المهدي: سأعود للسودان بدون قيد أو شرط

عودتك مرهونة بظهور إشارات وتحركات لقيام ثورة شعبيّة
وتخصّصك هو إجهاض الثورات وتعضيد النظم الدكتاتوريّة

ربنا يرجعك بالسلامة. ونحن كسعب نرجو مشاركتك في الحوار وتكونوا اقوياء وزعماء بحق فانتم تتحملون مسئولية تمثيل هذا الشعب المكلوم ويجب ان تكون قدر المسئولية وتتحدوا نابذين كل حزبية وجهوية ضيقة وان يكون همكم هو الوطن توحدوا بقلب رجل واحد وخلفك الشعب السودان ممن قلبهم علي البلد وبذا تكون كلمتكم هي العليا.. والكذاب وصلوه لي باب دارو.

فى مثل لاهلنا فى كردفان بيقول ام جركم ما بتاكل خريفين ياخ الصادق المهدى والميرغنى والترابى حيروا ام جركم ذاتها وحيرونا معاهم ياخ لاتموتو لا تعتزلو ياخ إعتزلو وليكم علينا نجيب لكم ريال مدريد وبرشلونه يلعبو فى ماتش إعتزالكم وكمان شاكيره قصرنا معاكم

حرام عليك يا ابو علي . هذا هو الرجل الوحيد القلبو على البلد . أرجو عدم القاء الاتهامات جزافا .

الصادق طلع الصادق نزل و تاني طلع و صالح الحكومه و دخل ولدو و تاني نزل و سافر و تاني صالح البشير في بيتة و تاني سافر و حرد ووووووووو
راسنا ورم و فهمنا كمل
ياخ ما تجي ولا تمشي انت الشغال بيك منو
براك تعمل الدعايات لنفسك
قبل كده ما كنت في راس البلد دي عملت شنو غير ما سلمتها للعساكر الكلاب بعد ما التمرد دخل الشمال
انت و الترابي و المرغني و بقيه الاحزاب ضيعتونا و ضيعتو البلد عشان حزبيه و جهويه
في مثل عند اهلنا في غرب السودان بقول جراده في السروال ما بعضي الا قعاده حار انشاء الله اكون قلت المثل صحيح

يا زول انت هاوسنا راجع ما راجع قلنا ليك اقعد محل ما قاعد وبطل الجقلبه في كلا الحالتين غير مرغوب فيك لا من الشعب لامن الحكومه انشالله ترجع

لينا في صندوق قول يامين لعنه الله عليك يافاشل كلما الناس ينسوك ويرتاحوا تقوم ناطي لينا انا راجع انا ما راجع الظاهر مشتهي ليك طرده من مصر

أهو البشير جاي لحفل القناه وحيوصي السيسي باعلانك شخص غير مرغوب فيه في مصر وعليه مطلوب مغادره مصر في ظرف 24ساعه

اتمني من الامام الصادق العودة للصواب واحترام سنه وقاعدته الجماهيريه بدلا من الانجرار وراء اطماع المستعمر الذي خرج ولن ليعود الا جثث الشعب السوداني وقد وعي الناس الدرس

