عزيزي المغترب .. إحترس ..أمامك مصيدة ..!ا
الطاهر ساتي
** يحكى عن الإمام المهدي إنه كان يتجنب كل ما يشتبه في أمره، ويحاسب نفسه كثيرا في كل صغيرة وكبيرة، وكان يحرص على ألا يأكل إلا طيبا، وإذا جاع يخرج الى النيل ليصطاد السمك، ثم يرمي سنارته في الماء بلا طعم، وحين ينصحوه بأن يضع الطعم في السنارة، يرفض نصحيتهم ويستنكرها، ويبرر ذلك بأنه لا يستطيع غش السمك، فالغش ليس من صفات المسلم .. هكذا يحكون عن نقاء الإمام المهدي، ولست مطالبا بتأكيد أو نفي تلك الحكاية، إذ لست مؤرخا ..!!
** ولذلك، ندع تلك ونحكي حكاية معاصرة، وهي تشبه تلك الحكاية التاريخية الى حد ما..فلنقرأ الخبر التالي، لنكتشف الفرق بين الصيدين، التاريخي غير المؤكد والمعاصر الموثق..( عبر المركز السوداني للخدمات الصحفية – أس أم سي – وجهت حكومة نهر النيل نداءات عاجلة لأبناء نهر النيل المغتربين بدول المهجر للعودة الطوعية ليساهموا في إعمار ولايتهم .. ويؤكد الفريق الهادي عبد الله – والي نهر النيل – بأن حكومته ماضية في جذب رؤوس الأموال الوطنية والأجنبية، ويطالب أبناء نهر النيل بأن يستجيبوا لندائه، وذلك بتغليب خيار العودة الطوعية للوطن) ..هكذا سنارة الخبر، وهي سنارة تختلف عن سنارة الإمام المهدي، إذ بها طعم..أريكم الطعم، فتأملوه، حيث يقول الفريق الهادي : ( وجهنا أجهزتنا المختصة بمنح المغتربين – في حال عودتهم – قطع أراضي سكنية بعواصم المحليات أو بأي موقع يختارونه داخل الولاية )..تأمل الصارقيل يا عزيزي المغترب، وإن كنت لاتعرف الصارقيل فهي نوع من الديدان التي تستخدم كطعم في صيد السمك..قطع أراضي سكنية بالدامر وشندي وأبوحمد و المتمة وغيرها من محليات نهر النيل،هي أفضل أنواع الصارقيل التي يمكن أن نستخدمها لصيد المغتربين، أوهكذا فكرت عبقرية حكومة نهر النيل ثم قررت تنفيذ الفكرة.. فكرة إصطياد المغتربين ..!!
** وإن كان تعريف الشخص العاقل هو الذي يتعظ بتجارب الآخرين، فلا أحسب بأن مغترب عاقل سوف يأخذ نداء الفريق الهادي عبد الله مأخذ الجد..أي سوف يتعظون من تجربة أهلهم المناصير، تلك التجربة الثرة بالمعاناة والآلام والشكاوي المتواصلة والمتراكمة منذ أن غطت بحيرة سد مروي مساكنهم ومزارعهم، إذ تركتهم حكومة الفريق الهادي – ولاتزال – في العراء بلاحقوق .. إذا نجحت حكومة الفريق الهادي في توفير الإستقرار للمناصير – بحيث تأويهم من العراء وتدثرهم بالخدمات وتزملهم بالإعتراف بحقهم في أن يعيشوا سعداء كما كانوا – فأن هذا يكفي إغراء للمغترب بأن يعود طوعا ويستقر ويسعد مثلهم..!!
** ثم إذا نجحت حكومة الفريق الهادي في إنتشال مشروع الزيداب الزراعي من التدهور المتواصل ، وكذلك مشروع أبو سليم الزراعي من ذات التدهور الفظيع، بحيث لايتعثرالمزارع ثم يتعسر كل عام بسبب سوء النهج الإداري وجبال الرسوم والأتاوات، فأن هذا يكفي بأن تكون بطاقة دعوة لكل مغترب..ثم، إن كانت لحكومة الفريق الهادي قدرة ومقدرة على توفير الإستقرار للمغتربين العائدين، فأين تلكما القدرة والمقدرة حيال ما يحدث لمشروع كلي الزراعي ؟ ..ألم يعطش هذا المشروع وأصابه الجفاف، وجاء وفد الزراع إلى الخرطوم شاكيا لرئيس الجمهورية من ( قلة الفئران في منازلهم )..؟؟..تأملوا، ولاية اسمها مركب من ( نهر) و( نيل)، ومع ذلك زراعها يشكون العطش للرئاسة، وحكومتها تطلق نداء العودة لمغتربيها، ربما لتفتخر بزيادة نسبة الشاكين من العطش ..!!
