لجنة أطباء السودان : بيان رفع الاضراب
بسم الله الرحمن الرحيم
نصر من الله وفتح قريب
بيان رفع الاضراب
شرفاء الأطباء على امتداد الوطن الحبيب :تحية الصمود والنضال
التحية والتجلة لكم وانتم تثبتون للجميع مدى وعيكم ونضجكم النقابى وتمسككم بحقوقكم , والتحية لكم وانتم تلقمون من راهن على ضعفكم وهوانكم ألف حجر من نار.
التحية لكم وانتم تنفذون الاضراب الثانى بنجاح اعترفت به الوزارة قبل ان نعلن نسبته نحن فى لجنة أطباء السودان. التحية لكل الاطباء الشرفاء وتحية خاصه لأطباء الامتياز الذين ضربوا أروع الامثال فى الانحياز لقضايا المهنة والزمالة لم تهزهم حملات الارهاب والتخزيل فكانوا خط دفاع الاضراب الاول التحية لهم وهم يطمئنونا أن مستقبل المهنة بخير.
شرفاء الأطباء: لقد اكدت لجنتكم غير مره اننا لسنا غواة إضراب إنما دفعنا له من باب الحرص على مستقبل مهنة بدأت نزف خيرة أبناءها حتى تسرب منها فى بحر عام 5000طبيب , سلكنا كل السبل ولم يسمعنا أحد, خاطبنا الجميع ولم يقرأ عرض حالنا أحد, إعتصمنا فلم يلتفت لنا مسئول, فكان خيار المواجهه أو الرحيل المر عن هذا البلد فإخترنا المواجهه من أجل المريض والطبيب على السواء.
نؤكد حرصنا على الحل وماتزال أيدينا ممدوده أن أريد لهذه الازمة أن تحل, ولا نقول كما قالت الوزارة اننا قفلنا باب الحوار ولكنا نقول اننا فتحناه على مصراعيه , فإن جاء حل اياً كان مصدره يحفظ للطبيب حقه ومستحقه وهو مانرجوه ونسعى الية مسكنا , وان كان التسويف والمماطلة والوعود السراب فكل الخيارات متاحة.
شرفاء الأطباء : تؤكد اللجنه أن المساس بأطباء الامتياز يعيد ويعقد الأزمة ويعرقل أي مسعى للحل ولن يقف أطباء السودان حياله مكتوفى الأيدي.
على سوح النضال المطلبي نلتقى
دام نضال الأطباء
لجنة أطباء السودان
أين ما يشير الى رفع الإضراب في البيان أعلاه ؟؟؟؟؟؟؟؟؟؟؟؟؟؟؟؟؟؟؟؟
ياسبحان الله والله كنت مؤيد القضيه وبشده لمن بعد ما شفت الاطباء فى المغرب بضربو عشان مجانيه العلاج وتأهبل المستشفيات ولم بتتطرقو للرواتب شعرت بالخجل والعار عار عليكم يا اطباء السودان اين المستشفيات التى تتظاهرون من اجل رفع رواتبككم عليها …اعتصمو من اجل المواطن عشان المواطن يدعمكم بقوه
الاخ البستنكر على اطباء السودان المطالبه بابسط الحقوق انت ما بتخجل يعالجو ويساهرو ويضحو ويقعدوا بالمرض والجوع مثلا..انت السبب الشاتك برا السودان مش برضو تحسين اوضاعك اى كان نوعا
الاطباء من حقهم تحسين وتطوير اوضاعهم
يا زول المغرب أكيد كلامك ده قايلو تحت تأثير التكييف البارد وجو البحر الابيض المتوسط الخلاب لكن لو كنتا ركزتا زي الرجال الركزوا وقعدوا في الصلايه دي وتابعت الموضوع عن قرب كان عرفتا انو اول مطالب الاطباء في الاضراب الاول هو تحسين بيئة العمل وأكيد ما سمعتا بي قصة المواطن الاتوفي في الحمام لانو ما فيهو نور وانزلق وقع اما تعلق وانتا متابع يا تركز في البلطي بتاع البحر الابيض احسن ليك:mad: :mad: :mad:
مالو بيانكم هزيل كده ؟
ولا اطباء الزمن ده بتواصلوا بالفيس بوك ومافى داعى للبيانات القوية الزمان ديك حليل ناس الجزولى دفع الله .
عارفين نقابتنا كان فيها منو زمان الجزولى دفع الله ابو صالح ومجذوب الخليفة واظنكم عارفين وصلو وين .
انا عارف تماما اين اتحادكم الان وفى اى خندق هو الان لكن………….
الا يلزمكم حزم وعزم اكبر وسؤال لم اضربتوا وما هى نتائج اضرابكم ولم عدتوا؟ وماذا بعد ؟
كده لن تصلوا لحل وسيمل صغار الاطباء هذه اللعبة وينفرط العقد . احسموا امركم .