التعامل مع مجلس الأمن كيف؟
التعامل مع مجلس الأمن كيف؟
أحمد المصطفى إبراهيم
[email][email protected][/email]
ما يصدر عن مجلس الأمن من قرارات يحيِّر كل لبيب.
نحن في عالم بلا أخلاق أو يحكمه من هم بلا أخلاق. إسرائيل تفعل ما تشاء ولا يسألها أحد. وعندما لا تجد ما تُظهر به قوتها تُظهر استخفافها بقرارات مجلس الأمن التي لم تنصع لأيٍّ منها في يوم من الأيام. ولسان حالها يقول: الراجل اليقول إسرائيل غلطانة.
ما صدر عن مجلس الأمن بخصوص السودان ودولة جنوب السودان كأنما كتبته إسرائيل لأن حتى الجنوبيون لا يستطيعون أن يصلوا هذا الصلف والاستخفاف بالآخر ويطلبوا كل أمانيهم في قرار واحد ويهددون بالفصل السابع إن أخل السودان بأيٍّ من هذه الشروط. وإذا ما وافق السودان على هذه الشروط أو بعضها حكم على نفسه بالإعدام وإن هو لم يوافق حكم عليه مجلس الأمن بالحصار.. ما المخرج؟ هل ستنبطح الحكومة لطلبات مجلس الأمن؟؟
طيب ماذا ستفعل الدبلوماسية السودانية في جو كهذا؟؟
المتابع لعلاقة إيران بمجلس الأمن يرى فيها كثيرًا من الحيل وخصوصًا في أمر البرنامج النووي الإيراني فهي دائمًا تُسمع مجلس الأمن الكلام الطيب والتسويف وتمضي في برنامجها ولكن هل تفعل ذلك إيران بمفردها أم عندها ما تستقوي به لهذا الفعل؟ إيران دولة غنية جربت معها الولايات المتحدة المقاطعة وما زادتها المقاطعة إلا قوة، نحن هنا نتحدث عن ظاهر الأحداث ولكن المعروف أن السياسة ما يُعرف منها قليل جداً وكل الباقي تحت الطاولة وفي الجلسات السرية لذا دعونا نفضفض في المسموح به من معلومات.
حكومتنا ما خياراتها لتجاوز هذه المحنة؟ هل ستحرِّك حليفها الصين ليستخدم حق النقض وهل الصين بهذا الوضوح وهذه القوة بحيث لا تخاف على مصالحها مع أمريكا؟ وهل يمكن أن «تبيعنا» ولسان حالها: قدر ما رفعناكم عدتم للأرض وتعبنا منكم؟
أم أن الصين ذات إستراتيجية طويلة تدّخر لها علاقتها مع السودان وخيراته ومن خيراته غير المختلف عليها الظاهرة للعيان الماء والأرض. وما أشد حاجة الصين بل العالم كله بعد قليل إلى الغذاء!!.
صراحة أعيد وأكرر: هذا عالم يحكمه صعاليك لا يعرفون إلا القوة.. لذا يجب أن نبحث لنا عن قوة تخيف هذا العالم الجائر الذي لا يستطيع قول الحقيقة ولا يرد لأمريكا ومن قبلها ومن تحتها إسرائيل لا يرد لهما طلباً.
هل لنا قوة غير التوكل على الله حق توكله؟؟ ولكن قبل الحسابات السياسية هل نصرنا الله حتى ينصرنا؟ هل أقمنا العدل بيننا حتى يصرف عنا رب العزة ظلم هؤلاء؟
ما زلت أسأل: ماذا أعدت الدبلوماسية السودانية لهذه المحنة التي أمامنا من تكتيكات «وبلوتيكا» طبعًا لا نتوقع إجابة لكثرة المياه تحت الجسر ولكن بقليل من الإيمان بالله يمكن أن نعبر «إن تنصروا الله ينصركم»..