** المهم ..أولئك الزراع وغيرهم الذين هجروا الزرع والضرع ولاذوا بالعاصمة وغيرها من مدائن النزوح، هم الذين بحاجة إلى (نداء الإستقرار وعوامل الإستقرار)، وليس المغترب الذي يكابد آلام الغربة ولكنه – بفضل الله ثم بنهج حكومة بلد الإقامة – لا يعاني من الفقر وبؤس الخدمات و( طلعت ولدي من المدرسة عشان ماعندي حق الرسوم)،أو كما حال السواد الاعظم من أهل بلدي كلهم ، وليس أهل نهر النيل فقط.. أي كيف لعاجز عن توفير الإستقرار والحياة الكريمة للمواطن المقيم بجوار رئاسة حكومته، أن يعد بهما المواطن المهاجر والمتغرب، ما لم يكن وعدا حكوميا مراد به ( زيادة نسبة النزوح وعدم الإستقرار بالداخل )..؟..ثم بالله عليكم، كيف لحكومة تطلق مثل ذاك النداء للمغتربين، بيد أن نصف سكانها، شيبا وشبابا وصبيانا وأطفالا، يتجولون في الفيافي وتحت سفوح الجبال – آناء الليل وأطراف النهار- بحثا عن الوهم المسمى بالذهب، ليعيشوا وليس ليثروا..؟.أيهما الأولى بنداء وعوامل الإستقرار يا سعادة الفريق، البؤساء الذين ضاقت بهم سبل الحياة في أرجاء ولايتك، أم المغتربين .؟
** ثم ..بأي إستثمار تعدون أولئك الذين يصطلون بنار الغربة ، ومشروع سندس الذي دفعوا فيه دماء قلوبهم لا يزال محض فلاة بلاحياة، ولم يستفد منها غير الصافي جعفر و أركان حربه ؟..لقد تعلم المغترب الدرس من تلك الأكذوبة المسماة بسندس وغيرها، ولن تنجحوا في إفتراسه بخزعبلات أخرى.. فأبحثوا عن ضحايا غيرهم، وأخدعوا – بطعم القطع السكنية – فئة أخرى غير المغتربين، خاصة أنهم لم يتسببوا في فصل ( بترول الجنوب ) عن خزائنكم وميزانيات مهرجاناتكم السياسية،وكذلك لم يدمروا الزراعة والصناعة..ليس من العدل أن يكون المغترب بديلا للبترول بمثل هذه السنارة وطعهما الذي من شاكلة ( بنديكم أراضي سكنية في محليات الولاية ) ..!!
** وبالمناسبة، للمغتربين الذين تعدهم بقطع الأراضي بيوت وسواقي متوارثة من زمان أجدادهم القدماء،ولكن إستولت عليها العناكب والثعابين و شيدت فى كل غرفها بيوتها وحفرت في كل سراباتها حفرها، بعد أن غادروها الي ديار الغربة بحثا عن لقمة العيش ، وكذلك غادرت تلك البيوت والسواقي ( أفراد الأسرة الفضلوا ) إلى الصحاري بحثا عن الذهب أو الى الخرطوم بحثا عن المهن الهامشية.. ما قيمة الأرض الزراعية التي زرعها لايشبع زارعها، وما قيمة الأرض السكنية التي جدرانها لا توفر الإستقرار لساكنها ؟..لو طرحت حكومة الفريق الهادي هذا السؤال على ذاتها، لعاقبت ذاتها بالنفي الي حيث أمكنة المغتربين، ولما وجهت نداء العودة الطوعية إلا للخارجين عن القانون..نعم تلك القرى البائسة ما هي إلا محض سجون، وكل سجين فيها ينتظر( فيزا حرة )، ليتحرر بها من ( بؤس الحال ونهج ولاة الأمر )..!!
الطاهر ساتي
[email protected]
نقلا عن السوداني
هو انتو يا مغتربين السجم والرماد عندكم شنو؟
الواحد فيكم تلقاهو شغال سواق وعامل فيها مهم
وهو التكتحو ما عندو .. خليكم قاعدين كدا مصيركم الترحيل
وحاتجوا مفلسين وعينكم فوق راسكم .
شوفو اليمنيين والسورييين وغيرهم لهم استثمارات في دول الخليج
وانتو الواحد فيكم ياكل ويشرب دا انجاز كبير بالنسبة ليهو
دا اصلا لو ماكان عاطل :lool: ;) (؟)
لك التحية اخ الطاهر وحقيقه اي مغترب لم يجد حل لمشكلته التي من اجلها ترك البلاد عليه بالاجتهاد اكثر حتي يحل هو مشكلته ولا يعتمد علي تلك الحكومه التي ساهمت في طول مدة اغترابه ولا يتوقع حل في يدها لان بيدها الربط فقط وليس الحل
افة الشعب السوداني النسيان وعدم اخذ الدروس والعبر ، الا تروهم يتم ضربهم وذلهم وسحقهم من اجل حفنة من الحرامية وفي اول مناسبة يخرجون خلفهم مهللين مكبرين والجلادين يعروفون ذلك جيدا لذلك يتم وعدهم بامر ثم بعد عشر سنوات يتم وعدهم بذات الامر وبعد خمس سنوات يعاد نفس الوعد والمضحك المبكي كل مرة يخرج الشعب ويهتف مصدقا انهم سوف ينفذون يوما ما .
ياطاهرنا سلام طبعا حكومتناعلي سبيل المجاز فقط !!!!!لانها فعليا ليست حكومتنا وما عارفه حكومة منو ؟ المهم ما نجحت في شي في الدنيا غير تعزيب شعبها من هاجر منهم او من فضل !!!!!كثير جدا في بلاد الغربة تفاجا باجرا تعسفي خاص بالسودانيين ولمن تسال عن السبب يقول ليك حكومتكم دا بخصوص المغتربين اما باقي الشعب الفضل انت سيد العارفين شنو الحاصل عليهم . حتي موتنا لم يسلمو من يد الحكومة تخيل في منطقتنا تقرر عمل طريق وتاثر مساره بالمقابر مما دعا الي ترحيل بعض الرفات الي منطقة اخري اهالي المنطقة فقط طالبو بحضور نقل الرفات حتي يعرفوا قبور موتاهم الجديدة لكن اصرت السلطات علي النقل دون حضور الاهالي!!!يعني هس نحن ماعارفين حتي قبور اهلنا وين !!!!! ربما يقول قائل نحن حين ماعارفين نحن وين وله الحق.
