ومتى يُصلِّي جيشنا الفجر في حلايب؟!! ..يونس محمود " أيها الشعب السوداني البطل " : ّاذا تم إطلاق يد القوات المسلحة فلن توقفها حدود "56" إن هي تحركت.
صلاح الدين عووضة
ـ هل تذكرون الضابط ذاك الذي كان يصيح صباحاً ـ مع صياح الديكة ـ مستهلاً برنامجه الإذاعي بعبارة (أيها الشعب السوداني البطل)؟!..
ـ إنه يونس محمود الذي لم يكن معروفاً قبل إنقلاب الإنقاذ كحال الكثيرين من زملائه..
ـ ثم بعد الثلاثين من يونيو فرض هؤلاء ـ ومعهم يونس ـ أنفسهم فرضاً على (الشعب السوداني البطل) حتى أضحى (الشعب السوداني الفضل)..
ـ فرضوا أنفسهم سياسياً واقتصادياً وإعلامياً وثقافياً وغنائياً..
ـ ولأن من أوجه الفرض هذه ما لا يمكن أن يتم بالقوة فقد فشلت الإنقاذ في جعل الناس يتذوقون أناشيد قيقم وشنان وبخيت بـ(العافية)..
ـ وفشلت كذلك في فرض مثقفيها وأدبائها على (الشعب السوداني البطل)..
ـ وحين نصف صاحب العبارة هذه بأنه كان يصيح فليس هذا من باب الاساءة لشخصه بما أن معيننا اللغوي يخلو من كلمة أخرى تصلح نعتاً للحديث بصوت عالٍ ذي صخب ..
ـ ولازلت أذكر كيف أن البعض ـ في ذياك الزمان الإنقاذي الباكر
ـ كانوا يسارعون إلى تخفيض صوت المذياع فور سماعهم لعبارة: (أيها الشعب…)..
ـ وبما أن كاتب هذه السطور هو فرد من هذا الشعب (البطل) فمن حقه أن يطالب بالحرص على هذه (البطولة) سيما إزاء الذي (وصانا عليه جدودنا زمان)..
ـ فقد ظهر يونس محمود هذا ـ بعد طول اختفاء ـ ليقول بالأمس (إنه يحثُّ السياسيين على إطلاق يد القوات المسلحة) وذلك على خلفية أحداث أبيي الأخيرة..
ـ ويضيف محمود قائلاً: (إن القوات المسلحة ـ في الحالة هذه ـ لن توقفها حدود "56" إن هي تحركت)..
ـ ثم لا ينسى أن يذكّر الحركة الشعبية بـ(قوة وبأس الجيش السوداني)..
ـ وهذا كله كلام جميل..
ـ ولكن نحن (الشعب السوداني البطل) لن يكتمل إحساسنا بـ(البطولة) إلا برؤية تراب الوطن كله مطهراً من (أحذية الأجنبي)..
ـ فالحركة الشعبية مهما فعلت تبقى جزءاً من نسيج المكوِّن السوداني الإجتماعي أو فلنقل
ـ على ضوء الانفصال ـ: (كانت)..
ـ ولكن يونس (الضابط) لن تخفى عليه ـ بالتأكيد
ـ حقيقة أن هنالك أجزاء من أرض الوطن تستحق نصيباً من (قوة وبأس الجيش السوداني).. ـ فالذين يطَؤون هذه الأجزاء بـ(أحذيتهم) ليسوا جزءاً من النسيج المذكور للمكوِّن السوداني وما (كانوا)..
ـ والذين (يمسكون بيد القوات المسلحة)
ـ من السياسيين ـ يحتاجون إلى (حثِّ) كذلك من تلقاء يونس محمود لإطلاق اليد هذه تجاه حلايب وشلاتين والفشقة ..
ـ فالحكومة الديمقراطية الأولى (شدَّت) على يد قواتنا المسلحة
ـ ولم (تشدَّها) ـ وهي تتأهب للإنطلاق صوب حلايب في فبراير من العام (1958م) حين أمر عبد الناصر قواته باحتلالها..
