رسالة مفتوحة لرئيس الجمهورية بشأن سيارات المغتربين
صالح حسن الحارث:
نعاني نحن المغتربين في دول المهجر أقسى أهوال الحياة القاسية، ونحن المهاجرون من بلادنا بلد سماها غيرنا من الدول الأخرى السودان سلة غذاء العالم بكل موارده الطبيعية وإنسانه المبدع، وإذا لم يكن سلة غذاء العالم فإنه سلة غذاء أفريقيا والعالم العربي. ونحن المهاجرون من السودان تركنا لأهلنا غذاءنا وشرابنا وكساءنا ودواءنا لنوفر لهم رغد الحياة، لما كنا سنأكله ونشربه معهم، ودفعنا ضرائب لا حدود لها بمسمياتها المختلفة لبناء بلادنا، وبالإضافة إلى كل هذه الضرائب نحن المقيمين في المملكة العربية السعودية حفرنا ترعة الرهد وكنانة، وقمنا ببناء السفارة السودانية في المملكة العربية السعودية دون أن تدفع الحكومة قرشاً واحداً. وكنت أحد أعضاء اللجنة المكلفة ببناء السفارة، وقررنا فرض مبلغ خمسة عشرة ريالاً سعودياً خدمات مساهمة من المغترب لبناء السفارة. وكانت تكلفة البناء في ذلك الوقت أحد عشر مليون ريال، وانتهى البناء قبل أكثر من عشر سنوات، ومازلنا ندفع مبلغ عشرين ريالاً رسوم خدمات. وأخي وصديقي د. كرار التهامي رئيس جهاز شؤون العاملين بالخارج كان مغترباً معنا ويعلم ذلك جيداً، وما أصبو إليه يا سيادة الرئيس هو لماذا بعد كل هذه الجهود والعطاء من المغترب يطلب منه ويفرض عليه ان يدخل سيارته الخاصة عند العودة النهائية لآخر ثلاثة موديلات فقط.. ولا يسمح له بإدخال سيارته الخاصة مهما كان موديلها على الأقل موديل 1995م، ويجدد للعام الثاني بالموديل الذي بعده وإلى آخره.. وهل في استطاعة وقدرة المغترب مع الأوضاع الحالية في دول المهجر والاقتصاد العالمي المتدني، أن يتملك المغترب سيارة مضى على تصنعيها ثلاث سنوات، ولا يملك ذلك إلا من رحمه ربي منهم؟ ونذكر هنا أننا نعرف اصدقاء وزملاء من دول أخرى مثل تونس والجزائر واليمن لا تحدد دولهم الموديل لمواطنيها، وفي نفس الوقت لا يدفع قيمة الجمارك لاغراضه الخاصة بإلاضافة إلى سيارته الخاصة.. فلماذا فقط نحن الذين ندفع كل ما تفرضه علينا وزارة المالية والولايات من الضرائب ندفعها من دمائنا؟ لماذا يا سيادة الرئيس نحن الشعب الوحيد الذي يدفع حتى قيمة «العتب» عن منزله بعد أن نشتري قطعة الأرض من الحكومة وندفع رسومها، بعد أن نقوم ببنائها، وكأنها إيجار سنوي للمالك من الحكومة، وهذا ما لا يحدث في أي بلد آخر على سطح الكرة الأرضية إلا في بلادنا التي نعزها ونجلها.
إننا نناشدك يا سيادة الرئيس وانت الحاكم والوالي وكل وال مسؤول من رعيته أن تصدر قرارا جمهورياً يعفي المغترب الذي قضي اكثر من عشرين عاماً من سنوات عمره خارج السودان، والتزم فيها بما فرضته الدولة عليه من ضرائب ورسوم، يعفى تماماً من أية جمارك، وإدخال سيارته إلى البلد مهما كان موديلها، وذلك عرفاناً من الدولة بما قدمه للبلد ولأهله.
