الحاج السوداني المصاب في حادثة مكة : اؤدى مناسك الحج بسهولة ويسر

ياعمك حمدالله ع السلامة لكن المسالة قالو فيها تعويضات تقيلة هههههههه
بصحة جيدة دي ناجلها شوية انا شايف …..مرة تانية الف حمد الله ع السلامة للاخ النابغة ..المزاح فقط

عرفت انو فرد امن كان فى السفاره بفرنسا !!!.ودار كلام انو رفض التعويض الممنوح للمصابين ..ووجد ذلك مؤزره من المطلعين وانو السودانيين فقراء لكن اعزاء!!!!
دا اغرب فهم للحادث وغلط كبير منه كحاج لو دا فعلا تصرفه!!
فى نفس المكان ارسل الله هديه منحه من الجنه فداء لجدنا اسماعيل ص وقبلها ابراهيم ص ..فكيف بهذا الحاج لم يستلهم ذلك مستحضرا المكان والزمان
ثم ايه دخل اهتمام حكومه المملكه بعزتنا التى نحشرا فى اى موضوع..بالعكس مفروض نشجع هذا المسلك لانو تكافلى وانا متاكد لو لم تبادر المملكه لتعرضت للوم وشتيمه شديده من نفس الناس!
ثم انو لو مامحتاج ليها وانا واثق انو اهلو وعشيرتو محتاجين ليها..فهناك ملايين من اهلنا حاجتهم ماسه للغايه وهو عارف وللعلم العام السعوديه مامحتاجه ومليانه قروش للغايه..
والكوم التانى….احتمال يكون استلم ايه المانع..

هذا ليس حاجاً شكله من المخالفين لأنظمة الحج من الداخل، لأنو صار يكذب ويقول أنا أؤدي مناسك الحج بيسر وسهولة ولسع الحج ما بدأ، وثانياً خائف من المسائلة لأنو ممكن دخل مكة بصورة غير شرعية وخائف من المسائلة… لأنو ما في أحديرفض المكرمة الملكية إلا يكون لئيماً لأنو ربنا قال وفيه منافع للناس هذه هي المنفعة من صاحب اليد البيضاء ابن الأكابر والأجاويد

يا زول اقبض المبلغ ولو ما محتاج ليهو رسلوا او اشتري بيهو اجهزة طبية لاقرب مستشفى لمنطقتكم أو غيرها،،،، ده رزق جزء من دعوة سيدنا ابراهيم ،، ولا تثريب عليك ،،، فيا أخي لا تبالغ أكثر من اللازم،،،

السلام لي كل اهل العز والكرامة والشجاعة والشعب السوداني الما ليهو مثيل . اولا انا مستغرب في تصرف الحاج المصاب الذي رفض المبلغ او التعويض . نعم انت انسان وفيك كل معاني الاخلاص والا ما كان نلت هذا الشرف شرف الاصابة في بيت الله وقبلة المسلمين وهذا دليل علي طهارة نفسك انا لا اذكيك ولكن واقع الحال والمكان . لماذا رفضت المبلغ وانت تعلم ان هنالك في ارض الاشراف وبلد الطيبة الكثير من المحتاجين اللذين لايملكون طعام اليوم او حقرالعلاج او حق الجامعات وكم الاسر التي بحاجة لمن يكفل ايتامهم. ماهو يا انت مرتاح وماجايب خبر الناس او انت بسيط في فهمك ياخ شيل القروش واعمل بيها مسجد او حاجة من كل الحاجات المحتاجيين ليها الناس وماتشيل هلله منها لنفسك هي جاتك من الله واصرفها علي خلق الله ياريت كل الناس قبل ماتفكر تفكر في مساعدة الناس لانو عمل وصدقة جارية