وزارة العدل تكشف عن (٢٦٣) شكوى بالثراء الحرام والمشبوه
البرلمان: سارة تاج السر
كشف وزير العدل عوض الحسن النور، عن تدوين٢٦٣ شكوى بالثراء الحرام والمشبوه، وأعلن عن فتح ٣٣ دعوى جنائية بالاعتداء على ٤.٥٨٤.٩٩٤ ملايين جنيه، و١٧٨ بلاغاً جنائياً بصكوك مرتدة.
وأكد الحسن أمام البرلمان أمس، إعداد مقترح لتعديل قانون مكافحة الثراء الحرام والمشبوه لسنة ١٩٨٩م بغرض سد الثغرات الموجودة فيه، وأشار الى أن إدارة الثراء الحرام والمشبوه تحرت في ٢٦٣ شكوى منها ١١١ في العام ٢٠١٣م.
وأعلن الوزير عن فتح ٣٣ دعوى جنائية بالاعتداء على ٤.٥٨٤.٩٩٤ ملايين جنيه، التي وردت في تقرير المراجع العام للفترة من سبتمبر ٢٠١٣- أغسطس ٢٠١٤م، منها ١٦ حالة تم فتح دعاويها الجنائية واكتملت فيها التحريات وأحيلت للمحاكم بمبلغ ٣.٨٤٠.٤٩٩ ملايين جنيه، بينما تم الفصل وصدرت الأحكام في ١١ حالة بمبلغ إجمالي قدره ٢.٥١٣.٧٠٨ مليون جنيه، وتبقت ٥ حالات أمام المحاكم.
وأكد الوزير شطب ٧ حالات بواسطة النيابة بعد سداد المبلغ محل الاعتداء كاملاً والبالغ ٢٤٩.٢٠١ جنيه، وأحيلت دعوتين لنيابة الثراء الحرام والمشبوه، فيما لا تزال ٤ حالات أمام التحري لعدم اكتمال البيانات الكافية منها حالتان المتهم فيهما هارب و٤ بلاغات أخرى أمام رئيس الوحدة ولم تقدم للنيابة بمبلغ ١٥.٥٧٦ ألف جنيه.
ولفت وزير العدل الى استرداد 31,883,332 مليون جنيه لصالح أجهزة الدولة بعد شطب ١٧٨ دعوى جنائية بشيكات مرتجعة.
الجريدة
على مولانا وزير العدل مع تقديرنا له التريث قليلا فهذا قيض من فيض وسيصله الكثير والكثير تباعا فان حجم الفساد اكبر بكثير جدا مما وصله حتى الان فان الفساد في السودان منظومه ومنهج غير مسبوق عالميا ومنذ التاريخ والخليقه
حجم الفساد خلال ال25 عام من حكم الاخوان المسلمين هؤلاء يفوق 150 مليار دولار وهنالك تصميم من الشعب السوداني على استعادة هذه الاموال بمصادرة الاموال والعقارات ومن ثم تقديم الفاسدين لعدالة المحاكم لديكم لاعمال العداله وستكون محاكمات طابعها انها عادله وناجزه وماعلى فضيلتكم الا تشكيل محاكم مختصه للفساد واقترح تسميتها ( محاكم فساد الاخوان المسلمين خلال الربع قرن الماضي) ولو شئتم اختصار الاسم .. والله ولي التوفيق
هم ناس الحوار ديل قاعدين يسوو شنو ولا كلام السياسة الما بودي ولا بجيب اخير ليكم تشوفو الناس السرقوا كمان شوفو لينا الغاز دة وين الحرامية ديل اعملو ليكم لجان بتاعت بتاعت تقصي حقائق الحرامي افتحوا فيهو بلاغ طوالي بعدين اقعدوا مع وزير الخارجية وناس الحكومة شوفوا الناس البتموت فطيس في مصر والبنهبوهم ديل ما سودانيين احسن ليكم من الكلام الكتير بتاعكم دة تكونوا خدمتوا الشعب ورجعتوا القروش المنهوبة دي ودي قمة الوطنية
يعني لو كان يا ما كان في زول، مسعول أو غير مسعول، لقى الفرصة وعلى قدر حالو لهف ليهو خمسين ستين مليون جنيه قبل سنة أو سنتين، وقام أسع في يومنا الما يغبانا ده رجع الخمسين ستين مليون جنيه ديل بس من غير (زيادة) و لا نقصان، تقوم الحكومة والبرلمان ووزارة العدل والنيابة والبوليس والقاضي وناس هيئة علماء السودان وناس الهلال والمريخ وكل ولاد عون الله من أبناء الشعب السوداني الفضل كلهم وبنفس طيبه يقوموا (عن طيب خاطر، وكده) بشطب الموضوع ده ويا دار ما دخلك شر.. وما في حق عام و لا خاص ولا يحزنون. طيب الناس المرخمة دي قاعدة تعمل شنو ما تلغف أي حاجة سااااااااي كده وترجعها بعد ما تكون الحاجة دي قد أزهرت وقامت شجرة وارفة أورقت وأثمرت ورمت بظلالها حلالاً بلالاً على العمارات والفلل والمزارع والشركات وصاحبها الزول اللهف ليهو خمسين ستين مليون جنيه قبل سنة أو سنتين ما في من يسأله كيف حياته تحولت من (الله كريم) إلى (الترطيبه البااااااااردة دي)؟؟؟؟؟؟ .
الكيزان ديل كلهم فاسدين حتمسك منو ولا منو ديل ناس ما عندهم اهل ربوهم.
البشير في هذا الكشف
غير ذلك يكون علي الحرامية الصغار
زوجات البشير في هذا الكشف
اخوان البشير في هذا الكشف
اهل البشير في هذا الكشف
ياخوي الشيطان ما حيكون في هذا الكشف
لو عملتوا هذا الكشف بشفافية
يعنى شنو ونحن نعرف كيف المعلومات دى صحيحة هى مجرد ارقام وانا بضيف ليك فى العام 2012 تم فتح 108 بلاغ ف. وزارة ما فى داعى لذكر الاسماء لانو ده حيكون تشهير ونحن شغالين بفقه السترة!! وسنة200 تم التحرى مع 12 من موظفى موسسسة…. فى اختلاس مبلغ 7مليار وتم استرداد ربع المبلغ والباقى عفينا ليهم اذيدك؟ اية رايك سيادة الوزير شغلنا معاك وكل يوم اطلع ليك كشف زى ده وننشرو فى الجرايد لزوم تخدير المواطنين الوهم ديل
انا داير اعرف انتو منو …. وادارتكم دي منو الفيها والما فيها … عشان يكون فى ثقة… والواحد يشعر انو ما بيتعامل مع كائنات وهمية من خارج كوكب الارض.