض
يظهر انو مخك حصل ليهو ضمور
الحلوه ،،،جنت ،،،اللهم إني صائم.
ياشباب انا عايش في امريكا اكتر من 18 سنه ومافي سنتور بالاسم ده وعوض طلع جاهل
هذا الجهلول الدعي من ضمن (الأساتيذ)الذين منحوا (البشير) درجة (الماجستير) في الشريعة.. بدون (بكالريوس) “زاتو”..!!؟؟
عوض ده كان زمان مذيع في التلفزيون وكان طاقاه أم فريحانه
أنا سمعت الحلقه بتاعة اللوترى ,, وغايتو والله أعلم أظن الراجل كان ضارب ليه سجاره كاربه , لان الكلام البقول فيهو ده داير واحد مسطول عشان يصدقه
غايتو الله يكون في عونه وكل شىء جائز في هذا الزمن
قول للأمريكان يستعجلوا وياخذوا أكبر عدد من السودانيين بأسرع فرصة يا عوض إبراهيم عوض فالبشير وكيزانو مجتهدين لتفكيك المجتمع السوداني بالفقر والحرمان وعاوزين يخلصوا من مسألة العمة والخالة والحبوبة والأسرة الممتدة دي بسرعة
Simply …He is sick … I pity him
ههههه هههههه قال ليك {والله بالحرف الواحد} بطل اوهام و استخفاف بالعقول كلامك ده قولو للناس او الوهم الشغالين معاك انت علي حسب مؤهلاتك المفروض تكون علي الاقل المدير العام للتلفزيون يا وهمممممممممم
الفيديو محبط بس التعليقات مبالغة بالجد في ناس فاهمة و ناس ظريفة و ساخرة .. خسارة يحكمونا كيزان عواليق و مقاطيع ..
انها لكذبه بلقاء سارت بها الركبان !!ووثقها قوقل
مليون تعليق رفقا ايها الناس لقد قتلتم الرجل ،عاصرنا زمن نجوميته في تقديم البرامج التلفزيونية وكان نجما حينها
لماذا هذا الموضوع يتصدر القائمة يا ادارة الراكوبة فهو ليس خبرا كبيرا بل خبير
عوض مفتكر انه ود لذيذ ولا يقاوم بعدين اكتشف انه الزمن فات على لعب دور الود الذيذ (irresistible) قام قرر يلعب دور الزول الواصل (well connected)و فات عليه الحمار ان هنالك اعداد متزائده من بني سودان قد حصلوا على اعلى التعليم في كل ارجاء المعمورة, ولن تفوت عليهم ترهات مثل ما صرح به العوض و انه زمن تور الجر و ابو قبوره قد مضى لغير رجعة.
و بما انه الجهل هو سيد الموقف في السودان فسوف نرى مزيدا من هذه الترهات.
اتمنى ان نسمع ردامن العوض.
لكن ارجح انه لن يرد لانه بلا شك في حالة نفسيه سيئة اذا اطلع على نصف ما كتب عن ترهاته.
دكتور علاقانة ممنازة ةيصلخ تلميعة لوظيفة اعلاة هوهوب حالص
لكن يا عوض دي مدفعية من العيار التقيل وغايتو فوتا الكبار والقدرك.
ياخي اختشي ودعك من هذا الإسفاف واحترم عقولنا.