الطاهر ساتي
الطاهر ساتي
عندي رسالة عاوز اوصلها السعوديه لصديق قديم عليك الله لو بتعرف واحد من الاطباء الثلاثة الف الذين هججتهم الحكومة اعني طفشتهم وكمان اعطتهم شهادات خبرة عشان ترتاح منهم كلمو لي عشان ياخد الرسالة معاهو ولا دحين يكونو خلو السفر بعد خبرك ده
:lool: :lool: :lool: :lool:
اسام يمينك ما جايييييييييييييييييييين
ينصر دينك ياستاذ الطاهر ساتي
هنالك من يظن ان ولاية نهر النيل جنة الله في الارض بسبب التنمية المتحيزة التي تولاها بعض المتنفذينفي الدولة من ابناء المنطقة. الذين يطلقون هذه الادعاءات لم يزوروا نهر النيل ويقفوا علي حجم المعاناة التي يعيشها الاهل هناك الا اذا كانت المقارنة بين الخرطوم وبقية الاقاليم فمما لاشك فيه ان الاقاليم تعيش مشاكل كبيرة مقارنة مع مشاكل اقل في الخرطوم. يجب ان يتم توزيع الثروة بالتساوي بين جميع الاقاليم حتي لايهجرها اهلها مثل الذي يحدث في كثير من اقاليم السودان.
ديل عايزين الناس برة وجوة تمشى حفايا وعرايا .. قبل أكثر من أربعة سنوات سددنا قيمة أراضى زراعية .. بمئات الملايين .. نقد أ عداً .. بدار الجمعية البيطرية .. وعينك ماتشوفش إلا النور
ما قلت إلا الحق إن كانوا صادقيين فليهيئوا أبجديات الحياة الكريمة للمقيمين ممن فضل من غير الجبهجية -وكيف نصدق ذلك وقد نزعت الكثير من الأراضي للمستثمرين الأجانب -؟؟ وسوف يصطادون الأغبياء ثم يمتصون ما لديهم ويفكوهم عكس الهواء أو يرغموهم بصورة غير مباشرة ليكونوا مؤتمر وطني .. أمنجية…منتفعين وهكذا
هى كان ولآية هذا العسكرى المعتوه فيها فائده كان قرف حوش بانقا جاء إترمى فى الخرتوم أم مويه بارده….الله لا غزه بركه فى كل من أتى من تلك البؤره.
تحياتي استاذ الطاهر ……. أذا فرضنا جدلاً ان بعض المغتربين وافقوا على العودة الطوعية …. كم سيدفعون لاستلام ما وعدوا به (وجهنا أجهزتنا المختصة بمنح المغتربين – في حال عودتهم – قطع أراضي سكنية بعواصم المحليات أو بأي موقع يختارونه داخل الولاية ) بالتاكيد سيدفعون كل ما ادخروه وربما يستلفون لتكملة المطلوب …. ومعظم الولاة زاروا دول المهجر لذات الغرض وربما لشيء فى نفسوسهم … عليهم البحث عن راحة واستقرار الموجوودين حتي يفكر المغترب فى العودة … لان كل من يحضر من السودان لديار الغربة يحمل معه حكايات تعد من سلسلة افلام الخيال واللا معقول … ولك التحية
أطمئن أخى ساتى المغتربون لاينخدعون لوعود وتخريفات النظام __ ولن يكونوا قميص عثمان
يعلقوا عليه اخفاقاتهم وفشلهم __ ولن يكونوا البقرة الحلوب كما عودوهم دائما__
ماذا جنى المغترب طيلة السنوات الماضية من دفع للضرائب غصبا دون مراعاة لاى ظروف__؟؟؟
والآ ن يعامل أسوأ معاملة اذا فكر العودة للوطن واقامة اى مشروع ولو صغير ليعيش عليه هو
واولاده بعد عناء الغربة ____
هذا التظام لايملك المصداقية فى اى شىء ___ فأطئنوا فلن ننخدع ولن نعود الا بعد ازالته __
عافي منك
هو منو البتغشا ليهم؟ وبعدين هو المغتربين ديل عندهم شنو عشان يصطادوا منهم؟ بقوا ما قادرين ياكلوا ويأكلوا اولادهم ويعلموهم، لكن نظرة الحكومة للمغترب لا زالت زي نظرة الكلب السعران للحمة.
وبعدين أراضي الهادي عبد الله دي لو أي واحد عاوزها بمليون ولا مليونين بالكثير بشتريها لكن منو البسكن فيها ؟ وعشان يسوي شنو في إقليمه الفقير دة؟ زي ما قالوا لو ربطت فيه كلب ما بيقعد.
نسال الله ان يحسن أوضاع أخوانا المغتربين
Mr. Sati, Thank you for the early awareness. I am surprise that, the stablishment is still willing more hunt with us they think that we are still fool for to fall on the hunt . be more aware.
نهبتو البترول حتى اوصلتموه الى محطة الانفصال
وتريدون ثدى اخر ترضعون منه
الفطامة حارة—–احسن ترضعو كوعكم بعد دة
والله ياود ساتي عافي منك
والله إتكيفت منك كيف
ده ياهو دق الركب ذاتو
دُق الناس
ياخي دي ناس لا بتخل ولا بستحي!!!!!!!!!!!!!!!!
ينصر دينك يا الطاهر !!!!!! :cool: :cool: :cool: :cool: :cool: :cool: :cool: :cool: :cool: :cool:
عليكم اللعنة ياكيزان السجم :mad: :mad: :mad: :mad: :mad: :mad:
أعلاه كلمة حق أريد بها باطل .. حقاً السودان بائس والحكومة ليست سبب البؤس لكنها شريكة فيه بمقدار معتبر المشاكل تأتي من أمثال الطاهر ساتي والذين شككون في كل شئ يرهبون المغترب كي لا يستثمر ولا يثق في أي شئ ورأس المال بطبعه جبان وسيفر فرار السليم من الأجرب بعد نصيحة الطاهر أنا من قداما المهاجرين وربما من قداما المحاربين اذا اعتبرنا الهجرة حرباً .. أجدادي هاجروا الي مصر وفلسطين ومعظمهم الآن في السعودية منهم من قضى نحبه ومنهم من ينتظر وما بدلوا تبديلا .. شخصياً لي ربع قرن في السعودية ( جديد نسبياُ ) هناك من سبقوني بعقود ولا حل في الأفق والسبب الحكومة وأمثال الطاهر ساتي .
