البشير : هناك ارتباط وجداني مع الشعب الجزائري

بوووووووس
دي من المحارم برضه ولا عااااادي

وداد رأيها شنو في البوسة دى!!

هههههههههههههههههههههههههههه الجزائر بلد المليون شهيد يمكن تكون أرملة أحد الشهـــــــــــداء الكرام

قال الشاعر قديما على مااذكر : اذا لم تخش عاقبة الليالي …ولم تستح فافعل ما تشاء
..و الحياء شعبة من شعب الايمان .. في كل يوم يثبت الرئيس السوداني البشير انه بلا اخلاق ولا وازع ديني . كان بامكانه ان يصافح الفتاة فقط على ان يضع نفسه في هذا الوضع المحرج وهو قائد الامة الاسلامية السودانية وقائد التاصيل الاسلامي .(متين نحنا في السودان الرجال قاعدين يبوسوا البنات والنسوان في سلامنا ولا دي موضة عربية اسلامية جديدة ونحنا ما عارفين يا ناس ؟!!!!!!!). محن البشير تمحن الما بمحن .

ارتباط وجدانى وين وبى وين بطل كضب إلا كان فى تدينهم القاطعنوا من رأسهم زيك و تزمتهم الما مفهوم كان عندك معاهم رأى سوى الداير تسوى بس ما تكضب هات ما عندك لتأكيد الترابط الوجدانى وسنعطيك ما عندنا لنؤكد لك عدم الارتباط الوجدانى المخلوق ده كل ما نقول له ما تكضب يكضب

يبدوا لي انو جاكوب زوما مش البشير

من متين عندنا علاقات مع الجزائر ؟؟؟؟
الا كان العلاقات بين الطغاة ازلية

البوس دة ارقى انواع التعامل الذى يمارسه البشير مع النساء وﻻنه مجرم حرب وسفاح بحاول يغطى على هزيمته النفسية بهن .
هذا البوس .. اشارة واضحة ان دول الخليج وبقية العروب قد شتتوا من التعامل مع السودان لكثرة الكضب والوعود والتلاعب المخجل فى حكايات اﻻستثمار المضروبة .. فما كان هناك طريقة لجلب مال يسد به البشير فواتير الحروب الكتيرة اﻻ يقع فى منقطة البوس ( منطقة بلحاج وعباس مدنى ) الذين باعهم اخوهم ببوسة .
ديكتاتوريين واحد اعصابو بايظة وصواميل ركبوا محلوجة والتاني بغيروا ليه البامبرز فى كرسى متحرك .
قاتلكم الله انا تؤفكون

التنبل ده ف كل خطبة يدخل فيها الاسلام كاننا كنا مجتمع جاهلي لم نستفد منه دول المغرب العربي غير نشر النوبة والطار والدروشة بدع وهم تركوها فلا علاقة تربطنا بهم اصلا ولو مسكنا رجال الاعمال لا فرق بيتهم وبين بقالين المؤتمر الوطني يفضلون استيراد اللحوم من اقاصي الدنيا ولا من السودان القريب واسعار تلك اللحوم غالية وفيها مكسب لهم اتذكر تلك الواقعة قبل سنة او سنتين ف صحيفة النهار واتضح وراها وزراء كبار نفس فسادهم تجدونة هنا

البشير دا مكنكش في المرا دي كدا ماله

وين درب السعادة ياالمكنكشين في الشافعة

Yahhhhhhhhhhhhhhhhhhhhhhhhhhhhhhhhhhhhhhhhhh
i need to go to algeria

والله حكاية !!
امامنا يبوس بنات الطرحة برا !
و جوا بيجلد في بنات الطرحة ؟ !!

بالنسبه للزول اب صعله ده وضعوا شنوا حكم رايه مثلا

الناس ما بتبوس لكن بتخت الخد على الخد، اما البشكير قايل القصة بوس، واب تلاليش ماديو تلاليشو زي يدين الاخطبوط عايز يبوس
ياخي مني ومنك والله البس كامامة زي البيلبسوها للكلاب البوليسة عشان ما تعمل تسمم للبت بشلاليفك الكبار ديل

بشـــــه … الزوجة الثالثة في الطريق ، سنتين والبنت الحلوه الباسه بشه تكون كملت 18 سنة ، ويا وداد الحقي كوشي قبل ما تكمل السنتين ……..