حال فراغه من “مهام ثلاث” ….الله يحلل عصبك أرجع ساي با غواصة

اعتقد جازم بان الصادق المهدي لو يعلم شيئا بسيطا عن مايكنه له هذا الشعب
لما رجع وواصل حتى مبلغ غاياته الثلاثة كما يقول
وصراحة أميل الي أن هناك تهدئة لعب وخواطر أكثر من اي عمل يرتجي من هذا الصادق
وليته كان صادق الوعد والخطي لتكتمل مسيرة الاصلاح الوطني ولكن نقول لكل الساسة المعارضين أمثال فاروق ابو عيسي ومكي بلايل وعقار الي جميع حركات المقاومة الوطنية ولا اقول الجبهة الثورية ولا الحركات المسلحة أو المعارضة المسلحة ولا نقول لهم كمثل اهل الانقاذ الحركات الخارجة عن القانون .. هم بصراحة اهل القانون وشايلين وجعته .. طالما هناك اشخاص امثال الصادق المهدي والوسخ الذين يتاجرون بقضية السودان كانه ضيعه من ضيعهم ولا كأنه ملك حر لهم يتصرفون به كيقما يشاء نقول ليهم لا تضعوا ايديكم وتوسخوها بأمثال هؤلاء بالذات الصادق المهدي والترابي وانتم تعلمون الباقي والساحة مليئة بالكلاب الضالة التي تبعبع وتأكل من اقرب كتف يرمي لها حتة عظم.
وأعلموا جيدا ايها الشعب المناضل بكل اطيافه .. ان اي تحاور مع النظام غير مجدي وغير مفيد وليس له صالح لهذا الوطن .. اللهم الا اذا كنتم عايزين غنايم أمثال غنايم ابو قردة والسيسي وغيرهم .. انتم لكم حر الاختيار ولكن سوف تكونوا ضيعتوا حاجة اسمها السودان والانسان السوداني الذي كل يوم يمر منه يحس بأنه يتضاءل الي عالم المجهول .. وهو يري باعينة ما يدور ولكنه في الاخير سوف يكتسح كل البشر .. انكم الان سوف تسألون وتسألون ويوم الحساب قادم لا محالة
اما ان تعيشوا وتكونوا أبطال وانقاذ السودان من هؤلاء اللصوص أو ان تكونوا لصوص أمثالهم وتسرقوا فاتفت الاشياء التي تركت لكم
واظنكم لا تعلمون بأن شعبكم يعاني الامرين .. ويل الجوع وويل الحرب وويل الامراض
يذهب بأرجله وفي المساء يموت من حسرته أن لم تقتله الامراض التي ظهرت بظهور هؤلاء القوم مثل السرطانات والكلي والقلب والامراض النفسية مات مهموما ومبطونا

المرة دي خفض الرقم من 10 إلى 3 فقط
الصادق المهدي “أدهم صبري” البشير للمهام الصعبة

ايوا ارجع شان تملانا فقر تانى

عد إلى وطنك ياضرغام فمن غيرك يقارع بالحجة والبرهان والدليل ومن غيرك ترتعد له اوصال النظام

إنها بداية الزهايمر بالنسبة للصادق المهدي, أما الميرغني الكبير فهو في غيبوبة شارون , الواضح أن كلا من الصادق و الميرغني يخافان علي نفسيهما وحياتهما في السودان فالوضع جد خطير إذا ما حدثت ثورة, الحقد والإنتقام والإجرام صار في النفوس جراء ما فعلته الإنقاذ والإخوان المسلمين في الشعب السوداني, ولا ننسي أن ثلث الشعب السوداني إن لم يكن الثلثين يعرف استخدام السلاح, فأي ثورة تحدث لن تحدث مثل تلكم الثورات التي حدثت والتي يطلق عليها بالسلمية. فمن المؤكد أن القوي التقدمية والأحزاب الحديثة الغير طائفية ستقوم باغتيالات للكثير من الشخصيات التي أقعدت السودان عن التقدم والسلام والأمن ولن تكتفي باغتيالات الحاكمين الآن فقط. لهذا السبب يتلكأ الصادق المهدي في الرجوع , في رأي هو لن يرجع اللهم إلا إن كان ينتظر إنقلابا عسكريا من مجموعة في الجيش تتبع له وبعدها يعود للخرطوم.

بالله عليك ياشيخ فيه زول عاقل يترك القاهرة وياتى الى اكوام القمامة تمتع بوقتك ياشيخنا لان الانقاذ لن يتركوك سيسجنوك وانت شيخ كبير خليك هناك عند اناس يقدرون البشر اما هنا فنحن فى الخرطوم ايبهدلنا من حكم البشير وعصابته الذين جعلوا السودانيين يكرهون بلدهم بل وكثير منا يستحى ان يقول انا سودانى لان هذه الجنسية اصبحت وصمة عار على من يحملها فخليك هناك احسن واستمتع بحياتك فالعمر قصير

طيب مكلمهم لى شنو انك جاى

الله لا عادك