أخبار السودان
مجهول مسلح يقتحم مباني التلفزيون الحكومي
الخرطوم : عمر الكباشي :
إقتحم شخص مجهول إدعى أنه عيسى ابن مريم (المسيح) مباني التلفزيون القومي، ووصل حتى الأستديو الخاص بالأخبار، والذي كان وقتها يبث نشرة العاشرة صباحا، وأبلغ المذيع بالتلفزيون مصطفى أحمد الشيخ بأن تدخل أحد زملائه هي التي أنقذته أثناء تقديمه للنشرة، مشيراً الى تصديه للشخص الذي حاول اقتحام الأستديو وهو يحمل (سكيناً) بحجة أن لديه بيان يريد تقديمه على الهواء، حيث تم استدعاء الأمن.. الذي احتجز الشخص وإخضعه للتحري والتحقيق.
اخر لحظة
لا حول ولا قوة بلد هملة بس فالحين في الطلاب وستات الشاي – اين الحرس كل شئ فوضى حتى التلفزيون فوضى
يا جماعة خلوه يكون عيسي او الشيطان زاتو. بس كيف يزال الهوس الديني دا
مفروض جهة ما تستفيد من المعلومة وتتعامل معاها بذكاء وإن اللبيب بالاشارة يفهم
كان تخلوه عسى كان يكون كلامة احسن من كلامكم الركيك دا لى سنين ماسمعت لى ازاعة سودانية منذ تقفيل ال بى بى سى
عجائب اخر الزمن
كل البلد سايبه ساكت وين ناس الامن !!!! قال حيث تم استدعاء الامن , اظنهم كانوا بفطروا وقاعدين مع ست الشاي , عيسي ابن مريم ده داخل كم باب حتي دخل ستوديو الاخبار ,
وناس الامن كانو وين لغاية ما وصل الاستديو
ده تلفزيون ولا زريبه. زول يخش لحدي غرفة الاخبار زول يسالو مافي ???
* و الغريب شنو فى الموضوع ده!..نحن ذاتنا عايزين عيسى بن مريم جائز اكون ارحم!..
* ما قبل ايام واحد زى “عيسى ده”, قال الترابى “نبى”!
* انا غايتو بصدق الحكايه دى!..لأنه لاحظت كل “الأديان” و كل “الأنبياء و الرسل”, نزلت و ارسلوا ل”الجزيره العربيه” و منطقة “الشام”, دون غيرهما من مناطق العالم!!!
* يعنى الظاهر المنطفتين ديل “الحلقه الأضعف”..
* لأنه, و لا “دين” واحد!, و لا “نبى” واحد! تنزلوا فى اوربا و الامريكتين و استراليا و الشرق الاقصى!
* و بى ده كله, لا يلد هؤلاء إلآ كل مجرم و فاسد و ظالم و فاسق!..
* الحكايه دى مش غريبه!!
داعش فى ثوب مجنون اختلط الحابل بالنابل عندنا امام جامع يغرى الليل والنهار وكلاما كلو ما
فيهو ثمره وأعاجم للمرضى والطلبة والمراهقين
م دام الترابي نبي زمانة وفلتته وشخص اسثنائي م كتيره علية النبي عيسي
هذا الشخص مبدع ، ولكنه لم يتوفق في اختيار الاسم إذا كان هذا الخبر حقيقيا. اشك في هذا الخبر، وإذا كان صحيحا فقد درس الاسلاميات بعمق مما ادت الي هذه الشطحه. وهذا افضل بكثير من ان يذهب لداعش.
مالو ؟ مستغربين مالكم ؟ مش ممكن كلامو يكون حقيقي ويكون
صحي عيسي ابن مريم بت عمران ؟!!!!!!!
الكارورى قال قبل فترة انو بشه من أولياء الله الصالحين الذين
لاخوف عليهم ولاهم يحزنون وأقسم ان له كرامات عديده.!!!!!!!!
