مواطن يصنع طائرة تثير الذعر في أمدرمان
الخرطوم: سلمى آدم:
اثار وجود طائرة وسط الحدائق العامة في منطقة الفتيحاب بام درمان، الذعر والهلع وسط المواطنين ظناً منهم بأنها قد سقطت ما دفعهم للاتصال بالشرطة التي هرعت لمكان الحدث للتحقق من الامر.
وبعد معاينة المكان، اتضح للشرطة ان الطائرة المبلغ عنها صنعها المواطن عباس بخيت عباس بمدينة الابيض، وعند زيارة نائب الرئيس علي عثمان محمد طه لولاية شمال كردفان وجه بنقلها لمعرض الخرطوم الدولي، ووفقا لتلك التوجيهات نقلت الطائرة الى الخرطوم ومضى عليها اكثر من 40 يوما ولم تجد الاهتمام، ما اصاب صاحبها بالملل ونقلها بواسطة «ونش» الى حدائق الفتيحاب، وبعد تجمهر أصحاب الفضول ظنوا أن الطائرة سقطت فسارعوا الى ابلاغ الشرطة بحادث وهمي لسقوط طائرة.
الصحافة
اربعين يوم ولم تجد الاهتمام … والشعب عشرين سنه ولم يجد الاهتمام ونائب الرئيس اليومين دى كل اهتماماته انتخابات جنوب كردفان .. معليش ياعباس
بي طيار وللا بدون طيار
اشاطر هذا المبدع الحزن والاسي لما أل اليه جهده
ان عباس بن فرناس السودان في القرن 21 يلقي نفس مصير عباس بن فرناس المذكور في التاريخ فذاك سقط من علي ودق عنقه ومات وهذا سقط في بئر اليأس فحمل طائرته على نقالة حتى يلفت انتباه الناس العاديين والى هنا انتهى جهده ولكنه فاز بجائزة الاجتهاد غير المقدر في زمن الجحود والنكران
الناس ديل كملوا ناس دارفور كمان عاوز تساعدهم عشان اكملوا ناس كردفان يا حم ….ر
صنع طيارة!! يعنى صممها و نفذ التصميم من غير دعم و لا رعاية من الدولة ولا أىّ جهة أخرى؟؟ و يلقى كل الجحود دا!!! و آلله، حاجة تبكى البنى آدم!!
و آلله، هنا فى الغرب لو صممت، هندسياُ بس طيارة ! بتلقى ( الماير، نسيت إسمو بالعربى، بس ما رئيس البلدية لأن الإسم دا غارق فى السلبية) و حاكم الولاية و المحافظة، و كل المؤسسات العلمية و الأكاديمية، و أجهزة الإعلام بتطاردك زنقة زنقة، لحدى ما توقع إنك حا تشتغل للمشروع الفلانى، من أجل تطوير الدراسات العلانية… دى الفرق بينا بحكومة سجمنا الوطنى و الغرب!!!!!
صحى حا يجى الوقت البنصحا فيهو؟ ولا حا نفضل نلوك فى سجم رماد خشمنا؟؟؟؟
لمتين يا أهلى، دمى، و لحمى! لمتين؟؟؟؟؟؟؟
أحسن إقتراح مادام صنع طيارة بتقوم فخليه يركب طيارته ويرجع الأبيض ويأجرها بالساعة لشفع عروس الرمال والفسحه للمجكسين في جو الخريف والدعاش والمناظر خلابة الألباب (مع مراعاة المسائل الضريبية وحق الدولة في حقه، ما هى الدولة حقتنا بيهمها نسبتها من كل شئ)
مالو ومال الخرطوم وعلى عثمان والسجم.
هسه ياعلى عثمان الطياره دى لو صمما واحد من الكرفاب يامتخلف كان اهملتو كده ولاده عشان من الأبيض الحارقه فشفاشكم ياناس الإنقاذ ياوهم حريقه تحرقكم وتريحنا منكم .
والله أكان تطير بيها من البلد دى وتريح رقبتك لانو البلد مافيها زول بيدعم الابداع ياعباس وربنا يعوض التعب ؟
حاجه مؤلمه جدا" ان يقابل النجاح بعدم الاهتمام
الي الاخ عباس المحترم
اشرح لنا عن اختراعك علنا نساعدك بشىء
لا تحبط فهذا حال زماننا