قال كاتب الأنتاهة: “حكومتنا ما خياراتها لتجاوز هذه المحنة؟ هل ستحرِّك حليفها الصين ليستخدم حق النقض وهل الصين بهذا الوضوح وهذه القوة” و نحن نسهل له الأجابة و نقول له و للخال العنصري و للمجرم المطارد بواسطة العدالة الدولية: نقول لهم جمعيا: “حسبكم الصين و بئس الوكيل” و نعزي أنفسنا بأن “حسبنا الله و نعم الوكيل” أللهم أهلك الحكام الظالمين و بطانتهم الآثمين. آمين
اقتباس
هل أقمنا العدل بيننا حتى يصرف عنا رب العزة ظلم هؤلاء؟
ساجيب عن هذا السؤال :
قبل الاجاب ة علي هذا السؤال اولاً : ايران رغم تشددها مع الغرب وحتي مع المعارضة الداخلية يجمع الشعب الايراني حكومه ومعارضة ان المشروع النوو ي حق لا يمكن التنازل عنه وظلم حكومة ايران لشعبها لا يساوي شيئ مقارنة بظلم حكومة (المؤتمرجية) للشعب السوداني بل جعلت نفسها هي الدوله والعرض والعرض لا بل والدين حتي اذا قلت فيها اي شئ كفرت او اصبحخت بلا وطنية هكذا اختصر (الم ؤتمرجية) الوطن وبذلك ذبحو الوطنية في قلوب الناس فاصبح الكل لا يعير اهتماما لما يحدث للسودان
ثانياً : العدل اساس الملك . ه ل العدل موجود في السودان الاجابة ايها القارئ تعرفها وهي كالشمس في رابعة النهار وم ا ضرها ان لا يراها عميان ظلم في التعليم والصحة تمييز قبلي بغيض تاصيل للجهوية واذا لم تكن من القبيلة الفلانية لا تحظى بوظيفة حتي لو كنت اذكي من بن سينا
ثالثاً : اسرائيل لم تظلم شعبها يوما بل تغتصب ارض الاخرين من اجله وتواجه العالم من اجل مصلحة شعبها (هذه حقيقة رغم اختلافنا وعداءنا لاسرائيل ) اما الحيكومة السودانية لم تجد احد نظلمه سوي شعبهامسئولين يكاد احدهم يموت من التخمه والشعب يتلوي من شدة الجوع واذا كان الغرب لا تحكمه اخلاق ونحن بلا اخلاق تساوينا معه السوء وتفوق علينا بالعدد والعتاد فاستعبدنا
هذه هي الحقيقة ومن اخبركم بغير هذا فقد غشكم
احمد المصطفي
دعني اوجه لك سؤالا يا عزيزي وارجو ان لا يجرحك وان لا تخدع نفسك في الاجابة عليه
هل الدول التي اقامت مجلس الامن بلا اخلاق ؟ ام الدول التي يدينها مجلس الامن بلا اخلاق ؟
دعنا من اسرائيل تلك الدولة الديموقراطية التي استطاعت ان تهذم كل الدول العربية مجتمعة ومتفرقة فقط لانها تحترم مواطنيها ولا تقتلهم كما يفعل السودان !!! والآن الي السؤال الثاني اليس من مكارم اخلاق مجلس الامن ايقاف تلك الحرب وجعل الطرفان يعودان الي طاولة التفاوض ؟ وانت تريد اللف والدوران علي تلك القرارات !!!! لما لا تذهب انت للحرب ودع التفاوض لغيرك ؟ اما عن ايران فالامر يختلف يا صحفي هذا الزمان ..ايران تسعي جاهدة لتصنيع اسلحة نووية يعني تريد تقوية دولتها عسكرياً ومن هم اعدائها فانت تعرف ولكن السودان يسعي لقتل ابناءه فهل عرفت الدرس ؟ حقو تاخد اجازة طويييييييييييلة من الكتابة وتعيد تأهيل نفسك الا إذا كنت تاجر سلاح
اخى احمد المصطفى
نعم العالم يثحكم من قطبية واحدة تفعل ما تشاء ولمن تشاء ..
فقد كتب عام 1996 وفى صحيفة الانقاذ عن السياسة الخارجية السودانية .. وسياسة امريكا تجاه السودان .. ونبهنا الى ارساء سياسة خارجية معتدلة عقلانية تتماشى مع حكومة العالم ( مجلس الامن ) الذى يعمل موظفا بوزارة الدفاع الامريكية البانتغون .. وقد اشرنا الى ان السياسة الخارجية الحالية امام خيارين لا ثالث لهم :
خيار المواجهة : وهذا خيار يحتاج الى نفس طويل .. وارادة سياسية وطنية .. وتوحيد للجبهة الداخلية .. وتوسع فى العلاقات مع الشرق ..اضافة الى اعتماد سياسة عقلانية وخطاب اعلامى معتدل ..