ـ ثم عبد الناصر نفسه هو الذي أمر بعد ذلك قواته هذه بالانسحاب منها خشية وقوع مواجهة مع الجيش السوداني..
ـ فقواتنا المسلحة ـ إذاً ـ تبدو حريصةً دوماً على الذود عن تراب الوطن متى ما كان النظام السياسي القائم (يشدُّ على يدها) لا أن (يشدَّها من يدها)..
ـ والأنظمة الديمقراطية في السودان
ـ رغم وصمها بالضعف من قِبَلِ الأنظمة العسكرية
ـ تبدو أكثر حرصاً على السيادة الوطنية بدليل ما فعلت الحكومة الحزبية الأولى..
ـ وبدليل ـ كذلك ـ عدم تجرُّؤ ايٍّ من الجيران على (خمش) جزء من تراب الوطن طوال الحقب التي تكون فيها الأنظمة الديمقراطية هذه هي المهيمنة على مقاليد الأمور..
ـ ولكن حلايب (إتخمشت) الآن ومعها شلاتين وأبو رماد..
ـ وكذلك الفشقة الكبرى ومعها الصغرى..
ـ ثم مثلث أليمي..
ـ و(الشعب السوداني البطل)
ـ والذي جيشه جزء منه
ـ يريد أن يكون بطلاً (على طول)..
ـ وإذ تنطلق أصوات الآن، متزامنة مع صوت يونس محمود، تفاخر بأن جيشنا قد صلى المغرب في أبيي فإننا نتحسر ألا تكون صلاة العصر التي تسبقها في الفشقة..
ـ وصلاة العشاء التي تعقبها في شلاتين..
ـ وصلاة الفجر التي تليها في حلايب .
أجراس الحرية
تحياتي ..
سعاتك .. يونس دا الجلدو في السعوديه بحد القذف ؟
هذا طبع الإنقاذ منذ فجرها الأول فعلها عكس قولها ( تعاين في الفيل وتطعن ضلو ) يتكلموا عن الفضيلة ويمارسوا الرذيلة ، الطهر والعفة فيسرقون وينبشون الأعراض ، يتكلمون عن أرض نالها أهلها بظلمهم لهم وينسون أرضاً إغتصبت جهاراً نهاراً ..
يا أيها المتطرفون نحن في عهد أشبه بعام الرمادة من ظلمكم وسيطرتكم على المال وسياستكم الرعناء فبدل الكلام عن الشريعة فكروا كيف تحاربوا الفقر الذي أنتم سببه وهو رأس البلاء فمن جاع سرق وزنا وقتل وفعل كل الموبقات …
بالحيل يا أخ عووضه بنتذكره ….بس عندى ليك سعال واحد لو بتقدر توصله ليهوا….قول ليهو ليك غيبه طويله ونرجوا فى تلك الغيبه لو قدرت ترد جزء من إعتبارك وحاجات تانيه حاميانى من الأستخبارات السعوديه.