* سفير النيل
الصحافة
والله نحن هرمنا من المطالبة وان يتحقق شئ يرضي المغترب الذى دفع ومازال ولكن لم تقابله الدوله بشئ يوازي كل تضحياته ومرة ثانية ياسعادة/النائب الثاني بدلا من اعطاء المصرين مليون فدان اولى بها المغتربين بتخصيص 5فدان بعد مراعات المدة التي قضاها المغترب في الغربة ومادفعه من التزامات مشفوعة بايصالات الدفع وبعدد افراد الاسرة كل حسب ولايته على ان يبني فيها مسكن وتقوم الدولة بعمل البنيات التحتية من كهرباء وماء وخدمات لهذه المزارع وياحبذا اذا كانت هذه المزارع على جانبي الطرق مثل شريان الشمال والتحدي فيمكن ان تعمر كل هذه المساحات وتساهم فى النهضة الزراعية
والله جات فى الجرح انا بكيت دم بهذا القرار انا سيارتي 2008 وما قادره ادخلها السودان ولماذا الالتزام بالعودة النهائيه ولماذا ولماذا ولماذا يجب ان يلغى القرار وان يسمح للسيارات الدخول حتى ولو لم تكن عودة نهائية والله قرفنا قرفنا قرفنا ..
جزاك الله خيراً وكثر الله من أمثالك بس أخونا التهامي نسى المغترب وبدأ يبحث عن المنظمات الأهليه وكل ما يوجه إليه سؤال يكون رده سوف نبحث مع منظمات أهليه وربك يهون القواسي .
اخي العزيز صالح حسن الحارثي لك التحية ولطرحك مشاكل المغتربين بس لي عتاب كما تفضلته بالمدة عشرون سنة حرام عليك كتيرة اتخيلي انك بتتكلم عن نفسك من الافضل كان طرحك يكون بدون تحديد مدة بعينها اكرر عشرون سنة كتييييييييييييييرة
ضيعت وقتك وقتنا بقراءاة موضوعك الذي لايودي ولايجيب لانو البشير لايدري بشي وقراراته ىتنفذ اي فقاعة صابون.
كرار التهامي مصلحجي كبير ومبروك عليه الوطيفة وعليه ان يتذكر لما كان شغال في شركة اصلاح المعدات الطبية بحي الملز.
لماذا يا سفير النيل عشرون عاما لماذا لم يكون خمس سنوات الرسالة شكلها رسالة شخصية منك الى الريس وليست نيابة عن المغتربين وشكرا
بعد التحية والسلام
للمصادفة بالامس وقبل ان اطلع على هذا الخطاب او المقال الموجه لفخامة الرئيس كنت اتناقش مع احد الزملاء حول نفس هذا الموضوع ويشهد الله انه قد تطابقت نفس الفكرة مع ماكنت اقوله ولكن بشي من التفصيل
فاضم صوتي لصوت الاستاذ الكريم صالح واستميحه عذرا في ان افصل في اقتراحه بما يحقق المصلحة من المغتربين وكذلك الدولة وهو ان تقسم لشرائح حسب الاتي:-
1- ان يعفي المغتربون من عشرين سنة فاكثر من رسوم الجمارك خاصة السيارة مع تحديد موديل ادناه خمسة سنوات
2- المغتربون لاقل من 20 واكثر من 15 سنة – الاعفاء من 75% من الرسوم الجمركية للسيارة بحد 5 سنوات للموديل
3- المغتربون من عشرة سنوات وحتى 15 سنة الاعفاء من 50 % من رسوم الجمرك للسيارة بحد 5 سنوات للموديل
مثل هذه الاجراءات تساعد الجميع في اتخاذ القرار بما يتناسب ووضعه ويسهل من العودة للوطن
ختاما ارجو دعم الجميع لهذه الافكار وايصالها لاصحاب القرار حتى يتم التعامل معها بشكل جدي
أوافقــــــــــك الرأي .