نحن حفيرنا شن لوما تفضلي كرمه وسموما وتقولي السبب الحكومة ( المعنى في بطن الشاعر ) . وحقوقنا في بطن الحكومة . شوفوا لينا حل يا جماعة .
;) ;) ;) ;) ;) kulna n3ni wa rabna 3ala alzalim insha alah .lihom yom lihom yom
والله ارحم لنا الغربة الف مليون مرة من ان نعيش فى السودان يكفى المعاناة التى يحكى لنا اهلنا بها من بؤس وشقاء ومياه ملوثة وملاريا وتردى صحي وبيئي وغلاء فى الاسعار ركود الحياة واقفة عديل حتى البيجوا من السودان يقولوا سخانة حر وسخانة جيب ، متى تنجلى الامور ونعود لاهلنا واحبابنا هل سنظل طول حياتنا متغربين ؟؟؟؟؟؟؟؟؟؟؟؟ متى ينصلح حال السودان ؟؟؟؟ غايتو بعد انفصال الجنوب دا اكيد ناس جهاز المغتربين لابدين لينا ساى ، عشان كدة بطلنا نروح اجازات حتى التحاويل بطلناها عشان ماتجيب عملة صعبة للحكومة والله بين نارين نار الغربة ونار السودان الواحد يتلب فى البحر ولا يمشي وين كل الشباب فى السودان عايزين فيزا يهاجروا اليس هؤلاء الشباب الذين يريد ان يقود بهم العالم نافع على نافع !!!! واطمن يا ساتى مافى مغترب يصدق الكلام الفارغ دا لان كل المغتربين وقفوا فى شبابيك جهاز المغتربين وعرفوا الويل وسهر الليل ولعنوا اليوم الاجزوا فيهوا يقوموا يستثمروا فى السودان !!!!! لانه ببساطة الثقة معدومة او منهارة تماما بين المغترب والحكومة طول ما بتنظر له انه بقرة حلوب وتمص دمه لمجرد انه سافر يبتغى الحياة الكريمة له ولاسرته او يقعد يعانى زى ما الناس تعانى عقوبة حكومية اللهم خلصنا من هم الغربة ومن هم المسيح الدجال والله المستعان
لله درك يا قلم
اكتب لهم لعلهم يوعوا او يشعروا بألم المواطن و يتذكروا يوماً يسألون عما اقترفوا في حقنا و حق اهالينا و حولوا بلدنا الى خراب ينعق به البوم
وهم متحصنون بشرق الخرطوم ويخدعوننا بمثل هذه الاقاويل
لن ارجع الى شندى الا بعد ارسال المجرم عمر البشير الى لاهاى
محمد عبدالرحمن
غرب شندى
متعك الله بالصحة والعافية يا ودساتى وانت ماتقول الى الحق ديل كيزان ما عندهم فهم ذلة الغربة ولا ذلة الكيزان
الأخ الطاهر ألم تسمع بشيخ الصيادين الطفل المعجزة مصطفى اسماعيل الذي سافر للشارقة ليحث المغتربين على الاستثمار في البلد -طبعا سلفا كير جزاه الله خيرا استطاع أن يفطمهم من بزة البترول وبما أن الفطامة صعبة جدا خاص إذا كبر الطفل فإن هذا المعجزة يبحث الآن بزة يرضعها فدله تفكيره الثاقب للمغترب. معليش مصطفى اسماعيل المغتربين مفلسين الآن ,افضل لك تركز على أمان جامعة الدولى العربية شوفلك معاهم أي شغلة لأنه إنت غلبك العقاد في البلد منذ أن أقالوك من الخارجية وإنت باقي للرئيس في رقبته. ويكفي إنك فضحتنا أما حاكام الشارقة في العمرض حيث كنت ترهول مثل الطفل الصغير أمام الحاكم. آخر حاجة طلع مصطفى اسماعيل لكي يسافر خارج السودان هو طلبه من الرئيس أن يبعثه مع فرقة الهلال لتونس حتى لا ينفرد التوانسة بأعطاء الفريق ويشرحوا لهم كيف قامت الثورة في تونس. الود ده عنده قلق شديد وبقى للرئيس وعمرو موسى في رقبته وهو أن يجدوا له وظيفة أي وظيفة المهم تكون كثيرة الأسفار. لكن مش مشكلة إنا شاء الله سوف تسافر على اليمينة أو الليبية أو السورية بع ما فاتتك التونسية والمصرية.
you are gentleman and clean Jounalistice who feels the pains of the poor and the needy in our beloved country,I respect you MR Altahir Sati;) ;)
اخى الطاهر المغتربين اذكى من لن تنطلى عليهم فكرة العودة النتى يطلقها والى نهر النيل فهم لم يهاجروا خارج الوطن الا بعد ان ضيق عليهم الخناق من قبل الحكومة العبثية المتخبطة ورغم مرارة الغربة والمعاناة يظل المغترب يعيش حياة طيبة الى حد ما ويستطيع الصرف على اهله بالسودان الذين جعلهم النظام مستهلكين فقط بفعل سياسته الهمجية فالمغترب ادرك اين هى مصلحتة ولم تعد الحيل الماكرة من قبل زبانية النظام تنطلى عليه
البكاء بحررو اهلو
الاستاذ ساتي …. هنالك كذبه مطروحه في نص الوالي فيبدو ان الناس تهرب هروبا مريعا من تلك الولايه القاحله … ولم يتبقى من اهلها الاصليين الا حفنه من البشر فمعظمهم شارد .. ده خلا وصي لو ربطوا الحمار يفز والخطاب لمن تبقى لعدة اسباب منها :-
* ان المغتربين لا مدخرات لهم لكي يستثمروا فالاغلبيه العظمى عماله وليس تجار مع بعض استاذة الجامعات وهم الواحد فيهم قطعة ارض بالعاصمه ولو في سوبا اللعوته لأعتقادهم بتوفر خدمات افضل بالعاصمه .
