طرح أسهم في شركة أرياب للتعدين للمغتربين السودانيين
اقترح جهاز تنظيم شؤون المغتربين السودانيين، على وزارة المعادن، طرح عدد من أسهم شركة “أرياب” لتعدين الذهب، للمغتربين للدخول كمستثمرين بعد أن باتت مملوكة للحكومة، بجانب الاستثمار في قطاع المعادن بصورة عامة.
وعرض الأمين العام للجهاز، حاج ماجد سوار، على وزير المعادن، أحمد محمد صادق الكاروري، خلال اجتماع مشترك يوم الإثنين، الترويج والتسويق لعدد من أسهم أرياب للمغتربين السودانيين، والعمل على جذب أموالهم ومدخراتهم لداخل السودان، إلى جانب الاستثمار في قطاع المعادن بشكل عام.
بدوره، كشف وزير المعادن، عن توفر فرص كبيرة للاستثمار في مجال المعادن المختلفة، وقال إن عدد الشركات المستثمرة في هذا القطاع بلغ 403 شركات منها 52 شركة أجنبية تمثل أكثر من 17 دولة.
وأعلن الوزير، توفر كميات مهولة من المعادن وتشمل الذهب، الفضة، النحاس، الكروم، إلى جانب المعادن النادرة والاستراتيجية مؤكداً وجودها بكميات كبيرة.
ورحّب الكاروري بدخول رأس المال الوطني للاستثمار في هذا القطاع، وتابع “نشجع بشدة دخول الاستثمار الوطني في قطاع المعادن إلى جانب تقديم التسهيلات كافة لهم”.
وكشف عن تقديم عدة عروض من شركات تتبع لبعض الدول، للدخول كشركاء مع الحكومة السودانية في شركة أرياب للتعدين.
شبكة الشروق
اوعوا بلله اوعوا تاني اسهم وتاني سندات
ياعمي سندات شنو السند اليوم بالف بكرة بيكون بي جنيه
وارباحه بد ثلاثين سنا كباية شاي هي الفوصي هي الفوضي هي الفوضي
شوفو الكضب بتاع النصاب والمحتال حاج ماجد
اولا شركة ارياب غير مملوكه بالكامل للحكومه ياحرامي لأن رجل الاعمال
المصرى نجيب ساويرس قد اشترىحصة الشريك الاجنبي الذى عرضها للبيع عالميا
والداير يتأكد من المعلومه دى فمحركات البحث لا تكذب ولا تتجمل.
وحتى لو افترضنا جدلا ان حكومة السجم والرماد تملك شركة ارياب بالكامل منو
في المغتربين بيصدق او يثق في الحكومه حكومة اللصوص والمحتالين والنصابين.
يادباب يافاشل ياحاج ماجد سوار المغتربين ماعندهم قنابير وهم ادرى منك ومن
كل لصوص الكيان يمعرفة وين يحفظوااموالهم عرق السنين ووين يستثمروها كل حيلك
والاعيبك مكشوفه ومابتمش علي المغتربين ياحرمي.
اتفوووووووووووعليك وعلي الترابي والسفاح الارهابي البشير وباقي العصابه
قال اسهم في ارياب قال.!!!!!!!!
وين مشروع سندس الزراعى والصافى جعفر
سندس اخر ..!!
اها دي كمان ماسورة جديدة ولا شنو ما كفاكم المشاريع الوهمية .. لمن تحتاجو للكاش تفتحو اسهم للمغتربين سهم ال……
احتيال في احتيال في احتيال .
يا ايها المغتتربون لا عذر لمن انذر
ma kefaya mashroo sondos alzeraaee
ماسورة جديدة
نحن المغتربين صدقنا كلامك يا حاج ماجد سوار …. خلاص انتظرنا بنحول كل قروشنا ليكم في الشركة المذكورة.. حتى تكون لنا أسهم…….. أنتظر كويس (وعيش يا حمار حتى تقوم النجيلة) ………. قال كمان أسهم في شركة تعدين يا ماجد سوار بقولها ليك (قوم لف كده) هو أنتو في واحد بصدقكم سرقتوا البلد كلها ودمرتوا المغتربين وكل الشعب السوداني…..