هي لله. هي لله
الزراعة تكفي الوطن العربي.
ياخي عاوزين تكفي ناس الودان اولاً،
ظللنا هذة التخاريخ منذ 26سنة،
بوس بوسك وبطِّل دجل،،،،،،

مشهد يستحق المشاهدة و بيفترض سوال يتعلق بالاحكام الاسلامية الشرعية في الاختلاط وتاني شنوشنو كده مابعرفليك و اكيد ناس الفتاوي و المجلس بتاع الخلاط لابدين و ما حيقدروا يطلعوا بيان لانو الزول خط احمروالامر بيتعلق بالسيادةالوطنية ومافي اي حظار, السودان قالوا مستهدف من اللوبيات الخارجية و الان يجب علي ناس الدقون الطويلة اهباط اي محاولة تسلل فقهي امام مرمي المشهد الداوي

سبحان الله البشير اصبح يجيد التقبيل كما يجيد النفاق قرات اليوم فى صحيفة الراكوبة ان سعادة الرئيس يتقدم برعاية الاستثمار الجزائرى ومشيرا للروابط التى تجمع الشعبين ..
1/ زكر الرئيس ان هناك ارتباط وجدانى ماهو باين من الصورة والقبلة الحارة على خد المسكينة التى مازالت تستفرق من ماجاها من روائح وزكر ان السودان ينظر بعين الرضا والاجلال للتضحيات التى قدمتها الثورة الجزائرية لا نختلف على مازكرة لكن انت والزبانية التى معك ماذا قدمتم للسودان بماذا ضحيتو من اجل السودان والمواطن مشكورين على ماقدمتموه من تضحيات فى تفرقة السودان وفى قتل ابنائه فى تجويعه يعلم الله ضحيتو اروع التضحيات ماخليتو حاجة فى التضحية من اختلاس اموال الشعب وعملتوها قصور وسيارات ومزارع انتم لا مثيل لكم وسيكتب اسمكم فى صفحات التاريخ بانكم ضحيتو من اجل السودان بالوعود الكاذبة بمسككم للسلطة بتزويركم لكل الحقائق حتى الانتخابات والله ماخليتو صفحة واحدة يزكروكم فيها بخير نفاق وسرقة وكذب لا محدود ..
2/ تحدث الريس عن دفع العلاقات الجزائرية اقتصاديا بين الشعبين اى شعبين بين الجزائر والحزب الحاكم وهم المستفيدين من تلك الاستثمارات ولا يدخل خزينة السودان منها قرش واحد كلها استثمارات بين افراد العصابة الحاكمة حتى تكوش على كل شىء كما حصل فى كل الاستثمارات السابقة ..
3/ تحدث الريس عن الامكانيات الضخمة التى يزخر بها الحزب الحاكم طبعا لان السودان ولا الشعب لم يستفيدو من تلك الاستثمارات . وزكر ان السودان له اراضى زراعية حجمها 200 مليون فدان صالحة للزراعة ولم يتم اسغلالها من كان السبب فى ذلك ارجع للوراء قبل احتلالكم للسلطة من دمر مشروع الجزيرة واستفاد من وراءهو الم تكون وافراد العصابة النكرة من شرد المزارعين ورحلهم من اراضيهم الم تكون انت ياسيادة الرئيس من تسبب فى غلاء المعيشة لهذه الدرجة الم تكون انت وعصابتك سبب دمار هذا الوطن ..
3/ تحدث الرئيس ومفتكر الناس فى مستوى عقله تحدث عن المعادن والثروة الحيوانية وركزو جيدا فى الثروة الحيوانية اولا ياريس نحن للاسف شعب يعانى الفقر حتى النخاع ولا اعلم ان كان البشير يتكلم عن تلك المعادن التى زكرها ولماذا لم يحدد من المستفيد من تلك المعادن المواطن لا طبعا المسفيد سعادتك وافراد العصابة الارازل من المؤتمر الا وطنى المستفيد اشخاص وليس دولة ياريس تحدث عن الثروة الحيوانية ونسى ان عيد الاضحى لم يتعدى عليه شهر للاسف حزب يصدر اللحوم للخارج طبعا ليس الدولة الحزب الحاكم هو المستفيد من تصدير اللحوم واكثر دولة تعانى الغلاء فى اسعار اللحوم يابشير انت للاسف تفضح نفسك براك يعنى شوف الاعيبكم براكم تكشفوها اما انك تقول مالا تدرى عنه وهذه مصيبة ياريس اذا كنت تمتلك لهذه الثروات وهى فعلا موجودة ولكنها تدار تحت سيطرة افراد العصابة استهدفتم كل ثروات السودان ظلما وجبروتا وقوة ..
4/ زكر سعادة الرئيس عن الاطماع الاجنبية لثروات السودان وانها مستهدفة .. ياريس اين انت من ماتقول ياريس انتم افراد عصابة متمكنة ودخلتم للسلطة وكل هدفكم رفع مستوى المعيشة للارازل من حزبكم الساقط وليس الشعب والجواب يكفى من عنوانو لكل مواطن سودانى شريف وليس حرامى من عصابتكم . ياريس دخولكم للسلطة حتى تكوشو على كل لقمة عيش فى فم ارملة او يتيم ياريس لاحظ لكل افراد حزبكم ماذا كانو وكيف اصبحوا الان هل يعقل سؤال هل ابراهيم شمس الدين رحمه الله عملا لى الله ولو انه مايستاهل لكن نقولها عندما قتل او تمت تصفيته كان يمتلك كل تلك الثروة التى ورثتها حرم الرئيس واصبحت من اثرى الاسر فى العالم وليس السودان نريد اجابة هل كانت نهايه الخدمة العسكرية لابراهيم شمس الدين ثلث ممتلكات السودان حتى تصبح ارملته بهذا الثراء نريد ان نعرف هل تستطيع ان تجيب على الشعب عن كل الثروات التى تمتلكونها حق مشروع لكم .. حاسبو انفسكم قبل ان تحاسبو .. ياسيادة الرئيس يكفى كذب والله ان ابليس احتار فيكم واصبح يتعوز مما تقولون .. حسبى الله ونعم الوكيل
ارحلو عن السلطة ودعونا من الاناشيد الكاذبة ..