قلت السناتور ده كان بيقعد معاك في سوق الناقة؟
بسم الله الرحمن الرحيم
كَذَّبَتْ ثَمُودُ بِطَغْوَاهَا (11) إِذِ انْبَعَثَ أَشْقَاهَا (12) فَقَالَ لَهُمْ رَسُولُ اللَّهِ نَاقَةَ اللَّهِ وَسُقْيَاهَا (13) فَكَذَّبُوهُ فَعَقَرُوهَا فَدَمْدَمَ عَلَيْهِمْ رَبُّهُمْ بِذَنْبِهِمْ فَسَوَّاهَا (14) وَلَا يَخَافُ عُقْبَاهَا (15)
عوض يخي انتا كلامك غريب
يا اخوي بطل وهميات صدقني احسن عشان صحتنا
بالله عليك هون علينا
خلي الصواتة والكلام الفاضي البتسوي فيهو ده
يخي أقول حاجة
اختفي من حياتنا خلاس انتل زول ملللللللللللللللللللللللللللللللللللللللللللللللللللللللللللللللللللللللللللللللللللللللللللللل
تاريخ البرنامج[عدل]
قدم قانون الهجرة الأمريكى لعام 1990 برنامج هجرة التنوع حيث يتم توفير 55 ألف تاشيرة سنويا بداية من عام 1995 في قرعة عشوائية بواسطة الحاسب الآلى. يهدف البرنامج إلى تنويع السكان المهاجرين ويستهدف الدول ذات معدل هجرة منخفض للولايات المتحدة خلال السنوات الخمس الأخيرة.
تقوم الدائرة المختصة في كل سنة باستقبال الطلبات عن طريق الموقع الرسمي لوزارة الخارجية الأمريكية المخصص للبطاقة الخضراء في الفترة المحصورة بين شهر أكتوبر وشهر نوفمبر.
الدول المستهدفة[عدل]
الدول ذات معدل هجرة مرتفع للولايات المتحدة وتحديدا الدول التي هاجر منها أكثر من 50 ألف مهاجر للولايات المتخدة خلال آخر سنوات تصبح غير مؤهلة للتقديم في برنامج هجرة التنوع, في برنامج عام 2014 والذي ينحصر في الفترة من أكتوبر 2012 وحتى سبتمبر 2014 كانت هناك 18 دولة غير مؤهلة للبرنامج: البرازيل, كندا, بنجلاديش, الصين, جمهورية الدومينيكان, كولومبيا, الإكوادور, السلفادور, هايتي, الهند, جامايكا, المكسيك, باكستان, بيرو, الفلبين, كوريا الجنوبية, بريطانيا وجميع الدول التابعة لها (بإستثناء أيرلندا الشمالية) وفيتنام طبعا هذا هواليانصيب لكن البعض يفضل الهجرة القائمة علي نظام النقاط.
الغش والاحتيال
امكن يا عوض السيناتور قاصد انهم عملوا ( اللوري) مخصوص عشان السودانيين ..اللوري مش اللوتري !
كديه اتصل بيهو واتاكد وربنا يجيب العواقب سليمة .
لقد هرمنا يا بروف ونحن نقدم على اللوتري من أيام بتكتب بخط اليد وبترسل بالبريد العادي,
كان كلامك دا صحي كان وصلنا امريكا من ربع قرن على الأقل
يا اخوانا داير ملحن كارب قبل رمضان الجاي عندي غنية داير الحق أغاني أغاني
الزول الوهم وينو
الزول الوهم ياهو
عوض إبراهيم عوض
اختفي من حياتنا
اختفي …………………….
عايتو الزول ده كضاب كضب
مشكلته مدعي ويصلح ماسح للجوخ قديما قال كلام ف الضادق المهدي حين كان رئيس للوزراء وهو كان مذيع ب التلفزيون لا اتذكرها ب الضبط لكنه سقط كليا والاغرب يدعي الظرف والفهم بطل حذلكة درجة البروف لم تعلمك لو كانت قنابلك حقيقة لطالب الامريكان ب الانضمام الي ولايات السودان او ازاحة احدي دول الجوار واصبحت جارتنا حاليا فشلت ف توصيف هذا العر العرة
يا إخوانا منو القال ليكم عوض ده كوز،، ده مذيع منذ العام 1980 بالتلفزيون ولا علاقة له بالاسلامييين
كذب عوض من قبل عندما زعم بأنه حضر ميلاد احدي اغنيات الفنان حمد الريح
والذي كان مهذباً في رده علي كذبة عوض ابراهيم عوض بأن كتب مقال في صحيفة
وحكي قصة الاغنية وتاريخ استلامها من الشاعر موضحاً بكل ادب ان ذاك التاريخ
يسبق قدوم عوض الي العاصمة…ولم نسمع تعليق من البرفسور المزعوم…..