* مواطني الولايه مشهورين بهجرها داخليا كان ام خارجيا …وترغيب لاهل الولايه بالهجره الى الخارج وترويجها لكي يعتقد الشباب بان الهجره الخارجيه هي الجنه الموعوده لتحقيق الطموحات وبالتالي تفرغ الولايه ويتم تحقيق المخطط بالبيع للشركات الخليجيه والمصريه .
ويمكن ان يكون الخطاب حسن النيه وهو للشباب الراغب في السفر لكي لا يهاجر فأهلهم قادمون لهم بالخير من بلاد الاغتراب .
وممكن ان يكون الخطاب موجهة للقياده المصرية للتطمين على ان يتم تنميه الجهة الجنوبيه للحدود المصريه حتي يتوفر الاستقرار والامن وضمان تنميه جنوب الوادي
وفي كلا الحالات توجد كذبه ولا يعدو الخطاب ان يكون سياسيا بأمتياز .
يا استاذ ساتى ؛ انت مجهر حقيقى تمكن من كشف الاعيب مصاصو الدماء , لكن الناس ديل دايرين المغتربين فقط شان يسووهم وقود لى حربهم الجاية , لكن صدقنى الحلل الوحيد الا الدرن كلو ينشال برة ,,,,,,, وبخلاف كدة الشعب ما يلقى راحة ابدا .
شكرا لك الاستاذ ساتي ودمت زخرا وفخرا لابناء وطنك العزيز بما تقدمه من النصائح الغالية ولك خالص تقديري والي الامام
نعم رجعت حليمة لعادتها القديمة في حليب المغتربين او بالاصح المغربلين لخداعهم وسلبهم اموالهم بعد ان سلبت اهلهم وزويهم بالداخل وقبل ذلك هجرتهم هم انفسهم فالغالبية العظمى من المغتربين وخاصة الخليج هم من اهل الريف الذي افقرته الانقاذ بسياسات مقصود بها ازلال وافقار الشعب السوداني ..
لقد سمعنا بوفد اراضي للوادي الاخضر وغدا الاحمر تماما كوفود بداية العهد الفاسد لبيع اسهم الواحة الخضرا ومشروع سندس الزراعي اراضي الزراعيين وادي المقدم الخ الخ الخ وترعتي كنانة والرهد هل تتذكرونها ؟!!
الان تعود من جديد لنهب اموال اخرى واخرى تبشيرا بالمزيد من المعاناة
الاستاذ الطاهر
سلام
انهم يخدعون وينافقون كل المسألة حوجتهم للمال والكومشن ياخذوا رسوم وتصاديق وكثير ثم يفاجا المستثمر بنزاعات وعراقل ما ليها حد والغربية بعد ما يحمى الوطيس يكبو الزوغة ويتركوه يواجه وحده النزاعات والمحاكم والامثلة على قفا من يشيل
لك التحي الأخ ساتي وأنت دوما تكشف الكثير المهموس وإنشاء الله سوف أكتب واوضح الكثير في هذا الشان
احب اطمنك ياساتى ما تخاف علينا تب أنا فى قطر…والفيلم دا داخلنو زمااان والحكومة ماعندها أى مصداقية عندنا …ووالله ما قلت الا الحق….وأضيف للمعلقين أحسن من سودانا مافى لكن أول اختوهو لينا الجماعة ديل… الله اجيب عقابهم قول آمين…دنيييين اللقمة من خشم اليتيم بختفوها شكيتكم على الله
شكرا ياود ساتي ونضيف لي كلامكم اليومين ديل لافين في الرياض (السعوديه ) مظفين من بنك الخرطوم وبنوك اخري يقول ليك نفتح ليك حساب ونديك بطاقه ودفتر شيكات بس تودع 500 دولار وممكن تصرفها ( شرك ) عجيب !! جونا انا وواحد معاي انا قلت لي صحبي والله انا ما بثق في الكيزان ديل ولو في قرش وفتحت حساب عشان اخسرهم حق البطاقة والورق بس وصحبي الداقس ارسل الدولارات وهسي ليه شهرين ولدو مفلس في الخرطوم ما قادر يشيلها قالو السيستم ما عارف شنو كده !!! قلع عديييييييييل معليش للاطالة لكن داير احذر المغتربين من كلاب الكيزان اللا فين ديل … والناس دي الظاهر سعرت عديل بعد البترول اعملوا حسابكم …. والله يخلي لينا الخليج !!!!!!!
دا عشان سيساتكم الرعناء ياكوز يامنظم والله تكون انت بذاتك عايش عاله على واحد مغترب او تكون من اياهم الحراميه
الى ( الكوز المنظم ) الذي كتب :
(( هو انتو يا مغتربين السجم والرماد عندكم شنو؟
الواحد فيكم تلقاهو شغال سواق وعامل فيها مهم
وهو التكتحو ما عندو .. خليكم قاعدين كدا مصيركم الترحيل
وحاتجوا مفلسين وعينكم فوق راسكم .
شوفو اليمنيين والسورييين وغيرهم لهم استثمارات في دول الخليج
وانتو الواحد فيكم ياكل ويشرب دا انجاز كبير بالنسبة ليهو
دا اصلا لو ماكان عاطل ))
لماذا لا تسال نفسك ان الناس فضلت هذا الوضع السيئ الذي تتهكم عليه فضلته على المكوث في سودان الكيزان الذي يروجون له كانه جنة الله على الارض وعندما تطأه قدماك تجده نار الله الموقدة؟؟؟؟؟؟؟؟؟؟
تبا لكم يا كيزان يا ملاعين
وليكن دائما وابدا شعارك بان لاتسثمر في السودان في عهد الكيزان.
(مخاطرة كبيرة في كوم حرامية من الكيزان ).
اين مشروع سندس.