عادي !!!!!

بعيداً عن الصورة المعبرة التي كتب المعلقين فيها ما فيه الكفاية

قال (وكشف رئيس الجمهورية عن توقيع اتفاق لافتتاح خط بحري مباشر بين بور تسودان والجزائر لتسهيل حركة التجارة وانتقال رجال الأعمال بين البلدين بجانب الاتفاق علي تنشيط حركة الرحلات الجوية بين الخرطوم والجزائر)

التعليق:
1- أصلا لا توجد باخرات سودانية وسودانلاين لحقة الرقدو
2- اصلا لا توجد طائرات سودانية وسودانير لحقت امات طه 0
3- اما رجال الاعمال – فلا يوجد رجال اعمال سواء الكيزان والشركات الامنية عشان
كدا نقول لبرجوازي الحركة الاسلامية ابشروا فقد انفتحت عليكم دولة جديدة
بإتجاه الغرب بدلا من اندونيسيا وماليزيا

بوس وتعال تلقانا نحنا يانا نحنا

ووين عمكم حسبو نسوان ؟؟؟

اناشدكم بالله وباسم هذا البلد المنكوب وﻻجل أﻻ ننشر غسلينا القذر بين التاس ولكى نحافظ على ما بقى لنا من كرامة … أناشدكم ان تسحبوا هذه الصورة المخجله والغير مهذبه وهذا المنظر الداعر – انظروا كيف ﻻوى ( شلاليفو ) تجاه خد تلك البنت.. !! فوالله ﻻيشرفنا ان ينتسب هذا الشخص ﻷمة تتباهى وتتفاخر بكريم الخلق وصون عروض اﻵخرين ..!!

السيد.الرييس انت ما عندك بواخر ولو عندك ليس لديك امكانيات لعبور قناة السويس.
اما بخصوص الطيران فحدث بلا حرج.

امك الليلة بشة جاب دقلا يلولى..ما شاف المشروع الايرانى لحدى الان لا بلبسو كرفتات و لا بصافحو النساء رغم مأخذنا على الموالى الشيعة لكن ملتزمين رسميا بمشروعهم..نحن خلاص بعد القبل دى مشروع و طفش

هذا ليس بوسا هداكم الله وانما يعرف في الفقه الانقاذي التحللي بالشروع في المنقرة ( من المنقار ) والتحلل منه سهل جدا.
بكرة ينطط في المنابر ويقول ليك نحن محاربننا عشان بنطبق الشريعة .شريعة المناقير .اين أنت يا دفع الله حسب الظروف : افتنا في حكم هذه المنقرة ، ويابنات التشريفات حافظوا على لقالبقكم ، اقصد مناقيركم من شلاليفو.

القول ما قال الداندورمى .
وما عندنا علاقات وجدانيه مع الجزائريات ولا حاجه . وشكرا

اناشد موقع الراكوبة رفع هذا الموضوع الي المواضيع الرئيسية وابقاءه اطول فترة ممكنة قال دولة المشروع الحضاري دي شكلها دولة البوس الحضاري والذي منه

عاد الليله سجمك يا وداد ياكي الراجعه ود البخيت

يا سادة هونوا على انفسكم هذه الشابة مثل هذا التصرف عندهم عادى جدا جدا وطبعا فاجأت امير المؤمنين وما كان قدامو اى خيار تانى حتى ﻻ يحرجها ويبوظ البرتكول ويحرج بوتفليقة عن كان ﻻزم يكمل شنو يعنى بوسة بتفتح كل ابواب التعاون الاقتصادى والسياسى واﻻستثمارات !!!؟