خيار التنازلات : وهذا اخطر من الاول .. ما مدى ومساحة هذه التنازلات .. والى متى .. وقد صدق حدثنا فكان الخيار الثانى والان نشاهد نيفاشا .. وابييى .. والنيل الازرق .. وجبال النوبة .. والحريات الاربعة .. والبند السابع .. وغيرها ..
انت سألت ماذا تفعل الدبلوماسية ؟
ليس للدبلوماسية ولا لوزارة الخارجية بكامل ( فائضها السياسى الموظف على بند العطالة )الذىن يشغلون مكاتبها الوثيرة ويستمتعون بالمدن الهادئة تستطيع تفعل شئ .. الدور هنا دور حكومة قومية ذات برنامج وطنى وجبهة شعبية موحدة تتواثق وتتعاهد على بناء هذاالوطن .. فتح قنوات الاتصال بين هذه الحكومة والادارة الامريكية والقوى الغربية ..
علينا ان نعى بان الاتحاد الافريقى ما هو الا مطية لامريكا ودول الغرب
وما الامم المتحدة ومجلس الان الا موظفين بالبيت الابيض
علينا اعادة هيكلة الوضع بعقلانية والاهم .. تعين متحدث واحد باسم الخارجية
يا عزيزنا أحمد المصطفى إبراهيم……
أتعجب لفقدانك الموضوعية فى تناولك الأمور ….مثلا ليه بتشوف الآخرين بلا خلق؟؟ او الذين يحكمون بره بلا خلق ؟؟ ليه ما تفكر و لو مرة إنو الآخرين ديل هم نحن …… أم بتتعامل بمبداء (الجمل ما بشوف عوجة رقبتو) و الإصرار على عدم الموضوعيه إنك طوّالى تقحم إسرائيل …. ىعنى كأنك تقول إسرائيل بتعمل كده يبقى بالضرورة نحن كمان يكون من حقنا نعمل كده …يا أخى حتى لو كنا نريد أن نعامل كإسرائيل نحن بنشبههم فى شنو ؟؟؟هل من قاعدة تطبيقنا للعدل و المساواة و عدم تفشى الفسادمن راس دولتنا لى ساسنا ؟؟؟…
صحيح السودان دوله إسلاميه.. و لكنها ظالمه و حكامنا ليس لهم أى مواصفات من ما يتطلب فى المسلم الحقيقى ….رئيسنا و كل القيادات عندنا لعانين و فاحشى القول و الفعل وفاسدين و كذابين و إسلاميتهم نفاق و دجل ….وربنا لا ينصر مثل هؤلاء …ألا تتفق معى ؟؟؟
حكامنا بيظلموا فى هذه الامة ليل نهار و ينتهكوا حقوق المواطنين و عايزننا نبقى كالأنعام…. أين ترى حكومة تجيش المليشيات و تحارب أبناء جلدتها فى الغرب و الجنوب و الشرق و الوسط ؟؟؟ كدى قول دوله واحده فى الكون دا كلو حكومه تحارب داخل بلدها فى شعبها و الشعب بين شقى رحى الفقر و الجوع و مغلوب على أمرو و ضايق فى المعايش و كل شبابها عاطل بلا عمل ؟؟؟ قول وين فى الدنيا رجل شرطه يطلق النار على مواطن أعزل من السلاح من مسافه قريبه و يقتله بدم بارد مستلزا دون أن يحاسب ….. و يبقى دا أمر عادى ؟؟؟إليك ما حدث فى بورسودان و كجبار و الديم و جبل الأوليا أمثله ….قول لى وين تانى بلد يعدموا مواطن لحيازتو كم ألف دولار فى مسكنو (مجدى محجوب)و آخر(جرجس وأنقلو) فى شنطتو و آخر (قطبى مهدى)الحراميه فضحوهو لما سرقوا منو مئات الآلاف من منزله و عملات زى الفى البنك و بعدين بدل يتحاكم اللصوص يقايضوهم بإرجاع الباقى من المسروقات و يعفوا ؟؟ وين فى الدنياوزير عليه مسؤلية إنهيار عمارة أنشأهما بفساد بيّن و يرقوهو و ينقلوهو لوزاره أرفع ؟؟؟ وين فى الدنيا رئيس يلغى لجان تحقيق للمراجع العام و وزارة الماليه فى فساد موظف عام (جادين)إتهم فى نهب المال العام و يلغى أمر إيقافه و إعادته لوظيفته منتصرا على من إتهموه( رئيسه المباشر وهو الوزير الذى حمّل المسؤليةو أدى القسم للحفاظ على النظام و المال و الأداء فى وزارته ) ؟؟؟ وين رئيس دوله يدافع عن تهمة إغتصاب السلطات لبنات دارفور و يبرر ذلك بقول ( إنو الغرباويه لما يركبها جعلى ..دا مش شرف ليها!!!! دا كلام على ذمة الشيخ د. حسن الترابى عن قاضى كبير رأس لجنه للتحقيق عن حوادث الإغتصاب تلك )…. مش دا و بس إنت ما قريت أمس فضيحة إستيراد ناس المويه مادة ترويق الماء من الصين والملعوب العملتا شركة الرازى و لهفت و إستوردت السم الهارى بدلو للبلد ؟؟ مش حقو هم الزى ديل يعدموا ؟؟؟و أكيد ما حتسمع فى هذا الموضوع أى شئ لأنو إسلاميينا بيدغمسوا مثل هذه الأشياء و يغطوهو بفقه السترة لأنهم إما شركاء فى الجرم أو بيغطوا على الفحشاء و المنكر و دا نهجهم …ياهو دا الإسلام هنا … و بعد دا راجى نصر من ربنا ؟؟؟ الله ما بينصر الظلمه يا أبو حميد..
أنا متأكدالمره دى ما حتعقب على تعليقى هذا ….و أنا ما بلومك (الخواف ربى عيالو)
(( حكومتنا ما خياراتها لتجاوز هذه المحنة؟ هل ستحرِّك حليفها الصين ليستخدم حق النقض وهل الصين بهذا الوضوح وهذه القوة بحيث لا تخاف على مصالحها مع أمريكا؟ وهل يمكن أن «تبيعنا» ولسان حالها: قدر ما رفعناكم عدتم للأرض وتعبنا منكم؟
أم أن الصين ذات إستراتيجية طويلة تدّخر لها علاقتها مع السودان وخيراته ومن خيراته غير المختلف عليها الظاهرة للعيان الماء والأرض. وما أشد حاجة الصين بل العالم كله بعد قليل إلى الغذاء!!.))
نحن فى مستشفى فنقس قوم نرحب بشدة بالتعاون فى كل المجالات بين السودان والصين
دكتور هاك شوف تومتى
مدير مستشفى دين دونغ فونع بالعمارات الخرطوم
عاشت الصداقة الاسلامية السودانية والشيوعية الصينية
مثال حى لروح التعاون بين حكام البلدين:
مكالمة البشير للرئيس الصينى ….!!
البشير: أسمع نحن متحركين عليكم إنت قاعد؟
هو جين تاو : كنغ شينغ بلينغ كو فا ينغ سا بي دي يونغ بلونغ كي ما يو سونغ جونغ لونغ ..
الترجمة : أيوة قاعد
هو جين تاو : يانغ ؟
الترجمة : إنتو أسة وين ؟ و ح تتحركوا الساعة كم ؟عشان انا عندي مشيوير صغيرووووني كده على جهة هونغ كونغ .
البشير : لالالا نحن ما بعيدين ..أسة نحن في طهران ..نوادع ناس نجاة ديل وما عندنا قعدة طواااالي مارقين عليكم يا زول ..مسافة السكة بس .
هو جين تاو : بادونغ لا كينغ فا جونغ سيول بونغ بونغ بانغ لانغ هونغ يانغ بينج بونج سنيق لونغ.
الترجمة : عديلة يا زول.
هو جين تاو (:يهمهم وبعاين لي ساعتو): دونغ!!!!
الترجمة : الجماعة ديل إتأخروا كده مالم يا ربي؟إن شاء الله خير؟ لا مسكلو لا ضربو ! كدي النضرب ليهم أشوفهم وين..