عقلية المسؤؤلين عن الاستثمار لايعرفون معنى الاستثمار علي راسهم رئيس عمر البشير ( حامي اسسثتمارات اخوانه وزوجاته واقاربه.).
تخيل انك خسرت كل ماتملك.
خاتمة لاتسثمر في عهدة الكيزان ( مخاطرة كبيرة للغاية )
لاعذر لمن انذر.
بس انا داير ارد على الكوز المنظم نشتغل سواقين او جرسونات اخير ممانشتغل حرامية انت عليك الله اخجل والبسلك طرحة اخير ماتقول انا كوز اهههههههههههههههههههههههههههههههههههههههههههههههههههههههههههههمن انوع البعمل وجع مصاااااااااااااااااااااااااااااااااااااارين
اطمئن يا استاذ الطاهر، زمان حفظونا الابيات التالية لمخاطبة هؤلاء الثعالب الطامعين:
بلغوا الثعلب عني عن جدودي الصالحينا
من ذوي التيجان ممن سكنوا البطن اللعينا
مخطئ من ظن يوماً أن للثعلب دينا
يلقوها عند الغافل
الطاهر احمد
;( ;( …… الحكاية عودة طوعية … عاوز تعود اهلا وسهلا … مش عاوز تعود اهلا وسهلا … والموضوع انتهى ….
عن اي كرامة انت بتتكلم بعدما سمعنا عن صفية والشحاتين والراجل الجي اقلعه بضراعو واغتصاب في دازفور ( كمان لما لقت ليها جعلي ده شرف ليها) والشعب الوسخان وهذا قليل من كتير اظن كرامة سماية
ليس هذا أول صارقيل يصطاد به المغتربين .فقد كنت مغتربآ لما يزيد عن الثلاثة عشرة عام بدول المهجر .. وفي السنوات الاولى من إ غترابي شهدت نوعا آخر من الصارقيل من نوع (شركة تنمية النيل الابيض القابشه) والذي جاب كل دول الخليج في فترة زمنيه قصيره لم تتعدى شهورا معدوده وربما الدول الاوربيه لاجل نهب اموال المغتربين من كل جنس واستثمارها داخل البلاد حسب إدعاؤهم ، لم نتأخر في شراء الصكوك المهببه والاستزاده منها بغرض المساهمه في تنمية البلاد الذي يتعرض للحصار ويتعرض اهله للتجويع من قبل الدول الغربيه!! وفي طلب الزياده في الرزق بالمال المستثمر ..وتم اعطاؤنا صكوك او شهادات أعضاء مؤسسين للشركه ..أسمع جيدا أعضاء مؤسسين .. كل اعضاء الشركه مؤسسون..هذا ما إكتشفناه مؤخرا وكلهم أعضاء في مجلس الاداره .. وتمر الشهور والسنون دون ان نجني ارباح الاموال التي دفعناها لهم ولم نبخل بها لاجل حياة افضل لاهلنا بالسودان بل ولم نجد حتى اسم الشركة لا في بورصة الخرطوم ولا في مكتب مسجل الشركات ، فقلنا لمن نشكو مظلمتنا.. قالوا اشكوا الي الله .. فقلنا ونعم بالله.. فالي الله المشتكي والله المستعان وكفى بالله حسيبا.
لا يلدغ المؤمن من جحر ثلاثة مرات .. دى على منو يا….خلاص ما لقيتو ليكم حاجة تلغفوها قبلتو علينا ؟؟.. مش كفاية علينا المسئولية الشايلنها عن أحباءنا النشفتو دمهم فى البلد .. إنتو ما بتشبعو من حق الناس؟؟ إنتو ما بتفترو من الكضب ؟! إنتو جنسكم شنو؟! الله يقطع دابركم ويريحنا منكم.
أخى الطاهر
لك الشكر على نصيحتك الصادقة وموضوعك القيم وقد فرأت التعليقات على الموضوع وقد فؤجئت لطول الغربة عن أرض الوطن العزيز . وذلك لأنه من خلال الإعلام وما نسمعه يوميا من توجيه الموارد القومية والاستثمارات الأجنبية للتنمية فى ولاية نهر النيل ومشاريع إزالة الفقر عن مواطنيها وتمييزها الإيجابي على حساب ولايات السودان الأخري باعتبارها الموطن الأصلى للمتنفذين فى الحكومة فقد كنا نعتقد أن الولاية أصبحت جنة وارفة الظلال دانية القطوف .
لكن الظاهر أنه الجماعة دول على بابا والأربعين حرامى .
لو كان دا حال نهر النيل فكيف يكون الحال فى الجزيرة التى دمر مشروعها العملاق وكردفان التى كانت غرة وووووووو……..
اللهم عليك بهذه الشرذمة الفاسدة المفسدة اللهم صب عليهم العذاب وأرنا فيهم يوماً أسوداً كيوم عادٍ وثمود والأحزاب
آمين !!! آمين!!! آمين!!!