خلي بالك تاني لاوداد ولافاطمة الجزائر بس
اتعلم كيف يبوس والله ياناس المؤتمر الوطني حيرتونا بالجد ماكفاية أراضي السودان كمان بقيتوا في الخارج كمان

انتو طفشتو المستثمرين السودانيين نفسهم .. الاراضى كلها باعوها .. اين سيستثمر الجزائريين ؟

المهم هل هيئة العماء اجازو البوس ؟؟؟
ام لا ؟؟

ولا لناس حلال وحرام لبعض

بشه المنبوذ ده ، جاب المصافحة دي من وين ؟؟
هذا نظام المصافحة في دول الخليج ، ولكن الرجل مع الرجل والانثى مع الأنثى.
وفي السودان المصافحة باليد مع النساء ولو كنت من أنصار السنة ، مافيش مصالحة خالص.
يمكن تكون ضره لوداد ، لأنها فتحت للبشير من يوم عمل عملية الركب.
المهم مبروك بشة بيت مال خالي عيال !!

شكراً يا عادل إمام ..عبِّرت عنا..
https://www.youtube.com/watch?v=qCF-CiFl0Uo

كان سلامهم زي ده , اكيد لازم يكون في ارتباط وجداني .
الزول ده شكلو من تصريحاتو دي عندو نية شحدة

هاك القدووووم ده ..

من وجه نظري البوسه ديه كتيره حق يكتفي بالسلام يا رئيس

قالوا دولة اسلامية ..

ما شفتو الجزائري نظر للبشير كيف؟ لمن مد شلاليفو للجزائريه دي ما فضل الا يديهو كف.

والله لقيتا يا يا ود حوش بانقا

بشه أشتر في كل شيئ طريقة التحية هذه عادة تتم بين شخصين من جنس واحد وليس بين شخصين
مختلفين في الجندر أو الجنس يا ناس المراسم الراجل محتاج لكورس ثقيل في البرتكول

يااخوانا سيادة المشير عمر حسن البشكير قرر يقلد فيلم بوبوس بتاع عادل امام بالله عليك الله شوف الصعلوك ده الراجل ده صعلوك بصحيح بالله عاوز يبوس البت عمك ماصدق احممممممم

عالم حاسدة بس البنية مبسوطة وبالأمارة مميلة جسمها علبه لكن بالجد بشة ختيييييير عديل كده اصلو ماكضب قطع فيها قدوم زي الترتيب

عاجل:الجزائر تحتج رسميا علي طريقة الاستقبال غير اللائقه للرئيس السوداني وتقول ان شلاليف البشير كبار😄

لا يجوز للمرأة أن تصافح غير محارمها من الرجال لا باليد ولا بالخد ولا غير ذلك، سواء كانوا في سنها أو أكبر منها إلا أن يكونوا صغاراً فلا بأس بتقبيلهم على سبيل الرحمة والشفقة.

وأما من كان في سن المراهقة ومن بلغ رشده فلا يجوز لها مصافحتهم ولا تقبيلهم، بل التقبيل والمصافحة بالخد أشد حرمة من المصافحة باليد، لما يترتب عليه من تحريك الشهوة وربما الانتصاب وذهاب الحياء والغيرة.

فالواجب على من وقع في ذلك التوبة إلى الله تعالى،

هذا ماجاء في فتوى لأحد شيوخ السلفيه الوهابيه .!!!!!!!
ننتظر رأى علماء السودان وأأمة وخطباء المساجد خصوصا رزق بتاع مسجد الخرطوم
الكبير وزملاؤه البطلعوا معاهو علي المنبر بالتناوب …ديل بالذات رأيهم يهمني

ثم مارأى الارهابي الأهبل الزبير الحسن بتاع وهمة الهجره الي الله في سوء سلوك بشه؟
وكمان دايره أعرف رأى عبد الجليل الكرور الذى اثار جدلا واسعاً العام الماضي عندما قال ان المشير عمر البشير “وليُ من اولياء الله الصالحين وصاحب كرامات
ومافي مانع برضو لو اديتونا رأى الأرهابي الدباب السفير الفاشل السابق حاج ماجد سوار بتاع المغتربين .

ولايفوتني أن أطلب رأى ابراهيم احمد عمر رئيس البرلمان ونائبته بدرية الترزيه
وكذلك رأى أعضاء برلمان التصفيق في سفاله وعوارة وسوء أدب وقلة ذوق بشه ..

والله عملتك دى يابشه ممكن نفوتا لو عملها السحسوح الأمرد غندور لكن اتا بشلاليفك
وريحة خشمك العفنه وصلعتك وركبينك البقن يطقطقن مما قبلت عليك الشافعه قايلا
قاصداك …ماصدق العوير …. والله دى فضيحه الله يكسفك كسفتنا وفضحتنا كعادتك.

وداد جاية ليه خبر يازول خليها على الله