ما قصرت يا اخ صالح كفيت ووفيت
لكن طلبك مرفوض يا حبيبى وزى ما يقول المثل اطلب المستطاع كى تجاب وظنك خاب يا عزيزى والظاهر انك بتحلم
كدى فكر فيها شوى من وين اجى دخل الكيزان وقصورهم وسياراتهم وزوجاتهم ثلاث ورباع اذا انت المغترب لم تدفع وابوك المزارع لم يدفع وسائق التاكسى والكارو وست الشاى لم يدفع
ولتعلم اخى كل الشعب السودانى رجالا ونساء واطفال مسخر لدفع الجبايه
هل تعلم اخى الكريم ان فى سوق ابقوته بالجزيره فى ولد ارسلتو امه لبيع دجاجتين لهما لحوجه القروش الماسه اتدرى ماذا حصل له 0000
نعم تعرض له احد زبانيه الكيزان ( بتاع الجبايه ) فى السوق وحلف ستين يمين الا يأخذ ضرائب من البضاعه المعروضه وبعد تدخل الاجاويد قبل اخونا بواحد جنيه عن كل راس
لذالك يا خوى لا تحلم احلام يقظه وخليك واقعى قول خفضوها او قسطوها
كلامك حلو ياسفير النيل
لكن بيطلع بندق في بحر
وحتشوف
نتمني ان يكون القرار سريعا لان كثير من المغتربين ينتظرون إعفاء سياراتهم من الجمارك والموديل حتي نوع السيارة ( تجاري , ملاكي ) لكي يستطيع ان يخرج نهائي ويعمل عليها لتعينه علي صرف السودان القاتل وينهون عذاب الغربة الطويلة . وبغض النظر عن سنين غربته طويلة او قصيرة .
اتمنى ان يسمعك سعادة الريس وان يرد فورا لانه جعلى حمش لا يستمع لكلام الخونه الى جالسين حوله .كلامك جميل يااستاذ صالح لكن اللغف مين يوقفوا صراحه انا اضع كفى بكفك واشد من ازرك لاننا فعلا نعانى اوضاع قاسيه فياليت الحكومه تنتبه للبقره الحلوب(المغتربيين) ولو مره ولو مره يا( انقاذيون)
يا اخي سياره من موديل 1995 م صلاحيتها انتهت واديها وين .. دي تعتبر استنزاف للعملة الاجنبية لانها تستهلك قطع غيار ( اسبيرات ) ..
اقل شئ قول خمسة سنوات او حتى ستة سنوات بتنبلع .. في حالة الياباني أما الكوري والصيني ثلاثة سنوات افضل لان بالعقل كده عمر السياره الافتراضي 10 سنوات الحد الاقصى للياباني وخاصة السيارات الخصوصية .. اما المركبات العامة أو ما يسمى بالنقل العام فمكن ان يسمح بذلك لانها سيارت قوية وتعمل رغم انو العالم ايقاعه سريع ومتطور ونحن نحن في السودان متاخرين كثيرا ..
السيد صالح حسن
السلام عليكم ورحمة الله
حقيقة الموضوع او الطلب الموجه لسعادة رئيس الجمهورية جيد ويعتبر حق للمغترب واتمنى ان يستجيب رئيس الجمهورية لهذا الطلب الا اني اعيب عليه فقرة واحد الا وهي فترة العشرين عاما فهي كثيرة جدا اتمنى لو كانت بالحد الاقصى عشرة اعاوم او اقل
ولك الشكر والتقدير
حقيقى رؤيتك للمغترب و رد الجميل من الدوله لهذا المغترب الاشعث الاغبر الذى ضاقة به الوسيعه و حتى فى دول المهجر كان كل همه الاسره الكبيرة وساهم فى رفع المعاناة عنهم و لكن الدولة تتسيد و تامر و تقرر و نحن ندفع من اجل تجديد الاقامة و لو تدين ما مشكله .
و لن يتغير حالنا و لن يتبددل و عودتنا قسرا لا محالة اتيه و السودان لن يفتح زراعيه لاستقبالنا بل سيفتح لنا كل ابواب جهنم و يبث فى نفوسنا الرعب المتمثل فى البيت و المأكل و المشرب و المستلزمات اليوميه و العلاج و المدارس و الاهل بحكم انك مغترب دشليون سنه ؟
قضيت خمسة و اربعون يوما فى السودان وخرجت منها بمفهوم و احد يجب ان تكون دفيان اى تملك من المال ما يعجز عن حمله الدفار لكى تعيش حياة مستقره .