ولله ما كنا عارفين …. بس ضحكتنا من الصباح:D يا قسوره شكرا لك و تحياتي
اولا اللواء يونس محمود هو في سخصه بطل من ابطال هذا الوطن العزيز وعبارته ايها الشعب السودان البطل كانت تجعل كل سوداني حر عزيز ينتعش نشوةو كبرياء وفخر بهذا الوطن و يونس محمود هو سليل الذين قال فيهم العدو اشجع من فيالارض ( تشرشل)
فالبداية ابيي ولن نترك حلايب و لا اي شبر وسوف ترون
سوف نغيظ الاعداء ونفرح الاصدقاء
سأل القسورة : (سعاتك .. يونس دا الجلدو في السعوديه بحد القذف ؟ )
و نسأل : هو بالله جلدواه في حد القذف ؟ كم جلدة ؟ ياخ ده كان بيقول جنس كلام ما بيقولو إلا زول ما عندو حديدة … دا كان فاتية عديل …
الله ينصرك دينك كلام يفتح النفس وااااااااااااااااااصل
الله لطيف باهل السودان الصابرين
هل تعرف لماذا سمى المصران الاعور بالأعور …. ;( ;( ;( أنظر الى الصورة كاملة ;( ;( ;(
اظنك نسيت القوات الاجنبية بمختلف الوانها وقبعاتها التى تحتل وتجوب بلادى بدءا من شارع الستين والى غرب السودان ومناظق فرض حظر الطيران اليس كل هذا انتقاص صارخ لسيادة بلادى ؟
O NO I DO NOT WANT TO HEAR HIM AGAIN
THE SOUTH NOW IS A SEPARATE STATE AND WILL BE ARMED BY THE BEST ARM DEALERS IN THE WORLD
يعني اذا لم يتحرك الجيش ليسترد حلاييب او الفشقة , هذا يعني ان تترك الحركة الشعبية تقتل من افراد الجيش ما تشاء و تفعل ما تشاء؟….لا تجعلوا كرهكم للمؤتمر الوطني ان يعميكم عن المنطق
قام الرائد يونس بالاستيلاء على مبلغ كبير من المال كان بحوزته من
اجل بناء مسجد. وتم ايقاف حديثه بعد اكتشاف الفضيحة.
يا محمد حامد
فالبداية ابيي ولن نترك حلايب و لا اي شبر وسوف ترون
سوف نغيظ الاعداء ونفرح الاصدقاء
والله انتو بتغيظوا الشعب السودانى الفضل
مش ياهو جيشك الوزير دفاعه ابو ريالة ده والا غيره ؟
آل حلايب آل ,, قوم بول انت وديك الصياح بتاعك ده
:crazy: :crazy: :crazy:
ياقاسم خالد .. دا جلدو جنس جلد ، وازيدك من الشعر بيت (وصورو في فلم من الافلام اياهم بواسطه مخابرات اولاد النيل بتاعين حلايب بتعرفهم ! )
يا يونس نحنا بنفتخر بى جيشنا ما فى شك فى ذلك و نشيله فق راسنا و نقتطع من قوتنا عشان نسلحه و نخليه جيش مهاب من الجيران و الاعداء و يخليهم يفكروا مليون مرة قبل ما يعتدوا على اى شبر من ارضنا!!! و لا يتدخل فى السياسة الداخلية و يمنع المواطنين من حقوقهم فى الحرية و الديموقراطية و اختيار من يحكمهم فى جميع المستويات من خلال صندوق الانتخابات و ليس صندوق الذخيرة!!! و كمان ما يكون عنده خيار و فقوس فى تحرير اراضينا المحتلة!!!!
في تقديري أنّ هذا المقال ( كلمة حق أريد بها باطل ) أنت لا تريد تحرير هذه المناطق بقدر ما تريد أن تشغل الجيش عن معركة حقيقية آن أوانها ولا تحتمل التأجيل وتريد أن تصلي الصبح قبل مغرب اليوم السابق . خلينا في المغرب الله يخليك فلكل فرض أذانه .
