وزير المعادن لكاروري: العقوبات الأميركية عرقلت وصول قرض بـ5 مليارات دولار
كشف وزير المعادن أحمد صادق الكاروري، عن تعثر تحويل قرض للبلاد بقيمة خمسة مليارات دولار، من خلال إحدى الشركات الروسية العاملة في مجال التعدين “سيبيريان”، مقابل استكمال أعمالها في الاحتياطي المكتشف من الذهب بالمربعات الممنوحة لها.
وعزا الوزير في لقاء من تلفزيون “RT” يوم الخميس، تعثر إجراءات القرض الروسي للبلاد للمقاطعة الاقتصادية التي تفرضها الولايات المتحدة الأميركية على السودان، والتزام البنوك الغربية بها.
وأشار الكاروري إلى وجود محاولات تقوم بها الشركة الروسية حالياً للبحث عن بدائل لتكملة إجراءات تحويل القرض للحكومة السودانية، متوقعاً بداية الإنتاج الفعلي للشركة الروسية يناير القادم 2016.
وقال “شركة سيبيريان ملتزمة بالقرض بضمان الاحتياطي المؤكد للذهب، لافتاً بأن الشركة الروسية موجودة حالياً بولاية نهر النيل السودانية وتستعد للإنتاج.
وأوضح أن إنتاج الذهب في بلاده يزداد سنة بعد أخرى، متوقعاً أن يصل الإنتاج خلال السنوات المقبلة إلى نحو 100 طن سنوياً”.
وأشار الكاروري إلى أن التعاون الروسي- السوداني يتطور بصورة جيدة جداً في جميع المجالات، خاصة في مجال التعدين، لافتاً إلى منح مجموعة من الشركات الروسية عدداً من قطع الأراضي للتنقيب عن الذهب.
شبكة الشروق
خلاص الشركة الروسية بدأت في تقديم الاعتذارات حول فشلها المتوقع في انتاج الذهب والستة اشهر مضى منها ثلاثة اشهر وهي المدة التي حددتها الشركة لانتاج الكمية الخيالية من الذهب بعدين الشركة عايزه تحول دولارات ليه ما يحولوا بالروبل
You are not going to fool us sir! None of the Russian companies or Mafia has any relation with any European Banks or Financial Entities. Everything is fake and false and from the start even a pupil in Grade One will notice that this Tyrant Regime has no reliable financial institute World wise which trust and make any deal with them, except the Russian Mafia. The stability of the economy will not be created by deceiving the poor people of the Sudan by this nonsense fake news about the Gold Discoveries and the contract with the Russian Mafia!
قلنا ليكم قولوا الرووووب .ويا امريكا اتسلحنالك ودنا عذابك ده كان تهريج وتصرفات طائشة بتاعت مراهقين ساى ونحن طلعنا عيال عشان كده عليك الله سامحينا
المقاطعة دى رحمة بالشعب حتى لاتزيد المدونية فوق ال50مليار دولار
يبدو كلام الخبير السودانى الروسى صح دى شركة زبرطية وماعندها حاجة ودى شماعة من الوزير لبرهنت لرئيسة الذى احتفل بالقصر الفشل فى المقاطعة
ام الدهب 100طن دى الوزارة ليس لديها دور فيها دى جاية فاخرية ساى من الغلابة فليس انجاز لاحد اللهم الاللشعب
اول مرة اعرف انو الذهب بزيد ككمية سنة بعد سنة مع انو عارف انو السعودية اغلغت عدة مناجم لنضوب معدن الذهب فيها مثل منجم مهد الذهب
قرض بخمسة مليار دولار؟؟؟ يطرشنا!
و إلى متى ستواصلون فى أخذ القروض المليارية و توريط عدة أجيال قادمة فى ديون و مآسى ؟؟
ماذا جنت الاجيال القادمة حتى تكبلوها بالديون المليارية الضخمة ؟؟
إتقو الله يا عديمى الأخلاق و الكرامة فى هذا الشعب الكريم و فى بلده
.. و حسبنا الله و نعم الوكيل .
الكارورى ده الظاهر عليهو زول نصاب ساكت .!!!!!
ما قلتو قبال أخر السنه
الدهب بمرق في السهله والمعدات بتصل شهر تسعه إنتو قايليننا أنحنا بننسي..القرض نسوي بيهو شنو..ما محتاجين ليهو..عاد كضبكم بقي شين شديد..