و عليه نأمل من الانقاذ اصدار قرارا يكفل لنا العوده الحميده و العيش بكرامه فقط لاننا لم يعد لنا مقدره بالمناتله و الجرى وراء لقمة العيش .
انا غايتو معاكم -رغم اني ماعندي عربية ولا بيت ولا عندي زول مغترب لكن نحن كدا
يا اخي صالح في السودان كل شيئ ممكن ….
يمكن لاصغر عامل ان يقرر دفع اي اتاوة او ضريبة او جباية … ليس مهما ماهو الاسم المهم ان تدفع كمواطن حتى لو كان ماتدفعه هو كل ماتملك ….
يا اخي صالح هل سمعت بدولة يدفع المواطن فيها مقدما مقابل ( قضاء الحاجة ) المصيبة في انه حكامنا قالوا دا استثمار .وما بيعد نشوف رئيسنا عبر الفضائية وهو برقص احتفالا بافتتاح حمامات السوق الشعبي …….
يا اخي صالح ونحن تحت حكم الشريعة المفترى عليها ندفع العشور وندفع الذكاة لان الغرض ليس تزكية المال وانما الجباية ………
في بلدنا يمكن لمدير جوازات ميناء عثمان دقنة ان يفرض عليك اناوة لدعم جمعيتهم الخيرية .والا لن تسافر ولما يتزمر الناس من ذلك ….لاتلغى الاتاوة ولكن يغير الاسم لرسوم فحص جواز تدفعها مجبرا ومكرها وكان اعاشة ضباط الجوازات مسؤلية المغترب وليس الدولة …. وعلى شاكلتها جمعية لدعم المساجين ……
اخي صالح علاقة الدولة بالمغترب علاقة قاصرة على الجباية لا غير ….. فبالله عليك مالذي قدمه الجهاز المترهل عديم النفع ( جهاز المغتربين ) للمغترب المقلوب على امره… الا يزيد هذا الجهاز الاعباء عبئا …
الاخ صالح الحارث*******تحياتى والله لقد وضعت البلسم على الجلرح ووفيت وكفيت تحياتى اخوك بكرى من قطر سلام
استباحوا البلد واهلها ..كل نداء كأنه آذان بمالطا..لا يحرك شئ فيهم..اضان من حمل اوزار المساكين والغلابة طرشاه..بلاد اراضيها هبات..بوفيه مفتوح..عشان يقولوا سودانى شهم وعربى اصيل كرم دفاق..رسلتوا 50الف راس قلنا دى ذبيحة ضيفان بس منحة ارض ارض بملايين الفدادين ببلاش كده..وبيع مشروع الجزيرة الحارق الناس ..ليه هل يمنع ان يطرح مشروع الجزيرة شركة مساهمة للسودانيين فقط داخل وخارج السودان وملاك الاراضى سهمهم تقييم ارضهم.. ولا جتة السودانى بردت..اغتالوا ثورية السودانى..
اما المغترب حمال اسية وجمل شيل عاوزنوا يبرك حتى الرمق الاخير..ارحموا اهل المهاجر ..امنحوهم منحة مثل ما منحتم دول اغتصبت حلايب ما زلتم تكرموها ونحن الغبش بل نستجدى منحة ياجماعة لله يا يا (( من اين جاء هؤلاء كما نعتهم الطيب صالح بلل الله ثراه))..نقول حسبنا الله ونعم الوكيل
عزيزى سفير النيل
إنك تؤذن فى مالطه … الحكومة السودانية تعتبر المغترب بقرة حلوب مع العلم بان البقرة لاتعطيك الحليب متى ماشئت … سياسة جهاز المغتربين مع بنى جلدته هى التى جعلت إغتراب السودانى يطول ويطول عن بلدة ولايفكر مجرد التفكير فى الإستقرار وهناك من المغتربين من رجع وهو جثة هامدة الى بلدة وأنا متأكد أذا خير المغترب فانه سيختار ان يدفن فى غير السودان لانه يرفض العودة حتى لوكان ميتاً … ومقارنة بالشعوب الأخرى فى المهجر تجد ليس لهم سياسة النفس الطويل فى الغربة غيرنا نحن السودانيين وهذا كله نابع من السياسات الخاطئه تجاهـ المغترب من بلدة والحديث يطول فى الموضوع وفقط اذكر الدكتور كمال التهامى بانه كان احد الطيور المهاجرة ويعرف مايعانيه المغترب السودان ورجائى ان ينزل من برجه العاجى ويفكر ولو لمرة واحدة فى مصلحة المهجر السودانى وأن لايفوته قول الشاعر … كم من منزل يالفه الفتى وحنينه أبداً لاول منزل … والغريب عن وطنو مهما طال غيابه مصيرة يرجع تانى لاهله وصحابو.