النبي فوقك يا كارلوس .. ماذاا حصل للرائد يونس بالسعوديه؟؟؟؟؟
ياااا محمد حامد جر طاقيتك من قدام عيونك وشوف كويس ياخ ,وبطل تغش علي نفسك لمن تلقي روحك في سقط لقط وبكره بعملو ليكم جمعون وبقولو ليكم امشو الجهاد انشاالله نلقي اسمك مع الشهدا كان بتمشي وما يكون جهادك هنا بس
ماذا قدمت الانقاذ للشعب السودانى غير الجوع والارهاب والضياع فشل فى التعليم فشل فى الصحة بالامس فى حوادث الاطفال كل الادوية بالقروش وتتكرر عبارة خلصة والله , فشل فى رخاء السوق اذ وصل دستة البرتقال 17 الف وعندما قلت للفكهانى خليتها قال لى انا عارف ما بشتريهو الا حرامى اللحمة ناااار وبتبرعوا للمصرى الكلب بالاف الرووس من البهايم … ماذا نستفيد من من التصدير وماهو وجة الخدمات التى عادت لنا من العملة الصعبة من التصدير .. لماذا لا يعطوا مزارع الجزيرة الفقيرة حقة فى الاراضى المملوكة لة ومن الذى قدر سعر الفدان بحفة قروش لمدة 44 عام .. لان سكان الجزيرة مسالمين مقهورين .. ماهو الفرق بين مواطنين المناصير والجزيرة لان الاول قاوم القرارات فقدمت لة الترضيات .. الله المستعان .. الله المستعان … ودعوت المظلوم لا ترد .. ملحوظة ( توجد فى السودان طبقات ولا يوجد سلم اجتماعى بينهما ) على الهامش : (والله لو عثرت دابة بالعراق لكنت مسئول عنها ):crazy: :crazy: :crazy: (؟) (؟) :confused: :confused: :eek:
ما قلت إلا الحق ولكن من أين ظهر يونس الذي أشبع العلم ورؤساسه سبابا وشتما وأرجو أن يكون قد فاق مما فعله به السعوديون , وهل هو واع بما يقول ؟؟والله لو أي دولة دخلت الخرطوم بجيوشها لا يستطيع جيشنا الذي أهته الإنقاذ وصفته وشردته وأفرغته من محتوابه على مجابهة سرية جيش أجني وهذه فرفرة مذبوح
هو لسع عايش يونس دا . وين مختفي الزمن دا كله.وبعدين ايش المشكله لو اتنازلن عن منطقة ابيي نحن اتنازلن 600الف كم مربع ايش منطقة ابيي غنيه والله فقيره طال مابدات التنازل عن شبر من الارض لازم تكمل المشوار الي النهايه عشان السلم . والله حتي دارفور لو انفصلت يكون احسن . نحن عاوزين نكون دوله بمساحة قطر وهي الان من اغني الدول يمكن نظم كاس العالم 1934
اولا الزول كرهنا الغداء كنا نحضر عالم الرياضة وبعدها تجى اخبار تلاتة قبل ما يشقلبوا الزمن وحال البلد ختت الغداء كده يجى ناطى يخلى خشمنا مل ملح جنس كضب التقول هزمنا النيتو
فانا بما انى احد افراد هذا الشعب البطل اطالب بحقى من هذا الرجل الذي اقلق حياتنا ونطالب بمحاكمته بتهمة الازعاج العام واثارة الفتنة
استاذنا عووضة لو تدرى واعلم انك تدرى بان حلايب باعوهافداء لارواحهم ولن يتوانى في بيع اى شى يبقيهم على قيد الحياة
بئس الحاكم انت ياعمر
فتباً لك ولبطانتك الفاسدة
معاً لاسقاط النظام الفاسد
بس هذا الفاسق العاهر بعد ماكسروا عينه في إحد الدول التي تطاول عليها في بدايات عهد ثورة الدمار والخراب إنزوى في احد اركان عاهرات الجبهة يتجرع مرارةالاسى والالم في مصابه الجلل بسبب وقاحته وتطاوله على الآخرين وأساءة إستخدام نصوص القرآن الكريم في تجريح وإساءة وسب الآخرين القرآن الذي جاء هدى ورحمة للناس
وأظنه بظهوره مرة اخرى إشتاق لإخراج فلم آخر في احراش أبي يي
ياجماعة الرائد يونس انسان يهوي جمع الاراضي وفي مدينة حلا يقوم بتسجيل عدد من الاراضي باسمه ولهذا الشخص الان عدد من الاراضي في كل مدن السودان وانا بعيني شاهدته يسجل في قطعة ارض وعرفت انه من الجهابذة في جمع الارضي الفاخرة من الحكومة وبرسوم تسجيل فقط وفي اي خطة سكنية للرائد قطعة او قطعتين وممكن نسميه بدل ديك الانقاذ يونس اراضي.