تووووت …توووت ..توووت شارابوفا كازانوف ألكتينتوف غورباتشوف كازبوروف دوائر كوف حاليانوف..
الترجمة : عفواً هذا الرقم مشغولوووون الأن الرجاء محاولة الإتصال لاحقاً..
هو جين تاو بعد عدة محاولات الخط جمع معاهو : سييييييينغ .
الترجمة : حولاااااا لكن أمانة البشير ده نضاااامن جنس نضم موووبااالغا ..
هو جين تاو : ادلينغ يونغ بارك جي سونغ دونغ يا عمر ؟
الترجمة : عاد ده كلام ده يا عمر؟ لي ساعتين بضرب ليك تلفونك مشغول وبتجيني رسالة بي الروسي كده ما فهمتها ..انت يا زول بتحب ولا شنو ؟
البشير: كلامك صاح والله ..فعلاً كنت بتكلم مع ناسنا بتاعين الخارجية في السودان ديل والله قربوا يكملوا لي رصيدي .
هو جين تاو : دالينغ بالينغ لالووونغ سونغ بلانغ يانغ مون ؟
الترجمة : إتأخرتوا مالكم ؟
البشير : ما ده هو زااااتو الشاغل تلفوني يا هو جين تاو .. نحن والله رايحين لينا ساعة ..
هو جين تاو : أجججونغ ؟؟
الترجمة : أجججي !!!؟
البشير : أي والله يا هو جين تاو
هو جين تاو : لينغ وينغ رينغ كللليينق بونغ ؟
الترجمة : وإنتو أسة وين ؟
البشير : والله انا راسي لافي يا هو جين تاو ..كدي هاك علي كرتي ده يوصف ليك ..
علي : الووو ..سلام عليكم ..إزيييك يا هو جين تاو كيف الأحوال إن شاء الله تمام ..أمورك والوليدات أخبارهم ..صحتك كيف ؟ والله مشتاقين ..زمممن والله ..شنو يا زول طوولت كده ما بتسأل من الناس كتتر خير الروحة دي الخلتنا نسمع صوتك .
هو جين تاو : فونغ طانغ .
الترجمة : كدي السلام ده خليهو بعدين ..إنتو أسة وين بالضبط ؟
علي : والله يا هو جين تاو نحن أسة في حتة كده ..دقيييقة دقيييقة أقرا ليك اليافطة دي ..ايوااا نحن أظننو كده في الإتحاد السوفيتي !!!
هو جين تاو : سوفيييت فنيلتونغ علي؟
الترجمة : السوفييت بتاع فنيلتك ؟ ياخ الاتحاد السوفييتي ده اتفرتق زمااان ..كدي براااحة كده يا علي اسأل ليك اي زول من الناس الماشين ديل أو أديني أكلم أي زول من ناس المنطقة .
علي: دقيقة دقيقة ..هاك ده زول من جماعة المنطقة ..يا ابو الشباب يا أبو الشباب عليك الله هاك وصف للزول ده نحن وين .
أبو الشباب : ألو. الجماعة ديل أسة في تركومانستان .
هو جين تاو : ووبلونغ !!!
الترجمة : الليلة وووب ..الواداكم تركومانستان شنو ؟ إنتو مشيتو بي وين ؟
ابو الشباب : الزول ده قال ليكم إنتو جيتو بي وين ؟
الشير: شوف يا هو جين تاو .. نحن طلعنا من طهران ..بعدين مشينا طواااااالي ..جينا مارين بي مصانع المفاعلات النووية ديك ..عرفتها؟ ..أها من المصانع دي خشينا يمين ..
هو جين تاو : لوووووونغ !!
الترجمة : لا ياااااااااااااخ ..القال ليكم لفوا يمين منو ؟؟؟ انا قلت ليك قبيل أخد شمال .. أها ما مشكلة كدي كمل.
البشير: أها بعد خشينا يمين جينا في حتة كده كلللها شيعة .. سألناهم يا جماعة الصين بي وين ؟ قالوا لينا دربكم ده طواااااالي ما تفكوهو لا يمين لا شمال لحدددي ما الشارع يقفل معاكم تي .هناك أسألوا أي زول بيوريكم الصين ..
هو جين تاو : باااانغ ياااانغ حولونغ ..
الترجمة : لاااااا إله إلا الله ..بالغتو والله ..الحتة دي ما عندها أي علاقة بي الصين ..أها واصل.
