البشير وانفلات اللسان..!

و الفيك بادر بيها ..

وكل اناء بما فيه ينضح ..

وكل ينفق مما عنده ..

وما دخلتم النار الا بحصاد السنتكم ..

والكلمة كالسهم متى انطلقت فلن تعود..

و تحدث كى اراك … و الفتنة نائمة …

(يؤتى الحكمة من يشاء ومن يؤت الحكمة فقد اوتى خيرا كثيرا) البقرة
صدق الله العظيم

بسم الله الرحمن الرحيم

العزيز عبدالله شُـكـراً ايها الثائر النبيل ..

دوماً كنت وما زلت أدعو للانضباط اللفظى فى تصريحات السادة لأن الكلمة (سلاح)وطلبنا من العسكر التأدب مع الناس .. فهذا البشير رجل لا يعرف غير الحديث فى الملمات إرتجالا!! كلماته تُمرغ كرامة الفرد دون استنطاق.. فهى تُعبر عن الغلّو فى الصلف وتيقن التمكن من السلطة دون وازع..

لم يفلح النظام فى شىء قدر فلاحه فى تجريف الشخصية السودانية معنوياً وأخلاقياً إن صفات عدم الاكتراث والتهاون والتنطع والمقامرة و(انفلات اللسان)والانجراف خلف الغوغائية دون تفكير هى من أهم السمات التى خلفها النظام فى الشخصية السودانيه .. لم يكن التعثر الاقتصادى والسياسى هما أخطر ما يُعرّض وطناً للخطر والهلاك ولكنه الانهيار المعنوى والتردى الأخلاقى فى هرم النظام.. وقد كان تخريب التعليم وتسطيح الخطاب الدينى هى أدوات ذلك النظام نحو القضاء على ما تبقى من شهامة ورجولة ووطنية لدى الإنسان..

فتعبير ووصف البشير ب(الحشرات)دون وازع من أخلاق أو ضمير.. إنها ببساطة مخالفة للذوق وللأعراف وبالأخص مخالفة للاخلاق السودانية إنها هى الطامة الكبرى أن نُوكل أمرنا لمن (يُشبع) الصقور
وهو يوجه أحط الألفاظ لرجال الجيش فى هجليج الذين جُرفت أخلاقهم وصاروا الرقم الصعب فى معادلة الجوار مع دولة الجنوب كان المشهد صادماً وقاسياً وخادش للحياء.. فخطاب البشير خطر حتى على الاطفال الذين نُعلمهم أخلاق الشهيد وقيم البناء والوطنية..

* كفايه عبث وغوغائية.. كفاية إهانة للبلد ..

الجـعـلى البعـدى يـومـو خنـق ..

من مدينة ودمـدنى السٌُــنى .. ألطـيب أهلها ..

بتقول الاعلام يفلتر كلام الرئس هو تلفزيون السودان بكرر نفس كلمة الحشرات من المذيعين والمذيعات فى كل ساعه وكل دقيقه مصيبتنا مصيبه فى اعلامنا والله يكون فى عون السودانين ويا مغيث اغثنا

الأخ عبدالله عبد الوهاب
أصحي يا نايم
إنت ما سمعت بالخبير الوطني ربيع عبد العاطي ؟؟؟

اممممممممممممممممم ياربي اكون استلم الراية من هتلر؟

والله داخليين في أضافرنا في الغربة والله كل الجنسيات لما يعلق ليك على الرئيس يبتسم بسخرية ويقول ليك عندكم رئيس حماسي لو رديت جبت لنفسك مهزلة ولو سكت ظلت إبتسامة السخرية من السائل

أتحدى واحد يجيب لي إسم رئيس في العالم من بدء الخلق بتهابل زي البشير دا ؟ يعني لو رقص سعد الحريري معقولة ود صغير والرقيص عندهم عادي لو رقص أوباما معقولة برضو لكن رقيص الشيخ لزوم شنو والله كلنا شعب عرف بالوقار لكن دا جا من وين؟