يا جماعة الخير يا المغتربين
لو جوكم ناس الحيكومة يطلبو منكم الرجوع وحيدوكم واااطة
قلتو واااااااااي ده كمييييييييييين
لو ما جوكم ولا إشتغلو بيكم ولا هببو ليكم ولا عبروكم
قلتو واااااااااي دي حقااااااارة
كمغترب لو والينا جانا وقال لينا أرجعو وبنديكم وااااطة بشيلا
وببني فيها وبرجع لما أخلصا أو لما تجيني مصيبة في البلد دي
يعني العايز أقولو يا جماعة الخير إنو ناس الحكومة دي لو عرضو حاااجة
ما طوالي تنظروا وتتطلعوهم حرااامية لأنو بالجد هم حراااامية بس مرات
النظام بيجبرهم إنو ما يسرقو المرة دي ….يعني خليكم تفاتيح وما تسمعوا للمنظراتيا
ناس المعارضة ديل ولا للمغتربين المفلسين لأنو لا ديل عايزين يرجعوا ولا المفلسين بيقدرو يشترو
المغتربين ديل أكتر ناس ممكن يستفيدوا من الحيكومة لو قالو عايزين ونظمو صفوفهم
لكن يا فرد شكلكم بتحبوا تكونوا فردا فردا
ويديكم العافية
نهدى للاخوة المغتربين :
يا أخوانا الغربة الصعيبه دروبا الطالت علينا سنينه
بي سبة كيزان السجم والرماد بلدنا صارت تعيسه
خيرات بلدي الكبير الكانت هرووود و للجميع مفتوحه
بي سبة كيزان السجم والرماد صارت عدم ومتعوسه
راجي ربي الكريم تندك بيوت خفافيش الظلام وعروشه
وتنمحق قريشات الحرام ويكون مصير اهلها الكوشه
والله ياجماعة …. حقو نكون
واعين… لان الحكومة لاتهمها
مصصلحة المواطن… المغتربين
كانو حقل تجارب… للحكومة
وفي النهاية … سرقو امولكم
والعايذ يعمل شيئ لبلدو
انا اصحو فى عهد هؤلا
ان يحتفظ بماله بعديدا عنهم
وان لايدخلة … فى اي شيئ يهم
هؤلا الفاسدين… يبدو انو الحكومة
علي وشك الافلاس… ادعو الله
عليهم … ان يشتت شملهم
يالكوز … وازيدك بيت شعر عن أحوالنا هنا …. فينا كتير حرامية ولو الأنقاذيين عايزين محاضرات عندنا هنا بروفيسيرات في الأحتيال والغش والسرقة وحاجات تانية مانعاني(أذكرها)
الاستثمار في السودان يعني تقوم بالاتي:
1- معرفة مشروعك بعد جهد كبير من خسائر مادية درسات جدوي وبعد تنفيد المشروع من قبلهم وسرقة افكارك يتم التصديق لنهب الرسوم.( سرقة افكارك).
ب – رسوم جمركية باهظة وهم معفين من الجمارك بموجب قرار اداري او عن طريق المنظمات التي لاحصر لهاباسم الدين.
ج – ضرائب نفايات محلية – دعم سلام – مجهود حربي – دمغة جريح – الوالي وكثير من الجبايات التي لاحصر لها.
د – حقد – حسد .
م – تخرج من السوق بخسائر مادية ومطالبات وامراض – ضغط – سكري – جلطة-
عليه عن تجربةوليكن شعارك الدائم الاتي:
لاتستثمر في السودان في عهد الكيزان.
أنا اتغشيت في سوق الحصيحيصا الشعبي بشراء كشك من السفارة ولهذة اللحظة منذ بداية التسعينات لاقروشي ولاكشك ولايحزنون وفي كل اجازة بمشي لهذه المدينة مرتين اضيع من الاجازة يومين على الفاضي علما بأني أسافر ليهم من حلفاية الملوك ولكن لاحياة لمن أنادي والله المستعان وعند الله ماحايضيع شئ .وليتك تقرأ هذا يامصدق ياموظف بمحلية الحصيحيصا .
ابليس فى المطار على وشك مغادرة البلاد ..
سالوه مالك ؟؟
قال الكيزان ديل كرهونا شغلنا زاتو ..
الواحد تبدأ معاهو فقران ومقطع ونقعد نوسوس ليهو
إستهبل – كذب – غش – اسرق – أنهب – اظلم ..
ولما خلاص يغنى ويتبحبح يعمل ليهو فيلا ولا عمارة
ويجيب لوحة جميلة يكتب عليها
( هذا من فضل ربي ) ..
قالوا ايام الجنوب والحرب مدورة
الكيزان فتحوا ليهم مدينة من مدن الجنوب
اها في ساحات الفدا جابو ليك واحد بتكلم عن المعجزة
قال والحرب مدورة نحن تعبنا وجعنا ومأونتنا كلمت
فقام نزل لينا من السماء دقيق اكلناه وواصلنا حربنا وانتصرنا
ادروب كان بحضر في ساحات الفداء
وادروب مخزنجي حارس ليه مخزن بتاع دقيق
قام من درربة مشى على المخزن وباع كل الفيه وختاه في جيبه
تاني يوم جا المسئول و(المسئول طبعا كوز)
فقام سأل ادروب يا ادروب الدقيق وينو ؟
ادروب قال ليه .. انت ما حضرت ساحات الفدا؟؟
والله امبارح الملايكة تنقل في الدقيق وتوديه الجنوب
نرجع ليه
ياخي اي زول بيجي من اجازة للسودان تسالو عن الوضع يقول لي من سيء لاسوأ (( يعني نرجع ___ يقول ليك ترجع تعمل شنو بس
عشان كدا اتغير السبب بتاع الاغتراب زمان الناس بتغترب عشان تلم قروووش وترجع السووودان هسي مهما لميت وجمعتا لمن تنزل السودان بتلقى نفسك صرفت تحوووويشة السنين في شهووور
يعني الناس تعيش برا احسن ليها شغاليين ماكلين شاربين مرتاحيين اخر راحة ولو دايرين يقرو كمان بيقروا احسن قرااااية
انا ما داير اخش في تفاصيل اكتر من كدا لانو بالجد دمي فاااار وما قادر اكمل
يلا يا شباب اعذروني ع الاطالة وان شاء الله البلد دي تتصلح عشان نرجع ليها دي مهما كان بلدنا برضو
وأنا إشتم رائحة الفساد في كل مكان أصبح يتراءى امام مواقف الخليفة الراشد عمر بن الخطاب حينما عاقب راوي الحديث الأشهر أبوهريرة وعزله من الحكم !!!