البشير: أها فعلاً الشارع قفل معانا تي وسألنا هناك ..واحد قال لينا شايفين السور دااااااك؟ بس دي ياها الصين .
أسة نحن واقفين جمب السور ده وقايلنوا سور الصين العظيم ..لكن شايفين لينا ناس شعرهم أشقر ولااا واحد فيهم عيونو مشختة ماف !!!
هو جين تاو : هينغ رينق لينغ لينغ بانغ بانغ يانغ يانغ لوو رانغ .؟
والله يا عمر يا اخوي بالجد ما عرفتكم وين بالضبط لكن انا في رأيي ترجعوا بي دربكم ده زاااااتو وعدددل لحدي ما تصلوا طهران تاني ..وأووول ما تصلوا هناك عليييك الله أديني رنة انا برجع ليك ..وبوصف ليك بي طريق واااضح وساااهل ..وبالله تاني لما تحصل حاجة زي دي أضرب طمنا ياخ ..لأنو انا بالجد قلقت عليك وراسي بقا يودي ويجيب وقلت موضوع أكامبو ده رجع من جديد ..بس الحمد لله يا زول طلعت روحة ..وزي ما بيقول المثل .درب السلامة للحول قريب ..
Xxxxxxxxxxxxxxxxxxxxxxxxxxxxxxx
بعد الوصول الى طهران
البشير : بالله ده وصف توصفوا لينا يا أحمدي يا نجاة ؟
نجاة : حولاتي قواتي يا إلهي كي.
الترجمة : لاااا حولة ولا قوة إلا بالله ..يا زول الجابك شنو تاني؟ انا قلت أسة تكون لافي في بكين .
والله يا عمر البشير إنت طلعت زول ماسورة ساي..وصفي وااااضح
البشير : واضح شنو يا زول نحن لافين لينا عشرة ساعات وأسة ضربنا لي هو جين تاو وقال لينا ترجعوا طهران ..أها قلنا نجي عليك نستحم ونتغدا وناخد لينا رقدة كده ونغير هديماتنا دي ونرجع .
نجاة : شاه نفر مكان مرشد كهي مغرب. معليش صديق .باب كهي مفتاحخي.
الترجمة : والله يا عمر انا أسة طالع ح اسوق الأولاد وماشين للمرشد الأعلى نشرب معاهو شاي المغرب .لكن ما مشكلة يا زول البيت بيتك وإنت زول ما غريب . أخدوا راحتكم بس بعدين عليك الله وإنت طالع خت لي المفتاح تحت الفرشة البرة ديك.
البشير: عديلة يا زول ..وما قصرت والله .
نجاة : قولاتي حكاياتي .
الترجمة : أها ما قلت لي روحتو وين ؟
البشير : والله يا احمدي مرقناها فيييي توركمانستان !!!
نجاة : كهيييي؟؟؟
الترجمة : ويييين ؟؟؟ توركمانستان ؟؟ الوداكم للجماعة ديل شنو ؟؟ والله يا عمر الله مرقك ساي ..بالله دي حتة بيروحوا فيها؟
البشير : لييي مالم التركومانستانيين ؟
نجاة : أوردو إسرائيل ..رحماتي مولى ..طه
الترجمة : يا زول الله شافك ساي ..الجماعة ديل لو كان لحقو سمعوا بيك هناك كان لحقوك أمات طه ..ديل تبع إسرائيل.
تيييييت …تيييت ..تييت .
نجاة : جاينيز نهي كول اتصالاتي ..
الترجمة : دقيقة ده مفتاح الصين .شكلو ده هو جين تاو .
نجاة : بشير إنسان علي طهران وصول .
الترجمة : أااااي الجماعة وصلوا ..أهو ديل أسة هم معاي ..كويسيييين ما عندهم أي عوجة يرتاحوا شوية وبيجوا عليكم تاني كان ربنا هون . أديك عمر تكلموا ؟ ولا أقول ليك أضرب ليهو في تلفونو انا طالع مشوار .
هو جين تاو : سلام ينغ كوبي تونغ مشوارتينغ
الترجمة حمدلله ع السلامة يا عمر .
هو جين تاو : لونغ لونغ بونغ جونغ زونغ زونغ .