اعتقد انك لم توفق في المقارنة والتحريض المبطن بالسخرية!! رغم خلافنا مع الانقاذ فالجيش لم يوقع الاتفاقية وكان وسيظل صمام الوحدة التي فرطت فيها الانقاذ بثمن لا نعلمه! ساندتها في ذلك الحركة العنصرية!! واحد اسباب قعود الجيش عن الحدود والدفاع عنها هو فتيل الداخل الذي تمعن الحركة في اشعاله. وليس تقاعس منهم !1فليس الجيش كله يونس ويونس ليس قوات دفاع السودان لو تمطر فيها النصف!!اي صار مؤتمر وطني!!! فليس هناك من داعي لااستخفاف بتحركات الجيش لايقاف الاستهتار المتطاول لجيش الحركة العنصري المرتمي في احضان ماما ارمريكا!!! فدون ذلك انت وانا لسنا في حل من الحركة العنصرية ورغبتها في الانتقام وتدمير البلد لتقوم دولتها علي انقاض كوش!!! وقد اصبحوا دولة اخري دقت طبولنا مهما غويت فهي من غزيتنا ان غوت غوينا وجهلنا اكثر من جها الجاهلينا!!! وكان الاجدر بك لوم الحركة التي كلما تقدمنا خطوة في مطالنا بالحرية والعدالة اعطت الحكومة زريعة للتنصل والعودة بنا الي المربع الاول مربع دقت طبول الحرب! لاصوت عليها يعلو!! واظن اليانكي ايضا يسندونا منساة الانقاذ لبلوغ غايتها بالفصل الكامل للجنوب في ربيع الثورات العربية!!!!
ياخوان خلو كلام الطلاسم دي
الزول ده سووا ليهو شنو في السعودية؟؟
يا من تسمي نفسك ساجد , لابد انّك ساجد لاهوائك المريضة .
اليست حلايب جزء عزيز من الوطن ومحتلة من 1995 , بينما يتبرع رئيس هذه الحكومة ب5الاف من الماشية للمحتل الذي قتل الجنود والمواطنين السودانيين دون حتي ان يقدم اعتذار , وفي نفس الوقت يعاني كثير من اهل السودان من المجاعة .. بل ان ربع سكان السودان تتم تغذيتهم عبر المنظمات الدولية الكافرة .. ورئيسك يرقص ..
اليس المصريون هم من استرقوا عرب السودان وقتلوهم علي الخوازيق .. اتعرف ماهو الخازوق ام انّك تريد ان يدخل فيك احداها .. انسيت ماذا فعل المصريون في الجعليين بعد موت المك نمر والمك مساعد .. الم يقتلوكم في مجازر , الم يرسلوا 7الف جعلي ليكونوا عمال سخرة في مصر ..
اسئل لنفسك الشفاء ..
مقال جميل .. مليئ بالوطنية .. السودانيون يحتاجون لمثل هذه المقالات .