لقد اسمعت إذ ناااديت حيا ***** ولكن لا حيااااة لمن تنااااادي
;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;(
نتكرم على المصريين وشعبنا جعان .. الناس فى طوكر والشرق تموت بالجوع واهلنا فى
الحامداب ارضهم عطشانة ومزارعهم جفت واهلنا فى دارفور عايشين فى معسكرات ومشاريع الجزيرة تدمرت وبيعت وقبض ثمنها .. وسندس وما ادراك ماسندس !!! اخ خ خ خ
وحكومتنا الرشيدة تتبرع لليابان وباكستان وتهدى فى الاراضى والابقار للمصريين
والله هذا زمان العجايب ..
والعجيبة قرأت ان السودان بنى مستشفى فى جيبوتى !!!!
ياخى الزاد لو ماكفى ناس البيت ,, يحرم على الجيران
اخوتى المغتربين ,, انسوا انكم سودانيين وتصرفوا وكأنكم بلا وطن ولاهوية ,, لان
حكومتكم مبدأها : هات فقط , اما خذ ف لالالالا
يبدو أن كاتب هذا المقال ضارب صاروخ من صواريخ تومابنقو بتاعت مزارع وزارة الداخلية السودانية الأرتري
فيا اخي إذا تم إعفاك من الجمارك درويش الكباشي وحريمه ينهبوا شنو ويعيشوا في نعيم كيف وبمناسبة حريمه نتوجه بطلب للأخوة المغتربين بالتبرع بمبلغ عشرة ريال لإعطائها للمثلي ومخرج الفيلم المصري حريم كريم عشان ينتج لينا فيلم سوداني يكون حريم درويش الكباشي
الحسااااااادة الكيزان مابقدرو يخلوها ….ديل بحسدو المغتربيين على قروشهم الحلال تفتكرو ح يخلوكم تركبو عربات زيكم زيهم وتبنو فلل زيكم زيهم مع الفارق وهو بالطبع متعة التملك والاقتناء بالحلااااااااال
انضم هبك ونضمى سمح للهميم …الاكلكم النيم …والبرسيم….وخلاكم تمدو قرعاتكم وتقولو يامعين…بسوى سمح…..مع تحيات (الشريف مبسوط منها)
والله انتو بتنفخوا فى قربة مقدودة اتو ناسين نقاطة البترول حا تجف وبرجعو ليكم تانى تدفعوا الضرائب 0 تقول لى اعفاء جمركى وموديل 0
انتو بتنفخو في قربه مقدوده ده ما بسوي ليكم شي يملاكم كلام وبعدين تلقو كلام تاني
البلد تحت عصابه والريس يا بياخد معاهم يا ……… نايم في العسل
اقطعوا القروش وماتمشوا اجازات حقكم بيجي لعندكم علمتنا الحكومه شغل شيل السلاح
لاخذ الحقوق وليس طلبها فهي لا تعطي الا مجبره خانعه ذليله غير كده ادفعو وانتو ساكتين
وماتخافو علي اهلكم لانو فيه طرق تانيه توصل بيها القروش غير الحكومه وكلكم عارفين
طالما ديل قاعدين ولو مية سنه حتدفعو لكل شي وممكن يجي وقت ياخدو منكم بدل
استهلاك شارع الظلط والمويه والكهربا وكملن ماعندكم تامين طبي وكلو بالقروش
لانكم بقره حلوب وبس لا بتهش ولا بتنش ادفعو
والخريجين المصريين ضمنو ليهم 5 فدان لكل واحد انتو اولادكم في الحكومه يدخلو بالقروش
why 20 yrs , only 5 yrs is all that is needed. and at least 10 yrs back model is ok
اخونا صالح جزاك الله خيرا على هذه اللفتة ولكن لمن توجه شكواك؟ كل الطقمة الحاكمة الان هم من كان يوم من الايام فى دول المهجر ويعرفون جيدا مايعانى منه المغترب ولكن هيهات ؟انا بقول بلاش اعفاءت ولااستيرادعربات ….بس بنطلب منهم ان يعبدو لينا طرق للحميرداخل العاصمة عشان مانسبب ليهم زحمة لى عرباتهم :eek:
المعلق محمد حسن انت عب مجنون
علاقة وزارة الداخلية شنو بالبنقو ؟؟
يا أخوي مصطفي القاضي ده ما كلام قاضي و أنت من قضاة الإنقاذ أنت حددت القرار بنسب داير الناس يغتربو أكثر من عشرين سنه عشان يعفوه من الضرائب معني كده كأنك تفرض نفي إجباري للواحد عشان لما يرجع ما يدفع ضرايب .