و الكذب دا نهايته متين يالكاروري؟
كده امريكا عملت كويس بمنعها هذا القرض ، لأنو يا كاروري إنتوا جميعا كلاب وخونة ونصابين . وليه تاخد قرض وإنت عندك الذهب, خذ بقدر إنتاجك نقدا وبدون دين. وحتى ولو أمريكا سمحت ، الشعب السوداني لن ينال منه وكلو حتنهبوا لعنة الله تصيبكم حالا”
البركة الإتعثر. مليتونا قروض الله يقرض …….
يا إخوانا الناس ديل يادوب اكتشفوا زيف الشركه الروسيه وعايزين يضعوا موضوع التمويل ده شماعه كتغطيه للانسحاب التكتيكي لكن هذه المبررات لن تنطلي علينا
تانى يا كارورى روحوا العبوا مع المافيا الروسية وحتشوفوا لو ما كروكم وغطسوا حجركم وحجر البلد معاكم …قال خمسة مليار دولار ههههه والله خمسة فرطاقات ما تقبضوها منهم والدهيبات حيلطشوها عينك يا تاجر….
لا دي عايزة شرح ياكرورو ..جماعتك احسن ناس بتغسل ..الليلة جيت تتكدب وتقول ما قادرين ندخلها،،،رسل حميدتي ومعه كم جنجويد يدخلو ابوها !!! دجال جديد لنج….وح
الكضاب وصلناهو لخشم الباب . والببارى الجداد بوديهو الكوشة . قلت لينا يالكاروري الحظر الامريكي مش ؟ صدقنا . وطيب وقت عندك محاولات تانية متجرس ماااالك .
أرجئ الراجيك .واوعك تكون نسيت الكلام القلتوا وقت دكتور صابوني قال الناس ديل محتالين .مش قلت لو الموضوع دا لو فشل نعلق ليك مشنقة ونحاكمك بالخيانة العظمي.
الحرامية كمان عاوزين يلعبو علي المافيا الروسبة
صابون مش قال مافي شركة ب الاسم ده
قديتو راسنا بالكذب
كان مصيرا اللهط مش ؟
ما قلتو يا امريكا لمي جدادك هههههههه يا حراميه امريكا ميه الميه باب السرقه وانسده يا اكلي الربا واموال الناس بالباطل حسبنا الله ونعم الوكيل عليكم
شهر يناير قريب…
جهزو الكضبا التانية…
استاذ فى الكذب يا كارورى وعت الناس بكميات من الذهب اصلا هى ما موجودة ..واسع عاوز تتملص من وعودك
خلوا بالكم ياناس
دي الشركة اللي حتجيب نفايات نووية وحيدفنوها في ولاية نهر النيل
أجهزوا للسرطانات والامراض العجيبة
لابد ان يتحرك الناس قبل فوات الاوان
بدا يتكشف الوهم …تعتقد يا الكاروري انها ستكون مثل شحذة تمويل تشييد سد مروي؟ هؤلاء روس يخدعوكم و لا ينخدعوا أبدا باكاذيبكم!!
قال آيه .. قال مقاطعة قال .. طيب الحل بسيط ادخلوها عبر حقيبة دبلوماسية.
الله ستر علينا!!! كان لهطوها وخليتوها دين علينا!!!!
ماتو قروش البترول والدهب الزمان طيرتوهو في الشينه!!
والاراضي الوالي باعه من حدها للقطينه!!!!
بعد ماكملتو الصين قبلتو لروس يالاضينه!!!
تجيبه عشان وداد تحنن بيها راسه وتخت الباقي في كرعينه!!!
وله يلم فيها اللمبي يبلعه وينكر انو سمع بينه!!!!!!
حالفين ماتفوتو الا تبيع البلد كلها بعد قطعتوها واكل اطرافه المصارو والحبش غدرو بينه!!!!!!!!!!!
ما مهم يجينه دولار مابيفيد غير نفوسكم الشينه!!!
وامريكا الكريهه اريته ملتحصركم بس تلمكم في قفه واحده وتختكم مطلوبين في ورق كشتينه!!!!
وتعمل ليكم كافوري في قونتانمو وتريح منكم العالم ياب فعيلن بالحيل مازينه!!!!!!!