:cool: :confused: :confused: :confused: :confused: :D :D :D (؟) :lool: :lool: :lool: :lool: :o
نفتخر بجيشنا السوداني حينما يوجه بنادقه للأعداء الخارجيين ولا يتفرعن على مواطني البلد المساكين
التحية لك الاخ صلاح عووضة فقد وفقت تماما فى المقارنة ان هؤلاء النعاج فى جيش المؤتمر الواطى وليس جيش السودان القومى كما نعرفه كلنا والزى تم تدميره وبعثرته تماما من قبل وسخ الانقاّذ ان عملاء المؤتمر الواطى المندسين والمنبتين داخل القوات المسلحة وهم من يسيطر عليها تماما علاقتهم مع الكاكى علاقة وجاهة فقط ود فلان عميد وودعم فلان لواء وخال فلان مشير وكلهم مثل النعاج والحملان الوديعة يعتزرون ساعة الحارة بالمرض والظروف العائلية والدراسية عن الزهاب لمناطق العمليات لأنهم ليس برجال فهم فقط مجرد نعاج حين تراهم وتنظرهم وهم يتباهون بالرتب الرفيعة والعلامات الحمراء والنياشين تعتقد انهم الجنود الزين خاضوا معركة بيرل هاربر ودمروا الاساطيل الامريكية لكن فى الحقيقة انهم مجرد نعاج يفرون ساعة الحارة مثل الفئران المزعورة ووين كان هؤلاء عندما قصفت اسرائيل شرق السودان عدة مرات وانتهكت السيادة السودانية وقتلت المواطن السودانى داخل بلاده اين كان هؤلاء الجبناء ومعهم يونس محمود انهم مثل بشيرهم اول الهاربين ساعة قصف مصنع الشفاء انهم مجرد عنقالة متوهمين تسمعهم تظنهم هم من سوف يحررون القدس وفلسطين وهم ما بقادرين على تحرير حلايب ولا نامت اعينكم ايها الجبناء السفلة
عين الحقيقة ، من أراد أن يحرر أراضي السودان فليحرر حلايب أولاً ثم الفشقة ، ولا نسيتوا إنها أراضي سودانية .
ثم لماذا التباكي وشن الحرب علي أبيي وهي مازالت داخل حدود السودان الشمالي ولم تغتصب من الجنوب ، والتساهل في حلايب والدهنسة في جعلها منطقة تكامل ، أليست أبيي هي أولي بذلك وهم عشيرتنا .
لاحول ولا قوه يونس ده تانى رجع
اعوز بالله كان يتحدث باسواء الحديث عليه لعنة الله
اساء للسودان واهل السودان وازاق المغتربين الامرين اعوز بالله
جيش السودان برئ من امثالك سياتي يوم ويتم تطهيرة منكم يا ……انا احترم هذا المنبر
.. وهناك بلدة اسمها (ابورماد) برضو محتلة ؟؟؟
سجم البلد و(رماد) القائمين على أمرها !!!!!!
ماهذا ايها الخائرون ، عندما صار الأمر (ابيي) خرج الموتورون من جحورهم « ينعقون » ؟؟؟
Two weeks ago Ali Karti declared the problem of Halayeb has been solved and the Government decided with the Egyptians to be considered as integrated area. what the situation would be if a frontier Egyptians city was occupied by Sudan , would they accept to cede a part of their land to be out of their control to the Sudan in pretext of bilateral interest.
جميل جدا يا عووضه واحييك يا اخي عثمان عمر بس لقايد هنا والايام توكد كلامك دة والبلد دي حتنحرق حتنحرق وكلنا نسمع او نري حاجه اسمها هنا كانت جمهورية السودان في ظل تعنت ابوجهل وفرعون وهامان واعوانهم لكم منا لقاء حب الكلاش عندها تعرفو الرجال من الجبناء تختارو الناس في الكلية الحربية علي حسب النعومة والحنكشة بعد نشيف دور الحناكيش………..انحنا الغبش عملنا لينا كلية حربية برانا للدفاع عن شرف بلدنا المغتصب من الجهلا في عصر العولمة….ا
كلما تذكرون اسم ارض يتسارع تجار الارض اليها لعلهم يخرجون بمليارات منها الاراضي التي ذكرتها الان يتم وضعها مكسب جديد لمليارات جديد تدخل في حساب الحرامية انهم يستهينون بعقلية الشعب السوداني سوف تاتي لحظة وهي ان يفوق الشعب السوداني من سباته الطويل ولحتها لن يعترف باي شئ تم دون علمه وكل مابني علي باطل فهو باطل منترين ان يفوق الشعب السوداني البطل من سباته
أتذكرون الأمير يونس ود الدكيم في عهد الخليفة عبد الله التعايشي عندما أراد الخليفة تكريمه فأرسل لملكة بريطانيا (الإمبراطورية التي لا تغيب عنها الشمس) وقال لها أسلمي تسلمي فإن أسلمتي زوجناك الأمير يونس ود محمود أقصد ود الدكيم إن هو قبل بهذا .