وقبال كام يوم جاء مهووس آخر وقال انو شيطان السودان الاكبر الترابي
نبي عدييييييل من انبياء الله.!!!!!!! يبقي ماالعجب والاستغراب في أن يكون
هذا الشخص هو عيسي بن مريم اراد ان يذيع بيان في التلفزيون يبلغ الناس
المنتظرنوا انه خلاس وصل وبيدعوهم لاجتماع عام عشان يشوفوا هايعملوا شنو
عد ظهور المسيخ الدجال الذى خلاص قرب يوصل .
الغريبه انو قصص الخرافات والخزعبلات البنعرفا والسمعناها بتقول انو في
آخر الزمان سيظهر المسيخ الدجال قبال عيسي ثم يظهر عيسي بن مريم ويطلع من
مخبأه ليجد الارض وقد امتلأت ظلما وجورا فيحررها ثم يقتل المسيخ الدجال.!!!
والاسئله التي تثور الان لماذا ظهر عيسي ابن مريم اولا ولماذا ظهر عندنا؟ هل
غير خططه وقرر ان ياتي اولا وفي السودان .؟
حسبي الله ونعم الوكيل،، كيف دخل من البوابه؟ وهل دخول مبني التلفزيون بهذه السهولة؟ اين الامن؟ عجايب….!!!!
ما كنت تمشي لعمر البشير في غرفة نومه مع وداد وتخلصنا منهم
دا أكيد سجاد الذي أقحم الناس في الآونه الأخيره بخرافة ودجل شيخهم الترابي والذي جعله في مقام الأنبياء والعياذ بالله من أقوال وأفعال القوم الظالمون والحالمون ومحبي المال والسلطه والنفاق والكذب والسطو بإسم الدين .
أشياء لا تحدث إلأ في السودان:
(1) واحد شايل سيف يحاول إقتحام القصر الجمهوري.
(2) واحد شايل سكين يحاول إقتحام تلفزيون الحكومة.
(3) واحد شايل عكاز يحاول إقتحام قيادة أركان القوات المسلحة.
الحاصل شنو يا ناس؟
هو نحن السودانيين بقينا متخلفين للدرجة دي خلاص يعني؟!
واحد صاحبي قال لي عمك المجنون الحاول يقتحم القصر الجمهوري داك مفروض يدخل التاريخ ويبقي بطل قومي ذي ناس ودحبوبة والمك نمر. قلت ليهو لشنو؟ قال لي لأنو قوات خليل أبراهيم ما قدرت تصل القصر الجمهوري مع أنها وصلت لحدي أمدرمان. عمك ده مادام وصل لغاية باب القصر بسيفو معناها بطل خارق عديل كده !!!
قالوا أول قرار أصدره البشير بعد حادثة المجنون هو قرار بالإسراع في بناء القصر الجمهوري الجديد.. ولما سألوه مالك سيادتك مستعجل كده؟ قال ليهم: ياخي القصر ده بقت حيطو مايلة والمجانين وبياعين الترمس بيجو داخلين توووووش !!!!
هسع أتوقع بعد ريسنا الهمام بشة يسمع حكاية المسيح الدجال ده يطلع قرار فوري ينص علي إطالة حيط مباني التلفزيون وتوقيف (دبابة أخري) في البوابة الرئيسية بشرط أن يكون مدفع الدبابة محشو بالشطة بدلاً من الطلقات والرصاص.. يعني الدايرين يدخلو التلفزيون يزيعو بيان بتاع إنقلاب يرشوهم رصاص أما المجانين والحرامية يرشوهم شطة (لكن في العيون بس، مافي حتة تانية)!!!!
وبمناسبة الشطة.. قالوا الحرامية بقو ينطو في البيوت ومعاهم ليمون في جيوبهم.. عارفين لشنو؟؟ عشان في حالة القبض عليهم يكون الحرامي عليهو الليمون وسيد البيت عليهو الشطة.. وبعد الحرامي يأكل ضرب ويشبع شلاليت تكون التحلية شطة بالليمون !!!!
هههههههااااااي بلد عجيبة خلاص.
الخبر ناقص !!