ونحن نعيش ذكرى ثورة سبتمبر 2013 التي قدم فيها أهل السودان الدماء الغالية رخيصة في سبيل إنهاء ظلمكم الجاسم على صدورنا 26 سنه..
بتصدق تاني في مغترب يدفع ليكم … لازم نأخذ بثأر هؤلاء الشهداء منكم ولن نرتاح إلا عندما نرى أعناقكم في حبال المشانق…. وأنت يا حاج ماجد سوار … جهاز المغتربين القاعد فيه دا … مشنقتك حتكون في الباب بتاع الدخول….
ههههههههههه قال مغتربين قال . انسى يا ابريش موضوع المغتربين ده وشوف ليك جهة تانية مأكلة صاح .
ههههههههههههاي….تاني جينا لمشروع سندس وشركة المغتربين …. قال أسهم في شركة أرياب للتنقيب عن الذهب !!! هو الذهب دا الشعب السوداني عارف قروشه بتمشي وين؟؟!!
اقسم بالله انتو مابتخجلوا .في واحد عاقل يدخل قروشو لي بلد حكومتها كلها فساد ومفسدين والشيئ الذي يرفع الضغط عندما تسمع عبارة حكومة ذات توجه اسلامي الله يقلعكم….
هنا برضوا لاحقننا ودايرين تاكلوا حبة القريشات اللي في يدينا
قاتلكم الله
قروشنا بنستثمرها في ملاهي ليلية بالغرب احسن من تكون عندكم
ههه دي حدية ضامنها صقر ( لا يلدغ المغترب من سندس مرتين)
برز الثعلب يوما في ثياب الناصحين ، فقال للديك الذي فوق الشجرة أنزل تعال لنصلي الفجر جماعة
اتمنى ان يقرأ حاج ماجد وكل من يهمه الامر هذه التعليقات لأنها تمثل استفتاءا صادقا لآراء المغتربين حول الاجهزة الحكومية . وقالها الاستاذ الطاهر ساتي يجب ان تقدم الكومة السبت للمغتربين ولا تنتظر منه احدا بل الخميس لأن الثقة ليست ضعيفة بل منعدمه تماما .. وكان الاجدى والانجع ان يبدأ حاج ماجد ببناء هذه الثقة اولا ثم يبدأ مشاريعه الاخرى ولكنه بدأ بدايه خاطئه ستفقده ثقة المغتربين الشخصية اقصد الثقة فيه هو نفسه .. حتما سيقول عنه المغتربون انه بعث ليحتال عليهم لأنه بدأ بما يستوجب جمع اموال من المغتربين ابتداءا ببنك ثم فتح مواعين استثمارية وانتهاءا بالدهب !!! حقيقي وبلا تحيز هذه المداخل مخيفة وتجلب الشك اكثر من انها تجمع حولك المغتربين .. سؤال بسيط : ماذا قدمت الحكومة للمغترب ؟ رغم العلم بأنه لم يتوقف عن دعم الدولة يوما . ماذا انجزت الدولة من اي من الوعود التي وعدت بها المغتربين ؟ هل حدث ان خدعت الدولة المغتربين ؟ وكم مرة ؟
هذه التساؤلات وحدها تكفي لتحدد نظرة المغترب للحكومة . ونفس التساؤلات هذه قد تكون الدليل الذي يستصحبه كل من يريد التعامل بنجاح مع المغتربين .