وده الجاب الهوا للسودان وجاب كتشنر وأدبونا أدب شديد
فدحين يونس ود محمود جاب لينا وللمغتربين الهوا زمان ، أخرسه الله القادر علي كل شيئ
:mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad:
الخليفة عبد الله التعايشي مع الامير يونس ود الدكيم يجلسان في مجلس الخليفة يتسامران ويقزقزان فول مدمس وتسالي ..
الامير: اتا يا ابوي الخليفة دحين ملكة الخواجات الكفار ديل معرسة ولا عزبة..؟
الخليفة : والله يا ود دكيم ماني خابرها لكن !!؟ عندك فوقها راي ولا شنو؟
الامير: والله بيني وبينك يا ابوي الخليفة كان عزبة حرم باخدها..
الخليفة : يازول خير بجيب ليك خبرها تب …بس اصبر لي اتا ..
الخليفة ينادي علي كبير الكتبة في دار الخلافة في بيت المال ..
الكاتب : ايوا يا ابوي الخليفة بتدورني انا ؟
الخليفة ايوا بالحيل .. دوايتك وورقك جاهزات ..؟
الكاتب : بالحيل ابوي الخليفة بدور ترسلك مرسول ؟
الخليفة ايوا يا جنا .. امسك اكتب …
من الخليفة عبد الله التعايشي خليفة المهدي الي فيكتوريا ملكة بريطانيا ..سلمي تسلمي .. ونعرض عليك الدخول في الاسلام فان قبلت وامنت ودخلت في دين الله .. وحسن اسلامك زوجناك الامير يونس ود الدكيم ان هو قبل بهذا .. والسلام علي من اتبع الهدي .
وهكذا ارسلت الرسالة الي ملكة انجلترا اعظم امبراطورية في ذلك التاريخ ..
ينتقل المسرح الى لندن عاصمة الامبراطورية التي لا تغيب عنها الشمس
حاجب الملكة يدخل عليها حاملا خطابا في يده
مولاتي هذه رسالة وصلت بالدي اتش ال من حتة اسمها السودان
الملكة تفتح الرسالة وتقرأها وهي جالسة علي كرسي العرش ..
وفجأة ……..
تتغير ملامح وجه الملكة .. فترفع حاجبا وتسقط الآخر
ثم تنتصب واقفة
تضع يدها اليسري في وسطها وتفزر اليد اليمني الي الوراء
وتقول با ستغراب بادي على جبينها :
اجي يا بُري!!؟
سجمي يا كتشنر ما يكون الدرويش دا جادي ؟؟
بعدين انا بايرة ولا بايرة !!؟
هو زاتو القال ليهو انا عزبة منو..؟
سجمك يا فكتوريا يا الامك ما شافت جديدك بقيتي لبانة في خشم اليسوي والمايسوي ؟
مييييش اييييش جنس دروشة لكن !!
يا شنري ( اسم الدلع بتاع كتشنر )
انت قاعد تسوي في شنو ..
امشي ادب اهل العوض الما بخجلوا ديل ..
قال كان قبل كمان
نهاية تراجيدية ……..
ومنذ ذلك التاريخ لم يهدأ لكتشنر بال الا بعد ان حسم امر المهدية في ام دبيكرات .
وهذا ما سيفعله يونس محمود بالسودان فالتاريخ يعيد نفسه.
الاسا تذة عووضة حفظك الله .كفيت القول ووفيت النصح .رجال الانقاذ اسماءهم جميلة وافعالهم قبيحه.علي الرائد المهوس ان يترك السودان لاهله .ونتمني ان يقول صادقا ما قاله سيدنا يونس ؟أأأأأأأأأعفوا هو انقاذي.