الترجمة : يلا ركز معاي يا عمك عشان ح أوصف ليك ..طريق واااضح .
البشير: دقيقة خليني أشغل الإسبيكر عشان الجماعة ديل يسمعو معاي الوصف.
هو جين تاو : طهران مطارونغ نجاة سونغ نو رونغ .
البشير: أها.
هو جين تاو : ماليزيا بيتروناس توررز تونغ .
البشير: أاااي عرفتو .واصل.
هو جين تاو : فلبين يونغ نمور تاميل بونغ .
البشير : كيف كيف كيف..كدي قول تاني..
هو جين تاو : فلبين يونغ نمور تاميل بونغ .
علي كرتي : هووووي يا هو جين تاو جماعتك ديل مضمونين ولا بيورطونا ساي؟
هو جين تاو : ني ني يونغ ضمانونغ رييينغ.
الترجمة : لالالا أمشوا ساي ما بيسألوكم ديل ما موقعين على الإتفاقية والله . وحتى لو سألوكم قولوا ليهم نحن ماشين لي جين تاو.
البشير : أها ..قول .
هو جين تاو : لي غوانزو .؟
الترجمة : فيكم زول بيعرف غوانزو ؟
البشير : عاد ده كلام ده ؟ في سوداني ما بيعرف غوانزو.
هو جين تاو : تب يونغ .لي سناغ زول باغ ري تاغ
الترجمة أها بعد ده إنتو وصلتو تب.أي زول تلقوهوا هناك بس قولوا ليهو نحن ماشين لي هو جين تاو .
البشير : لالالا وااااضح يا زول ..ادينا ساعة زمن بس نرتب أمورنا وناخد راحتنا وبنجي عليك .
بالله ده كلام ده يا علي كرتي ؟؟؟ الزول ده وصفو وااااضح ..إنتو اللولوة ليكم شنو ..جبتو لينا الكلام ساي..
كككككب يا جماعة مشين
كاتب الانتباهة يكتب:
((هل لنا قوة غير التوكل على الله حق توكله؟؟ ولكن قبل الحسابات السياسية هل نصرنا الله حتى ينصرنا؟ هل أقمنا العدل بيننا حتى يصرف عنا رب العزة ظلم هؤلاء؟
ما زلت أسأل: ماذا أعدت الدبلوماسية السودانية لهذه المحنة التي أمامنا من تكتيكات «وبلوتيكا» طبعًا لا نتوقع إجابة لكثرة المياه تحت الجسر ولكن بقليل من الإيمان بالله يمكن أن نعبر «إن تنصروا الله ينصركم»..))
الزبير محمد الحسن:
((طالب رئيس اللجنة المالية والاقتصادية بالبرلمان، الزبير احمد الحسن، بالاستعانة بكثرة الاستغفار لتجاوز الازمة الطاحنة التي تعيشها البلاد، بجانب التعجيل في اتخاذ خطوات اصلاحية ،وحذر من ان تأجيل الاصلاحات من شأنه مضاعفة التدهور الاقتصادي،
وشدد علي المالية بوضع حد للقضايا الاقتصادية التي اشار لها تقرير المراجع العام.))
الناس ديل مالوم ؟؟؟ ياربى الحاصل عليهم شنو؟؟؟
يااخ احمد الصين باعتكن من زمان حينما صوتت لصالح وضع السودان تحت الفصل السابع واحالة ملفه الى المحكمة الجنائية ولاتلعب بمصالحها
لمادا لانتعامل مع تايوان كشريك تجارى واقتصادى وكنا نقاطعهاتملقا للصين ولكن سيكون من المفيد لنا فتح سفارة فى تايبيه وليست بالدولة السهلة والدنيا صارت مصالح ولاتحدثونا عن خمسينية العلاقة الصينية فكل دلك هراء
التعامل مع قرار مجلس الامن يجب ان يكون عليه اجماع من كل القوى السياسية وخاصة التى خارج الحكم فمايترتب عليه ليس للمؤتمر الوطنى وحده ولكن كل الوان الطيف السياسى ستدفع الثمن غالياكمادكر العتبانى فى حديثه البارحة ولكم فى نيفاشا عظة وعبرة ودم القرار لابد ان يتفرق بين القبائل ولانريد ان ننتفش مرة اخرى