نتمني ان يوافق السد رئيس الجمهورية علي السماح للمغترب الذي قضي اكثر من عشرين عاما خارج الوطن بادخال سيارته الخاصة شريطة ان يكون قد سدد كل ماعليه من الالتزامات من ضرائب وخلافه وبدون اي جمارك ولا رسوم اخري . وتكون لاستعماله الشخصي فقط و وتكون ملكيتها فقط له او لاحد افراد اسرته حتي لا تكون هناك فرصة للتجار والسماسرة لاستغلالها للتجارة كما حدث للاعفاءات التي سبق ان اعطيت للمغتربين سابقا.
مافي اي نتيجة للكلام البينكتب لا رئيس ولاغيره ولا….. الله يكون فى العون :D :D :D
المغترب بيدفع رسوم السفريات الى الخرج لزبانية الحكومة واولادهم الذين بيرسوا بالخارج ، ان شاء الله تحرقوا اكثر ، وخير دليل ماساة المغتربين في الحدود بين لبيا وتونس، دفعوا دم قلبهم سنين عددا ، والان الا دولة قطر مستحسنه فيهم وناس الحكومة لو ماخجلانيين وخايفين كان قالوا ابيدوهم ؟؟؟؟ظ
والله بصراحة المعلق محمد حسن ما عرفت اقول عنك شنو ذاتو , والمهم المعلق واحد كدا علق بكلام وجيز ,,, وانا عاوز اقول للمعلق انت ما مستوى بالجد عشان تعلق هنا بكلام زى ده , وانا كنت مفتكر انو الراكوبة دى مكان للحوار المثقف , لكن اعتقد انها بقت تلم الهيب على الضبيب ,,,
يا اسمك لا تسئ لشخص معين بذكره مرتبطا بشخص معين او كما تراه انت .. سب الشخص في ذاته او في شخصه كما يحلو لك بدون ان يشمل هذا السب شخصا آخر
واعتقد ان لو كان لديك ذرة رجولة لجلست فى البلد ,, ولا تجلس بعيدا وتعوى فى ارض الراكوبة الفسيحة
الضرب على الميت حررررررررراااااااااااااااام
الدول المحترمة تحترم مواطنيها والدول التي يحكمها بلطجية كان الله في عون مواطنيها المغترب محترم في كل دول العالم ومعفي من الرسوم والجمارك في كل زياراته لوطنه واضرب مثلا بدولة سيريلانكا هذه الدولة لديها صالة خاصة لأستقبال المغتربين تعادل صالة كبار الزوار والمغترب لايدفع أي جمارك لكل إحتياجاته الشخصية من سيارة وقطع أثاث وغيرها وإجراءات عودته لوطنه في المطار تتم في دقائق بكل زوق وإحترام وهكذا يعامل المغترب في كل بقاع الأرض إلا في دولة السجم والرماد السودانية وبالمناسبة لاتوجد في أي دولة في العالم شئ يسمى تأشيرة خروج إلا في سجم الرماد السودان كان الله في عون السودان والسودانيين داخل السودان وخارجه وصرف الله عنا هؤلاء اليهود المتدثرين بزي الإسلام .