الاخ عوضة اقرع الواقفات الجفلن خلهن
تعليق على تعليق Mohanad
والله يا مهند رائع وعندك موهبة كتابة سيناريو عديل وضحكتني اضحك الله سنك
وكمان مع كدا بتاع مطاعنات في الاخير اديتهم طعنة
هذا الشخص من الذين اصلوا {من تأصيل } لأدب الإساءة والتجريح ولم يسلم منهم حتى قادة وزعماء الدول { إساءته للملك فهد عليه رحمة الله ونعته له بفهد ابو عين } ايام حرب الخليج الاولى ،وعلى شاكلته كان أمثال حسين خوجلى وغيرهم كثير ،واظنكم تعرفون انه ممنوع من دخول السعودية .
أمثال هذا اليونس وغيره آخر من يتكلمون عن الوطن والكرامة والدفاع عن الارض والعرض .
الغريبة برنامجو كان اسمو الحديث السياسى علي ما اذكر…… كان كلو فليت
الله يديك العافية يا عووضه – توضيح فترة مرت كان فيها جيل عمره 5 سنوات وأقل واليوم رجال – ده تنوير ليهم عشان يعرفوا يونس ده كان شنو – سرد التاريخ كل مرة فيه فايده كبيره وتذكير للصغار الكبروا وما حضروه – لك الشكر أخي.
شكلو من جماعة دف الدلوكه فى الظار اصلهم كلهم دلاليك
بوق الانقاذى الرائد يونس صاحب الحديث السياسى مع أول كل صباح لم نسمع له أثرا من فترة طويلة هل أقصية بعد التمكين أم رقية الى رتبة أعلى لكن الرجل أختفى بعد محاولة قتل حسنى مبارك مفروض الرائد يونس يقطعو لسانو زى الشاعر اليمنى عشان يخرس ..
لاذال نتذكر حديث الصباح المفتتح بفرعون مصر وأل سعود اليهود بذلك الرجل حرم نفسه من الذهاب لمصر والاراضى السعودية المقدسة حتى لو ناوى عمرة أو حج ضعيف ولسانو طويل تعال شوف العايشبن من خيرات أل سعود الان عشرات الملاين من البشر من كل بقاع الارض دونما حجر وظيفة على أحد من العالمين والحق يقال بارك الله فيهم فى إيواء كل هذا البشر من جميع أنحاء العالم وبأحترام .. الرجل يطلع لسانو ينافق بها ويكذب حتى يكتب عند الله كذابا
ثم يحشر مع زمرة المنافقين ويكون فى الدرك الاسفل من النار والياذ بالله .
:confused: :D ,والله الزول بقي محتار شديد !!!!!!
يا جماعة القضية قضية وطـــــــــــن
ما قضية حزب اوقبيلة
ممكن نختلف مع الانقاذ بس لمن تكون القضية وطن نحن والانقاذ في خندق وااااااااااااااااااحد
الوطن ما مربوووووووط بالانقاذ يا سادة ولا داعي للفجور في الخصومة
الوطــــــن محتاج للجميع احبتي ,,,,,,,
فلنخلع ثوب الحزب والقبيلة ليظهر ثوب الوطن
تصور كيف يكون الحال لو ما كنت سوداني واهل الحارة ما اهلي………………….
.
يا وطن عز الشدائد……
يا وطن عند الشدائد
تزكرت قصة مدافع فى فريق انجلترا كلفه المدرب بمراقبة بيليه الساحر البرازيلى وتم جلب شرايط توضح حركات بيليه فى مباريات سابقة ويوم اللقاء احرز بيليه ثلاث اهداف وحينما سئل المدافع عن سبب اخفاقه قال كل الحركات التى فعلها اليوم لا توجد فى الشرايط0 وكاتب المقال والمعلقين لهم فقط حق الاستمتاع بالدهشه لان الذى نفعله لا ارشيف له او شرايط وقبل الانقاذ من كان يعرف نافع او غاذى واخرون لا يعرفهم احد