لنلتمس له العزر ، فربما لم يستطع مقاومة ضغوط الحياه وسط الوحوش ، وربما غدر به فى الحب فاصبح به خلل بعقله ، فكثر هم الذين خرجوا عن نطاق التغطيه فى زمن الغش والخداع والنصب والفساد ، الكل اصبح تائه وخارج التغطيه ، كل شيئ حولنا يؤدى الى الجنون ، لم تعد الحياه كما كانت ، ولا الحب كما كان ، ولا الاخ كما كان ،ولا الاقارب كما كانوا ، الكل تغير ، نسال الله السلامه ، 26 عام من القمع والكبت كافيه لتدمير مجتمع باكمله دعك من شخص بسيط الله اعلم بالاسباب التى ادت الى ما ال اليه حاله ..
شفاه الله وعافانا وعافاكم ..
كتير ياناس كتير .. من غدر الحبيب جنوا
ان شاءالله اجن .. وازيد فى الجن ، بس انتو ياالحلوين حنوا .
قمة الفوضى كان سابوهوا دخل كان اذاع الانقلاب بالسلاح الابيض وريحنا
نعم يا أخوية ؟ عيسى ابن مريم وكمان في السودان ؟
شيل شالتك ، دا إنت وقعت وقعة سوداء ، ناس الأمن حا يخلوك مريـــم عيســـى.
والله ياريت لو كان تمكن وادلى ببيانه كان اخوانا فى المعارضة وجماعة الاحزاب المحبطة صدقوه وطلعوا مظاهرات تايد له ههههههههه معليش يامحبطين خيرها فى غيرها
هههههههههههههههههه والله يا اخونا جلال الدين ضحكتنا دمك خفيف
اولا كان يديوه فرصه عشان يلغى الخطاب فى غرفه منفرده وليست عبر الهواء ثم الاستماع للخطاب وتحليله ومعرفة ماهية هذا الرجل وهل هو مريض نفسى ام ممثل بارع ام متعاطى حبوب الهلوسه استمعوا للراجل يا جماعه مش طوالى تكتفوا وتتصلوا بالبوليس وتقيموا عليه القيامه انتو خايفين مالكم؟
دا كلام عجيب
مادام عرف محل التلفزيون وكاتب البيان بتاعه يكون ما مجنون ، دا مسطول ،، وين الحرس ؟؟؟؟؟
تاني في مسيح دجال غير البشكير
معني كدا الانقلاب ساهل بس معارضتنا تعبانة.
أظن أن أفلاطون كان علي حق في كل أفكاره خصوصا في فكرة تبنيه للمدينة الفاضلة التي يحكمها الفلاسفـــــــــة .. أنتم فلاسفة أحكمو نفسكم بنفسكم و لا داعي لوجود حكومة أو أحزاب أو حتي معارضة .. أضف لا داعي للقنفذ و بيعه أو أكله أو الحديث عنه في الخطب الدينية أو السياسية .. لا داعي للسياسة و لا داعي لوجود مجانين أو متخلفين أو حاملي أسلحة بيضاء …… أنتم فلاسفــــــــــة .
تخيلوا معي لو ظهر سيدنا عيسى حقيقة ( كما ظهر النمر لمحمود الكذاب ) في السودان
وطالب بما لقيصر لقيصر وما لله لله
وبالعدالة وبالحرية وعدم أكل أموال الناس بالباطل وعدم المحسوبية
وبالكرامة والمساوة وحقوق الانسان ومحاسبة الفاسدين والقتلة وعباد المال والسلطة
ووقف سلطة الكهنوت و ‘ألماء’ ألدين والمتنطعين والأرزقية وماسحي الجوخ
وحارقي البخور وأدعياء الولاية .. ومكفري خلق الله ..
أين سيكون مكانه ؟؟؟
اتقوا الله في الحديث عن سيدنا المسيح عيسى بن مريم رسول الله وكلمته عليه وعلى نبينا افضل الصلاة والسلام وهو نبي من اولي العزم الخمس وينزل من السماء حيث رفع الى الارض في اخر الزمان كما اخبر النبي عليه السلام ويقتل الدجال ويكسر الصليب ويناصر المهدي واتباعه ويصلي خلفه فريضة الفجر قبل ان ياخذ البيعه من ومن المسلمين الخ