ياخوي وكتين قدرت تقعد 20 الجاي ليها شنو اقعد قبلك ماليك مكان تاني في وطن قسم وتفتت اسكت اقعد لي باقي العمر هي الحكايه مافي العربيه الحكايه الكيزان نامن جو قالو نشرد نصف الشعب ونقتل ربع الشعب ونقسم البلد ويعيشو هم الربع اجمل عيشه واحسن مسكن بس ياحليلك يابلدنا اشتقنالك بس مابايدنا كونالنا بلد تاني ادانا كل شي حتي الهويه المفقوده والناس ياداب في العربيه وداعا وداعا ياوطن تاني ندخلك الا بي الفيزا كنت سوداني قبل 95
ويظهر في الصورة ( أبو رياله ) ضاحكا مع سيارته اخر موديل , ويقول لكم ( يامغتربين
عربات شنو موديل 95 !! انحنا هسع قاعدين بنصنع طيارات ) ..
انا شايف معظم الاخوة المعلقين عشمانين في الاعفاء الجمركي دا وكمان بيحتجوا علي فترة ال20 سنة…..ههههههههه. ياخي ديل والله حتي لو اغتربتوا 50 سنة لايمكن ان يتنازلوا عن اللهط دا…… طيب قولوا اعفوكم من الجمارك حايقوموا يضيفوا جبايات ما انزل الله بها.. شي رسوم عبور وشي دمغة جريح وشي خدمات وووو…. وبعدين تقولوا ياريت لو خلونا ندفع الجمارك.
غايتو لا نملك ان نقول حسبنا الله ونعم الوكيل.:mad: :mad: :mad: :mad: :mad: :mad: :mad: :mad: :mad: :mad:
لك الشكر اخونا الكريم بهذا الطرح المفيد ونتمى ان يجد اذن صاغيه على الاقل يحس المهاجر بحنين للوطن وان هنالك شئ ممكن نرجع بيه واتمنى ان يكون هنالك قرار بادخال اى نوع من السيارات واى موديل حتى نستطيع تامين عيشه كريمه بعد المعاناها التى نعيشهاا وان يكون الشرط الاساسى الغاء الاقامه بالخارج نهائيا وتكون مره واحده لكل شخص
واضف الى ذلك مبلغ 500 ريال للسيارات الافراج لصالح شركة المهاجر الوهمية التى لا تمثل الا اصحابها ونحن كمهاجرين نستوضح لمن الشركة لابد من وقفة للمهاجرين حتى لا يستغل احد المهاجرين
سمعت يا اخي بحكاية احلام ظلوط – المغترب هو البقرة الحلوب للحكومة الحالية خليك من المغترب حتي المواطن اللي عايش جوة البلد لم يسلم من االاتاوات والجبايات – هل تعلم ان القيمة المضافة تدفع ستة مرات علي كل سلعة تدخل البلد والمواطن هو من يدفع لان التاجر في النهاية با خد ربحة — قول كلام غير دة — في البطانة الحكومة المحلية بتفرض رسوم علي مياة الامطار في الحفاير وانت المغترب عاوز تدخل سيارة من غير جمارك – فقط هذا الامتياز خاص بالوزراء ووكلاء الوزراء وكبار ضباط الجيش وما اكثر الوزراء ووكلاء الوزراء ( اكثر مما في الصين وروسيا والهند وباكستان )
اصعب شيء في هذه الدنياء منظر "نملة" تحفر الارض الليل والنهار..
:
:
……
:
:
لتبني قصرا لملكها "الفيل" …
وصاحت احداهن يا ايها النمل الطائر احذروا ارجل جند بشبش وسرقات جنده …….يعني يا المغترب ابقي عشره علي جزلانك
يا أخ صالح مافى داعى تذل وتهين نفسك بهذه الطريقه…هؤلاء ناس غير محترمين وصدقنى بتنفخ فى قربه مطرشقه…وصدقنى هذا الجربوع اللى بتقول عليهو إنت الحاكم والوالى لو وصلتوا رسالتك حا يقول ليك لما تلحس كوعك.