التحبة لكل الأخوة والأستاذ / الطاهر
تابعت كل التعليقات وجدت أنو الناس ماسمعت بخبر الحكومة أتفقت مع ناس شمال الوادى على جلبهم وأسرهم ورأح يمنحوا أراضى زراعية مع أسر سودانية بنظام الثلث ……. يعنى لو ما لبيتو النداء وحضرتم بعدين ما يجى واحد يقول وزعتوا الواطة وما كلمتونا …. يعنى بالواضح كده الوالى عايز يبيع وأحسن تحصلوا بعدين النقعة ما تلقوها
جونا ناس الارضي وقالو لينا نديكم في الوادي الاخضر فدخلت في قوقل ايرث ولم اجد ذرة خضرة ولما قلت ليهم الكلام ده واحد منهم قال لي ما تخضروها انتو قلت ليهو اوكي بس سموها الوادي الاغبر عشان الناس تكون عارفة اااخ كلو زي ده
الاستاذ ساتى كاتب وفاضح المفسدين الجدد لك التحية
لفد اصبت كبد الحقيقة بمشروع سندس
والمستفيد الاول منه الشيخ المهندس الصافى جعفر
وبمناسبة الشيخ الفاضل ده قبل ايام ختم القران عشرة الف مرة
تحت المشروع الكبير الذى يقف على رائسه
وقال الرسول صلى الله عليه وسلم اتدرون من هو المفلس
وكان الصافى من المفلسين الذين ينطبق عليهم هذا الفلس
واعوذ بالله
.. ولو افترضنا إن الولاية اياها – كانت صادقة – و منحت المغتربين او حتى اهل الولاية بالخرطوم ما يريدون من اراضي وقطع سكنية ..
ترى ماذا يفعل هؤلاء بهذه الاراضي والقطع .. لقد باتت هذه الاراضي في عهد هؤلاء غير ذات جدوى اقتصادية او اجتماعية ، لقد هجر اهل هذه الاقاليم مدنهم وقراهم ومشاريعهم التي « دُمرت » طوال العقدين الماضيين فاصبحت خاوية على عروشها تزروها الرياح ، تركوها الى الخرطوم او الي دول المهجر ..
نعتقد أن (الوالي) وحده من يقيم في تلك النواحي ..
نشكر اخونا ساتي على (النصيحة) ، لكن لدينا (جميعاً) تجارب مريرة مع عروضهم (الخاسرة) .. ما تخاف علينا .
وده للكوز المنظم ، واعترف بانهم منظمين زي القوات النظاميه يحفظون النظام والقانون وهم يحفظون جميع طرق السرقه من المعاهو جنيه وحتي المعاهو مليار ليهم طرق للسرقه وقوله تلقي الواحد سواق أو عامل بمطعم ، الم يسمع ما يسمي نفسه بالكوز المنظم انه حمل الفاس وقطع الحطب وبيعه أشرف من يمد الانسان يده للناس وماذا كان يعمل نبينا داوود عليه السلام ده كوز مثل جميع الكيزان معمول للخم كوز يخموا بيهو لذلك لا تسيئوا للاسلام بأن تطلقوا علي الكوز بانهم الاسلاميين
يعنى نجى نهر النيل دى نستثمر فى شنو يعن ……..نصطاد سمك يعنى؟؟؟؟؟؟؟
بالواضح كده ما جايييييييييييييين
كوز منظم .. إختشي وأقول لك وأنا ليس من المغتربين- إن المغتربين شرفاء رفضوا ذل الامنجية لقطاء المايقوما ورفضوا أن يكونوا تحت حكم الجهلاء واللصوص وقبل حكم هؤلاء كان المغترب السوداني أفضل المغتربين ولكن بجهل يونس وإساءاته : الفهد المروض…وغيرها ومناصرتهم لصدام ضد الكويت دون فهم كان كل ذلك في أن يجعل المغترب السوداني في وضعية ليست كما كانت وبالتالي أفقدته الإنقاذ فرص الإستثمار الطيبة ويكفي المغترب فخرا أن ماله حلال من عرق جبينه وليس من جبايات أو سرقات أو زكوات أو غسيل أموال ولا رشاوى ولا نفايات ولا عتب ولا رسوم مدارس ورياض أطفال ولا تذاكر مستشفى ولا غرامات محاكم من ستات المريسة ولا مصادرة أموال ولا شحدات من الخليج -مصطفى عثمان .
بعد قراءة كل التعليقات ادناه
لاحظت عدم الموضوعية من جانب الاخوة المغترفين
طيب لو ما عايزين ترجعوا البلد وتستثمروا في السودان
استثمروا في الخليج محل انت مقيم واعمل مشروع باسم كفيلك
واكيد حاتجني ارباح خيالية .. ولا انتو زاتو شكلكم مفلسين وما عندكم الحبة
الواحد فيكم يقول نحنا هنا مرتاحين وشبعانين اخجلوا انتو جايين هنا تاكلو وتشربوا
عالم تفكيرها سطحي الواحد لو الشركة او الكفيل استغني عنه ما يعرف يقبل وين
طول لسان وفصاحة علي الفاضي ..
شوفوا اليمنيين لهم مشروعات واستثمارات داخل السعودية ومع ان بلادهم ارض
خير ونعمة وانتو فالحين في النضمي والاتكالية ياسودانيين والله ما عندكم اي رؤي
مستقبلية للاسف وفي ناس كتيرين قاعدين عواطلية في الجمعيات الواحد بعد
دا كله عندو نفس يتكلم :mad: :lool: (؟)
شكرا كتير يااستازنا الطاهر ساتى —ولك الف تحية
أنا ما مجنون عشان أجي استثمر في السودان واضيع فلوسي ..
على هامان يا فرعون ..
قال ارجع قال ..
انت الزول دا جادي !!!! اين مشروع سندس و اين اراضي المغتربين .. الاختشوا ماتوا
;( احى اتذكرت كيف اتغشيت ورجعت بلدى واكتشفت انى مغتربة فيها
الله على الظالم والمفترى……بس لو ناس حوش بانقا رجعوا لولايتهم يكون احسن ولا ديل مابتقدر عليهم