سلام للجميع
زمان يا شباب قرينا قصة في الاولية انو في ذئب اختنق بعظم وشارف على الهلاك وذهب للكركي (نوع من الطير له منقار طويل) وطلب منه اخراج العظم وله جائزة ثمينة وفعل الكركي المطلوب ثم طالب بالجائزة فقال له الذئب: أما يكفيك انك أدخلت رأسك في فمي وخرج سالما!!!!فيا ماجد سوار لسنا محظوظين مثل هذا الكركي ونحن متأكدين ان رؤوسنا ورؤوس أموالنا لن تخرج سالمة ناهيك عن الارباح.
ألعب غيرا يا ماجد يا سوار
من درجة الغباء الفيهم بيفتكرو المغتربين أغبياء زيّهم .. بعدين الشي البحير إنو الأهبل ده مفتكر نفسو وزير صحي صحي
عزيزي المغترب هذه مصيده اخري لإستقلال اموالكم في مشروع قابل للاستنفاذ بعد عمل الفرنسيين فيه؛ تبقي الاحتياطي من الزهب في منطقه ارياب حوالي مائه طن؛ ويصعب استخلاصه للظروف الجيلوجيه المرتبطه بما تبقي من الذهب. ايضا هنالك اخطاء فنيه ارتكبتها الهيئه وجانب الكنترول السوداني؛ عندما كانت الشركه الفرنسيه تعمل هناك. هذه هي الحقيقه. نحن شعب زراعي فشلنا في تطوير مشروع الجزيره الاكثر بساطه وسهوله من التعدين. فماذا ننتظر؟
تشمّث قدحة . ورجعوا لى قيمة أسهم بنك فيصل يا واطييييييييييييين
نريد القائمة الكاملة لأسماء الشركات الأجنبية (52)الممثلة لسبعةعشرة دولة ثم قائمة الجهات الوطنية المساهمة (351)ز وبعد ذلك يتخذ المغترب الذكي القرار الذي يريد.
كيف لايكون لشركة أرياب والتي تعمل في مجال التعدين منذ العام 1991م موقع على ( الإنترنت ) ونحن في عصر المعلومات والشفافية.؟؟؟
عندما الدولة تعامل المغترب كاحد ابناء السودان في تلك الحالة يمكن فعل شيء معين
اريد ان اسأل سؤال ابناء المغتربين هذه السنة بالذات لماذا حرمتموهم من القبول العام لانو اي واحد يريد ان يخل الطب فعليه ان يحرز 100.٪ في التراكمي و96 ء٪ في التحصيلي غير ذلك فاذهب وادفع فلوس لتعلم ابنك الكلية التي يرغبها اليس هذا الظلم بعينه واقترح على الاخوة المغتربين وانا واحد منهم واعلم كيف تحصلوا على هذه الفلوس بكدهم وعرقهم ومثابرتهم وقبل ذلك لتوفيق من الله فلذلك انصحهم بان يستمثروا اموالهم في البلد الذي يعيشون فيه
اين شركة النيل الابيض القابضة التي اسسناها بالدولار والي الان لا نعلم عنها شيء
اين مشروع سندس واين واين
الان عرفتمت المغتربين ايها الحرامية عبدة الدرهم والدينار
الناس ديل بياخدو قروشكم في الرسوم والجباية المضاعفة في اصدار جواز وتجديد واضافة
قريت كل التعليقات.. اجماع علي الرفض
انتو يا جماعة مافي مغترب وفي نفس الوقت يكون كوز.. عشان يدافع عن الحكومة دي ومشروع المساهمة في شركة ارياب للتعدين..
ياربي الكيزان بعد يقتربو بيعقلو؟؟
وللا يكون الكيزان بيغتربو جوووا السودان وما محتاجين يهاجرو؟؟
الراي التاني اقرب
الغريبة في الكيزان الحرامية ديل لا بيأسوا ولا بفتروا من محاولات النصب والاحتيال المكشوفة والمعروفة بتاعتهم دى يعنى مصرين يسكوا المغتربين والناس لمشاريعهم المحسومة سلفا أنها فقط نصب واحتيال, وفى هذا المجال صاروا ينافسوا النيجيريين الفطاحلة.