إدانة شابين بالتعاطي والترويج للشيشة بالحاج يوسف
الحاج يوسف: تسنيم
أوقعت محكمة النظام العام بالحاج يوسف غرامة مالية «2000» جنيه في مواجهة شاب أدانته المحكمة بالترويج لتعاطي الشيشة. وقررت المحكمة توقيع عقوبة السجن شهرين في مواجهة المدان في حالة عدم دفع الغرامة المالية.
وحسب تفاصيل القضية فإن شرطة النظام العام كانت قد قامت بمداهمة نادي مشاهدة بالحاج يوسف وتم العثور على الشيشة وتم القبض على المتهم وسجل اعترافاً بملكيته للشيشة ودونت الشرطة في مواجهته بلاغاً تحت المادة «7»، وأصدرت المحكمة في مواجهته عقوبة الغرامة المالية وأمرت بأبادة الشيشة المعروضات.
كما أصدرت ذات المحكمة غرامة مالية قدرها «500» جنيه في مواجهة شاب أدانته المحكمة بتعاطي الشيشة في الشارع العام، وأمرت المحكمة بإبادة الشيشة المعروضات. وكانت شرطة النظام العام قد ألقت القبض على المتهم أثناء حملة نفذتها في المنطقة وضبط وهو يتعاطى الشيشة في الشارع العام، وتم تدوين بلاغاً في مواجهته تحت المادة «6» من قانون الأمر المحلي، وصدرت في حقه عقوبة الغرامة أعلاه.
آخر لحظة
غرامة وسجن واباده !!! ياخ عقوبة الشيشه بقت اخطر من عقوبة نهب وسرقة اموال الشعب .. تحلل واتخارج .. هذا يحصل فقط في السودان بلد الكيزان
ياجماعة افيدونا.. هي الشيشة ممنوعة في السودان ولا شنو؟
شيشة بي سجن وغرامة ..الله يقص شيشتكم.
الشيشة دي فيها بنقو ولا معسل عادي ياجماعه
في جاردن سيتي ببري هنالك مكان يشبه صالات الأفراح .. تقدم فيه الشيشة وكافة المشروبات عن طريق حبشيات والصالة فيها شاشات عرض كبيرة .. يبدو أن المكان مرخص من الحكومة .. لأن هنالك عدد كبير من المرتادين بسياراتهم بمختلف أنواعها .. وشاهدت فيه أبطال أروبا وكاس العالم الأخير .. كيف هذا؟
في السعودية توجد اكبر محلات للشيشة ولكن تكون خارج المدينة او في طرفها, الان ثلث الشعب السوداني متعاطي للسيسة , العاوز يشرب يخلوهو يشرب لكن المفروض تسمحو ليهم في اطراف المدينة وبها نوادي مشاهدة باعلى طراز وتصميم وحتستفيد الحكومة الجيعانة بالموضوع دا , لكن فلس وعدم شغل ووضع سيئ للغاية وحرمان من اي حاجة , بعد دا الحكومة دي تبل راسها ساي لانو دينها دا ما عرفناهو دين شنو طلعتو دين الشعب السوداني ذاتو الله يطلع دينكم يا كلاب.
بالله حاولوا تفهموا الخبر بطريقة مختلفة
تعاطي الشيشة
يعني الشيشة التنانية مش الشيشة البدخنوها
خوفا علي صحة المواطن . عشان الدكاترة سافرو والادوية غير متوفرة .
يعني مشكلتنا الشيشة…. هبة سبتمبر ماتوا فيها فلذات اكبادنا و إلي الان ما قادرين ناخذ حقهم و محاكمة القتلة.. ياخي ما يدخنوا شيشة يعني عملوا أخطر من البتعملوهو فيهو انتو الكيزان…. الهوان دة لمتين؟؟؟؟؟؟