ياربى كلام عوض دا صاح .. كدى نشوف خلونا نجرى ورا الكضاب لحد باب بيتو
.
عن ديفز بتاع اخونا عوض يقول مستر (قوقل) ديل (الدفوز) الطلعوا معاهو :
جون دافيز (بحار)
الميلاد: ١٥٥٠
الوفاة: ٢٩ ديسمبر، ١٦٠٥، بنتان، إندونيسيا
جون ويسلي ديفيز (سياسي)
الميلاد: ١٦ أبريل، ١٧٩٩، نيو هولاند، بنسيلفانيا، الولايات المتحدة
الوفاة: ٢٢ أغسطس، ١٨٥٩، كارليلس (إنديانا)، إنديانا، الولايات المتحدة
جون هنري ديفيز
جون هنري ديفيز، توفي في 1927، رئيس سابق لنادي مانشستر !!!!!!
عوض ابراهيم عوض، شخص نرجسي وناكر للجميل. كثير الحديث عن نفسه ويأبي الحديث بكلمة حق الواحدة عن أي من الذين أخذوا بيده مذ كان طالبا الي ان تخرج والتحق بالعمل.من ضمن هؤلاء الذين أخذوا بيده وتنكر لهم، عامل بسيط بالهيئة القومية للكهرباء والمياه، أيامها، فني مكانيكا بالورشة اسمه آدم اسحق، لا زال حيا يرزق. هذا الرجل استضافه في داره وصرف عليه الي ان تخرج. ومن يوم ان تخرج والتحق بالعمل، لم يسال عن هذا الشخص ولم يزره الي يومنا هذا. ………. شخص بهذه الصفات، ماذا تتوقعون منه !!
اللهم نسالك العقل ونعوذ بك من الجهل والجاهلين. هذا الرجل لم يطلع على الدافع الذي من اجله قدم مشروع اللوتري. هذا المشروع جاء تحت راية التنوع والتمثيل للاثنيات الاقل هجرة لامريكا. المحبة منة الله هذا الرجل سالت عنه كثير من المتابعين فخرجت اراءهم متقاربة جدا وكانت النتيجة ان هذا الرجل متملق وحاهل وبه مرض نفسي وكثير الكلام عن نفسه. يحب الاضواء ويعشق النساء ومراهق. تارة يدعي انه اشعر عصره . يتغمض شحصيات العلماء. يكثر من الثناء على مرؤسيه. اسال الله ان يسامحني لو اخطات في حقه لكن هذه الحقيقة المرة.
Quote: الأخ حسن الجزولي
لك التحية ولضيوفك الكرام
كنت مسئولا عن الوردية المسائية بقسم الأخبار بالإذاعة السودانية في ذاك اليوم الحزين ، اتصل بي أحد الأخوة من سونا وذكر لي ان هنالك بيان عاجل سيصلك باليد لاذاعته في نشرة الخامسة مساء ، بالفعل وصلني البيان وكان هو بيان إعدام الشهيد محمود محمد طه ، وللأمانه والتاريخ البيان كان مقتضب جدا فقط اشار إلى انه تم صباح اليوم تنفيذ حكم الإعدام في المدعو محمود محمد طه بسجن كوبر وشهادة ندليها للأمانة وللتاريخ أن كل ما ورد في البيان بعد ذلك مثل عبارات ( هكذا اختث الله رأسا من رؤوس الكفر ، نحمده ونشكره ) وما تلى ذلك من إنشاء هي إضافة اضافها المذيع عوض إبراهيم عوض ، أضافها على الهواء بعد أن أخذ النشرة من قسم الأخبار وذهب إلى الاستديو وهناك أضافها بخط يده رغم الحزن الذي خيم على كل الزملاء بالقسم بعد استلامنا للبيان وبعد النشرة مباشرة دخلت معه في نقاش حاد انتهى كالعادة طبعا بالتهديد والوعيد لكل من يقف في وجه دولتهم الدينية .