محلية الخرطوم تبدأ تنفيذ خطة ترتيب مواقف المواصلات الثلاثة
(سونا)- تفقد الفريق ركن احمد على عثمان معتمد محلية الخرطوم برفقة عدد من القيادات بالمحلية صباح اليوم الجمعة بداية العمل لترتيب مواقف المواصلات الثلاثة (الإستاد ،السكة حديد وشرونى)
وقال المعتمد عقب جولته التفقدية إن العمل يأتي في إطار الخطة التنظيمية التى وضعت لترتيب وتنظيم مواقف المواصلات الثلاثة بمدينة الخرطوم والتي تأتى ضمن اهتمامات المحلية لتوفير مواقف تسهم في راحة المواطنين وتيسر انسياب الحركة وتوزيعها وفقاً لدخول المركبات وخروجها من المواقف وقدومها من المحليات المجاورة.
وأشار المعتمد إلى إنشاء خط رابط بين موقف شرونى وموقف السكة حديد دعما لانسياب حركة المواصلات , وأضاف أن هنالك حملة إعلامية للتوعية سبقت إجراءات تغيير المواقف ، شملت أصحاب المركبات و”الفريشين” ، مؤكدا ان العمل وجد تجاوبا من الجميع مكّن من دخول آليات النظافة للمواقف المعنية لتنظيفها.
من هسي ياسعاتك بقول ليك ماحتقدر تعمل حاجة .. القبلك وجعو راسنا بمواعين كبيرة ومواعين شنو ماعارف وفي الاخر فشلو .. وهم وين مادام فشلو مافي محاسبة .. ولا هي شختك بختك وبس ..يازول مامشكلة جرب حظك احتمال تلفق
حكاية عجيبة 25 سنة والحكومة ما قادرة حتى الآن تحل مشكلة مواقف المواصلات بالعاصمة وكل مرة يحولوها من جهة لأخرى زي وليدات الكديسة؟؟
جيبوا لينا الصنيين يفكروا في حل هذه المشكلة ؟ او اطرحوها في مشاريع التخرج لطلاب كليات الهندسة ؟
الـوالـي / عـبـد الـرحـيـم .. يـقـول :
(( الحتات كلها باعوها ))
يـعـنـي .. يا المـعتمديـن .. بـعـد أورنـيـك 15 الألـكـــرونـي .. رواتـبكـم .. مـن دقـنـو و أفـتـلـو .. !!
بس اوعك يالجديد شديد !تقوم تنقلو تاني !!والمره دي لي دنقلا مثلا!!!عارفين نحنه ابداعات ولاتنا!!! بس اعملو موقف مش سوق سته!!!! وعليك الله خليك عسكري !! وما تتحول سمسار ذي البيطري والمتعافن!!! وكل موقف معاهو تجارة وشطاره!!وحولو ونصو وحولينوا اسواق!!!يعني من قلة بقالات الحله!!!عشان نشتري من التراب والبرتكان والعنب الضارب!!!!!!!!!!!!!!وله عصير ابو جنيه!!!!من كوشة الفواكه!!!!! بس شوية تنظيم!!!! وشوية ذمه!!!مادايره عبقرية!!! الموقف بتصلح!!!! ولو الايجار التشاكلو فيهو السماسره انتهي!!! والحرامية مشو!!! خلو بوليس حركه ينظم الدخول والخروج بدل سماسرة كركر البيعطلو الحركه عشان يلقطوا جنيهين وجنيه لجيوبم!!!وسجم كركر!!!!!!!!!!!!!!!